اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الثلاثاء، 7 أكتوبر 2008

البنت زى الولد ماهيش كمالة عدد

البنت زى الولد ماهيش كمالة عدد
بنسمعها كتير الجملة دى
ومش بس كدة المرأة =الرجل
وبنسمع ان الست زى الراجل فى كل حاجة وتقدر تعمل كل حاجة زيها زى الراجل بالظبط
زمانكم بتقولوا اخلصى ولخصى عايزة ايه يعنى
حاضر هقول اهو
انا بالرغم انى بنت وممكن كتير منكم يستغربوا الاانى مش مقتنعة بالكلام ده
انا شايفة زى ماكيد كلكم شايفين ان :
ربنا خلق الرجل اقوى من المرأة جسمانيا فبالتالى ده يأهله ان يقوم باعمال متقدرشى تقوم بيها المرأة
ربنا خلق المرأة الايموشين عندها عالى اوى طب بزمتكم انتم وانا اول البنات انا لوبشتغل قاضى مثلا والمتهم عيط قدامى هديله البراءة واقول جوايا ربنا يسامحه لو كان بيكدب بقى ولو مسكت نفسى ومتدتهوش البراءة هزعل انى عملت كدة وحبسته واقعد افكر بقى فى ولاده ومامته ومراته واقول ياعينى ومنمشى طول الليل
فى وظائف كتير من وجهة نظرى لاتناسب طبيعة المرأة بغض النظر ان الطبيعة دى بقت موجودة ولا لا زى مثلا :
انها تعمل قاضى وده زى ماقلت بسبب ان الايموشين عندها عالى وهيكون صعب عليها انها تتطبق العدل وطبعا كلكم عارفين ان ربنا حتى ذكر فى كتابه الكريم ان شهادة الرجل تعادل شهادة انثيين علشان لو باءت احدهما فتذكرها الاخرى
ونيجى بعد كل ده نعين المرأة قاضي ونخليها تصدر حكم (وش متعجب !!!)
ثانيا انها تشتغل جزارة وسواقة وحاجات كدة غريبة زيها زى الراجل بزمتكم لما تبصولها هتحسوا انها انثى الانثى ايه غير حياء وخجل وصوت هادى ووظيفة تلائم طبيعتها
طب لما المرأة زيها زى الرجل ليه ربنا جعل القوامة للرجل مش للانثى ؟
وبالرغم ده بدأنا ننادى بحرية المرأة فى كل حاجة طب ماحنا لازم نحترم الحرية دى ومنخلهاش تفقدنا اساسيات فينا
انا مش ضد حرية المرأة نهائى بس انا من رايى لازم الامور تتعدل شوية انا شايفة ان المرأة ممكن تكون احسن من الراجل فى تفكيرها ورايها وشخصيتها وده ممكن تعمله من خلال حاجااات كتير جدا
تبقى وزيرة سفيرة معيدة مدرسة محامية دكتورة مرشدة سياحية مضيفة ووووى ......................
يعنى اه المراءة تشتغل بس فى حدود مايناسب طبيعتها
بجد انا والله بسمع حاجات عمرى مابعرف اصدقها مطلقا زى ان البنات هما اللى بقى يعاكسوا الولاد وحاجات كتير كدة معرفشى حاسة انى بحن انى اشوف البنات كدة بتتكسف ووشها بيحمر زى ماكان بيحكولنا زمان
هى الفكرة ان للاسف لو فى صفحة ناصعة البياض بس فيها نقطة سودا الناس كلها بتركز مع النقطة السودا وتسيب بقية الصفحة البيضا وده بالظبط اللى بيحصل دلوقتى تلاقى الجمل التالية :
ياعم اسكت هو فى بنات بتتكسف دلوقتى؟؟؟ (اه فيه !!!)
قال بنات قال دى بنات مسترجلة ياعم سيبك (فى فرق بين انها بتحاول تكون جد علشان تفرض شخصيتها على اللى قدامها وانها جديرة بالاحترام ومش زيها زى البنات اللى بتشوفهم حضرتك وبين انها تبقى راجل دى حاجة تانية خالص )
فمن موقعى هنا انادى ان المرأة مش زى الرجل فى كل حاجة وانما هى مثله ويمكن احسن فى اشياء معينه وان اى مرأة كفيلة انها تكون جديرة بالاحترام بدون ان تفقد طبيعتها ولكم منى جزيل الشكر
امضاء
واحدة بتحن لايام زمان هههههههههههههههه
انا عارفة انى صدعتلكم دماغكم بس لو مكنتش اصدعلكم دماغكم انتم هصدع دماغ مين (وش مبتسم للحياة )
تحياتى
ايمى

هناك 124 تعليقًا:

كـــيــــــــارا يقول...

اوووول تعليق هييييييييييييه

كـــيــــــــارا يقول...

بت ده موضوع كبير

بحجز التعليق التاني بس عشان اقولك هرد عليه بس مش حالا لانه محتاج تركيييييييييييز

الازهرى يقول...

عزيزتى ايمى

اسمحى لى ايضا وانا ولد ان اعترض بعض الشىء على كلامك
فنا اقول ان الانثى = الذكر
فكل منهما مكلف ولكن
يختلف التكليف طبقا للاختلاف فيما بينهما اختلافا ليس كبيرا الى هذا الحد الذى يثيره الكثير
وانا مع حريية المرأة بشرط ان نتفق على معنى الحرية
فهل من الحرية التى نطالبها بهاوالمساواة التى يعتقدفيها البعض ان اجعلك مثلا تقفين لتنظيم المرور بميدان العتبة
ام انها الحرية ان تعتدى الانثى على حرية الذكر مثل ان هناك عربات مخصصة لهن وليس للرجال كذلك فماذا عن انسان يرفض الاختلاط بهن مثلما رفضن هن


واظن ان اى عاقل يرفض ان تعامل الانثى معاملة الذكر لاختلاف الطبيعة والقدرات وغيرها من الامور

تحياتى على موضوع يناقش بتعقل

الازهرى يقول...

ايمى اسمحى لى كيارا بتتلكك

هتحجز كل التعليقات وفى الاخر على مفيش

Mona Shereif يقول...

عارفه انا من يومين شفت بنت مع مامتها وهى عندها حوالى 18 سنة .. المهم حصل موقف كده لقيت البنت وشها احمر ولقيتها جميييييييييييييييييييييلة بجد
وعلى النقيض بنت عندها 15 سنة مقدرش اقولك خلعت برقع الحياء خاااااااااالص
عموما ربنا يهدينا

انا معاكى يا ايمى لان البنت حاجه والراجل حاجه تانيه
ربنا خلق كل واحد فيهم بحساب وعمر ما كانت المرأة ضايعة حقوقها
الاسلام ادانا حقوقنا وبزيادة كمان
الحمد لله رب العالمين

ههههههههههههههههههههههه
موقف القاضى ده فكرنى بحاجه برضه
كنت بقول لواحده صاحبتى انا عايزه اخد سنه اكلينك وابقى استشاريه نفسية.. قالت لى وهتعملى ايه يعنى.. قلت عادى هسمع للناس واحاول احل مشاكلهم.. قالت لى ولو واحد محتاج فلوس ومش عارف يتجوز او يشتغل هتعيطى وتطلعى من جيبك وتديله
ههههههههههههههههههههههه

برافو عليكى يا ايمى
احسنتى

الرومـيصاء يقول...

انا معاكى 100% فى الموضوع ده
مفيش احسن من البنت تبقى بنت والراجل راجل دى حتى على الاقل اضعف الايمان انها تحس بأنوثتها
بس الافكار الغربيه بوظت عقول الناس
هما عملين ينادوا بحرية المرأه
وهى حريتها فى اتبعها شرع الله
فعذرا هذه هى الحريه التى نريد

Purplewaves يقول...

أنا معاكي في كل الكلام اللي قلتيه، وطبعا في اختلاف بين البنت والولد في القوة الجسمانية والمشاعر ، وكمان البنت اللي بيقولوا عليها مسترجلة هي فعلا بتعمل كده عشان الظروف اللي حواليها وعشان تقدر تحافظ على نفسها في وسط الحاجات المختلفة اللي بتتعرض لها....وبالنسبة لموضوع الجزارة والسواقة والحاجات دي فهي طبعا حاجات بعيده عن طبيعة المرأة لكن ممكن واحدة تضطر تشتغل في شغلة من دول عشان تربي ولادها لو مثلا مكان جوزها او اي حاجة زي كده، موضوع مهم ومعالجة جميلة

تحياتي

وردشان smilyrose يقول...

بجد فعلا موضوع مهم

بس على فكرة فيه بنات كتير ودا بعون

الله اثبتوا كفاءة فى كثير من المجالات

ولكن برغم كل هذا فانا معكى فانه

مهما خرجت البنت الى العمل فيجب

الا تنسى انها امراءة وهناك العديد

من المجالات لا تصلح لها

ويجب الا تنسى تلك الأنوثة التى حباها

الله بها وتلك المشاعر والاحاسيس التى

تفردت بها فهى نبع الحب والحنان فى

عالمنا

بجد موضوع جميل

smilyrose

روح الحب الصادق

غير معرف يقول...

عارفه انا كنت بتلكك بالكلمه دي
واقول مدام البنت زي الولد تدخل الجيش
وتحارب ومتقولش يا مامي لما تسمع صوت رصاص

وبالرغم ده بدأنا ننادى بحرية المرأة فى كل حاجة طب ماحنا لازم نحترم الحرية دى ومنخلهاش تفقدنا اساسيات

بصي انتي كده جبتي من الاخر

Rosie يقول...

بصى حكاية البنت زى الولد ممكن تتاخد أنها غلط و ممكن تتاخد انها صح...يعنى قصدى انها الجملة دى و الكلام ده كان بيتقال لان المرأة كانت متبهدلة زمان قوى و مازالت فى حتى الآن فى بعض الاحيا..و متبهدلة يعنى ظلم و احتقار و ضياع حقوق و معاملة متدنية..الخ..لما كل ده يبقى موجود يبقى لازم كلنا نقول البنت زى الولد عشان نصلح المفاهيم الخطأ اللى عند الناس ..لكن اكيد أكيد كل اللى قالو البنت زى لولد ماكنوش يقصدوا فى كل حاجة بظبط بظبط و لا يبقى فين الاختلاف؟..و لو حد قصده كده يبقى هنا البنت زى الولد غلط..زىه دى مهناها انها تستحق معاملة مماثلة فى الخطا و الصواب ..لكن فى مهن فعلا ما تنفعش للمرأة خالص خالص..و مع ذلك فمهنة القاضية ليست من هذه المهن..
أيه المشكلة يعنى لما تبقى قاضية؟..حتة المشاعر اللى بتتكلمى عليها دى..هى آه المرأة عندها مشاعر اعلى و اكتر لكن ليس معنى هذا أن تضعها فى غير محلها..فى مجرم يسحق العقاب..ليس من المنطقى ان تتأثر بدموع قاتل او سارق أو مغتصب ..و فى الخارج هناك الكثير من القاضيات و هنا ايضا بدات التجربة تتطبق و لكن على نطاق محدود و الدنيا ماشية و عادى جدا..المشكلة فى ثقافتنا اللى بتقول انا مش متخبلة امراة قاضية أو طيارة أو..الخ..يمكن اتن تقصدى ان مش كل النساء ينفع تبقى قاضية و ده طبيعى و مش كل الرجال كمان..كل عمل له اشخاص معينيين مناسبين له..

حسن حنفى يقول...

ممكن الجزاره لايقه علي المراه

:p

مستني اجابات التاج

تحياتي

mahasen saber يقول...

الست الهبله هيا اليى تطلب مساواه كامله بالراجل لانها بكده بتقضى على جزء لا بأس به من انوثتها ورقتها ومكانه ناعمه وهبها ربنا ليها
يعنى مساواه فى الشغل ..طب ما فيه اشغال شاقه تقضى بسهوله على قوة الست اليى ليها طبيعه خاصه فمينفعش مثلا ست تشتغل فى حفر طرق ..وتبقى تقابلنى لو بقت ست اصلا..
ومينفعش ست تشتغل خفير درك باليل يعنى اكيد اكيد عندها بيت واولاد افضل تحرسهم وتعمل على جوزها غفير دوريه احسن بكتير
فانا متأكده ان المكانه اليى ربنا اداها للست لحكمه ووده واضح من الامكانيات اليى ربنا وهبها ليها
بعدين الحياه مش صراع الحياه طول عمرها راجل وست مش راجل وست بتسترجل
..والله اعلم..

Ahmed Hishmat يقول...

عفوا هذا زمن المرأة
والدليل على كده الكلام الكتير زي :
ـ البنت أحسن من الولد
ـ المرأة كل المجتمع وليست نصفه فهي الام والاخت والزوجة والصديقة
............................
أنا مش عارف احنا فرقنا بين الرجل والست ليه وعلى أساس ايه؟!
والمرأة دايما حاسة بالنقص ليه؟!
وبالعافية عايزة تثبت انها وانها وانها
ماشي أحنا كرجالة عارفين فضل أمنا (حواء) علينا بس أدم برده أبو البشرية ولا إيه ؟!
العالم نصفين ( أدم وحواء )
يا ريت نفهم كده؟!
ونخلينا كده زي ما ربنا خلقنا مندورش على المساواة اللي ملهاش أصل ولا معنى ..
...................
المهم إن أزمة الستات وحربهم ضد الرجالة دلوقتي بتفكرني بأزمة اليهود وحربهم مع الألمان وكل الدول الاوربية
وهو ده الللي ناقص الستات يطالبوا بتعويضات من الرجالة عن اللي اتعمل فيهم من سي السيد في عصر الحريم
هههههههههههه
تحياتي

كلمة يقول...

اهلا ايمان
طبعا انا استغربت من العنوان وازاى يطلع من انسانه ملتزمه مثلك بس بعدما قريت الموضوع غيرت رايي تماما
طبعا كلامك صح جدا
عمرنا ما قلنا ان الرجل افضل من المراه ولكن ليسوا سواء
وتبقى ايه حكمة ربنا فى انه خلقنا على صورتين مختلفتين
دى فكرة روج لها الغرب بدعوى تحرير المراه وللاسف ساندها كثير من النساء
والضحيه كانت المراة نفسها كلفت نفسها باعمال مش من اختصاصها وضيعت حاجات من صميم وظيفتها فى الحياة
تحياتى ليك
والى مزيد من التواصل

Rania Lelah يقول...

متفقه معك بشدة فى كل كلمه و فى كل مثال ذكرتيه

اول زيارة و لن تكون الاخيرة

تحياتى و مودتى

فارس بلا جواد يقول...

اكيد طبعا ربنا خلق الراجل والست واعطي كل منهما صفات خاصة .. والصفات دي احيانا لا تلائم طبيعة عمل معين
لذلك من التعصب ان احنا نطالب ان الست تبقي زي الراجل في كل حاجه لان ده تحدي للطبيعة اللي ربنا خلقنا عليها
وزي ما انتي قلتي في اعمال تانية بتبقي ملائمة للست اكتر .. عشان كده بلاش موضوع المساواة في كل حاجه والكلام بتاع جمعية المرأة المتوحشة ده هههههههههههه
انا شايف ان كلامك صح في حاجات كتير .. ربنا يكملك بعقلك وياريت باقي بنات حواء يفهموا كده
تحياتي

شفـقــة و إحســــان يقول...

برافو عليكى كلامك صح ميه فى الميه ولتحيا الستات

romansy يقول...

ايمى بجد بوست صريح وجرئ اهنيكى عليه
في بعض الاحيان البنت مش بتحب تظهر ضعيفه قدام الولد سواء بقى كان الولد دا حبيبها او رئيسها فى الشغل او حتى والدها
وكمان البنت مملكتها بيتها فى الاول وفى الاخر انا مش بقول ان انها مش تشتغل لا بالعكس فيه فى ايام الغزاوات
كانت المراه ليها دور مهم انها تعالج المصابين يعنى فى وظايف فعلا البنت هى اللى تعملها بس
وكمان المراه عبقريه تبدع فى كل شئ
وزى ما بيقولوا
عبقرية المرأة تكمن في قلبها )
وقلبها هو نقطة ضعفها !!

محمود حسن العدل يقول...

السلام عليكم ورحمة الله وبركاتة
ايمى
فعلا البنت مش زى الولد خالص والاكتر من كدة استغرب ان بنت فى الزمن اللى احنا فية دة بتقول كدة ..
فعلا فى وظائف محتاجة قوة الراجل والا كان ربنا سبحانة وتعالى مش وضع القوة فى الراجل على شان يجاهد فى سبيله
كنت متوقع انك هاتقولى البنت زى الولد كنت هاعرف اجدلك كويس اوى ..
لكن انتى بصراحة اخدتيها من قيرية وقولتى الحق ..
ههههههههههههههههههههههههههه
تعرفى ان اجمل اسلوب فى الكتابة شفتة كان منك انتى ..


لوبشتغل قاضى مثلا والمتهم عيط قدامى هديله البراءة واقول جوايا ربنا يسامحه لو كان بيكدب بقى ولو مسكت نفسى ومتدتهوش البراءة هزعل انى عملت كدة وحبسته واقعد افكر بقى فى ولاده ومامته ومراته


الجزء دة موتى من الضحك واثبتلى انك عقلانية جدا جدا ..
بوست ممتاز اسلوب رائع يستحق التقدير
تحياااااااااااااااااااااااااااااتى

mohamed ghalia يقول...

عندك حق تماما
ربنا جعل للرجل قوامه عن المرأة
قال تعالى (الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ )
وكل واحد ربنا اداله مميزات عن التانى والرجل والمرأة بيكملوا بعض
تقبلى تحياتى
موضوع رائع

نعكشة يقول...

اتفقققققققق و بشدة

مصدعتيش دماغي ولا حاجة
بس فعلاً
المرأة ليها دور و الرجل لية دور
هيا زيادة في حاجات و هوه زيادة في حاجات

حاجاتها تؤهلها لأعمال مختلفة في المجتمع و هو ايضا


سلمت يداكي

اتفق معكي

سلام عليكي

Tamer Alhosiny يقول...

عزيزتي ايمان

في الواقع انا متفق معاكي في حجات كتير قوي
بس مش في كل حاجة

بس انا حاسس انك جاية علي المراه شوية

المراه نصف المجتمع
وعظمة المراه في دورها
كبنت وحبيبة وزوجة وام
دي ادوراها الاسرية
زي كمان ما ليها ادوار تانية حسب طبيعة شغلها

جمال الست في طبيعتها
وهي طفلة هي الاهدي والاحلي وحبيبة بابا اكتر من الاولاد الاشقياء
وهي حبيبة بيتحول الولد لمحاولة اسعادها وتحقيق احلامها والتفاهم معاها
وهي زوجة وبيعاملها زوجها باحترام وحب وهي بتدير بيته وبتدير ليه حياته
طبعا الحاجة المهمة جدا من ادوار الست
الامومة
ودي نعمة جميلة جدا
بجد بحسد الست عليها

وكفاية يا جماعة ان كل راجل الست عنده اهم شيء

انا في ست في حياتي
اهم ست في الدنيا كلها
لانها هي الاي علمتني الركعة الاولي
في حياتي
هي الاي علمتني القراءن هي الاي علمتني الحب والحنان
واني احب الناس
وانا اي ست بتعامل معاها ببقا حريص اني ارد من خلالها الجميل للست دي
وهي جدتي الله يرحمها
امي الحقيقية الاي بجد حياتي بعدها ملهاش قيمة

تحياتي لاعظم ست
ولكل ست بجد محترمة ونقية وخجولة وبتقدر تزرع الحب في قلوب الناس
وتنشر الخير والمودة

الست هي القلب الجميل الطيب الاي بنلجء ليه

وتقولي لي في الاخر البنت زي الولد
لا البنت مش زي الولد
البنت عندي
اهم كتير من الولد
لكل الاي قلته في تعليقي

تحياتي يا ايمان
واتمني ليكي يارب
تحسي بنعمة الامومة علشان تعرفي ربنا كرمك اذاي
واداكي شرف ونعمة ليس لها حدود

تامر الحسيني

محمد الدخاخنى يقول...

بداية احب احيكِ على الاسلوب الشيق الذى كتبتِ بيه العنوان والموضوع...

التعليق: من خلال قرآتى للموضوع لاحظت انكِ تعرضت للكثير من الاشياء كعمل المرأة والقوامة والحياء الذى ندر وجودة و شهادة المرأة....ولكن اظنك تعلمين ان كل موضوع من تلك المواضيع يحتاج الى كتاب كامل لمزج فيه كل الآراء

فالبلنبة لعمل المرأة..الموضوع من الأصل يوجد فيه عدة آراء فقهية لدرجة رئ يقول لا يجب ان تخرج المرأة من بيتها الا فى ضرورة ومادام الزوج ينفق يكره ان تعمل ويستندون الى احاديث واقوال صحيحة

اما بالنسبة للقوامة.. فيجب ان نكمل الآية(الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا)
النساء:34

يقول الإمام ابن كثير فى تفسير بما فضل الله به بعضهم على بعض:(أي لأن الرجال أفضل من النساء والرجل خير من المرأة ولهذا كانت النبوة مختصة بالرجال وكذلك الملك الأعظم لقوله صلى الله عليه وسلم لن يفلح قوم ولوا أمرهم امرأة رواه البخاري « 7099 » من حديث عبد الرحمن بن أبي بكرة عن أبيه وكذا منصب القضاء وغير ذلك )

وأما شهادة المرأة.. فأنصحك بالدخول الى هذا الرابط http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528608222

واما الحياء..فهذا يعتصر قلبى ويهز وجانى ولكن اعلمى انا السبب هو الاعلام ودعاة حقوق الانسان الذين يريدون ان يظلموا كل انسان وينادون بتحرير المرأة التى قيدها الإسلام...عجباً أألله ظلم المرأة حاشا وكلا...والنبى يقول(وصيتى انا والنبين من بعدى إذا لم تستح فاصنع ما شئت)


أسف للإطاله

تحياتى

صباح الصباح يقول...

هوة فعلا احلى حاجة فى البنت والمراة عموما رقتها

الرجل فية ما يكفى من الجدية والقوة فلماذا يريد امراة قوية جادة صارمة

نعم لاان تكون طوعا ولينة بدون شخصية ولكن ان تحتفظ بانوثتها ورقتها

تحياتى

تسنيم محمود حسين يقول...

السلام عليكم

أيمى البوست بجد أكثر من رائع....
بس الأنثى=الذكر فى حاجات وحاجات تانيه لأ....
يعنى مثلا الإثنين مكلفين بالعباده والطاعه...الأثنين لهم حقوق وواجبات زى بعض....
أما بقى اللى مش ممكن يكونوا متساويين فيه حاجات كتيره...وده عمره ما يفقد المرأه حريتها بل بالعكس حرية المرأه فى الأبتعاد عما لا يناسب طبيعتها ومالا يتاسب شريعة ربناوحيائها وخجلها...وكل الكلام اللى بنسمعه الوقتى ليس الا ضحك على المرأه...واحنا بكل سزاجه صدقناه ومشينا وراه....
وفعلا انا كمان بحن الى ايام زمان اللى انا ماشفتهاش... لما كانوابيقولوا البنت مكسوفه ووشها بيحمر...
بجد نفسى نرجع لأيام زمان..
اللهم ارزقنا الحياء وتطبيق الشرع...

والسلام عليكم

Unknown يقول...

صح :)
موافقة معاكي جدا على تحليلك البسيط لطبيعة البنت و ملائمتها للعمل او الوظيفة ..
اصلا هي حتى لو حاولت تشتغل حاجة مش مناسبة ليها .. طبيعتها هترفض دة على فكرة و هتتعب جدا و هتسيب الشغل دة لوحدها .. :)
ايمي ..:)
يا ما احلى غلطاتك يا شيخة :)

princess يقول...

هالو:)
بصى يا ستى انا كنت كتبت قبل كده زمان ايام السينما الصامتة هههههه فى الموضوع ده
وكنت بقول بردو ان المراة لا تساوى الرجل وانا مقتنعة جدا بالكلام ده
اما عن حكاية التعليقات السخيفة اللى الواحد بيسمعها"فى بنات بتتكسف" والكلام ده فياجماعة التعميم ده اكبر خطا فى التاريخ
محدش مرة واحدة يقول اصل البنات اصل الاولاد
اه لسه فى بنات كويسة ومحترمة وبنات بجد
تحياتى على البوست الجميل ده:)

oRiGiNaL HeArT يقول...

يا ستى صدعى دماغنا براحتك
لو مكنتيش انتى يعنى هتصدعينا مين هيصدعنا p:
بصى انا متفقة معاكى جد فى كل النقط
وبجد والله بحن بردو لايام زمان اللى كنا بنسمع عنها
وبردو نفسى الناس تحكم بالعدل بقى وميعمموش الشئ على كل البنات وياخدو بالهم من البنات الكويسة ويقولو لسة الدنيا بخير
بس زى ما قلتى الناس دايما بتكرز مع السواد
انا بتبسط اوى لما بلاقى بنات لسة عارفة ان فى فرق بين البنت والولد لازم البنت تحترمه
لذلك فانا مبسوطة الان
ههههههههههههه

بصى



مثلا والمتهم عيط قدامى هديله البراءة واقول جوايا ربنا يسامحه لو كان بيكدب



انا مش موافقة ان الست تكون قاضى ولا حاجة بس بجد مش دايما الرجالة بتكون عادلة فى المنصب دة
يعنى لو الست ارتكبت خطا زى اللى قولتيه دة فاحيانا الراجل بيعمل عمايل اسود ميت مرة
وطبعا فى قضايا مشهوووووورة حصل فيها كدة
مؤخرا حسيت ان لموضوع دة
مش ايموشن ولا حاجة اكتر مايكون ان الواحد يراقب ربنا فى كل اعماله

مواضيعك دايما جامدة
تحياتى :)

Unknown يقول...

انت تصدعى دماغنا زى ما انت عايزة يا حبيبتى (وش بيغمز)القاضى راجل او ست مش بيحكم بقلبه ولا بعقله حتى القاضى بيحكم بالورق والوقائع والبنت زى الولد مهيش كمالة عدد (وش بيرخم)

EMMY BABY يقول...

وكمان هييييييييه من عندى ليكى يا كيارا

وكمان حاجزة تانى تعليق ايه التسلط ده

مستنية ردك لما تركزى كدة وتفوقى

ولا اصدق كلام ازهرى ههههههههههه انا بهدى النفوس بس على فكرة

وعقابل ليكى هتدفعى غرامة تاخير مصاصة

تحياتى

ايمى

EMMY BABY يقول...

ازهرى


اسمحى لى ايضا وانا ولد ان اعترض بعض الشىء على كلامك
فنا اقول ان الانثى = الذكر
فكل منهما مكلف ولكن
يختلف التكليف طبقا للاختلاف فيما بينهما اختلافا ليس كبيرا الى هذا الحد الذى يثيره الكثير
وانا مع حريية المرأة بشرط ان نتفق على معنى الحرية
فهل من الحرية التى نطالبها بهاوالمساواة التى يعتقدفيها البعض ان اجعلك مثلا تقفين لتنظيم المرور بميدان العتبة
ام انها الحرية ان تعتدى الانثى على حرية الذكر مثل ان هناك عربات مخصصة لهن وليس للرجال كذلك فماذا عن انسان يرفض الاختلاط بهن مثلما رفضن هن

*************

طب ماحنا كدة ماختلفناش انا قلت المرأءة زى الرجل وممكن فى حاجات كمان تفوقه بس فيما لايخالف طبيعتها زى مانت قلت مش هتبقى مثلا شرطى مرور

وذكرت كمان انى لست ضد حرية المراءة ولكن يجب ان ندرك معنى الحرية اولا

اما موضوع عربيات الرجالة والسيدات دى

انا عن نفسى ولا احب انى اركب عربية رجالة بس بحس سورى فى اللى هقوله بمنتهى التناحة من بعض الرجالة اللى بتركب عربياتنا فى غير الوقت المسموح بيه لا ومش بس كدة ويقعدوا والله وسيبوا الستات واقفة حتى لو فى ست كبيرة ولا واحدة حامل ولا واحدة شايلة بيبى ولا فى دم المهم انهم قعدوا وخلاص

غير ان لو واحدة مثلا قلتلهم عربية سيدات اقسم بالله تقريبا بيقلبوها خناقة ويقعدوا بقى يكلموا مانتم بتركبوا عربياتنا وحاجات كدة ملهاش لزمة (خدوهم بالصوت ليغلبوكم )

نيجى بقى للجانب الاخر الستات اللى بتركب رجالة انا هكلم بدون تحيز والله

فى عربيتين سيدات بس لكن فى حوالى 10 عربيات رجالة وعلشان كدة سمحوا للسيدات انهم يركبوا الرجالة فده مش ضد حد بس مثلا لو المترو زحمة يبقى مينفعشى ابدا

غير ان مثلا مكن تكون واحدة متاخرة وملحقتشى تركب الا عربية الرجالة هل معنى كدة انها حد وحش

لكن بقى لو بدون اى ظروف فانا مبحبش كدة خالص وساعتها ليكم حق تعترضوا

*****************
واظن ان اى عاقل يرفض ان تعامل الانثى معاملة الذكر لاختلاف الطبيعة والقدرات وغيرها من الامور
************
اكيد لان الطبيعة مختلفة تماما


تحياتى على موضوع يناقش بتعقل

وتحياتى ليك ايضا وارجو انى مكنش طولت عليك وخاصة فى موضوع العربيات ده ههههههههههههه

وارجو انى اكون وضحتلك ان كدة مفيش اختلاف ولا حاجة بالعكس كدة احنا متفقين تماما

تحياتى

ايمى

EMMY BABY يقول...

ازهرى

هههههههههههههه شكلى هصدقك

ولا اقلك انا هسيب كيارا هى اللى ترد بقى

اطلع انا منها

تحياتى

ايمى

EMMY BABY يقول...

منمن

عارفه انا من يومين شفت بنت مع مامتها وهى عندها حوالى 18 سنة .. المهم حصل موقف كده لقيت البنت وشها احمر ولقيتها جميييييييييييييييييييييلة بجد
وعلى النقيض بنت عندها 15 سنة مقدرش اقولك خلعت برقع الحياء خاااااااااالص
عموما ربنا يهدينا
************************

الحياء ليس لع علاقة بسن بالعكس ده لازم يكون معانا علطول

ربنا يهدينا ويهديهم اللهم امين

***********************
انا معاكى يا ايمى لان البنت حاجه والراجل حاجه تانيه
ربنا خلق كل واحد فيهم بحساب وعمر ما كانت المرأة ضايعة حقوقها
الاسلام ادانا حقوقنا وبزيادة كمان
الحمد لله رب العالمين

*********************

اه والله خدنا حقوقنا وبزيادة كمان الحمد لله الذى انعم علينا بنعمة الاسلام

*****************************
موقف القاضى ده فكرنى بحاجه برضه
كنت بقول لواحده صاحبتى انا عايزه اخد سنه اكلينك وابقى استشاريه نفسية.. قالت لى وهتعملى ايه يعنى.. قلت عادى هسمع للناس واحاول احل مشاكلهم.. قالت لى ولو واحد محتاج فلوس ومش عارف يتجوز او يشتغل هتعيطى وتطلعى من جيبك وتديله
ههههههههههههههههههههههه
*******************
ههههههههههههههه انتى منهم زيى مفيش فايدة فينا

برافو عليكى يا ايمى
احسنتى

ربنا يكرمك هتغر انا كدة هتغر هههههههههه:))

تحياتى

ايمى

EMMY BABY يقول...

الروميصاء

انا معاكى 100% فى الموضوع ده
مفيش احسن من البنت تبقى بنت والراجل راجل دى حتى على الاقل اضعف الايمان انها تحس بأنوثتها
***************
والله مافى اجمل من ان المراءة تحترم طبيعتها فعلا

*******************
بس الافكار الغربيه بوظت عقول الناس
هما عملين ينادوا بحرية المرأه
وهى حريتها فى اتبعها شرع الله
فعذرا هذه هى الحريه التى نريد

*****************

للاسف لو هى دى الحرية يبقى بلاش منها احسن بس احنا فى ايدينا نفهم معنى الحرية صح ونطبقها صح

ربنا يهدينا يارب

تحياتى

ايمى

EMMY BABY يقول...

بربل ويف

فعلا الطبيعة مابينهم مختلفة تمام

وبالنسبة لموضوع الجزارة والسواقة والحاجات دي فهي طبعا حاجات بعيده عن طبيعة المرأة لكن ممكن واحدة تضطر تشتغل في شغلة من دول عشان تربي ولادها لو مثلا مكان جوزها او اي حاجة زي كده، موضوع مهم ومعالجة جميلة


انا معاكى فى الحتة دى جدا بس هى ممكن تشتغل كدة من غير ماتخالف طبيعتها طالما هى مضطرة انا والله بشوف الستات بتوع المطبح دول فظاع وهما دول اللى كنت اقصدهم فى البوست

لكن طبعا هى شغلانة شريفة ولو مفيش قدامها غير كدة يبقى المجتمع يرفعلها القبعة ويحترمها كمان

نورتينى بزيارتك الاولى واتمنى متكنشى الاخيرة

تحياتى

ايمى

EMMY BABY يقول...

سمايلى روز

بجد فعلا موضوع مهم

بس على فكرة فيه بنات كتير ودا بعون

الله اثبتوا كفاءة فى كثير من المجالات
********************

اكيد طبعا المراءة من ناحية الكفاءة لاشك انها ممكن تكون احسن من الرجل

******************

ولكن برغم كل هذا فانا معكى فانه

مهما خرجت البنت الى العمل فيجب

الا تنسى انها امراءة وهناك العديد

من المجالات لا تصلح لها

ويجب الا تنسى تلك الأنوثة التى حباها

الله بها وتلك المشاعر والاحاسيس التى

تفردت بها فهى نبع الحب والحنان فى

عالمنا
************************

جبتى المفيد بصراحة

************
بجد موضوع جميل

انتى اجمل

تحياتى

ايمى

EMMY BABY يقول...

احمد علام



عارفه انا كنت بتلكك بالكلمه دي
واقول مدام البنت زي الولد تدخل الجيش
وتحارب ومتقولش يا مامي لما تسمع صوت رصاص

****************
هههههههههههه ادينى مدتكشى فرصة تتلكك بقى

هى لسة هتقول يا مامى انا بيتهيالى هتطب ساكتة

******************

بصي انتي كده جبتي من الاخر

ربنا يكرمك

اى خودعة

ميرسى لزيارتك وارجو انها متكنش الاخيرة

تحياتى

ايمى

EMMY BABY يقول...

برنامج انت تسال والكمبيوتر يجيب

اللينكات مش شغالة

وميرسى للدعوة

تحياتى

ايمى

EMMY BABY يقول...

روزى

بصى حكاية البنت زى الولد ممكن تتاخد أنها غلط و ممكن تتاخد انها صح...يعنى قصدى انها الجملة دى و الكلام ده كان بيتقال لان المرأة كانت متبهدلة زمان قوى و مازالت فى حتى الآن فى بعض الاحيا..و متبهدلة يعنى ظلم و احتقار و ضياع حقوق و معاملة متدنية..الخ..لما كل ده يبقى موجود يبقى لازم كلنا نقول البنت زى الولد عشان نصلح المفاهيم الخطأ اللى عند الناس ..لكن اكيد أكيد كل اللى قالو البنت زى لولد ماكنوش يقصدوا فى كل حاجة بظبط بظبط و لا يبقى فين الاختلاف؟..و لو حد قصده كده يبقى هنا البنت زى الولد غلط..زىه دى مهناها انها تستحق معاملة مماثلة فى الخطا و الصواب ..
******************

كلامك صح مية المية بس للاسف الناس واخدة المفهوم بطريقة تانية ان البنت زى الولد فى كل حاجة لدرجة ان ممكن واحدة مثلا اخوها ولد تقول لمامتها اشمعنى هو يرجع وقت ماهو عايز وانا لا
!!!

********************
لكن فى مهن فعلا ما تنفعش للمرأة خالص خالص..و مع ذلك فمهنة القاضية ليست من هذه المهن..
أيه المشكلة يعنى لما تبقى قاضية؟..حتة المشاعر اللى بتتكلمى عليها دى..هى آه المرأة عندها مشاعر اعلى و اكتر لكن ليس معنى هذا أن تضعها فى غير محلها..فى مجرم يسحق العقاب..ليس من المنطقى ان تتأثر بدموع قاتل او سارق أو مغتصب ..و فى الخارج هناك الكثير من القاضيات و هنا ايضا بدات التجربة تتطبق و لكن على نطاق محدود و الدنيا ماشية و عادى جدا..
*******************

تمام بس هى وقتها ممكن متفكرشى بمنطقية وممكن مشاعرها تغلبها ومش كل البنات درجة الايموشين عندها واحد طب واحنا ليه بقى من الاول نعرض نفسنا اننا نحط قاضية ونجرب بقى اذا كان احساسها هياثر على دورها ولا لا

******************************
المشكلة فى ثقافتنا اللى بتقول انا مش متخبلة امراة قاضية أو طيارة أو..الخ..يمكن اتن تقصدى ان مش كل النساء ينفع تبقى قاضية و ده طبيعى و مش كل الرجال كمان..كل عمل له اشخاص معينيين مناسبين له..
******************
كلام منطقى جدا وصوابعك مش زى بعضها بس انا بكلم جينرال ومعروف كويس ان الجينيرال فى الستات الاحساس والجينرال فى الرجالة القوة

بجد عجبنى تعليقك جدا جدا وضحلى شخصيتك اكتر


تحياتى

ايمى

EMMY BABY يقول...

حسن حنفى

ممكن الجزاره لايقه علي المراه

:p


اه قلتلى بقى كويس ادينى ضمنت شغلانة هههههههههه


مستني اجابات التاج

ربنا ييسر ادعى انت بس

تحياتي

ايمى

EMMY BABY يقول...

محاسن

الست الهبله هيا اليى تطلب مساواه كامله بالراجل لانها بكده بتقضى على جزء لا بأس به من انوثتها ورقتها ومكانه ناعمه وهبها ربنا ليها
يعنى مساواه فى الشغل ..طب ما فيه اشغال شاقه تقضى بسهوله على قوة الست اليى ليها طبيعه خاصه فمينفعش مثلا ست تشتغل فى حفر طرق ..وتبقى تقابلنى لو بقت ست اصلا..
ومينفعش ست تشتغل خفير درك باليل يعنى اكيد اكيد عندها بيت واولاد افضل تحرسهم وتعمل على جوزها غفير دوريه احسن بكتير
فانا متأكده ان المكانه اليى ربنا اداها للست لحكمه ووده واضح من الامكانيات اليى ربنا وهبها ليها
بعدين الحياه مش صراع الحياه طول عمرها راجل وست مش راجل وست بتسترجل
..والله اعلم..

********************

مينفعشى اكلم بعد اللى قولتيه

انا عن نفسى مش هبلة هيييييييييييييه

هههههههههههههههه

بجد كلامك صح اوى وانا اتفق معاكى جدا


تحياتى

ايمى

EMMY BABY يقول...

احمد حشمت

عفوا هذا زمن المرأة
والدليل على كده الكلام الكتير زي :
ـ البنت أحسن من الولد
ـ المرأة كل المجتمع وليست نصفه فهي الام والاخت والزوجة والصديقة
............................
هى نصف المجتمع اه بس عن طريق دورها اللى ربنا ادهالوها وما لايخالف طبيعتها

************************
أنا مش عارف احنا فرقنا بين الرجل والست ليه وعلى أساس ايه؟!
والمرأة دايما حاسة بالنقص ليه؟!
وبالعافية عايزة تثبت انها وانها وانها
ماشي أحنا كرجالة عارفين فضل أمنا (حواء) علينا بس أدم برده أبو البشرية ولا إيه ؟!
العالم نصفين ( أدم وحواء )
يا ريت نفهم كده؟!

***************

المراءة مش حاسة بالنقص ولا حاجة بس فى ناس بتفهم الامور غلط

وكمان المراءة لما طلبت المساواة ده كان ناتج بسبب عصر سى السيد والحاج متولى لكن لو الراجل راعى ربنا فى المراءة عمرها ماهتتطلب اكتر من حقها

*****************
ونخلينا كده زي ما ربنا خلقنا مندورش على المساواة اللي ملهاش أصل ولا معنى ..
...................

هى ليها معنى بس زى ماناس كتير كتبت فى الكومنتات فى التكليف والعبادات وزى مانا ذكرت فى الفكر والشخصية لكن ليس فى الطبيعة

****************
المهم إن أزمة الستات وحربهم ضد الرجالة دلوقتي بتفكرني بأزمة اليهود وحربهم مع الألمان وكل الدول الاوربية
وهو ده الللي ناقص الستات يطالبوا بتعويضات من الرجالة عن اللي اتعمل فيهم من سي السيد في عصر الحريم
هههههههههههه
*******************

حاسة انك معبى اوى من الستات ههههههههههه بطلوا بقى الحقد العنصرى ده

وللاسف اللى احنا وصلناله ده زى مانت قلت فعلا ناتج عن تاثير سى السيد واثالة اللى بيفهموا القوامة غلط

تحياتى

ايمى

EMMY BABY يقول...

كلمة

اهلا بيك

**********************
طبعا انا استغربت من العنوان وازاى يطلع من انسانه ملتزمه مثلك بس بعدما قريت الموضوع غيرت رايي تماما
طبعا كلامك صح جدا
******************

هههههههههههه العنوان كان للتشويق وعلشان يودى دماغك فى حتة والبوست فى حتة تانية خالص وهذا هو المطلوب اثباته

*************************
عمرنا ما قلنا ان الرجل افضل من المراه ولكن ليسوا سواء
وتبقى ايه حكمة ربنا فى انه خلقنا على صورتين مختلفتين
دى فكرة روج لها الغرب بدعوى تحرير المراه وللاسف ساندها كثير من النساء
والضحيه كانت المراة نفسها كلفت نفسها باعمال مش من اختصاصها وضيعت حاجات من صميم وظيفتها فى الحياة
********************

فعلا والله مفروض المرأة تفهم ان ليها دور اساسى وهو بيتها وزوجها واولادها وان هى دى رسالتها الاساسية

ولو نزلت تشتغل يبقى فيما لايتعارض مع وظيفتها الاساسية ولا طبيعتها

وطبعا الى مزيد من التواصل


تحياتى

ايمان

EMMY BABY يقول...

رانيا

الحمد لله اننا متفقين

نحن النسوة ههههههههههه

يارب فعلا اشوفك منورانى علطول

ولكى منى احلى تحية

ايمى

EMMY BABY يقول...

فارس بلا جواد

اكيد طبعا ربنا خلق الراجل والست واعطي كل منهما صفات خاصة .. والصفات دي احيانا لا تلائم طبيعة عمل معين
لذلك من التعصب ان احنا نطالب ان الست تبقي زي الراجل في كل حاجه لان ده تحدي للطبيعة اللي ربنا خلقنا عليها
*****************
اكيد طبعا وكمان هتبقى فقدت طبيعتها وفى نفس الوقت مش هتبقى راجل يعنى بقت تايهة

******************
وزي ما انتي قلتي في اعمال تانية بتبقي ملائمة للست اكتر .. عشان كده بلاش موضوع المساواة في كل حاجه والكلام بتاع جمعية المرأة المتوحشة ده هههههههههههه

*******************

ههههههههههههههه مرأة متوحشة لا احنا هنعمل جمعية المرأة الوديعة والله انتم ظلمنا :))

*****************
انا شايف ان كلامك صح في حاجات كتير .. ربنا يكملك بعقلك وياريت باقي بنات حواء يفهموا كده

ربنا يكرمك بس انا فعلا لاحظت ان معظم بنات حوا تفكيرهم زى تفكيرى واديه اهو واضح فى الكومنتات بسم الله ماشاء الله

ربنا يكملنا بعقلنا ومنتجننش هههههههههه

تحياتي

ايمى

EMMY BABY يقول...

شفقة

ههههههههههههه اى خودعة نياها

وكمان هى الدنيا تنفع من غير ستات على رايك

تحياتى

ايمى

EMMY BABY يقول...

رومنسى

ايمى بجد بوست صريح وجرئ اهنيكى عليه
في بعض الاحيان البنت مش بتحب تظهر ضعيفه قدام الولد سواء بقى كان الولد دا حبيبها او رئيسها فى الشغل او حتى والدها

****************

لو ضعفها هيضرها يبقى بلاش تظهره لكن حتى لو كدة لازم تكون مقتنعة داخليا انها ممكن تتضعف وده مش عيب

*********************
وكمان البنت مملكتها بيتها فى الاول وفى الاخر انا مش بقول ان انها مش تشتغل لا بالعكس فيه فى ايام الغزاوات
كانت المراه ليها دور مهم انها تعالج المصابين يعنى فى وظايف فعلا البنت هى اللى تعملها بس
وكمان المراه عبقريه تبدع فى كل شئ
وزى ما بيقولوا
عبقرية المرأة تكمن في قلبها )
وقلبها هو نقطة ضعفها !!

****************

خدوا الحكمة بقى من كلام رومنسى بجد والله تمام جدا

المرأة عبقرية فى كل حاجة مش فى قلبها بس هههههههههههههه(ياربى على الغرور)

تحياتى

ايمى

EMMY BABY يقول...

محمووووووووود

وعليكم السلام ورحمة الله وبركاته

فعلا البنت مش زى الولد خالص والاكتر من كدة استغرب ان بنت فى الزمن اللى احنا فية دة بتقول كدة ..
*****************

ههههههههههههههه علشان تعرف بس اننا مش اى اى ولا زى زى وهذا هو التميز :P

بس على فكرة فى بنات كتير بتفكر كدة والله وممكن معظم البنات فمتستغربشى خالص


فعلا فى وظائف محتاجة قوة الراجل والا كان ربنا سبحانة وتعالى مش وضع القوة فى الراجل على شان يجاهد فى سبيله
****************

اكيد طبعا سبحان الله

*****************
كنت متوقع انك هاتقولى البنت زى الولد كنت هاعرف اجدلك كويس اوى ..
لكن انتى بصراحة اخدتيها من قيرية وقولتى الحق ..
ههههههههههههههههههههههههههه

*******************

منا خفت بقى اضرب هههههههههه فقلت بريى يابيه اقر واعترف بكذا كذا كذا

يلا الحمد لله ضيعت عليك الفرصة :P

**********************
تعرفى ان اجمل اسلوب فى الكتابة شفتة كان منك انتى ..

احم احم

ارد انا اقول ايه بقى دلوقتى على الكلام الحلو ده

بس على فكرة فى كتير اسلوبهم حلو زيك مثلا


*****************
الجزء دة موتى من الضحك واثبتلى انك عقلانية جدا جدا ..

*******************
هههههههههههههههههههه ولسة عايش مع ذلك :P

اصل بصراحة هى دى الحقيقة

********************
بوست ممتاز اسلوب رائع يستحق التقدير

ميرسى جدا لذوقك

تحياااااااااااااااااااااااااااااتى

ايمى

مـجـنـووون يقول...

بجد موضوع جميل قوي وفكرة حلوه كتير وبالذات لما يطلع من بنت

أول مرة أشوف واحده بتقول أن النبت مش زي الولد

المرأة لأزم تخد حقها إلي تتناسب مع طبعتها والتكوين الرباني إلي خلقها عليه

يعني والله الواحد بيزعل لما بيلاقي واحده ست مثلا شغاله مع البنيني وبتوع الخرسانه
هو طبعا الشغل مش عيب بس المرآة ليها مكانه وطبيعه ومتستحقش أنها تتعامل بالطريقة دي

وعلي فكرة انا موافق أنا يبقي في مساواة بين الراجل والمرأة وموافق كمان أن الست تاخد دور الراجل
مش لو خدت دور الراجل هي الي حتجيب الشقة والعفش والمهر والشبكه وحتشتغل علشان تصرف علي البيت
أنا موافق لو عندك عروسه بالمواصفات دي هههههههههه

اه كنت حنسي
لو فكرتي تهربي حملصلك ودانك ( وش شرير ) هههههههههههههه

تقبلي مروري
مجنووون

EMMY BABY يقول...

محمد


وكل واحد ربنا اداله مميزات عن التانى والرجل والمرأة بيكملوا بعض


اهم حاجة فعلا انهم بيكملوا بعض ده المهم فعلا فى الاخر

ربنا يكرمك

تحياتى

ايمى

EMMY BABY يقول...

نعكشة

الحمد لله انك مصدعتيش

*****************
بس فعلاً
المرأة ليها دور و الرجل لية دور
هيا زيادة في حاجات و هوه زيادة في حاجات

حاجاتها تؤهلها لأعمال مختلفة في المجتمع و هو ايضا
*********************************

تمام كدة هو ده الصح


ويارب منختلفشى ابدا

تحياتى

ايمى

EMMY BABY يقول...

تامر الحسينى

في الواقع انا متفق معاكي في حجات كتير قوي
بس مش في كل حاجة
*********************

الاختلاف فى الراى لا يفسد للود قضية

********************
بس انا حاسس انك جاية علي المراه شوية

المراه نصف المجتمع
وعظمة المراه في دورها
كبنت وحبيبة وزوجة وام
دي ادوراها الاسرية
زي كمان ما ليها ادوار تانية حسب طبيعة شغلها

جمال الست في طبيعتها
وهي طفلة هي الاهدي والاحلي وحبيبة بابا اكتر من الاولاد الاشقياء
وهي حبيبة بيتحول الولد لمحاولة اسعادها وتحقيق احلامها والتفاهم معاها
وهي زوجة وبيعاملها زوجها باحترام وحب وهي بتدير بيته وبتدير ليه حياته
طبعا الحاجة المهمة جدا من ادوار الست
الامومة
ودي نعمة جميلة جدا
بجد بحسد الست عليها

وكفاية يا جماعة ان كل راجل الست عنده اهم شيء
*********************************

كلامك سليم جدا وميختلفشى عليه اتنين
بس انا مقللتش من دور المرأة ولا حاجة بالعكس انا كتبت انها ممكن تفوقه فى حاجات كتير بس فيما لايخالف طبيعتها واظن ده ليس فيه تعارض مع كلامك
***********************

انا في ست في حياتي
اهم ست في الدنيا كلها
لانها هي الاي علمتني الركعة الاولي
في حياتي
هي الاي علمتني القراءن هي الاي علمتني الحب والحنان
واني احب الناس
وانا اي ست بتعامل معاها ببقا حريص اني ارد من خلالها الجميل للست دي
وهي جدتي الله يرحمها
امي الحقيقية الاي بجد حياتي بعدها ملهاش قيمة

تحياتي لاعظم ست
ولكل ست بجد محترمة ونقية وخجولة وبتقدر تزرع الحب في قلوب الناس
وتنشر الخير والمودة
**********************

بجد ربنا يرحمها ويسكنها فسيح جناته ويكرمها


*************************
وتقولي لي في الاخر البنت زي الولد
لا البنت مش زي الولد
البنت عندي
اهم كتير من الولد
لكل الاي قلته في تعليقي
***********************
ماكيد طبعا هى زى الولد واحسن لو هى فضلت بنت وحافظت على طبيعتها


واتمني ليكي يارب
تحسي بنعمة الامومة علشان تعرفي ربنا كرمك اذاي
واداكي شرف ونعمة ليس لها حدود

*********************

ونعم بالله انا الحمد لله مقدرة جدا وبحترم كونى امرأة

معرفشى حاسة انك فهمت كلامى غلط خالص
يارب اكون قدرت اوضح ان مفيش اختلاف ولا حاجة

تحياتى

ايمى

EMMY BABY يقول...

محمد الدخاخنى

بداية احب احيكِ على الاسلوب الشيق الذى كتبتِ بيه العنوان والموضوع...
***************
شكرا جدااااا

التعليق: من خلال قرآتى للموضوع لاحظت انكِ تعرضت للكثير من الاشياء كعمل المرأة والقوامة والحياء الذى ندر وجودة و شهادة المرأة....ولكن اظنك تعلمين ان كل موضوع من تلك المواضيع يحتاج الى كتاب كامل لمزج فيه كل الآراء

***************

فعلا هو كل موضوع عايز استفاضة بس انا حبيت اقول رايى فيهم على عجالة سريعة

**************************
فالبنسبة لعمل المرأة..الموضوع من الأصل يوجد فيه عدة آراء فقهية لدرجة رئ يقول لا يجب ان تخرج المرأة من بيتها الا فى ضرورة ومادام الزوج ينفق يكره ان تعمل ويستندون الى احاديث واقوال صحيحة
*****************
انا مش هعرف ارد لانى لست على علم كافى يؤهلنى للرد

اما بالنسبة للقوامة.. فيجب ان نكمل الآية(الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيًّا كَبِيرًا)
النساء:34

يقول الإمام ابن كثير فى تفسير بما فضل الله به بعضهم على بعض:(أي لأن الرجال أفضل من النساء والرجل خير من المرأة ولهذا كانت النبوة مختصة بالرجال وكذلك الملك الأعظم لقوله صلى الله عليه وسلم لن يفلح قوم ولوا أمرهم امرأة رواه البخاري « 7099 » من حديث عبد الرحمن بن أبي بكرة عن أبيه وكذا منصب القضاء وغير ذلك )

**********************
تمام جدا يعنى فعلا مينفعشى ان المرأة تعمل قاضية

**************
وأما شهادة المرأة فاللينك مش شغال

**************
واما الحياء..فهذا يعتصر قلبى ويهز وجانى ولكن اعلمى انا السبب هو الاعلام ودعاة حقوق الانسان الذين يريدون ان يظلموا كل انسان وينادون بتحرير المرأة التى قيدها الإسلام...عجباً أألله ظلم المرأة حاشا وكلا...والنبى يقول(وصيتى انا والنبين من بعدى إذا لم تستح فاصنع ما شئت)
************************
ربنا يثبتك يارب والله جميل جدا بالرغم من صغر سنك الى حد ما الا ان اسلوبك فى الكتابة يسبق سنك بمراحل

فعلا كان تعليق ذو قيمة بجد جزاك الله خيرا على الراى والنصح

وكمان بالعكس انت مطولتش ولا حاجة

تحياتى

ايمى

EMMY BABY يقول...

صباح الصباح

هوة فعلا احلى حاجة فى البنت والمراة عموما رقتها

الرجل فية ما يكفى من الجدية والقوة فلماذا يريد امراة قوية جادة صارمة

نعم لاان تكون طوعا ولينة بدون شخصية ولكن ان تحتفظ بانوثتها ورقتها

*************

فعلا هى المرأة جمالها فى ضعفها بس بجد فى رجالة بتبقى عايز تلغى شخصية المرأة تماما وعايزة المرأة تقول حاضر ونعم بدون نقاش بدون اعتبار ان لها كيان وراى مستقل


تحياتى

ايمى

EMMY BABY يقول...

تسنيم

وعليكم السلام يا حبيبتى

وده عمره ما يفقد المرأه حريتها بل بالعكس حرية المرأه فى الأبتعاد عما لا يناسب طبيعتها ومالا يتاسب شريعة ربناوحيائها وخجلها...وكل الكلام اللى بنسمعه الوقتى ليس الا ضحك على المرأه...واحنا بكل سزاجه صدقناه ومشينا وراه....

كلام منطقى جدا احييكى عليه

**************************
وفعلا انا كمان بحن الى ايام زمان اللى انا ماشفتهاش... لما كانوابيقولوا البنت مكسوفه ووشها بيحمر...
بجد نفسى نرجع لأيام زمان..
اللهم ارزقنا الحياء وتطبيق الشرع...

اللهم امين احنا زى زمان بس زى مانتى قلتى فى ناس اضحك عليهم واعتقدوا ان النت زى الولد ولازم تكون جرئية ومفيش داعى للحياء والخجل لكن لسن هن كل النساء

دمتى بكل ود

واتمنى متكنش الزيارة الاولى والاخيرة وارجو تكرار الزيارة

تحياتى

ايمى

EMMY BABY يقول...

قهوة بالفانيليا

صح :)
موافقة معاكي جدا على تحليلك البسيط لطبيعة البنت و ملائمتها للعمل او الوظيفة ..
اصلا هي حتى لو حاولت تشتغل حاجة مش مناسبة ليها .. طبيعتها هترفض دة على فكرة و هتتعب جدا و هتسيب الشغل دة لوحدها .. :)

بجد فعلا والله هى اللى هتتعب وزى ماقلت قبل كدة هتبقى تايهة ولا محصلة بنت ولا محصلة ولد

*************************
ايمي ..:)
يا ما احلى غلطاتك يا شيخة :)

ههههههههههههههههههه ميرسى جدا اغلط براحتى يعنى :p

نورتى المدونة واتمنى انك متحرمناش من زياراتك وكومنتاتك

تحياتى

ايمى

EMMY BABY يقول...

برينسيس

هالو عليكى انتى ههههههههههههههههه


كنت بقول بردو ان المراة لا تساوى الرجل وانا مقتنعة جدا بالكلام ده
اما عن حكاية التعليقات السخيفة اللى الواحد بيسمعها"فى بنات بتتكسف" والكلام ده فياجماعة التعميم ده اكبر خطا فى التاريخ
محدش مرة واحدة يقول اصل البنات اصل الاولاد
اه لسه فى بنات كويسة ومحترمة وبنات بجد
تحياتى على البوست الجميل ده:)

تحياتى بقى انا على التعليق ده

ياريت فعلا الناس تقتنع ان صوابعها مش زى بعضها بس للاسف السيئة تعم

تحياتى

ايمى

EMMY BABY يقول...

اورجانيل هارت


يا ستى صدعى دماغنا براحتك
لو مكنتيش انتى يعنى هتصدعينا مين هيصدعنا p:

هههههههههههههههه يعنى بتايدى انى صداع اهى اهى اهى اااااااااااه

**********************
بصى انا متفقة معاكى جد فى كل النقط
وبجد والله بحن بردو لايام زمان اللى كنا بنسمع عنها
وبردو نفسى الناس تحكم بالعدل بقى وميعمموش الشئ على كل البنات وياخدو بالهم من البنات الكويسة ويقولو لسة الدنيا بخير
بس زى ما قلتى الناس دايما بتكرز مع السواد
انا بتبسط اوى لما بلاقى بنات لسة عارفة ان فى فرق بين البنت والولد لازم البنت تحترمه
لذلك فانا مبسوطة الان
ههههههههههههه
*************************

ربنا يبسطك كمان وكمان هههههههه روحى ياشيخة وانتى علطول مبسوطة وتعالى تانى :))

بجد للاسف فعلا الواحد دايما بيركز على الوحش لو ملهوش تجارب يعنى انتى نفسك هتلاقيك مثلا فى فترة معينة مش قادرة تصدقى ان فى ولاد محترمة ههههههههههههه


انا مش موافقة ان الست تكون قاضى ولا حاجة بس بجد مش دايما الرجالة بتكون عادلة فى المنصب دة
يعنى لو الست ارتكبت خطا زى اللى قولتيه دة فاحيانا الراجل بيعمل عمايل اسود ميت مرة
وطبعا فى قضايا مشهوووووورة حصل فيها كدة
مؤخرا حسيت ان لموضوع دة
مش ايموشن ولا حاجة اكتر مايكون ان الواحد يراقب ربنا فى كل اعماله
*********************

طبعا كلامك صح جدا بس انا بكلم ان المرأة ممكن تكون كويسة جدا وعارفة ربنا بس تضعف نتيجة لطبيعتها

لكن لو راجل ومراعش ربنا يبقى حسبى الله ونعم الوكيل فيه حسابه مع ربنا



مواضيعك دايما جامدة

تعليقاتك دايما اجمد :))

تحياتى

ايمى

EMMY BABY يقول...

ههههههههههههه ايه يا انجى

انتى داخلة تكبسينى وخلاص

ايه ده بقى انا مخمصاكى ومش هجبلك شيكولاتة هههههههههه

البنت مش زى الرجل لكن مش كمالة عدد بس هه وش بيرخم

تحياتى

ايمى

EMMY BABY يقول...

مجنون

بجد موضوع جميل قوي وفكرة حلوه كتير وبالذات لما يطلع من بنت

طبعا لو طلعت من ولد هتبقى وحشة هى دى البنات ولا بلاش (مغرورين اوى البنات دى )

********************
أول مرة أشوف واحده بتقول أن النبت مش زي الولد

لا فى كتير والله بس انتم متخيلين البنات كلها حاجة واحدة

********************
يعني والله الواحد بيزعل لما بيلاقي واحده ست مثلا شغاله مع البنيني وبتوع الخرسانه
هو طبعا الشغل مش عيب بس المرآة ليها مكانه وطبيعه ومتستحقش أنها تتعامل بالطريقة دي
***************
اكيد طبعا بجد هيبقى موضوع صعب اوى

********************
وعلي فكرة انا موافق أنا يبقي في مساواة بين الراجل والمرأة وموافق كمان أن الست تاخد دور الراجل
مش لو خدت دور الراجل هي الي حتجيب الشقة والعفش والمهر والشبكه وحتشتغل علشان تصرف علي البيت
أنا موافق لو عندك عروسه بالمواصفات دي هههههههههه
************************
لا مهو انا لسة بقول القوامة للرجل بامر ربنا يعنى مينفعشى اى راجل يهرب من واجب عليه ولا ايه :))

وكمان انا مقدرشى اسيب التدوين على فكرة بجد

تحياتى

ايمى

موناليزا يقول...

نسيتى تتكلمى عن الكارثة الكبرى وهى تعيين المرأة كمأذون!!!!
طب ازاااااى هتحط ايديها على ايد العريس ووكيل العروسة وده حرااااااااام
ولا يمكن هتجوزهم بطريقة تانية

EMMY BABY يقول...

موناليزا

والله انا اول مرة اسمع الكلام ده منك

دى فعلا كارثة ده لو حصل يبقى احنا اجننا رسمى خاااااااااااااااالص

هههههههههههههه هم يبكى وهم يضحك

ولسة اللى يعيش ياما يشوف

نورتينى بجد

تحياتى

ايمى

Anas يقول...

مرحبا
بس بدي احكيلك كلامك صح مليووون بالميه
يعني بصراحه طلعت كل اللي براسي وانا بقرأ...
الف شكر :)

EMMY BABY يقول...

انس

اهلا بيك

بس بدي احكيلك كلامك صح مليووون بالميه
يعني بصراحه طلعت كل اللي براسي وانا بقرأ...

طب الحمد لله دى اهم حاجة ربنا يكرمك

نورت المدونة وارجو تكرار الزيارة

تحياتى

ايمى

باجوجو يقول...

بجد البوست دا عجبنى جدا يا إيمى


الاعتراف بالحق فضيلة..ههههههه

فمن موقعى هنا انادى ان المرأة مش زى الرجل فى كل حاجة وانما هى مثله ويمكن احسن فى اشياء معينه وان اى مرأة كفيلة انها تكون جديرة بالاحترام بدون ان تفقد طبيعتها ولكم منى جزيل الشكر

والقطعة دى تحفة

يا ريت كل البنات يقتنعو زيك

عش نخلص بقى من دوامة الجمعيات اللى بتطالب بان المرأة نصف المجتمع

المرأة يا سيدتى المجتمع كله

تقلبلى مرورى

عالم حبيب يقول...

آيمى

الموضوع مهم وحساس مع انه بسيط خالص

خدعوك فقالوا : البنت زي الولد

كلامك عين العقل ومش محتاج اني اضيف له .. بس هأقول حاجة واحدة .. بحكم وجودي في بل أغلب اللي فيه أجانب ومن تعاملي معهم أقول الآتي :

صدقوني نساء الغرب المتحررات المتحلالات ينادون من الأعماق : نريد أن نكون مثل المرأة المسلمة ولو نصف ساعة ثم نموت بعدها .. هذه الجملة التي قالتها احدى عارضات الأزياء عندهم

الحرية اللي بيطالب بيها البعض للمرأة ( مش عارف حرية ايه هي اصلا امتى استعبدت ) لأن البعض عاوز يقلد الغرب في كل شئ وحش للأسف

ياريتهم يقلدوا الغرب في تقدمه واختراعاته بس هما بيجوا على الحاجات السيئة اللي الغرب اصلا نفسه يتخلص منها ويقلدوها

المرأة مكرمة في الاسلام ومش محتاجة حد يحررها ولا يساويها بالرجل .. بل الاسلام رفع شأنها وليس معنى أنها لا تقوم بأشياء يقوم بها الرجال انها أقل من الرجل

القرآن غالبا ينادي الرجال والنساء على نفس المستوى وليس أدل على ذلك من هذه الآية الكريمة في سورة الأحزاب

( إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيرًا وَالذَّاكِرَاتِ أَعَدَّ اللَّهُ لَهُمْ مَغْفِرَةً وَأَجْرًا عَظِيمًا )


والنبي صلى الله عليه وسلم يقول في الحديث : " إنما النساء شقائق الرجال "
{رواه أبو داود}


وأنقل هنا شرح لهذا الحديث

شقائق : بمعنى على قدم المساواة ،في التكليف و الحقوق وأداء الواجبات و العمل والدعوة و الحساب و الجزاء .
إلا في بعض المجالات يكون منهما دور وخصوصية ، لذا ميزا الله كل من النساء و الرجال بما يعنيه على القيام بدوره .فمثلا فضل الله النساء بالرحمة والرقة والحنان؛ وفضل الرجال بالحزم والعقلانية والشدة والاستعداد للكسب.
وهكذا يقول الله عز وجل :" ولهن مثل الذي عليهن بالمعروف وللرجال عليهن درجة.."


اسف لو طولت .. وربنا يهدي النسااااء والرجاااال يارب العالمين

احمد اشرف يقول...

موضوع جميل
انا كل ماكنت اسمع جملة المراه = الرجل وغرها كنت بتخيل انها بتشتغل سباك ولا نجار وغيره من نوعية الشغل ده الخاص بالرجال وافطس على روحى من الضحك وانا بتخيل شكلها (وش بيضحك)
واخيرا انا مبسوط انى زرت المدونه الرائعه دى(وش مبتسم)
تحيـــــــــــــــــاتــــــــــى

EMMY BABY يقول...

باجو جو

الحمد لله ان البوست عجبك وطبعا علشان البنات علطول فضيلة بيعترفوا بالحق ههههههه


************************
والقطعة دى تحفة

يا ريت كل البنات يقتنعو زيك

عش نخلص بقى من دوامة الجمعيات اللى بتطالب بان المرأة نصف المجتمع

المرأة يا سيدتى المجتمع كله
*******************************

هههههههههههههههههههه هتخلصوا ان شاء الله على ايدى

تحياتى

ايمى

EMMY BABY يقول...

حبيب


صدقوني نساء الغرب المتحررات المتحلالات ينادون من الأعماق : نريد أن نكون مثل المرأة المسلمة ولو نصف ساعة ثم نموت بعدها .. هذه الجملة التي قالتها احدى عارضات الأزياء عندهم


سبحانك يارب ومع ذلك المسلمين مش حاسين بالنعمة اللى هما فيها

زى مانت قلت مبنحبش نقلد غير الوحش ثقافة غريبة للاسف

بجد مش هلاقى حاجة اقولها بعد كلامك

فعلا كلمات تستحق التقدير

وربنا يهدي النسااااء والرجاااال يارب العالمين

اللهم امين يارب العالمين

تحياتى

ايمى

EMMY BABY يقول...

احمد اشرف

موضوع جميل
انا كل ماكنت اسمع جملة المراه = الرجل وغرها كنت بتخيل انها بتشتغل سباك ولا نجار وغيره من نوعية الشغل ده الخاص بالرجال وافطس على روحى من الضحك وانا بتخيل شكلها (وش بيضحك)
************************
هههههههههههههههههه اه والله فعلا واضح ان الموضوع شاغل الرجالة اكتر من البنات
*****************************
واخيرا انا مبسوط انى زرت المدونه الرائعه دى(وش مبتسم)

ميرسى جدا وارجو تكرار الزيارة

تحياتى

ايمى

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

غير معرف يقول...

اهلا يا ايمي
اؤيدك تماما طبعًا
موضوع بسطني جدا
نداء للاخوة العلمانيين عشان ييجوا يتفرجوا !
بدل التضليلات بتاعت الرجل الشرقي بيجرجر المرأة من شعرها !

كوارث يقول...

انا اللى كاتب التعليق على فكرة عشان متحتاريش

EMMY BABY يقول...

كوارث

والله فعلا كتر خيرك انا بقعد احتار فعلا


اهلا بيك يا طارق

**********************
اؤيدك تماما طبعًا
موضوع بسطني جدا
نداء للاخوة العلمانيين عشان ييجوا يتفرجوا !
بدل التضليلات بتاعت الرجل الشرقي بيجرجر المرأة من شعرها !
***********************

اه ييجوا وبالمرة يتفرجوا كمان على الكومنتات هيلاقوا البنات كلهم مؤيدوين ودى مش غريبة على امرأة مسلمة فاهمة الدين والحياة صح

نورت يا كوارث

تحياتى

ايمى

I am a Muslim ! يقول...

تتجوزينى ؟
22 سنه
طويل القامه
يقدس الحياه الزوجيه ويشارك فى الأساس !!
بهزر طبعا :)
بجد موضوعك جميل جدا
وخصوصا ان قليل قوى هما اللى بيقولو الكلام ده
بس بينى وبينك موضوع النقطه السوده دى
قديمه قوى
دلوقتى بقت النقط كتير قوى وما تتعدش
البنات اللى عندها حياء بقو يتعدو دلوقتى :(

ـــــــ
مدونه مميزه
ان شاء الله اتابعها دايما

البنت الشقيه يقول...

انا معاكى بس ليه شويه تعليقات
اولا
,,,,,,,,,,,,,
الست الى بتشتغل قاضى دى بيبقى معاها 2 رجاله كمان قضاه بيساعدوها فى القرار الى هتاخده وبعدين دى بتبقى حالفه قسم على نفسها فمستحيل تقدر تحكم عن طريق مشاعرها اى نعم بينها وبين نفسها بتزعل على القرار بس برضو

,,,,,,,,,,
ودلوقتى البنات بقوا كلهم شخصيات عجيبه ومختلفه ويا وحشه اوى ياا كويسه اوى فمعدش يفرق
والولاد الى بيقولوا على البنت اهنا مسترجله
دول بيقولوا كده عشان ايفيين انهم مش قادرين يخدوا معاها لا حق ولا باطل ومش زى نوعيه البنات الى بيتعاملو معاها
اكيد فاهمانى
..................
لاكن بقى لو عل الست دا امر بقى عادى جدا لاننا فى عصر الغلاء والكره والمصلحه يعنى مثلا المطلقه دى او الارمله دى تطلب من مين انه يششتغلها عشان يجيبلها فلوس تاكل بيها العيال

لاننا زى ماقولتلك فى عصر خد وهات
وفى النهايه يقولك شكراا جداااااااااا على فتح الموضوع دا

تحياتى وياريت متكونيش زعلتى من ملاحظاتى

البنوته الشقيه

أنا حر يقول...

لا معلش اسمحيلي اختلف معاكي وأأكد ان الوظائف اللي حضرتك بتتكلمي عليها زي القضاء مثلا مناسبة للمرأة زي الرجل لأن الاثنين مجرد اداة لتطبيق القانون وكلنا بنشوف في الغرب ازاي الست بتشتغل في القضاء وبتكون حاسمة في احكامها
كل بنت جواها البنت الخجولة اللي ببتكسف اللي احنا بنسميها الانوثة وجواها برده التشرد اللي بنشوفه في الشارع بس كل بنت تصرفاتها برتجع لاسلوبها هي واختياراتها في الحياة عموما
في بنات بتحب تسترجل وفيه العكس بس لازم نفصل بين ده وبين طموحات المرأة واحلامها اللي لازم تعيشها وتحققها كلها خصوصا على المستوى العملي
تحياتي

غير معرف يقول...

اول مرور
سعدت بالمرور لمدونتك
الغريب بقي انك لو قلتى لدعاه المساواه دول ادخلوا الجيش هايقولك شوف الرجاله اللى معندهاش دم عايزه الستات تحارب وعجبي
زورونا تجدوا ما يسركم

EMMY BABY يقول...

البنت الشقية

طبعا عمرى ما هزعل من ملاحظات حد الا لو كان الاسلوب غير مهذب

لكن انتى طبعا رايك على عينى وراسى من فوق

بس متسيش انى شعنونة وبحب اتناقش

,,,,,,,,,,,,,
الست الى بتشتغل قاضى دى بيبقى معاها 2 رجاله كمان قضاه بيساعدوها فى القرار الى هتاخده وبعدين دى بتبقى حالفه قسم على نفسها فمستحيل تقدر تحكم عن طريق مشاعرها اى نعم بينها وبين نفسها بتزعل على القرار بس برضو

,,,,,,,,,,

طب هل هتقعدى بقى كل يوم تنكدى على نفسك وعلى جوزك وعيالك واهلك علشان خاطر مجرم اسجن وتقعدى تأنبى نفسك انا معاكى انها ممكن تطبق العدل ودى انا ذكرتها فى البوست بس زى ماقلت حتى لو طبقته هتبقى تعبانة من جوة وده هيترتب عليه حاجات تانية

***********************
ودلوقتى البنات بقوا كلهم شخصيات عجيبه ومختلفه ويا وحشه اوى ياا كويسه اوى فمعدش يفرق
***********************
ازاى معدش يفرق بالعكس دلوقتى الكويسة بتبان والوحشة بتبان لكن الوسطية هى اللى كل حد بيبصلها بطريقة معينة على حسب نظرته هو للامور


والولاد الى بيقولوا على البنت اهنا مسترجله
دول بيقولوا كده عشان ايفيين انهم مش قادرين يخدوا معاها لا حق ولا باطل ومش زى نوعيه البنات الى بيتعاملو معاها
اكيد فاهمانى
..................

طبعا فاهماك وانا حتى كاتبة فى البوست نفس كلامك واللى معظم البنات فاهمها فاضل الولاد يفهموا

*****************
لاكن بقى لو عل الست دا امر بقى عادى جدا لاننا فى عصر الغلاء والكره والمصلحه يعنى مثلا المطلقه دى او الارمله دى تطلب من مين انه يششتغلها عشان يجيبلها فلوس تاكل بيها العيال
لاننا زى ماقولتلك فى عصر خد وهات
*************************
طبعا لو هى بتشتغل علشان تصرف على نفسها وعلى بيتها مفروض المجتمع كله يحترمها بس حتى لو هى اشتغلت هى اكيد مش هتخرج عن طبيعتها

**********************
وفى النهايه يقولك شكراا جداااااااااا على فتح الموضوع دا
*****************
الشكر لله ويارب يكون عجبك

تحياتى

ايمى

EMMY BABY يقول...

انا حر

لا معلش اسمحيلي اختلف معاكي وأأكد ان الوظائف اللي حضرتك بتتكلمي عليها زي القضاء مثلا مناسبة للمرأة زي الرجل لأن الاثنين مجرد اداة لتطبيق القانون وكلنا بنشوف في الغرب ازاي الست بتشتغل في القضاء وبتكون حاسمة في احكامها

***********************
بس النساء المسلمين مش زى نساء الغرب

وكمان هما اشخاص عمليين جدا ومعندهمشى فرق مابين الراجل والست فى اى حاجة علشان كدة مينفعشى نقارن نفسنا بيهم

اما عن موضوع انها اداة لتطبيق القانون فانا معاك انها ممكن تتطبق العدل لكن داخليا هتبقى مش مرتاحة وهتحس انها السئولة عن دخول انسان السجن وتشريد عيلته وانا علشان بنت بقلها وبثقة

****************************
كل بنت جواها البنت الخجولة اللي ببتكسف اللي احنا بنسميها الانوثة وجواها برده التشرد اللي بنشوفه في الشارع بس كل بنت تصرفاتها برتجع لاسلوبها هي واختياراتها في الحياة عموما
في بنات بتحب تسترجل وفيه العكس بس لازم نفصل بين ده وبين طموحات المرأة واحلامها اللي لازم تعيشها وتحققها كلها خصوصا على المستوى العملي
**********************

انا اختلف معاك جدا لان اى مرأة مفروض متضحيش بجزء من طبيعتها علشان خاطر تحقق طوحاتها

غير ان المرأة قادرة انها تشكل طموحاتها فيما يناسب طبيعتها ولا هى طموحاتها مش هتتحقق الا اذا خرجت عن المألوف


ميرسى جدا على رايك واتمنى متكنش اتضايقت من المناقشة

تحياتى

ايمى

EMMY BABY يقول...

اسامة

اول مرور
سعدت بالمرور لمدونتك
الغريب بقي انك لو قلتى لدعاه المساواه دول ادخلوا الجيش هايقولك شوف الرجاله اللى معندهاش دم عايزه الستات تحارب وعجبي

اه فعلا علشان هما من داخلهم مقتنعين ان مينفعشى مساواة فى كل حاجة


زورونا تجدوا ما يسركم

ان شاء الله عما قريب

تحيااااتى

ايمى

EMMY BABY يقول...

no4denemrak

طول مانت هتعلق باحترا وبادب اهلا بيك غير كدة مش تزور المدونة

تحياتى

ايمى

Butterfly يقول...

انا متفقه معاكى بس مش فى كل حاجه
عشان الاثنين ليهم نفس الحقوق ونفس الهدف - تقريبا- اللى خلقوا عشانه وهو انهم يبقوا خلفاء فى الأرض
يمكن معاكى حق فى موضوع التكويت الجسمانى بس فى بنات وستات ما شاء الله صحتهم بمب واكتر من الرجاله كمان ههههه

بالنسبه لموضوع الشهاده فهى مش عشان المأه ممكن تتضعف وتقول حاجه غلط او مش صحيحه ولكن عشان ممكن تنسى ودى صفه فى الستات قويه شويه عن الرجاله.

تحياتى

زى الهوا يقول...

وانا باحييكى جدا على وجهة نظرك اللى اعتقد انها ماتفرقش كتير عن وجهة نظرى , انا الاول كنت بقعد اقول طب مانا اهوه اتعلمت تعليم عالى وهشتغل زيى وى الراجل عادى بس لما شفت يعنى ايه شغل بقى مبدأى إنى اول لما اتجوز بيتى هوه بس اللى هيكون حياتى وإن شاء الله هاقعد فيه سلكانة زمانى اخدم الراجل اللى بيشقى برة وادى علمى دا لولادى

EMMY BABY يقول...

butterfly

انا متفقه معاكى بس مش فى كل حاجه
عشان الاثنين ليهم نفس الحقوق ونفس الهدف - تقريبا- اللى خلقوا عشانه وهو انهم يبقوا خلفاء فى الأرض
يمكن معاكى حق فى موضوع التكويت الجسمانى بس فى بنات وستات ما شاء الله صحتهم بمب واكتر من الرجاله كمان ههههه

ههههههههههههههههههههه لا طبعا احنا كلنا متفقين فى دى اننا خلفاء فى الارض ومكلفين زى بعض بالظبط فى العبادات والتكليف

انا بكلم على العمل اللى بيخليها تفقد طبيعتها

********************************
بالنسبه لموضوع الشهاده فهى مش عشان المأه ممكن تتضعف وتقول حاجه غلط او مش صحيحه ولكن عشان ممكن تنسى ودى صفه فى الستات قويه شويه عن الرجاله.
*****************************
اه علشان لو باءت احدهما تذكرها الاخرى


نورتى المدونة يا فراشتى ويارب تنوريها علطول وتفضلى طايرة عليها
تحياتى

ايمى

EMMY BABY يقول...

موحااااااااااااااا

انا قلت انتى نسيتينى ياشيخة


وانا باحييكى جدا على وجهة نظرك اللى اعتقد انها ماتفرقش كتير عن وجهة نظرى , انا الاول كنت بقعد اقول طب مانا اهوه اتعلمت تعليم عالى وهشتغل زيى وى الراجل عادى بس لما شفت يعنى ايه شغل بقى مبدأى إنى اول لما اتجوز بيتى هوه بس اللى هيكون حياتى وإن شاء الله هاقعد فيه سلكانة زمانى اخدم الراجل اللى بيشقى برة وادى علمى دا لولادى

والله انتى كدة فى ناس كتير لو سمعت كلامك هيقولولك وهتخلى الراجل يتحكم فيكى وتضيعى سنين الدراسة اللى انتى شقيتى فيها وووووى
مع ان بجد اسمى رسالة للمرأءة واللى هتحس فيها بذاتها فعلا هو بيتها واولادها

تحياتى ياقمر

ايمى

كـــيــــــــارا يقول...

البنت زى الولد ماهيش كمالة عدد
بنسمعها كتير الجملة دى
ومش بس كدة المرأة =الرجل

-------------

ايوه بنسمع الكلام كتير لكن اتعودنا مش كل اما نسمع حاجه نقتنع بيها عندنا عقل بنشغله ونقدر نستوعب منه ان كان الكلام اللي بنسمعه يروق لنا ولا لا
----------------
وبنسمع ان الست زى الراجل فى كل حاجة وتقدر تعمل كل حاجة زيها زى الراجل بالظبط

-------------

ياراجل طيب والنبي خلي الست تروح المناجم وتفجر صخور وتهد وتبني اصل الراجل ايده بقيت مرخيه واحنا اللي ايدينا مسااعدانا امشي يابت من هنا شلتيني من اول البوست
---------------
زمانكم بتقولوا اخلصى ولخصى عايزة ايه يعنى
حاضر هقول اهو

--------------

ايوه لاني هتشل من المقدمه لوحدها
----------
انا بالرغم انى بنت وممكن كتير منكم يستغربوا الاانى مش مقتنعة بالكلام ده

------------

هييييييييييييييييه ايمي مش مقتنعه عارفه يابت لو كنتي مقتنعه كنت جيتلك البيت وقتلتك
----------------
ربنا خلق الرجل اقوى من المرأة جسمانيا فبالتالى ده يأهله ان يقوم باعمال متقدرشى تقوم بيها المرأة
----------
ده اكيد زي ماقلتلك فووووق في تعليقي
--------------
ربنا خلق المرأة الايموشين عندها عالى اوى طب بزمتكم انتم وانا اول البنات انا لوبشتغل قاضى مثلا والمتهم عيط قدامى

-------------

هههههههههههههههه هقوله معلش يابني واروح اطبط عليه واحتمال اقعد اعيط جنبه واقول للتاني ياظالم يامفتري جنيت عليه ليه واديله براءه ومش بعيد اسجن التاني
-------------
فى وظائف كتير من وجهة نظرى لاتناسب طبيعة المرأة بغض النظر ان الطبيعة دى بقت موجودة ولا لا زى مثلا :

----------

ده انا متفقه معاكي فيه
----------
انها تعمل قاضى وده زى ماقلت بسبب ان الايموشين عندها عالى وهيكون صعب عليها انها تتطبق العدل وطبعا كلكم عارفين ان ربنا حتى ذكر فى كتابه الكريم ان شهادة الرجل تعادل شهادة انثيين علشان لو باءت احدهما فتذكرها الاخرى
ونيجى بعد كل ده نعين المرأة قاضي ونخليها تصدر حكم (وش متعجب !!!)

--------------
وش مذهوووووووووووووووول مش متعجب بس
------------
ثانيا انها تشتغل جزارة
--------------

هههههههههههههههههههههه عشان تدبحله القطه
انا فاكره اني شفت بابا صباعه مجروح وبينزل دم فضلت اخاف اقرب من بابا لحد اما خف لدرجه انه كان بيخوفني مثلا ويقرب صباعه مني بيلاقي فرعقلوز نط من الكنبه للكنبه او جري بعيد وكانت اعصابي بتبوظ فعلا وبخاف اوي
ده بس عشان صباع مجروح وفيه دم

نفسي اعرف بيدبحو حيوان ازاي او كده قلوب بقي ياايمي
-------------
وسواقة
--------
انها تسوق عربيتها ده عادي لكن تكون سواقه ميكروباص ازاي هتتتاعمل مع الناس اللي بيشخطو وبيبجحوا ويتعاملوا باسلوب لا اخلاقي ده هيخليها تتخلي عن طبيعه المراه في الرقه والعذوبه وتبقي انسانه اشبه بالرجل
-------------

وحاجات كدة غريبة زيها زى الراجل بزمتكم لما تبصولها هتحسوا انها انثى الانثى ايه غير حياء وخجل وصوت هادى ووظيفة تلائم طبيعتها
طب لما المرأة زيها زى الرجل ليه ربنا جعل القوامة للرجل مش للانثى ؟

--------------
انثي ايه بقي دول بيبقوا بنات مسترجله ملهمش دعوه بالانوثه
------------
انا مش ضد حرية المرأة نهائى بس انا من رايى لازم الامور تتعدل شوية انا شايفة ان المرأة ممكن تكون احسن من الراجل فى تفكيرها ورايها وشخصيتها وده ممكن تعمله من خلال حاجااات كتير جدا
تبقى وزيرة سفيرة معيدة مدرسة محامية دكتورة مرشدة سياحية مضيفة ووووى ......................
-----------
بصي ياايمي الحريه انا مش شايفه انها مش واخده حريتها

بالعكس
احنا بنخرج بنتعلم بنروح موتمرات بنكتب وبنعبر عن شخصيتنا قدام الجميع بنقول لا للظلم لا لكذا بنقل اه لكذا بنشتغل
يعني شايفه اننا واخدين حريتنا وحقوقنا
---------
بجد انا والله بسمع حاجات عمرى مابعرف اصدقها مطلقا زى ان البنات هما اللى بقى يعاكسوا الولاد وحاجات كتير كدة معرفشى حاسة انى بحن انى اشوف البنات كدة بتتكسف ووشها بيحمر زى ماكان بيحكولنا زمان
هى الفكرة ان للاسف لو فى صفحة ناصعة البياض بس فيها نقطة سودا الناس كلها بتركز مع النقطة السودا وتسيب بقية الصفحة البيضا وده بالظبط اللى بيحصل دلوقتى تلاقى الجمل التالية :
ياعم اسكت هو فى بنات بتتكسف دلوقتى؟؟؟ (اه فيه !!!)
----------
والله في بنات ببتتكسف واللي بيعاكسو دول حالات فرديه اذا لم تستحي فافعل ماشئت
------------
قال بنات قال دى بنات مسترجلة ياعم سيبك (فى فرق بين انها بتحاول تكون جد علشان تفرض شخصيتها على اللى قدامها وانها جديرة بالاحترام ومش زيها زى البنات اللى بتشوفهم حضرتك وبين انها تبقى راجل دى حاجة تانية خالص )
--------------
هههههههههههه صح ياايمي ايوه كده دافعي دافعي بص لو يقصد البنت اللي بتدي الوش الخشب ده بس عشان محدش يضايقها ويحاول يغلس او يعاكس لكن اللي هقول عليهم مسترجلين بصراحه الجزاره دي ...
--------------
فمن موقعى هنا انادى ان المرأة مش زى الرجل فى كل حاجة وانما هى مثله ويمكن احسن فى اشياء معينه وان اى مرأة كفيلة انها تكون جديرة بالاحترام بدون ان تفقد طبيعتها ولكم منى جزيل الشكر
-------------

وانا انادي معكي ياايمي ياحبيبه قلبي انا اهو حازه التعليق الاول والتاني وجيت زي ماوعدت بس المواصلات صعبه اوووووووووي

امممممممممممممموه احلي بوسه لاحلي ايمي

كـــيــــــــارا يقول...

الازهرى

ايمى اسمحى لى كيارا بتتلكك

هتحجز كل التعليقات وفى الاخر على مفيش

-------------

ههههههههههههههههه لا انا جيت اهو ورد طووووووووويل وبتركييييييييييز

كـــيــــــــارا يقول...

EMMY BABY

مستنية ردك لما تركزى كدة وتفوقى

ولا اصدق كلام ازهرى ههههههههههه انا بهدى النفوس بس على فكرة

-------------

ههههههههههههههه لا متصدقهووووووووش
---------
وعقابل ليكى هتدفعى غرامة تاخير مصاصة

----------

وادي احلي مصاصه

مهرة سالم يقول...

السلام عليكم......
أشارككي ذات القناعه ....
الله يكملك بعقلك....
ويهدي نساء المسلمين...
دمتي بخير..

I am a Muslim ! يقول...

على فكره انا مكنش قصدى اى حاجه
من ردى

خانى التعبير بدون قصد او غرض معين
انا اسف جدا
سلام عليكم

EMMY BABY يقول...

كيااااااااااااارا جت يا جدعان

كله يوسعلها بقى

هههههههههههههه

بجد والله كومنتك تحفة هى دى البنات ولا بلاش

طبعا كلامك لا غبار عليه كدة احنا متفقين مية مية

هههههههههههههه ضحكتينى اوى من موضوع الصباع ده طلعت مش انا لوحدى اللى خوافة اوى ايوة كدة انا احب التضامن النسائى ده

وادى كمان احلى بوسة لاحلى كيارا

اممممممممواة

ياترى بقى ركبتى ايه فى المواصلات :))

تحياتى

ايمى

EMMY BABY يقول...

كيارا كلاكيت تانى مرة

هههههههههههه اه والله بتفصصى البوست حتة حتة

بحب كدة اوى على فكرة

**************************

كيارا كلاكيت تالت مرة

هههههههههههه لا فعلا خلاص مش هصدقوا خالص ظلمناها يا ازهرى البنت غلبانة كانت كل ده فى المواصلات

حلوة المصاصة الله طعمها ديليشيز

تحياتى ياقمراية

ايمى

EMMY BABY يقول...

m.k

وعليكم السلام


والله بفرح اوى لما بلاقى البنات كلها مأيدنى بحس قد ايه المرأة المسلمة عظيمة

اللهم امين اهدى نساء المسلمين يارب

نورتينى فعلا بزيارتك

تحياتى

ايمى

EMMY BABY يقول...

شهد الكلمات

ان شاء الله هيكون جروب جامد

مبروك تكوين الجروب

وفكرة حلوة

تمنياتى بالتوفيق

ايمى

EMMY BABY يقول...

no4denmark

على فكره انا مكنش قصدى اى حاجه
من ردى

خانى التعبير بدون قصد او غرض معين
انا اسف جدا

لا عادى محصلشى حاجة وانا مكنش قصدى اجرحك او اى شى بس انا بحب الهزار فى حدود معينة

ولا يهمك

تحياتى

ايمى

ريمان يقول...

ههههههههههههه

ايمى

ازيك
والله دمك خفيف ومفيش صداع ولا حاجه

وفعلا انا معاكى ان البنت حاجه والراجل حاجه تانيه وتالته كمان

مع تحياتى

ريمان

كريم بهي يقول...

المرأة أكثر من نصف المجتمع
البنت مهمة اوي جدا
مقدرش اقارنها بنصف او اقل او اكبر
دا انسان مهم للبشرية


تحياتى

كريم بهي

ابقى زورينى

EMMY BABY يقول...

ريمان

ههههههههههههه

ايمى

ازيك
والله دمك خفيف ومفيش صداع ولا حاجه

*****************

انا تمام الحمد لله

شكلك نفسك حلوة انك تقولى عليا دمى خفيف ههههههههههههههه

****************************
وفعلا انا معاكى ان البنت حاجه والراجل حاجه تانيه وتالته كمان
***********************
طب فهمت الحاجة التانية الحاجة التالتة دى ايه ههههههههههه

والله انا حبيتيك حاسة انك اختى كدة

تحياتى

ايمى

EMMY BABY يقول...

كريم بهى

اكيد المرأءة مهمة جدا طبعا ودى ليست نقطة اختلاف

نورت المدونة

تحياتى

ايمى

بنوتة يقول...

صح على فكرة الست متبقاش زي الراجل أبدا لكل واحد دور واحنا دورنا الأهم طبعا

elsha3er يقول...

السلام عليكم

انا معاكى فى كل اللى انتى قلتى كلامك ما فيهوش غلطة

جزاكى الله خير


احمد الشاعر

Unknown يقول...

اول حاجه بتأسف على التاخير

المذاكرة بقا

ادعيلى

اول بنت تقول الحق وربنا

ههههههههههه

اعذرينى وقتى خلص اكمل بعدين

EMMY BABY يقول...

بنوتة

اكيد طبعا وهو ده عين العقل

نورتينى يا بنوتة

تحياتى

ايمى

EMMY BABY يقول...

الشاعر

وعليكم السلام

الحمد لله انك مؤيد

جزانا واياك

تحياتى

ايمى

EMMY BABY يقول...

المبرمج المحترف

ولا يهمك المهم انك علقت

ربنا يوفقك فى المذاكرة ان شاء الله

لا والله فى بنات كتير رايها زى رايى

تحياتى

ايمى

SHAPE YOUR LIFE (ABOALI) يقول...

البنت زاى الولد
مش كمالة عدد
هههههههههههه
سعاد حسنى



الخالق خلق
قدر ووهب
نظم وفرض
ان ايقن
التزم
من تزعزع
رسب


تحياتى

EMMY BABY يقول...

ابو على

اه سعاد حسنى بشكل تانى :))

الخالق خلق
قدر ووهب
نظم وفرض
ان ايقن
التزم
من تزعزع
رسب

*********

اللهم ثبتنا على الحق

كلامك جميل اوى

تحياتى

ايمى

Geo Amr يقول...

انا عايز اشكرك باى حاجة تحبيها انتى فعلا اختصرتى الموضوع بشكل رائع انا معاكى فى نفس الراى دة لانى ربنا سبحانه وتعالى خلق الراجل والمراة الاتنين مش زى بعض كل واحد فيهم ليه قدراته وامكانياته وعلى فكرة لحد دلوقتى فى بنات اكثر من رائعة فى الحياء بس يمكن الوحش طغى على الحلو اتمنى التواصل واتمنى تزورينى فى مدونتى

blue-wave يقول...

اتفق معكى تماما عزيزتى
وكفانا قول الله عز وجل
وليس الذكر كالإنثى
تحياتى

EMMY BABY يقول...

geo amr

انتى فعلا اختصرتى الموضوع بشكل رائع انا معاكى فى نفس الراى دة لانى ربنا سبحانه وتعالى خلق الراجل والمراة الاتنين مش زى بعض كل واحد فيهم ليه قدراته وامكانياته
***************
تمام هى دى الحقيقة علشان كدة كلنا متفقين عليه الا قليل مننا

*****************************
وعلى فكرة لحد دلوقتى فى بنات اكثر من رائعة فى الحياء بس يمكن الوحش طغى على الحلو
*********************
طب الحمد لله ان لسة فى حد مقتنع ان فى بنات عندها حياء بس للاسف زى ماقلت كلنا مركزين على النقطة السودا


اتمنى التواصل واتمنى تزورينى فى مدونتى

ان شاء الله هزورك نورت المدونة

تحياتى

ايمى

EMMY BABY يقول...

بلو ويف

جزاك الله خيرا

يكفينا فعلا قول الله سبحانه وتعالى

نورتنى

تحياتى

ايمى

كـــيــــــــارا يقول...

بت ياايمي هو مش كان في بوست نزل ولا انا مش واخده بالي


عاااااااااااااااااااا

EMMY BABY يقول...

حدث خطأ يا بت يا كيارا ان البوست كان فيه فيديو والفيديو منزلشى فشلت البوست

بس انا هحاول ان شاء الله انزل البوست تانى بعد لما اتصرف فى الفيديو او اشوف حد يساعدنى

ميرسى ياقمر لسؤالك

تحياتى

ايمى

طالبه الفردوس يقول...

حبيبتى ايمى

انا معاكى جداااا فى كل اللى قلتيه
ربنا خلق الرجل والمراه مكملين لبعض عشان تستمر الحياه
لكن تخيلى كده لو الست زى الراجل هتلاقيهم طول النهار بيضربوا فى بعض وبالليل عالقهوه بيلعبوا طاولاه

دينا دين اليسر والجمال

تعرفى فى بنات بيسالوا ليه ربنا فرض الحجاب عالبنات والولاد لا ههههههههه

مساواه بقى

جزاكى الله خيرا حبيبتى عالموضوع الرائع ده

romansy يقول...

تؤ تؤ تؤ رومانسى طب تيجى ازاى !!!!

ღϠ₡ღأمير الهدوءღϠ₡ღ يقول...

عندك حق في كل كلمه
البنت انسانه رقيه زي الورده ملكه في بيتها اميره بابتسمتها
لكن فيه اللي مش عاجبه يمكن لانهم مش فاهمين
وفي كتير فاهم وعايشين مبسوطين
لكن الغلط ان الواحد يعمم ويقول
المرآه لازم تكون زي الراجل ويتفرض قانون على مجتمعنا

بوست رائع جداااا
واسلوبك جميل جداااا
وتقبلي مروري

أختكم فى الله يقول...

حبيبتى ازيك

وحشتينى

موضوع جامد انا رايي من رايك

elsha3er يقول...

اللى بعده المرة الجاية الاقى بوست جديد

احمد الشاعر

mahasen saber يقول...

ايمى ...ايمى...ايمى
.....
من يوم ما نزلتى بوستك الاخير وانا مش عارفه ادخل ااقراه الريدر جايبه عندى كاسم بس انما افتح المدونه الاقى الموضوع اليى بعلق فيه ده
....
ايه المشكله بقه انا كل يوم ااقول يمكن يتعدل يتعدل مبيتعدلش وجربت ادخل من مدونات تانيه مش نافع ولا اكون دخلت على الموضوع وانا ناسيه الله اعلم
بس تؤ تؤ تؤ ما اعتقدش....

EMMY BABY يقول...

طالبة الفردوس

حبيبتى ايمى

انا معاكى جداااا فى كل اللى قلتيه
ربنا خلق الرجل والمراه مكملين لبعض عشان تستمر الحياه
لكن تخيلى كده لو الست زى الراجل هتلاقيهم طول النهار بيضربوا فى بعض وبالليل عالقهوه بيلعبوا طاولاه

دينا دين اليسر والجمال

******************
بجد الحمد لله على نعمة الاسلام

تعرفى فى بنات بيسالوا ليه ربنا فرض الحجاب عالبنات والولاد لا ههههههههه

مساواه بقى

*******************************
ايه ده بجد والله لعب فى عقول البنات للدرجة دى ربنا يهدى

جزاكى الله خيرا حبيبتى عالموضوع الرائع ده


جزانا واياكى يا حبيبتى

نورتينى

تحياتى

ايمى

EMMY BABY يقول...

رومانسى

معلش اقرا البوست الجديد هتفهم
****************************************

امير الهدوء

عندك حق في كل كلمه
البنت انسانه رقيه زي الورده ملكه في بيتها اميره بابتسمتها
لكن فيه اللي مش عاجبه يمكن لانهم مش فاهمين
وفي كتير فاهم وعايشين مبسوطين
لكن الغلط ان الواحد يعمم ويقول
المرآه لازم تكون زي الراجل ويتفرض قانون على مجتمعنا

*****************************

فعلا التعميم هو اكبر غلط وطبعا زى مانت قلت البنت برقتها

******************************
بوست رائع جداااا
واسلوبك جميل جداااا
*********************
ربنا يكرمك

اخجلتم تواضعنا

نورت المدونة

تحياتى

ايمى

EMMY BABY يقول...

اختكم فى الله

وانتى كمان وحشتينى اتمنى تكونى بخير

ربنا يكرمك يارب انا بعتز برايك


تحياتى

ايمى

EMMY BABY يقول...

الشاعر

ان شاء الله قريبا فى الاسواق :))


*****************************
محاسن

هوضحلك الفكرة فى البوست الجديد

وميرسى يا قمر على سؤالك ومحاولتك والله بجد فرحتينى ربنا يخليكم ليا


تحياتى

ايمى