اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأربعاء، 16 يوليو 2008

شكر خاص

بسم الله الرحمن الرحيم

جيت انهاردة اكتب اول موضوع ليا وانا حاسة انى واحدة منكم

وطبعا ده يرجع لنورى (سفروتى الصغيرة )

قد ايه كنت بعيش معاها لحظة بلحظة فى مدوناتها سواء سكووب او حبة صمت

كنت بحس انى اعرف الناس اللى بيحطوا الكومنتات عندها من كتر مانا بقرأ كومنتاتهم

بجد لو كنت دخلت عالم التدوين فانا دخلته بسبب نورى

هى الفكرة طقت فى دماغى كدة وهى بصراحة لما صدقت

كانت معايا من اول ماكانت مجرد فكرة لحد ماتعملت

قد ايه عانينا انا وهى لان المدونة معرفش على رأيها حد داعى عليها هههههههه

كانت بتدينى رأيها فى كل حاجة من اول الاسم لحد الشكل

بجد انا لو هعبر عن شعورى ناحية نورى يبقى مش هيكفينى موضوع واحد

انا فكرت كتير هل لو اول موضوع ليا لو كان عن نورى فده هيوفيها حقها ولا برضه مش كفاية

انا عارفة انه مش كفاية بس علشان انتى سفروتة هيقضيكى ولا انتى مش معايا !!

انا كلامى خلص ومشاعرى مش راضية تخلص

بس انا مضطرة اخلص ولا هبات فى المدونة

وفى النهاية اتمنى انكم تقبلونى معاكم فى عالم التدوين

هناك 25 تعليقًا:

سفروتة يقول...

اخيرااااااااااااااااااااااااااااااااااااااااا

المدونة اتعملت

احمدك ياااااااااااااااااااارب

ايمان انا بجد مش عارفة اقولك ايه ....بجد مستاهلش كل اللي كتبتيه عني ...وبعدين يا بنت انتي احنا صحاب ....والصحاب لبعضشيهم ولا ايه

حقيقي انتي انسانة جميلة اوي ...بجد نفسي كده اخترق الجهاز اتلعجيب اللي قاعدة عليه ده واخدك بالحضن

ان شاء الله تبقي مدونة جااااااااااااااااااااااااااااامدة جداااااااا

وتعملي احلي شغل لاحلي ايمي

تحياتي ...واتمني ليكي كل التوفيق يارب

سفروتك الصغيرة :)

EMMY BABY يقول...

شفتى اخيراااااااااا انا حاسة انى شفت الويل والله

الحمد لله

متقليش حاجة لان انتى عارفانى مبعرفش اقول غير اللى حاساه وده اللى حاساه واللى هو فعلا فيك

وكمان وبعدان بقى بلاش الدراما تعالى نقلبها كوميدى هههههههه

بجد والله ربنا يعلم اللى فى قلبى

ان شاء الله تعجبك المدونة ومتحرمنيش من كومناتك ابدااااااااااااا

وان شاء الله نفضل جامدين طول ماحنا مع بعض

NOONA بنت الإسلام يقول...

ياهلا ياهلا ايمان عندنا
اما نوري فنوري فضلها علي الكل هي اللي برده قالتلي ازاي اعمل بلوجة وبجد شدت شعرها مني فعلا جزاها الله الف خير ياارب

يالا مستنين احلي بوستات من ايمي
بحبك في الله

EMMY BABY يقول...

نونا حبيبتى

والله منورة المدونة مصدقتش لما لقيتك حطيتى كومنت

ههههههه طب احنا كدة مش هنلاقى عند نورى شعر قريب من كتر الشد فيه

ربنا يكرمها على مساعدة الضعفاء والمساكين امثالنا

وعقبال يانونا ان شاء الله لما ازورك لما تحطى اول بوست

مستنية لعلمك بوستاتك

ويارب تحققى الحلم اللى انتى عايزاه من المدونة

ايمى

Tamer Alhosiny يقول...

عزيزتي صاحبة الغلطه المطبعيه

تحياتي واهلا بيكي في عالم التدوين
اتمني ان المدونه تشهد بنات افكارك
وتبقا اكبر غلطة مطبعيه في عالم المدونات
ان شاء الله

كمان احب اشكر سفروته
علي جهدها ومشاركتها لاصدقائها السفاريت
واتمني لمدونات السفروتات التقدم والازدهار
ان شاء الله

انا هستمي الموضوع القادم علشان احط تصور لشخصية الغلطه المطبعيه دي خاصه
اني لاقيت في البروفيل اهتمام كبير بمجال التنميه البشريه وده شيء رائع ومبشر
ويديني امل في شخصيه تدوينيه رائعه
بس ان شاء الله
خضرا والشجره خضراء
هههههههههههههههه

تحياتي
انسان عاشق حر
تامر الحسيني سابقا

oRiGiNaL HeArT يقول...

مبروك المدونة :)

سفروتة يقول...

اسمحيلي معلش يا ايمي اني اصلح الخطأ المطبعي اللي تامر وقع فيه

دي مش سفروتة خالص يا تامر ولا تنتمي لحزب السفاريت اصلا


وكمان ملهش علاقة خالص بخضرا والشجرة خضرا

انها ايمان اخري

بس وشكراااااااااااااااااااااااا

EMMY BABY يقول...

ميرسى جدا ياتامر على الكومنت بتاعك

وميرسى للكلام الحلو ده

يارب يكون تصورك ان شاء الله كويس فعلا واكون عند حسن ظنك

ونيجى بقى للغلطات المطبعية

هو انت كنت فاكرنى ايمان السفروتة هههههههههه

لا انا ايمى بيبى

خلاص انا بعد كدة اعمل حزب البيبهات وانافس حزب السفاريت

ميرسى يانورى على توضيحك

وميرسى ياتامر واتمنى انك تكون زائر مستديم

تحياتى

ايمى

EMMY BABY يقول...

original heart

الله يبارك فيكى

وميرسى لزيارتك للمدونة

واتمنى انها تكون عجبتك

تحياتى

ايمى

عمرو وجيه يقول...

مبرووووووووووك يا إيمان على مدونتك الجديدة


بجد أنا فرحتلك قوى


و طبعا بأذن الله المدونة تلقى إعجاب الناس وتبقى من أفضل المدونات


انا ببص كده فى مدونتى لقيت نووووور مغرق البوست بتاعى اتاريك علقتى عندى



بأذن الله تبقى بداية موفقة ليك فى عالم التدوين ....

دمتى سالمة ....

EMMY BABY يقول...

ياخبر

عمرو عندنا

يامرحبا يامرحبا

ميرسى على الكومنت الحلو ده

بس فيها غلطة مطبعية

الا وهى

انك لقيت نوررررررر على مدونتك

هههههههههههه

بس ميرسى جدا بجد

مستنية زيارتك القادمة

تحياتى

ايمى

blue-wave يقول...

اهلا بيكى فى عالم التدوين
عايزين بوستات مميزة تجبرنا نكون ضيوف دائمين
وهاتلاقينا متابعين جيدين
دانتى من ريحة الحبايب:))

ادم المصرى يقول...

منورة يا قمر
وجميل منك انك تردى الجميل بالطريقة الحلوة ده ياقمر

واتمنى ليكى التقدم وان شاء الله بازوك تانى

سلام مؤقتاااااااااااا

شاب نفسة يحقق حلمة يقول...

مبروك علي المدونة
واهلا بيكي في عالم التدوين
وان شاء الله تبدعي في تدويناتك
وشكرا لزيارتك لمدونتي

EMMY BABY يقول...

blue wave

ميرسى جدا ليك

وميرسى لزيارتك نورت المدونة

تحياتى

ايمى

EMMY BABY يقول...

همس الاحساس

ميرسى جدا لمرورك الجميل


بجد نورتى

وان شاء الله استنى زياراتك دايما

تحياتى

ايمى

EMMY BABY يقول...

شاب نفسه يحقق حلمه

الله يبارك فيك

ان شاء الله تلاقى حاجات تبسطك

ومدونتك جميلة

ميرسى لمرورك

تحياتى

ايمى

ابراهيم يقول...

اختي الكريمة
صاحبة تلك الغلطة المطبعية الرقيقة
انها غلطة العمر التي جعلتنا صاحبة هذة الكلمات الجميلة والصور الطفولية التي تعبر عن جمال النفس وتدفق المشاعر
ونتوجة بالشكر لاحتنا سفروتة علي هذة العملة الناجحة في اقتحامك واجبارك بنجاح ورضا للدخول لعالم التدوين
وبذلك اصدرنا مرسوما بتنصيبها مسئولة قسم المدونين المسفرتين ف كلية الطب البيطري
اتمني التواصل الدائم بيننا
ابراهيم
صاحب مدونة لحن الغروب

EMMY BABY يقول...

ابراااهيم

بجد ده كلام كتير اوى عليا

ربنا يكرمك

ميرسى لمرورك الرقيق

واتمنى فعلا انه يكون فى تواصل دائم

تحياتى

ايمى

نعكشة يقول...

منورة يا فندممممممممممم

مستنين الابداعات

من الصور اللي انتي حاطاها علي الجمب
شكل دمك خفيف
و سكلك عسولة

بس دة انطباعي الأول

ربنا يعزك يارب

:D

و تسلمي يا سفروتة انك جبتيهاااا

دمتي سالمة

سلامٌ عليكي

EMMY BABY يقول...

منورة بوجودك يانعكشة

وميرسى جداااااا لكلامك الحلو ده

بس انا خفة دمى جنب خفة دمك فهى تقل دم


بجد دمك خفيف مووووت وطيبة جدا كمان وحاسة انى اعرفك من زمان

ربنا يكرمك يارب

تحياتى ليكى عزيزتى نعكشة

ايمى

nonni يقول...

مبروووووووووك على المدونة الحلوة دى نورتى عالم التدوين كلهو مستنيين موضوعات الجميلة و انا كمان لسه داخلة عالم التدوين جديدة زيك يعنى

"تحياتى"

EMMY BABY يقول...

نونى

الله يبارك فيكى

وميرسى ياحبيبتى لمرورك

واتمنى تكون عجبتك انا عملت موضوع جديد مستنية رأيك

ومبروووووووووك ليكى انت كمان على المدونة

تحياتى

seven يقول...

مبروك على المدونة وربنا ميجعلها اخر المدونات يارب

EMMY BABY يقول...

seven

الله يبارك فيك

وميرسى على الدعوة الحلوة

ونورت المدونة


تحياتى