اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأحد، 14 فبراير 2010

انظر بقلبك



عندما تشعر بأن الكون ثابت من حولك لا يتغير ......عندما تشعر ان الاشخاص كما هى لا تتغير .....وعندما ترى ظواهر الاشياء فقط

فانت اذا تحتاج الى لحظة تأمل

فالتأمل هو مصدر الطاقة الروحية ......وانعاش العقل...... وراحة القلب .....والاحساس بالسكينة والهدوء

فعندما تتأمل الاشياء من حولك يمكنك ان تشعر بأن الجماد يخاطبك... وان الحيوان يرسل لك رسالة عبر عينيه... وأن الورد يداعب خدودك ......وان الكون من حولك يتغير كل يوم عما قبله

قال الفيسلوف هنرى دافيد (ما اتفه ان يجلس ليكتب من لم يقف ليعيش )

كم من المرات خاض احدنا التجارب وعاش فيها ولم يستفد منها شيئا وذلك لانه لم يتوقف عندها ليتأمل تفاصيلها واسبابها ويحدد مدى الاستفادة من هذه التجارب

احيانا كثيرة يحكم البعض منا على ظواهر الاشياء ولا يحاول ان يتامل ويتعمق ليصل الى باطنها

كم مرة حكمت على شخص بأنه سىء وانك سوف تبعد عنه ثم اكتشفت بعد ذلك انه عكس ما اعتقدت تماما وكم من مرة حدث العكس واغراك مظهر انسان واعتقدت ان هذا هو من يجب عليك صحبته لرفعة اخلاقه ثم ندمت على اليوم الذى عرفته فيه

لا تحكم على الاشياء او الاشخاص بظواهرها ولكن عليك ان تصل الى جوهرها الحقيقى

(ان الاصداف تحمل بداخلها اللآلىء فمن ينظر الى الصدفة وكأنها شيئا صلب بلا قيمة فلن يستطيع ان يصل الى اللؤلؤة التى تستقر بداخلها )


فكلنا مع زحمة الحياة وعمليتها وروتينها الممل وحركتها السريعة فقدنا احساسنا بالحياة واصبحنا نحلم بدقيقة نستريح فيها من هذه الضغوط ونريح فيها اعصابنا لكى نشعر بالهدوء الذى بدأنا نفقده تدريجيا

كم مرة جلست ورفعت عيناك الى السماء لتنظر ما اروعها وكيف رفعت بغير عمد .....كم مرة نظرت الى حيوان وتأملت تحركاته ...كم مرة نظرت الى الطيور وتمنيت لو انك تطير مثلها ....كم مرة نظرت الى نملة ورأيت كم هى نشيطة مخلصة فى عملها وتمنيت ان تكون فى مثل نشاطها

اذا لم تفعل ذلك فانك تحتاج اذا الى لحظة تأمل
لذلك فعليك ان تسترخى تماما ثم تأخد نفس عميق (مش النفس اللى فى دماغكم طبعا D:)
وتتأمل كل شىء حولك .......وعندما تجد ما يحيرك ضع علامة استفهام ؟؟؟.......ثم تعمق فى التفكير فى هذه الالغاز التى كونتها بنفسك ........وان لم تجد تفسيرا فاسئل واستفسر عن هذا .........وان لم تجد الحل فى اى من الكتب فاعلم ان للخالق اشياء مازالت تحير المخلوق .

فهى دعوة صغيرة الى التأمل

تحياتى

ايمى

هناك 54 تعليقًا:

أمل حمدي يقول...

ازيك يا إيمي

أنت كمان وحشتيني حبيبتي

فينك من زمان

ربنا معاكِ يارب

البوست هايل

ربنا يصلح حالك يا رب

متغيبيش عني تاني

قلم رصاص يقول...

دعوة للتأمل

والله عندك حق
احنا محتاجين دا جدا خصوصا الفترة اللي بنعيشها دلوقتي .. سرعة الحياه وعقدها وزحمتها اخدوا الواحد من حاجات كتيره حلوة كان بيحس بيها وبيعيشها

عندك انا مثلا .. الحمدلله ربنا انعم علي بكام موهبه بسيطة بس كنت بحس نفسي بيهم وكأني مثلا نابليون ولا هركل العظيم او اي حد قوي كده وليه لازمة في الحياه لمجرد اني عندي المواهب دي

وهي الرسم على سبيل المثال
انا بحبه جداااااااا وكنت برسم من الطفوله كل حاجة لحد النهاردة ..
بس لحد ماعرفت يعني ايه كمبيوتر وانترنت وانا خلااااااااااص اتاخدت من كلللللل
حاجة كنت بستمتع بيها في الحياه .....

لدرجة اني معرفش ارسم او امسك ورقه وقلم طوووووووول مافيه كهربا مش قاطعه وشغاله وطوووووووول ما النت بيسابق الريح .. عشان كده فقدت حتة التأمل بشكل غريب اوي

لدرجة اني فعلا مبعرفش اكتب اي خاطره او الف مطلع قصيدة الا اما تكون الكهربا مقطوعه هههههههههههه تصوري بقى الخيبه التقيله بتاعتي !

وعن التجربه في الحياه وضرورة معرفة الجوهر من المظهرعندك حق زي ما انتي قولتي :

"(ان الاصداف تحمل بداخلها اللآلىء فمن ينظر الى الصدفة وكأنها شيئا صلب بلا قيمة فلن يستطيع ان يصل الى اللؤلؤة التى تستقر بداخلها )

"

على فكره جيت انسخها بكليك يمين لقيت ال تؤ تؤ بتاعتك نطت في وشي ورعبتي .. بسسسسسس على مييييييييين .. قدرت اتصرف ونسختها برضه بطريقة تانيه ههههههههههههه
على رأي المثل : الجيش بيقولك اتصرف

منوره بلوجر من جديد

وربنا يوفقك في امتحانات
وعقبال التخرج ان شاء الله

على فكره بخصوص المتصفحات واستفسارك عندي

خديها نصيحة من مجرب :

انا جربت كللل المتصفحات النتيه اللي على الكوره الأرضية .. وهقولهالك بكل ثقه .. خدي الفايرفوكس

انه المتصفح الأقوى والأسرع على الاطلاق .. عملاق بمعنى الكلمة والله وفيه كل حاجة

تقدري تنزلي احدص نسخه للبرنامج من هنا

http://www.mozilla.com/en-US/

وطبعا بعد ماينزل هتعملي له سيت أب زي أي بروجرام عادي وانطلقي بقىىىىىىى
براحتك وعووووووومي في محيط الانترنت

تقبلي مروري وتحيتي

موناليزا يقول...

دعوة غالية يا ايمى:)

SHAPE YOUR LIFE (ABOALI) يقول...

جميييييييييييل جمييييييييييييل

يا انسان تاءمل الاشياء
تكن لك نورا مضيئا" لاجمل الاشياء


التاءمل لغة حواراية بين كيونية النفس واعضائها
حالة من الهيام فى ملكوت من خلق السموات
نفضى نفسنا ربع ساعة يوميا نشرب كوب ماء جميل كده ومنتقلش فى الاكل ونغمض العينان لثوانى ونفتحهما
ونبدء رحلة من فيضان الراحة والسكينة


بس جمييييييييييييل جدا يا ايمى ذلك التذوق فى الكون
وكمان سعيك انك تعملى كده تبقى دى قدرات خاصة
تستطيعى بعدها العودة الى اجمل ما يكون

اعجبنى التجوال فى البوست المميز ده

مكتوب كده بحرفنة وتاءمل فى الحرف

وكان ليابوست مشابة ايام غيبتك التى طالت فى التاءمل ابقى تاءملى فيه شوية

ومعلقة قبل الاكل 3 مرات

ماااااااااااااااشى يا ستو ولا


تقديرى

Tamer Alhosiny يقول...

جميل قوي البوست يا ايمان
الانسان فعلا محتاج لوقفة للتامل واعادة النظر للاحداث من حوله
وللاسف الوقفات دي مش بتيجي غير بعد ما الانسان يحس بالخسارة او الهزيمة او الضعف
علشان كدة انا بعترف اني وقفت الوقفة دي في تامل حزين بس بحمد ربنا انه هداني للطريق الصحيح
اللحظة دي الاي سالتيني عنها في ردك علي البوست الاخير ليه
وهي بعد وفاة جدي الله يرحمه وقتها وقفت الكومنت في المدونة
وحاليا كمان قفلت البروفايل بتاعي علي الفيس بوك
وغيرت الميل كل ده كان مجرد استعداد لوقفة تامل حقيقية
والحمد لله النتائج ايجابية

وردشان smilyrose يقول...

وحشانى يا زهرة بستانى

وحشنى كلامك قوى

ونفسى اشوفك جدا

ومقصرة معاكى بس غصب عنى


يعلم الله ما امر به

ربنا يجمعنا على خير

ويارب دايما بخير

غير معرف يقول...

البوست جميل
وحشتينا اوووووووى
اخبارك ايه يا اجمل ايمى
يارب تكونى بخير

sony2000 يقول...

بجد رااااااااااااائع جدا جدا
ميرسيه علي لاكلام ده وعندك حق فكل اللي بتقوليه
تقبلي تحياتي ومروري

mohamed ghalia يقول...

انتى بتقرى افكارى لسه كنت فى تفكير عميق وتأمل أعمق

اقصوصه يقول...

اتفق معك في اهمية التأمل

وحاجتنا الكبيره اليه

في زمن السرعه والتوتر

الذي نعيش فيه

فعلا يمنحنا التأمل فكره

لإعادة النظر من جديد

الى الامور :)

غير معرف يقول...

السلام عليكم
موفقة في طرحك لهذه التدوينة

دمتِ بود

حفيدة البنا يقول...

اولا هقول إزيك يا إيمى عامله ايه؟
وثانياً:وحشانى والبكش ده
وثالثاً:التأمل العقلى فى الأشياء والتفكير زى ما الفلاسفه حطوها مبدأ عندهم... كمان الإسلام دعا ليها وأولهم أنه دعنا لنتدبر فى آيات القرآن فقال (فليدبروا آياته) فالتدبر والتأمل فى مخلوقات الله وإبداعاته نعمه يفتقدها من لايعيشها ..
جميل جدا الموضوع ومنعش
ننتظر جديدك
تحياتى

EMMY BABY يقول...

ماما امووووووووولة

انا الحمدو لله تومام وزى الفل انتى عاملة ايه

كنت متخفية لفترة من الزمن بسبب الكلية اللى بتموت فينا دى

ربنا يكرمك يارب يا مامتى اللهم امين

منورانى

تحياتى

ايمى

EMMY BABY يقول...

قلم رصاص

ههههههههههههههههههههههههه يارب الكهربا تقطع عندك يا قلم علشان تقعد ترسم وتسيبك من النت ده شوية

لا بجد والله انت فكرتنى بنفسى انا كمان كنت بعرف ارسم حلو اوووى وكنت بقضى وقت فراغى فى حاجات حلوة كتير دلوقتى انا معنديش وقت فراغ بسبب الكلية والكمبيوتر برضه

فعلا يا قلم التأمل والله بيدى لعقلنا مساحة كبيرة اووووى تتعمق فى كل حاجة وتحس براحة نفسية وفى كل مرة هتتامل فيها هتحس انك رجعت نابليون تانى

ههههههههههههههههههههه عرفت تنسخها برضه مفيش فايدة جيش ايه بس والله لايقة عليك الصورة فعلا

بالنسبة للمتصفحات ثانكس جدااااااا انا سطبته وظبطه وبكتب الكومنت ده ناو من خلال فايرفوكس

ثانكس لحسن تعاونكم معنا

منور المدونة

تحياتى

ايمى

EMMY BABY يقول...

موناليزا

الغالى للغالى

منورانى

تحياتى

ايمى

EMMY BABY يقول...

جدوووووو ابو على

انت الاجمل يا باشا

فعلاااااااااا التأمل ده شىء ممتع بحس بعدها بكمية طاقة ايجابية محترمة

كنت راكب ايه وانت بتتجول يا جدوووو؟

هو بصراحة انا فعلا كتبت البوست ده بتركيز لانى كنت عايزاه بشكل معين واتمنى انه يكون عجبكم

يعنى انت معترف ان بوستاتك عاملة زى الدوا تشفى القلوب والعقول

تحياتى لكلامتك

ايمى

EMMY BABY يقول...

تامر

سعيدة ان البوست عجبك

فعلا التأمل مهم لانه بيخلينانقعد مع نفسنا كتير ونراجع اللى حصلنا ونستفيد منه حتى لو بعدنا فترة معينة عن الناس علشان نفكر كويس المهم نوصل فى الاخر

طيب يا تامر الحمد لله انك عملت حاجة تريحك او مريحاك بالفعل

المهم تبقى تطمنى عليك

فى حفظ الله

تحياتى

ايمى

EMMY BABY يقول...

وردتى وسمايلى

انتى كمان والله وحشانى اوووووووى ونفسى اشوفك جداااااا

وانتى ولا مقصرة ولا حاجة انا ملاحظة اختفاءك عموما من الفيس والايميل

يارب يكون خير

وربنا يطمنى عليكى

تحياتى

ايمى

EMMY BABY يقول...

حنين

انتى اجمل يا همس

وانتم والله وحشتونى كتييييير

انا الحمد لله تومام وبخير وزى الفل طول مانتم بخير

*_:

تحياتى

ايمى

EMMY BABY يقول...

سونى

ربنا يخليكى يا جميلة

العفو يارب اكون قدمت حاجة ولو صغيرة جدااااا تفيد اى حد

منورة المدونة

تحياتى

ايمى

EMMY BABY يقول...

محمد غالية

نوووووووو انت اللى بتقرا افكارى ههههههههههه

تأمل تأمل ........المهم بس تفوق بسرعة بابا جاب موز

تحياتى

ايمى

EMMY BABY يقول...

اقصوصة

فعلاااااا التأمل ده نعمة من ربنا لينا

منورانى

تحياتى

ايمى

EMMY BABY يقول...

احمد شريف

ربنا يكرمك

ومنور المدونة

تحياتى

ايمى

EMMY BABY يقول...

حفيدة البناااا الجميلة

انا الحمدووو لله تومام

ثانيا بلاش بكش ههههههههه

ثالثا

انتى عندك حق فعلاااااااااا دينا بيحثنا على كل ماهو جميل

طمننينى عليكى

تحياتى ومودتى

ايمى

>>> يقول...

السلام عليكم

سعيد جداً بوصولي الأول إلى مدونتك الرائعة

وبتلك اللفتة المميزة التي وجدتها في هذه التدوينة

بالنسبة للتأمل
فأعتقد أنه الوظيفة الأساسية للإنسان
وبدونه لا يصبح الإنسان إنساناً .. بل سيصبح أشبه بالآلة أو الماكينة التي لا يوجد فرق بينها وبين الجماد ..


تحياتي لكِ

وتقبلي مروري الأول

وإن شاء الله يبقى التواصل

بَرَاء

قيس بن الملووووح يقول...

نحن في حاجه الي رأيك في مشاكل القراء بمدونة "دقات قلب بعد الخمسين"
مع خالص تقديري

غير معرف يقول...

السلام عليكم
الفاضلة : إيمان .. صحيح الاسم

المهم : لي عتب عليك لماذا سميتي اسم المدونة العربي : غلطة مطبعية على الرغم من تناقضه التام مع الاسم الحقيقي لعنوان المدونة

ثم ثم ثم كيف تكون كلماتك غلط مطبعية وتعليقاتنا معها ؟ ألا تعبر تلك التعليقات مثلاً عن هٌوية أفكارنا وتوجهاتنا فكيف تفرضي عليها أن تكون غلطة مطبعية جاءت عن طريق الصدفة مثلاً وكذلك كلماتك وتدويناتك
أتمنى لو تغيري هذا العنوان خاصة وان مدونتك مدونة جيدة وكلماتك بها زخم أخلاقي وقيمي رائع وأنا سعيد بمطالعتها

ما رأيك ؟
اوعي تكوني بتزعلي
دمتِ بكل ود

عايش... ولكن !!!! يقول...

ازيك يا دكتوره
بجد وحشانى جدااا
كلنا محتاجين بجد دعوة للتأمل

طمنينى عليكى

Dua Masatwa يقول...

ايه .. شدتني كثيرا هذه الغلطة المطبعية ..
توقفت كثيرا للقراءة هنا..
وللتامل :)


زوريني هُنا: http://www.facebook.com/pages/mudwn-frs-uzyrn/329352219778?ref=ts

او في مدونتي .. حيث ستجدينني دائما

ضحكات الحياة يقول...

السلام عليكم

و الله عندك حق يا ايمي احنا لازم فعلا نتأمل و ناخد نفسنا من الحياة شوية حتي ده بيديك الطاقة ان انت تقدر تبدأمن جديد

عاشت ايديكي يا جميل بجد بوست هايل

-_- يقول...

التأمل اجمل شئ في الدنيا

Eno يقول...

ربنا يباركك ياايمي وحشتني ياقمر :)

Eno يقول...
أزال المؤلف هذا التعليق.
Eno يقول...

ازيك ياايمي وحشتيني ياقمر ووحشني كلامك اوووووووووي بجد :)

ربنا يكرمك :)

تحياتي

Mona Shereif يقول...

حاضر
:)

مهو انا نظرى ضعيف اصلا فامفيش غير قلبى بس اللى بشوف بيه

واحشنى اوى
عامل ايه؟

!!! عارفة ... مش عارف ليه يقول...

افتكر ان اللي مش بيعيش لحظات التأمل دي

فعلا عمره معاش إنك تشوفي دمعة وبسمة لطفل في وقت واحد

إنك تحسي كسر نفس راجل عجوز
مش قادر يحقق طموح أولاده
ويكون لهم الأب اللي بيتمنوه

متشكر ايمي على لحظات التأمل دي

تحياتي
وليد

اسماء واحلام فى وجدانى يقول...

ازيك يا ايمى

مقصر اوى اوى معاكى والله عارف
باعتذر جدا

اسماء واحلام فى وجدانى يقول...

يا اهل الدار
كده بردوا حد يسيب بيته كده
يارب تكونى بخير دايما يارب

شخـا بيــط مـحـجـوب يقول...

اخبارك اية يارب تكونى بخير وجميل اوى البوست يا ايمى
ودائما يارب بالتوفيق

غير معرف يقول...

ازيك يا ايمي
انا معتز جدا بجود مدونة ليكي بالقوة دي و مواضيعك الكبيرة جدا بمعناها.
وان شاء الله تستمري واتمنالك التقدم والى الامام

طمنيني عليكي وعلى ماما والغيبة كتير بتقلقني عليكي

عاصف ... نعمان

اسماء واحلام فى وجدانى يقول...

ايه اللى حصل يا ايمى
مش فاهم حاجة خالص

اسماء واحلام فى وجدانى يقول...

ازيك يا ايمى
على فكرة فى سوء تفاهم بسيط وهو انى قفلت الحساب بتاعى وفتحت الحساب الجديد اللى هو بنفس الاسم بردو وقفلت ده عشان ميحصلش لخبطة ودخلت عندك قالى الصفحة غير موجودة المهم انى دخلت عند ناس تانية لاقيت الموضوع عادى بس عندك فى حاجة
المهم انى قفلته تانى ورجعت للحساب القديم لاقيت فعلا قافلة الصفحة ليه بس كده فى حد يعمل كده فى رمضان
يلا يا بنتى كفاية لماضة وافتحى الصفحة تانى ياريت يعنى وبلاش تقولى فترات نقاهة والكلام ده بدل ما نفكرلك فى مكيدة شرعية

elsha3er يقول...

السلام عليكم

كل عام وحضرتك بخير

ياة وحشتنى مدونتك وكلامك اوى يارب تكونى على اتم خير

شخـا بيــط مـحـجـوب يقول...

كل عام وانتى بخير
عيد سعيد عليكى

الازهرى يقول...

???????????????????????????????????????????????????????????????????????????????????????????????????????????????????????????????????????????????????????????????????????????????

اسماء واحلام فى وجدانى يقول...

دائما انا هنا

Unknown يقول...

ازيك يا ايمى ايه اخبارك ؟؟
فاكرانى؟؟


بوست اكثر من رائع بس المشكله ان الحاجات اللى بيتاخد بيها نفس بقت غاليه اوى :d :D
ههههه

يارب تكونى بخير يا رب وسلميلى على نور جدا والاستاذ تامر

غير معرف يقول...

شكرا لهذا المنصب رائع. الاعجاب الوقت والجهد وانتم تضعون في بلوق الخاص بك ومعلومات مفصلة التي تقدمها.

اسماء واحلام فى وجدانى يقول...

كل سنة وحضرتك طيبة
متاخرة صحيح
لكن ظروفى اول ما سمحت جيت على طول
يارب تكونى بخير دايما يارب

اسماء واحلام فى وجدانى يقول...

ازيك يا إيمى
كل سنة وانتى طيبة وبخير

غير معرف يقول...

ثقافة الهزيمة .. عصابة البقرة الضاحكة‏ 2

فى مارينا مصيف الصفوة السياسية يقول أحد أفراد الأمن بالمنطقة أول فيلا هنا أتبنت كانت لإبراهيم سليمان وزير الأسكان السابق بعدها حدد الناس اللى تسكن المكان، خصوصا أنه أهدى علاء وجمال أبناء الرئيس السابق قصرين على بعد خطوات من فيلته، ثمن الواحد منهم يعدى الـ 40 مليون جنية ( حوالى 7 مليون دولار ) ومسجلين بأسماء هايدى وخديجة زوجاتهم.

و أستطرد: فى لسان الوزراء يسكن إيضا أحمد شفيق رئيس الوزراء السابق وهو عضو فى أتحاد الشاغلين بمارينا، والوحيد من الوزراء السابقين الذى جاء بعد الثورة إلى مارينا، و له فيلا يقدر ثمنها الآن من 15 إلى 20 مليون جنية ( حوالى 3 مليون دولار ) ونفس السعر لفيلا نائب رئيس الجمهورية السابق عمر سليمان .

باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى www.ouregypt.us


مصر كلها تتساءل لماذا لم يتم للأن التحقيق مع أحمد شفيق و عمر سليمان بشأن ممتلكاتهم؟

Unknown يقول...

ليه كدة انا عجباني الشعر الغنائي اللي على جمب ماخدوش ليه والصورة اللي فوق خالص حلوة والمدونة كلها على بعضها جميلة بس ياتسيب الصور ياتسيب الكلام صاحب المدونة شرير مش بيحب يفرق حسنات والا ايه سيبنا ناخد كوبي واكسب تواب ههههههههه وحشة يا ايمان

Unknown يقول...



thx

شركه تنظيف

Unknown يقول...



thx

كشف تسربات المياة
غسيل خزانات
شركة نظافة عامة