اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الثلاثاء، 21 أكتوبر 2008

زحمة يا دنيا زحمة ومعدشى فيكى رحمة

طبعا انا بعتذر جدا عن المشكلة اللى حصلت ان الريدر فى كل المدونات قرا ان فى بوست جديد
هو كان فى فعلا بوست انا عملته وشلته وده لانه كان بيعتمد على فيديو والفيديو مرضاش ينزل على العموم تتعوض ان شاء الله
نيجى بقى لموضوع انهاردة وهو المترووووووووووووووووووو وااااااااااااااه من سيرتك يا مترو
انا بحس انى كل يوم بشوف عجائب وغرائب وبعمل مغامرات بسبب مترو الانفاق (اللى هو بيمشى فى الانفاق ولما يحس انه حران يطلع برة النفق وكدة ):))
عارفين بقى العجائب فى ايه ؟؟؟؟
لما تشوفوا الاجسام كدة بشكل تانى يعنى المفروض ان الجسم ليه تلت ابعاد ده الطبيعى .....فى المترو بقى مش هيكفى اننا نبقى 3 ابعاد علشان كدة بنبقى مسحطين انا عن نفسى مش بلاقى نفسى وبحس ان الاورجان كلها بقت فى سلسلة ظهرى
لا والاغرب انك ممكن متلاقيش اجزاء جسمك معاك بمعنى انك ممكن يكون جسمك فى حتة ورقبتك فى حتة تانية
او مثلا تلاقيك بقيت برجل واحدة والرجل التانية ملهاش مكان عادى جدا متخافش مش هتقع مهو مفيش مكان ليك انت نسيت ولا ايه !!!
ده بالنسبة للعجائب
المغامرات بقى
ان لازم يكون فى صوات وصراخ وحاجات كدة اكشن لدرجة ان لو ملقتش حد بيصرخ بقول ايه ده فى ايه انهاردة يارب يكون خير ههههههههههه
والله بجد ناس كتير ايدها بتدخل فى الباب من كتر الزحمة وطبعا بتكون مؤلمة جدا ربنا يستر علينا
او بجد شفت الموقف ده كذا مرة ان واحنا نازلين ست كبيرة او بنت تقع وللاسف الناس مكملة نزول عادى ولا كأن فى حد واقع مفروض نشيله لو يطولوا يدوسوا عليها علشان ينزلوا ايزى جداااااااااا
او ان مثلا واحدة متلحقشى تنزلى المحطة بتاعتها وتضطر تنزل المحطة اللى بعديها وتغير الناحية التانية والحوارات دى وتتأخر ويبقى يوم جميل جدا بالنسبة لها
والله مرة كان فى بنت هى شكلها فى اولى اعدادى مثلا وللاسف معرفتشى تنزل المحطة بتاعتها لاقتها بتعيط جامد اوى رحت مسكت ايدها وطبطبت عليها وقلتلها تعالى معايا انا هنزلك واقلك تعملى ايه لاقتها بدأت تبطل عياط ومسكت ايدى جامد اوى وكأنها ياعينى لقت قشاية تتعلق فيها والله بجد انا كنت هعيط معاها
انا اتذكر اول مرة ركبت فيها المترو من حوالى 8 سنين كنت قدها كدة مكنتش لسة متعودة بقى عملوا فيا ايه :((
كنت داخلة عادى بالعرض زقونى لحد مابقيت بالجنب (يعنى لو الباب قفل هيقسمنى بالنصف علشان تتخيلوا معايا بس )زنقونى فى الباب ودخلوا هما وانا فضلت كدة لحد ماكلهم دخلوا ملقتش مكان جيت انزل شنطتى اتقطعت ااااااااه متفكرونيش والله كانت ايام
من كام اسبوع بقى كدة طبعا زى ماتفقنا كنت مسطحة وطبعا علشان ايدى مكنتش معايا نزلت لاقيت روج على هدومى وده معناه ان ايدى كانت عند بق واحدة حاطة روج ههههههههههههههههههه لا وحظى كنت لابسة ابيض والروج بينك (وايه بقى كنت عاملة شغل ياخراشى عليا وانا بالروج فى ايديا)
الفكرة بقى ان زى مانتم شايفين الموقف مبيبقاش مستحمل والله بدون مبالغة وبالرغم من كدة تلاقى ناس مش طايقة نفسها وتزعق فى اى حد بس يلمسها ولا يخبط فيها (اايه انتى بتهزرى الناس مسطحة وانتى مش طايقة حد يلمسك واتفرج بقى على الخناقات انتى بتزقى لاا انا بتزق مش بزق امسكى نفسك انا ماسكة نفسى وانتى شايفة فى مكان يعنى وخدوا بقى من الحوارات اللى الواحد حفظها دى )
طب يا جماعة احنا والله مفروض نستحمل بعض كلنا فى نفس الموقف مش انت بس اللى تعبان كلهم تعبانين زيك راعيهم علشان تلاقى اللى يراعيك لما تتعب او تتعبى بلاش زعيق بلاش زق
اعملوا زيى انا بقف ساااااااااااااااااااااااكتة خالص خالص مش علشان مش لاقية كلام علشان مش قادرة الكلام ماهم ظاغطين على الحجاب الحاجز بقى
طب بالله عليكم كل الستات اللى بتنزل دى اللى فى الشغل واالكلية والمدارس وطبعا كلنا عارفين ان نسبة البنات زادات عن نسبة الرجالة بقت
1راجل :6 بنات هل من العدل يكون فى عربيتين بس للستات ؟؟؟؟؟؟؟؟؟؟؟؟؟؟؟؟؟
طبعا فى حد هيقول مانتم من حقكم تركبوا معانا هرد اقول طب بالله عليكم ينفع فى المنظر ده ست تركب عربية رجالة طب وهتقف ازاى استحالة طبعا فاحنا كدة مضطرين لانه مينفعشى انا بيجيلى حالة من الاستغراب والاسبهلال لما بشوف بنات راكبة عربية الرجالة فى الزحمة دى وبسمعهم بيقولوا حاجة (والله عربيات الرجالة مبتبقاش زحمة كدة ومبيزقوش كدة ده الستات دول فظاع )
انا فعلا عايزة حد في الرجال اللى بتركب المترو الصبح يجاوبنى هل فعلا الزحمة بتبقى عندكم كدة ولا اخف ؟؟؟؟؟؟؟؟؟؟؟
اعتقد انها مبتبقاش كدة لان عدد العربيات بتاعت الرجال اكتر والله اعلم !!!!!!!!
يعنى اعتقد ان المشكلة واضحة ولازم نفكر فى الحلول انا من رأيى
اننا نزود عربيات المترووووو وتبقى فى حوالى عربيتين كمان للسيدات
ان المدة بين كل مترو ومترو متزدشى عن 5 دقائق علشان المحطة متلحقشى تزحم مع ان فى الخمس دقايق دى بتيجى حشود حاشدة بس اهو قضى اخف من قضى
اخر حاجة اننا نستحمل بعض فى المترو بلاش كل واحد يقول يلا نفسى
اخر اقتراح بقى انهم يخلوا يوم للشغل ويوم للكليات ويوم للمدارس ههههههههههههه اه والله هيريحوا نفسهم ويريحونا
عارفة والله انى طولت عليكم بس انا عايزة اعرف رأيكم فى الحكاية دى وعايزة اسمع الحلول من وجهة نظركم
كنتم مع معلقتكم من قلب المترو (عربية السيدات صباااااحا ):))
تحياتى
ايمى

هناك 85 تعليقًا:

محمود حسن العدل يقول...

السلام عليكم انا جت على طول اهو على شان اكون اول تعليق
بصراحة انا لسة مش قريت البوست
انا حبيت احجز او تعليق
سانعوووووووووود
تحيااااااااااااااااااااااااااااااااتى

محمود حسن العدل يقول...

السلام عليكم
عودنااااااااااااااااااااااااااا
والحمد لله لسة مش فى حد سبقنى
انتى عندك حق فعلا انتى عارفة ياايمى
المترو دا كان تباع الشركة الفرنسية لمدة خمس سنين وبعدها استلمتة مصر بعد سداد حقة حسب الاتفاقية .
المهم والله ياايمى ايام الشركة الفرنسية كان المترو ورا المترو والله كنا بنقعد كل شوية على كرسى من قله الناس .
المحطة مش كانت عمرها بتتزحم وماكنش فى عربيات للسيدات عارفة لية لان العربيات فاضية اصلا مين هايضيقهم ..
جت استلمتة مصر
المكاينة باظت والعسكرى اللى واقف يمنع التدخين مشى راح بيتهم والناس بقت تنط من فوق الماكينة والمترو بينة وبين التانى نص ساعة دا لو بختك حلو وربنا بيحبك وامك راضية عنك.
ويقف فى المحطة على ماالاستاذ السائق مايشرب الشاى مع السجارة واحنا نتحرق مش مهم اشغالنا.. المهم مزاج السيد المحترم المبجل السائق.
هانقول اية والله الواحد بيصعب علية الستات والبنات اللى متبهدلين فى المترو وبيشوفو قمة الغلاسة .
هانقول اية
ربنا يكتر من امثال السادة المسئولين
اللى مهنينا ومدلعينا
تحياتى ايمى بوست هايل وروعة كالعادة
تحيااااااااااااااااااااااااااااااااتى

mahasen saber يقول...

اولا الحمد لله ان الريدر بتاعى طلع سليم ده انا كنت زعلانه قوى...
......
بعدين بقه انا سمعت ان ارجاله بتدخل تركب ف عربيات الستات طب انا عايزه افهم امن المترو فين
.....
اما الحوادث فكتير فاكره من فتره الصحفيه اليى المترو قفل على رجلها وانقذها واحد من افراد الامن اليى فى المترو...
........
اما بقه بعد اليى قريته ده يا ايمى بحمد ربنا اننا معندناش فى الشرقيه مترو ماله الحصاوى...الحمار يعنى...
........
بوست جميل واوعى تخلينى افقد الثقه فى الريدر تانى
سلام يا قمر.

Geo Amr يقول...

السلام عليكم لا انا معترض فى حاجة انى فعلا فى عربيتين سيدات فى المترو بس المشكلة انى السيدات مش ملتزمة بيهم انا نفسى زى ما بيعاقب الرجل لما يركب فى عربة السيدات لازم السيدات تعاقب لما تركب فى عربات الرجالة احنا محتاجين حاجة وحدة اننا نحب ونساعد بعض مش فيها حاجة لما اوسع للناس الى معايا يارب يسود الحب بينا

EMMY BABY يقول...

محمود

وعليكم السلام

مكانك طبعا محجوز من غير ماتقول

EMMY BABY يقول...

محمود كلاكيت تانى مرة

ههههههههههههه فكرتنى بسبيس تون لما قلت عدنا

المترو دا كان تباع الشركة الفرنسية لمدة خمس سنين وبعدها استلمتة مصر بعد سداد حقة حسب الاتفاقية .
المهم والله ياايمى ايام الشركة الفرنسية كان المترو ورا المترو والله كنا بنقعد كل شوية على كرسى من قله الناس .
المحطة مش كانت عمرها بتتزحم وماكنش فى عربيات للسيدات عارفة لية لان العربيات فاضية اصلا مين هايضيقهم ..
جت استلمتة مصر

****************************

والله انا عن نفسى اول مرة اعرف الكلام ده يعنى بجد ربنا يكرمك تعليقك مش مجرد تعليق ده مصدر للمعلومات كمان طبعا وده كعادتك :)


المكاينة باظت والعسكرى اللى واقف يمنع التدخين مشى راح بيتهم والناس بقت تنط من فوق الماكينة والمترو بينة وبين التانى نص ساعة دا لو بختك حلو وربنا بيحبك وامك راضية عنك.
ويقف فى المحطة على ماالاستاذ السائق مايشرب الشاى مع السجارة واحنا نتحرق مش مهم اشغالنا.. المهم مزاج السيد المحترم المبجل السائق.

***************************

يبقى انت اكيد اكيد فى مصر فده طبيعى جدا

هانقول اية والله الواحد بيصعب علية الستات والبنات اللى متبهدلين فى المترو وبيشوفو قمة الغلاسة .

*************************

اااااااااااه والله قمة الذل ربنا يريحنا بقى من المترو ده


هانقول اية
ربنا يكتر من امثال السادة المسئولين
اللى مهنينا ومدلعينا

**********************

فكرتنى بعادل امام فى فيلم الزعيم لما كان بيدعى للريس هههههههههههههههههه

اللهم امين يا شيخ

***********************
ايمى بوست هايل وروعة كالعادة

من بعض ماعندكم يا محمود لما انا كالعادة انت تبقى ايه بقى


نورتنى كعادتك طبعا

تحياتى

ايمى

EMMY BABY يقول...

محااااااااسن

اولا الحمد لله ان الريدر بتاعى طلع سليم ده انا كنت زعلانه قوى...
......

وانا مقدرشى على زعلك والله بس النصيب بقى حظكم


بعدين بقه انا سمعت ان ارجاله بتدخل تركب ف عربيات الستات طب انا عايزه افهم امن المترو فين
.....

هههههههههههههه ضحكتينى امن المترو بيبقوا واقفين وشايفينهم ولا بيهون عليهم يقولهم انزلوا ولا غرامة ولا نيلة دانا ببقى هتشل منهم اصلا


اما الحوادث فكتير فاكره من فتره الصحفيه اليى المترو قفل على رجلها وانقذها واحد من افراد الامن اليى فى المترو...
........

لا بصراحة مش فاكرة بس ياما اكتر الحوادث وكويس انها لاقيت حد ينقذها اصلا


اما بقه بعد اليى قريته ده يا ايمى بحمد ربنا اننا معندناش فى الشرقيه مترو ماله الحصاوى...الحمار يعنى...
........
اه والله اريح هاتيلى واحد هدية

*****************************
بوست جميل واوعى تخلينى افقد الثقه فى الريدر تانى
سلام يا قمر.


****************
انتى اجمل من البوست وكمان حقك عليا مش هخليكى تفقدى الثقة تانى ان شاء الله

تحياتى

ايمى

Sweet Violet يقول...

ههههههههههههههههههههههههههههههههه

بجد انا موت من الضحك على المواقف اصل الحمد لله الحمدلله قليل لما بركب المترو

اعتقد و الله اعلم ان دا مترو حلوان المرج ؟؟؟ غير المترو اللى اتكلم عليه محمود بتاع شبرا صح ؟؟؟

المهم اى كان المترو اتعمل فعلا فيهم عربيتين للسيدات و برضه مش مكفى

الموضوع مش موضوع زياده عربيه الموضوع موضوع نظام لو فى نظام كان كل دا اتحل و ماكنتيش لاقيتى الكلام دا

طبعا زى ماقال محمود برضه ان فعلا لما الشركه الفرنسيه كانت ماسكه خط شبرا كنتى تلاقى نظام و امن و استحاااااااااااله تلاقى واحد فى عربيه السيدات و لو ركب بالغلط بيجرى المحطه التانيه يركب العربيه المشتركه

اما دلوقتى فاعادى جدا و مابقاش فى رقيب

انتى عارفه من كام يوم للأسف كنت لازم فى مشوارى اركب المترو و طبعا لانى كنت فاكره انه اسرع للأسف اتأخرت اكتر ماكانت هاتأخر بالموصلات العاديه

لان المترو كان بيوقف فى المحطه زياده عن عشر دقايق غير طبعا انه كان زحمه مووووووووت يعنى تأخير و تعب و زنقه و حاجه حلوة خالص ):

يلا الحمدلله و الله برضه لسه عندى امل ان البلد دى تتعدل

EMMY BABY يقول...

goe amr

وعليكم السلام

لا انا معترض فى حاجة انى فعلا فى عربيتين سيدات فى المترو بس المشكلة انى السيدات مش ملتزمة بيهم انا نفسى زى ما بيعاقب الرجل لما يركب فى عربة السيدات لازم السيدات تعاقب لما تركب فى عربات الرجالة
********************
هههههههههههههه بص انا معاك بس مش انها تتعاقب ممكن انها حاجة تغيظ

بس لو التزمنا بالنظام من حق السيدات تركب عربية الرجالة لكن العكس مينفعشى

فمينفعشى نقول اشمعنى زى مابيركبوا عربيتنا احنا كمان هنركب عربياتهم

او زى ماحنا بنتعاقب لازم يتعاقبوا

ده نظام

طب لو جينا من زواية تانية انا عن نفسى مبرجحشى ان الستات تركب عرربيات الرجالة الا لو مضطرةمثلا كانت متاخرة وملحقتشى الا عربية الرجالة او كدة

بس برضه يا جدعان مهم عملولكم اكتر من 8 عربيات علشان هما عاملين ان العربيات دى ستات ورجالة

لو والله قسموا العربيات بالنص انا موافقة يدفعوا اللى يركب عربية الرجالة من الستات غرامة

ساعتها هتكون العملية متزنة

************************
احنا محتاجين حاجة وحدة اننا نحب ونساعد بعض مش فيها حاجة لما اوسع للناس الى معايا يارب يسود الحب بينا
**********************

يارب لحسن تقريبا الناس نسيت المفاهيم دى من زمن

ربنا يهدينا يارب

تحياتى

ايمى

حسن حنفى يقول...

هههههههههههه

اللي مش عاجبه مش يركب المترو

:p

الحمد لله في المنصوره مش فيه مترو:d

mohamed ghalia يقول...

إيه يا إيمى انتى خلاص هتتفرغى لحل مشاكل المترو
وكان نقسم الأيام يوم للجامعة ويوم للشغل ويوم للمدارس
والله برده ليكون المترو زحمة
الحاجة الغريبة لما تركبى المترو تحسى إنى مصر كلها فاضية والبلد كلها موجودة فى المترو
تخرجى بره المترو تقولى إمال إلى كانوا جوه دول كانوا مين! أكيد شعب تانى
على فكرة برده عند الرجالة زحمة جدااااااااااااا
تقبلى تحياتى
دمتى بود

EMMY BABY يقول...

ضد التيار

بجد والله انا سعيدة بزياراتك وخاصة انى كنت مكسوفة منك علشان اول كومنت ليكى اتحط فى مدونتى كان فى البوست اللى اتشال انا اسفة فعلا

ودلوقتى اسعد انك كررتى الزيارة ومقلتيش والله منا داخلة المدونة اللى كلها غلطات دى تانى هههههههههههههههه

ههههههههههههههههههههههههههههههههه

بجد انا موت من الضحك على المواقف اصل الحمد لله الحمدلله قليل لما بركب المترو

*************************
هههههههههههههههههههه والله اترحمتى يابنتى من الهم

اعتقد و الله اعلم ان دا مترو حلوان المرج ؟؟؟ غير المترو اللى اتكلم عليه محمود بتاع شبرا صح ؟؟؟
*************************
اه فعلا ده مترو حلوان المرج بس انا مكنتش اعرف ان محمود يقصد شبرا المنيب



المهم اى كان المترو اتعمل فعلا فيهم عربيتين للسيدات و برضه مش مكفى
الموضوع مش موضوع زياده عربيه الموضوع موضوع نظام لو فى نظام كان كل دا اتحل و ماكنتيش لاقيتى الكلام دا
***************************
انتى طبعا معاكى حق بس انتى عارفة الصبح بتبقى مش مشكلة نظام قد ماهى مشكلة زحمة وزيادة كثافة فعلا

طبعا زى ماقال محمود برضه ان فعلا لما الشركه الفرنسيه كانت ماسكه خط شبرا كنتى تلاقى نظام و امن و استحاااااااااااله تلاقى واحد فى عربيه السيدات و لو ركب بالغلط بيجرى المحطه التانيه يركب العربيه المشتركه
اما دلوقتى فاعادى جدا و مابقاش فى رقيب
*****************************
فعلاااااااااااا انا بتشل من العساكر واقفين زى قلتهم

***************************

انتى عارفه من كام يوم للأسف كنت لازم فى مشوارى اركب المترو و طبعا لانى كنت فاكره انه اسرع للأسف اتأخرت اكتر ماكانت هاتأخر بالموصلات العاديه
لان المترو كان بيوقف فى المحطه زياده عن عشر دقايق غير طبعا انه كان زحمه مووووووووت يعنى تأخير و تعب و زنقه و حاجه حلوة خالص ):
**************************
هههههههههههههههههههه حظك حلو

**********************

يلا الحمدلله و الله برضه لسه عندى امل ان البلد دى تتعدل

************************
اهم حاجة ان يكون لسة الامل موجود

نورتينى والله

تحياتى

ايمى

Sweet Violet يقول...

يابنتى اسفه ايه بس

بتحصل عادى فى احسن المدونات دا ممكن حتى المدونه تطردنى بره و ماتخلنيش اعلق و عاااااااااادى جدا صبورة و برخم عليها لحد ماتزهق هى و تستسلم هههههههههههههههههههههه

يعنى مدونتك مش هاتقدر عليا (:

romansy يقول...

ايمى
ايه اخبارك
وايه البوست الجامد دا
راح بوست جه بوست احسن منه
انتى كده يا ايمى دوستى على الجرح
الزحمه يا ايمى فى كل مكان بس المفروض تكون فى مكان زى المترو زحمه منظمه
صحيح المترو حل مشاكل كتير قوى
بس اقولك
الموضوع يا ايمى موضوع اخلاقيات
انتى بتتكلمى على البنات اللى بتركب مع الرجاله
ودا طبعا من ذوق الرجاله
شوفتى هما ذوق ازاى
ههههههه
اما بقى لمشكله عربيه السيدات
فالمفروض يكون العكس
المترو مش يكون فيه غير عربيتين رجاله بس
علشان النسبه اللى انتى قولتيها
6:1

شبــ اون لاين ـــاب يقول...

السلام عليكم

بما اننا فى الاسكندريه معندناش مترو


بس احب اقولك انى لما بنزل القاهره و اركب المترو

ممكن تلاقينى مره نسيت الجزمه فى المترو و خرجت ممكن انسى الشنطه بتاعتى بتحصل عادى

لان اول ما بتركبى المترو يبقى عليا و على اعدائى

و مره حصل موقف وحش اوى
كان وشى ملزوق فى الباب بتاع المترو من كتر الزحمه و يومها كان معايا ابن خالى بس لما ركبت المترو ضاع ابن خالى

الحمد لله اننا معندناش مترو

___________________________
كان معك من امام الكيبورد
واحد مخه لاسع شويه
شبــ اون لاين ــاب
الاسكندريه
________________________

باجوجو يقول...

عارفة الصورة بتاعة الواد الصغير
اللى انتى كاتبة فوقها
أموت وأعرف كان شايف إيه قدامه
أنا عرفت

كان شايف ناس نازلة من المترو

الحمد لله إننا بعيد عن الزحمة دى

أنا فعلا حسيت إنى مخنوق من الزحمة وأنا عمال أقرا
ما بالك بقى لو كنت بستخدمه فعلا

تقبلى تحياتى

كـــيــــــــارا يقول...

هههههههههههههههههههههههههههههههههه


مووووووووتيني من الضحك ياايمي خاصه لما قلتي

من كام اسبوع بقى كدة طبعا زى ماتفقنا كنت مسطحة وطبعا علشان ايدى مكنتش معايا نزلت لاقيت روج على هدومى وده معناه ان ايدى كانت عند بق واحدة حاطة روج ههههههههههههههههههه لا وحظى كنت لابسة ابيض والروج بينك

---------

ههههههههههههههههههههههههههه ايون ايون فكريني بايام ماكنت بركب المترو وقت الزحمه

بصي بقي المترو ده مواويله مووايل

والخناقات مقولكيش

بس برده مش بزياده العربيات لان برده هتلاقي نفس الاسلوب الزق و.و.و.....

الموضوع في الاول اسلوب متحضر نتعامل بيه

وحستيني يابت انتي

SHAPE YOUR LIFE (ABOALI) يقول...

اه يا دنيا
الشيخ الشعراوى رحمه الله
يقول لكل شخص منطقة حرجة
يستطيع فيها الانسان التحرك شمالا ويمينا
غربا وشرقا
وببساطة لو تم فتح الذراعين على مصراعيها (طبعا هاتتاكل فى المترو) تبقى هى دى المنطقة الحرجة
بس يمكن هنا فى مصر متعودين على الزنقة
فخلاص الموضوع عادى
بس من منطلق الحلول
ممكن يكون فى مترو حواء ومترو ادم
زمن التقاطر بينهما 5 دقائق
واللى عايز يركب من حواء مترو ادم
يبقى التذكرة دوبل والعكس
الحل الثانى
حواء تعرف انى الاهتمام بمظهرها مهم
يعنى قبل ما تتطلع المترو يكون فى مزيل للعرق وتعرف انى فى روج ثابت
ونقلل فى حجم الاكسسورات شوية
بلاش الشنط الكبير
فى حل برضوا اسمه حافظ على وزنك تكسب صحتك
يعنى الاوزان فى مصر فى تصاعد
وادم بيعانى من الوزن الثقيل حرام كفايه
المحشى والمكرونه والبطاطس المحمرة كفايه شويه

كمان فى حل اسلامى
تزاحموا تراحموا يعنى الكل يستحمل بعضه
والا اقعدوا فى البيت يبقى وصلنا للحل المثالى

اشكرك على العرض المثير الرائع المميز لمراسلة قطاع التدوين من مترو الانفاق

كتب التعليق
ابو على من امام اللاب توب

وردشان smilyrose يقول...

حمدلله على السلامة

وحشتينا يا جميل

انتى عارفة نفس المشكلة بتقابلنى لما

برفع بوست فيه فيديو

ممكن نشوف لها حل

المهم البوست رائع جدا

وفعلا فكرتينى بأول مرة ركبت المترو من

9 سنوات وبجد مكنش فيه نفس الصعوبات اللى بنشوفها دلوقتى والزحمة

بقت صعبة قوى

ومش عارفة ليه كدا المفروض انها

مواصلة معمولة لرفع الضغط عن المواصلات وتخفيف العبء عن الناس

لكن دلوقتى بقيت يييييييييييييييييه

بجد بقيت بشيل حمل ان هروح اركب من
المرج لحلوان وما ادراكى المرج وحلوان

المهم بوست رائع وفعلا يعجبنى اسلوبك فى التطرق لما نعانيه

دمتى غاليتى

smilyrose

روح الحب الصادق

مـجـنـووون يقول...

بجد ببقي مبسوط لما بكون في مدونتك الجميله

******************

المشكله أن الناس معذورة بسبب قلة المواصلات واصحاب العمل إلي مش بيرحموا حد لو أتاخر والطلاب مبدخلوش المحاضرات لو أتاخروا

بس صدقيني كل المشاكل دي سببها أن الناس بعدت عن ربنا والروابط الأجتماعية بقت ضعيفة قوي كان زمان لم حد يقع كانت الدنيا تقوم وتقف علشانه والناس كلها تسعده علي الوقوف ولو حد سال علي مكان معين أو عن وأحد . الناس توصله لحد المكان الي عيزه لكن دلوقتي تقوله ادخل يمين في شمال وبعدين شمال في يمين وتلاقي الراجل تايه
وميعرفش يوصل

انا عايزك تفكري يكون ايه الحل للمشكله دي وتقولي رائيك وتكتبيه في بوست جديد ونرفع صوتنا علاشن لما ربنا يسالنا نلاقي عذرا نقوله

تقبلي مروري
مجنووون

سندس وأمل يقول...

وسع ياد منك ليه ستك سندس

هتقول الإقتراااااااااااااااااااااح

بتاعها:) أيوا كده وسعوا لزما

الواحد يشخط :)

إحم إحم أنا مش عارفه كل يوم يا أختى

يطلعولنا حاجه جديده وتعمل مشاكل

ده إحنا لو نريح نفسنا ونركب العجل

:) مش عارفه......................

على العموم كل أرائك نحية المتروا

صح ......بس هوا فيه حاجه يعنى إنتى

بتقولى عند كل متروا يقف خمس دقائق

أنا من رأى إن المتروا مش يقف خالص

أيوا ميقفش خالص وبكده هنحل الأزمه

لأنه لما مش هيقف محدش هيركب :)

حل ميه ميه صح أى خودعه "سندوووووسه"

princess يقول...

فكرتينى يا ايمى بالذى مضى ههههههه
اه والله لما كنت فى الكلية 4 سنين وانا بركب المترو عشان كنت فى عين شمس شفت ايام فظيعة:)
وبصراحة لسه بستخدمه لحد دلوقتى عشان بحب فى المواصلات اركب مع سيدات بس:)
بس الواحد بيطلع منكوش من المترو زى الكتكوت اللى سافر سنين لوحده ههههههه
ربنا معانا بقى وياريت يعملو لينا مترو لوحدينا
تحياتى

الرومـيصاء يقول...

عارفه شر البليه مايضحك
الحمد لله احنا معندناش متروا فى اسكندريه
بس عندنا حاجه انيل
القطااااااااار
وتعالى بقى اتفرجى على فلم هندى
طول اليوم
الله المستعان
ربنا اكشف عنا العذاب انا مؤمنون
دمتى فى حفظ الله

غير معرف يقول...

ههههههههههههههههههههههههههههههههههههه
أموت فيكى و أنتى مسطحة


و الله ضحكتينى من قلبى

عارفة انا عمرى ما ركبت المترو ده أبدا و مش ناوية أركبه

أنا كل يوم خميس بطلع من الكليه على تيتا و جدو لأننا بنقضى خميس و جمعة هناك
المهم فى عندنا لو أنا خرجت من الجامعة على باب مترو و أركب المترو حكون هناك على طول فأنا بقى بفضل أنى أركب مواصلتين و لا أنى أتعرض للمترو ده أصلا
و الله أنا بسمع بلاوى ...أنتى بجد ربنا معاكى فعلا







وحشانى يا قمر

EMMY BABY يقول...

حسن حنفى

هههههههههههه اقتراح اكثر من رائع بصراحة

الحمد لله اترحمت من المترو

تحياتى

ايمى

EMMY BABY يقول...

mohamed galia

إيه يا إيمى انتى خلاص هتتفرغى لحل مشاكل المترو
*******************
وياريتها بتتحل ده كل يوم بتزيد

وكان نقسم الأيام يوم للجامعة ويوم للشغل ويوم للمدارس
والله برده ليكون المترو زحمة
****************************
اهو زحمة عن زحمة تفرق

*******************************
الحاجة الغريبة لما تركبى المترو تحسى إنى مصر كلها فاضية والبلد كلها موجودة فى المترو
تخرجى بره المترو تقولى إمال إلى كانوا جوه دول كانوا مين! أكيد شعب تانى

*****************************

هههههههههههههههه اه والله بقعد افكر كدة برضه فعلا حتى المواصلات زحمة على الاقل المترو مضمون الباقى مش مضمون


على فكرة برده عند الرجالة زحمة جدااااااااااااا
*******************
اومال ازاى بقى البنات بتركب الصبح فى عربية الرجالة دحتى يبقى صعب اوى

ربنا يخففلكم الزحمة هههههههههههه

تحياتى

ايمى

EMMY BABY يقول...

ضد التيار

يابنتى اسفه ايه بس

بتحصل عادى فى احسن المدونات دا ممكن حتى المدونه تطردنى بره و ماتخلنيش اعلق و عاااااااااادى جدا صبورة و برخم عليها لحد ماتزهق هى و تستسلم هههههههههههههههههههههه
يعنى مدونتك مش هاتقدر عليا (:
**************************
ههههههههههههههههههههههه والله ضحكتينى حسيستينى ان المدونة دى حد بيغلس عليكى وانتى عندية بقى :))

منورة فى كل وقت دايما

تحياتى

ايمى

Mona Shereif يقول...

تعرفى انا قلت قعدة البيت حلوه علشان كده
انا ماركبتش المترو
بس ركبت القطر وطبعا مفيش عربيات رجاله وعربيات ستات
كله سلطه

بس تعرفى بجد استمتعت جدا بالبوست يا ايمى
يعنى لو مكانش فيه مشكله مكنتش هبقى مبسوطه كده
ههههههههههههههههههههههههههههه
حلوة بتحسى كأنك مسطحه دى
ههههههههههههههههههههههههه
حلولك مش عارفه حاسه انها خياليه
عموما ربنا يهدى

تسلمى يا ايمى

EMMY BABY يقول...

رومانسى

ايمى
ايه اخبارك
*****************
الحمد لله تمام


وايه البوست الجامد دا
راح بوست جه بوست احسن منه
********************
ربنا يكرمك من بعض ماعندكم


انتى كده يا ايمى دوستى على الجرح
الزحمه يا ايمى فى كل مكان بس المفروض تكون فى مكان زى المترو زحمه منظمه
صحيح المترو حل مشاكل كتير قوى

*************************
والله انا اكتشفت ان مفيش حاجة منظمة كل زحمة وناس بتزق وناس متاخرة وناس بتصرخ وكذلك المواصلات على الاقل المترو بيشيل كتير وليه وقت محدد ضامنين انه هييجى لكن المواصلات مش مضمونة نهائى

بس اقولك
الموضوع يا ايمى موضوع اخلاقيات
انتى بتتكلمى على البنات اللى بتركب مع الرجاله
ودا طبعا من ذوق الرجاله
شوفتى هما ذوق ازاى
ههههههه
**************************
بالعكس على الاقل النظام يسمح للمرأة انها تركب عربية الرجالة لكن تعمل ايه بقى فى الرجالة اللى بتركب السيدات وتحطم كل الانظمة اعتقد ان احنا بقى اللى ذوق :))


اما بقى لمشكله عربيه السيدات
فالمفروض يكون العكس
المترو مش يكون فيه غير عربيتين رجاله بس
علشان النسبه اللى انتى قولتيها
6:1

************************
ياريت والله على الاقل يقسموا العربيات بالنص

تحياتى

ايمى

EMMY BABY يقول...

شباب اون لاين
واحد مخه لاسع شوية

وعليكم السلام


بما اننا فى الاسكندريه معندناش مترو
**********************
اترحمتم والله


بس احب اقولك انى لما بنزل القاهره و اركب المتروممكن تلاقينى مره نسيت الجزمه فى المترو و خرجت ممكن انسى الشنطه بتاعتى بتحصل عادى
**********************
هههههههههههههههههه دى حاجة بسيطة كويس انك طالع بهدومك اصلا


و مره حصل موقف وحش اوى
كان وشى ملزوق فى الباب بتاع المترو من كتر الزحمه و يومها كان معايا ابن خالى بس لما ركبت المترو ضاع ابن خالى

****************************
لازم طبعا يضيع مهو فى المترو

بس بجد صعب فعلا ان وشك يكون ملزوق فى الباب اكيد تعبت جامد



الحمد لله اننا معندناش مترو
**************
الحمد لله انتم فى نعمة

تحياتى

ايمى

EMMY BABY يقول...

باجوجو

عارفة الصورة بتاعة الواد الصغير
اللى انتى كاتبة فوقها
أموت وأعرف كان شايف إيه قدامه
أنا عرفت

كان شايف ناس نازلة من المترو

*********************
ههههههههههههه تصدق ممكن والله

الحمد لله إننا بعيد عن الزحمة دى
*****************
الحمد لله فعلا بجد بالرغم انه ليه مزاياه برضه



أنا فعلا حسيت إنى مخنوق من الزحمة وأنا عمال أقرا
ما بالك بقى لو كنت بستخدمه فعلا
*******************
مكنتش حسيت انك مخنوق دانت كنت اتخنقت فعلا وقطعت النفس :))

تحياتى

ايمى

EMMY BABY يقول...

كياااااااارا العسولة

مووووووووتيني من الضحك ياايمي
ههههههههههههههههههههههههههه ايون ايون فكريني بايام ماكنت بركب المترو وقت الزحمه
************************
اضحكى اضحكى والله فعلا مواقف تضحك ياشيخة كويس انك بطلتى تركيبه بلا هم يا شيخة
***********************

بس برده مش بزياده العربيات لان برده هتلاقي نفس الاسلوب الزق و.و.و.....

الموضوع في الاول اسلوب متحضر نتعامل بيه
*************************
انا عارفة طبعا ان كتير من السلوكيات مش هيتغير بس على الاقل نحاول نقلل الزحمة فتقل السلوكيات الناتجة عن الزحمة

وانتى والله وحشينى بجد

تحياتى

ايمى

EMMY BABY يقول...

ابوعلى

اه يا دنيا
الشيخ الشعراوى رحمه الله
يقول لكل شخص منطقة حرجة
يستطيع فيها الانسان التحرك شمالا ويمينا
غربا وشرقا
وببساطة لو تم فتح الذراعين على مصراعيها (طبعا هاتتاكل فى المترو)

*************************
هههههههههههههههههه والله العظيم ضحكتنى اوى كلمة هتتاكل فى المترو دى


بس من منطلق الحلول
ممكن يكون فى مترو حواء ومترو ادم
زمن التقاطر بينهما 5 دقائق
واللى عايز يركب من حواء مترو ادم
يبقى التذكرة دوبل والعكس
**********************
ايه الحلول الجامدة دى مترو ومترو طبعا هيكون لونهم مختلف يعنى بتاع حوا بينك وبتاع ادم لبنى :))


الحل الثانى
حواء تعرف انى الاهتمام بمظهرها مهم
يعنى قبل ما تتطلع المترو يكون فى مزيل للعرق وتعرف انى فى روج ثابت
ونقلل فى حجم الاكسسورات شوية
بلاش الشنط الكبير
فى حل برضوا اسمه حافظ على وزنك تكسب صحتك
يعنى الاوزان فى مصر فى تصاعد
وادم بيعانى من الوزن الثقيل حرام كفايه
المحشى والمكرونه والبطاطس المحمرة كفايه شويه
***********************
يالهوى دانت شردت حواء كل ده تعمله علشان تركب المترو
تشترى شنط صغيرة وتنزل وزنها تصدق والله الاوزان الثقيلة دى مشكلة فى المترو فعلا مش زينا نعرف ندخل فى حتت صغيرةيعنى هما هياخروا هيتاخروا


كمان فى حل اسلامى
تزاحموا تراحموا يعنى الكل يستحمل بعضه

*************
وطبعا ده حل مناسب وبسيط ياريت الناس تمشى عليه

والا اقعدوا فى البيت يبقى وصلنا للحل المثالى
************************
اااااااه قلتلى بقى علشان بدل ماكانوا عربيتين سيدات يبقى المترو كله رجالة


اشكرك على العرض المثير الرائع المميز لمراسلة قطاع التدوين من مترو الانفاق

***********************
مع ان الارسال كان عمال يقطع :))

ميرسى جدا

تحياتى

ايمى

طـائر الليــل الحـزين يقول...

ايمى
طبعا دى اول زيارة ليه فى مدونتك الجميلة جداااا
وبجد حسيت فيها براحة شديدة . ام بالنسبة للبوست الهايل . بجد كل اللى انتى كتبتيه مهم قوى وبيحصل قدمنه كل يوم مئات المرات . الواحد مينفعش يجيب المسؤلية على جانب واحد . ياترى فعى زى ماقالك محمود العدل فى تعليقه . ان من بعد ما الشركة الفرنسية عقدها خلص واستلمنا احنا المترو . والا الاخلاقيات والسلوكيات اللى اختلفت بطريقة الواحد للأسف مش مصدقها . والا استعجال الناس على لقمة عيشها خلاهم يهملزا حاجات كتير وينسوها . حتى لو كانت الحاجات دى انهم يدوسوا على بعضهم . كلها سلبيات ملهاش نهاية وبتكتر كل يوم . واللهى انا لما بركب المترو بشوف عجايب . وعلى فكرة انا ممكن من اللى الستات بيعملوه . اركب فى عربية الرجالة . وطبعا ساعات لاء . بس واللهى بشوف كتير مساخر فى عربية الستات . يارب السؤليين يفوقوا شوية للمترو ويحسوا انه مشروع عظيم ونافعنا جامد بس محتاج شوية اهتمام وصيانة ويارييت يكتروا العربيات زى الاول . عشان يخفوا الزحمة .....
تحياتى ليكى يا ايمى على بوستك الرائع

EMMY BABY يقول...

سمايلى روز

حمدلله على السلامة
وحشتينا يا جميل
انتى عارفة نفس المشكلة بتقابلنى لما
برفع بوست فيه فيديو
ممكن نشوف لها حل
**********************
الله يسلمك يا حبيبتى

كلكم وحشتونى والله
***********************

وفعلا فكرتينى بأول مرة ركبت المترو من

9 سنوات وبجد مكنش فيه نفس الصعوبات اللى بنشوفها دلوقتى والزحمة

بقت صعبة قوى

ومش عارفة ليه كدا المفروض انها

مواصلة معمولة لرفع الضغط عن المواصلات وتخفيف العبء عن الناس

لكن دلوقتى بقيت يييييييييييييييييه

بجد بقيت بشيل حمل ان هروح اركب من
المرج لحلوان وما ادراكى المرج وحلوان
*****************************
ياخرابى انتى بتاخدى الخط كله

بس هى فيها ميزة انك تركبى الخط من اوله بتكون الزحمة اخف على الاقل تضمنى مكان

***************************
المهم بوست رائع وفعلا يعجبنى اسلوبك فى التطرق لما نعانيه

ربنا يخليكى ميرسى جدا على ذوقك

تحياتى

ايمى

EMMY BABY يقول...

مجنوووووون

بجد ببقي مبسوط لما بكون في مدونتك الجميله

******************

والله وانا ببقى مبسوطة بتعليقاتكم ميرسى جدا ليك

المشكله أن الناس معذورة بسبب قلة المواصلات واصحاب العمل إلي مش بيرحموا حد لو أتاخر والطلاب مبدخلوش المحاضرات لو أتاخروا
****************************
ايوة مهو علشان كدة مفروض نراعى بعض يعنى كلنا متاخرين وكلنا مخنوقين فعايزين نستحمل بعضها

بس صدقيني كل المشاكل دي سببها أن الناس بعدت عن ربنا والروابط الأجتماعية بقت ضعيفة قوي كان زمان لم حد يقع كانت الدنيا تقوم وتقف علشانه والناس كلها تسعده علي الوقوف
***********************
كنت لسة بكلم ماما على الموضوع ده بقلها المفروض لما واحدة تقع كلنا نحجز ونشيلها ونساعدها انها تقف لكن دلوقتى بيسيبوها واقعة ويدوسوا عليها المهم انهم يركبوا مع انهم لو فوتوا مترو الدنيا مش هتطير

ولو حد سال علي مكان معين أو عن وأحد . الناس توصله لحد المكان الي عيزه لكن دلوقتي تقوله ادخل يمين في شمال وبعدين شمال في يمين وتلاقي الراجل تايه
وميعرفش يوصل
*************************
ههههههههههههههههه انا بتوه كتير الحمد لله

انا عايزك تفكري يكون ايه الحل للمشكله دي وتقولي رائيك وتكتبيه في بوست جديد ونرفع صوتنا علاشن لما ربنا يسالنا نلاقي عذرا نقوله
******************************
ياريت بجد ...بس تفتكر صوتنا هيوصل وهياخدوا بكلامنا ولا كالعادة

تحياتى

ايمى

EMMY BABY يقول...

سندس

وسعنالك اهو عايزة اسمع اقتراح جامد بقى

هتقول الإقتراااااااااااااااااااااح

بتاعها:) أيوا كده وسعوا لزما

الواحد يشخط :)

إحم إحم أنا مش عارفه كل يوم يا أختى

يطلعولنا حاجه جديده وتعمل مشاكل

ده إحنا لو نريح نفسنا ونركب العجل

:) مش عارفه......................

على العموم كل أرائك نحية المتروا

صح ......بس هوا فيه حاجه يعنى إنتى

بتقولى عند كل متروا يقف خمس دقائق

أنا من رأى إن المتروا مش يقف خالص

أيوا ميقفش خالص وبكده هنحل الأزمه

لأنه لما مش هيقف محدش هيركب :)

*******************************
ههههههههههههههههههههههههه ياسلاك كنتى فينك من زمان يابنتى اقتراحات فل الفل ميقفشى خالص هههههههههههه


حل ميه ميه صح أى خودعه "سندوووووسه"

طبعا مية مية يا سندووسة (وش هيفرقع من الغيظ )

تحياتى

ايمى

EMMY BABY يقول...

برينسيس

فكرتينى يا ايمى بالذى مضى ههههههه
اه والله لما كنت فى الكلية 4 سنين وانا بركب المترو عشان كنت فى عين شمس شفت ايام فظيعة:)
***********************
كويس انتى من الكلية بس انا من اول اعدادى اااااااااااه يااااااانى


وبصراحة لسه بستخدمه لحد دلوقتى عشان بحب فى المواصلات اركب مع سيدات بس:)
بس الواحد بيطلع منكوش من المترو زى الكتكوت اللى سافر سنين لوحده ههههههه

*************************
هههههههههههههههههههههه انا ببقى مبسوطة جدا لما بخرج بهدومى والطرحة فى مكانها دى معجزة :))

ربنا معانا بقى وياريت يعملو لينا مترو لوحدينا
********************
يارب امين

تحياتى

ايمى

EMMY BABY يقول...

الروميصاء

عارفه شر البليه مايضحك
*****************
اه والله اهو بنخفف عن نفسنا بالضحك


الحمد لله احنا معندناش متروا فى اسكندريه
بس عندنا حاجه انيل
القطااااااااار
وتعالى بقى اتفرجى على فلم هندى
طول اليوم
*********************

كل المواصلات صعبة واهو القطر شبه المترو ربنا يعينا ويعينكم ويعين كل المسلمين

************************
ربنا اكشف عنا العذاب انا مؤمنون

اللهم امين

تحياتى

ايمى

EMMY BABY يقول...

انا ودماغى

وحشتينى يا جيل عاملة ايه يارب تكونى بخير

ههههههههههههههههههههههههههههههههههههه
أموت فيكى و أنتى مسطحة
**************************
هههههههههههههههههههههه اه والله


و الله ضحكتينى من قلبى
*****************************
ودى اهم حاجة عندى

عارفة انا عمرى ما ركبت المترو ده أبدا و مش ناوية أركبه
أنا كل يوم خميس بطلع من الكليه على تيتا و جدو لأننا بنقضى خميس و جمعة هناك
المهم فى عندنا لو أنا خرجت من الجامعة على باب مترو و أركب المترو حكون هناك على طول فأنا بقى بفضل أنى أركب مواصلتين و لا أنى أتعرض للمترو ده أصلا
و الله أنا بسمع بلاوى
**************************
والله هو المترو مش فى كل الاوقات بيبقى زحمة بس بجد وقت الصبح وساعة الذروة ربنا يرحمنا بقى

ربنا يعينك بقى على المواصلات مهى اكيد زحمة برضه


...أنتى بجد ربنا معاكى فعلا

معانا كلنا اللهم امين

تحياتى

ايمى

EMMY BABY يقول...

سام تايمز

ازيك يا منمن


تعرفى انا قلت قعدة البيت حلوه علشان كده
انا ماركبتش المترو
بس ركبت القطر وطبعا مفيش عربيات رجاله وعربيات ستات
كله سلطه
*************************
طب ده العن وادل دانا بكره السلطة فى المواقف دى ههههههههههه ربنا يكون فى عونك

بس تعرفى بجد استمتعت جدا بالبوست يا ايمى
***********************
الحمد لله يا منمن ودى اهم حاجة عندى


يعنى لو مكانش فيه مشكله مكنتش هبقى مبسوطه كده
ههههههههههههههههههههههههههههه
حلوة بتحسى كأنك مسطحه دى
ههههههههههههههههههههههههه
****************************

هههههههههههههه اه والله بطنى فى ظهرى ورقبتى بتتنى وحاجات كدة غريبة :))


حلولك مش عارفه حاسه انها خياليه
***********************
هو اخر حل بس اللى هو بتاع يوم للشغل ويوم للكلية ده كان هزار لكن باقى الحلول قابلة للتنفيذ والله دى بسيطة خالص

عموما ربنا يهدى

اللهم امين

تسلمى يا ايمى
تسلميلى يا منمن

تحياتى

ايمى

EMMY BABY يقول...

طائر الليل الحزين

طبعا دى اول زيارة ليه فى مدونتك الجميلة جداااا
*************************
طبعا نورتينى بزيارتك ويارب متكنشى اخر زيارة

وبجد حسيت فيها براحة شديدة .
********************
اعتبريها بيتك التانى واعتبريها دونتك كمان المهم تكونى مرتاحة علطول


ام بالنسبة للبوست الهايل . بجد كل اللى انتى كتبتيه مهم قوى وبيحصل قدمنه كل يوم مئات المرات . الواحد مينفعش يجيب المسؤلية على جانب واحد .
*****************
ربنا يخليكى هى فعلا المشكلة ليها اسباب كتير بس للاسف المشكلة بقت كبيرة

*****************************
ياترى فعى زى ماقالك محمود العدل فى تعليقه . ان من بعد ما الشركة الفرنسية عقدها خلص واستلمنا احنا المترو . والا الاخلاقيات والسلوكيات اللى اختلفت بطريقة الواحد للأسف مش مصدقها . والا استعجال الناس على لقمة عيشها خلاهم يهملزا حاجات كتير وينسوها . حتى لو كانت الحاجات دى انهم يدوسوا على بعضهم .
**************************
للاسف الاخلاقيات قلت مبقاش فى روح مابينا كدة وقوة رابطة تخلينا منستحملشى على بعض حاجة زى زمان
بس ان شاء الله هنرجعها :)


واللهى انا لما بركب المترو بشوف عجايب . وعلى فكرة انا ممكن من اللى الستات بيعملوه . اركب فى عربية الرجالة . وطبعا ساعات لاء . بس واللهى بشوف كتير مساخر فى عربية الستات .
************************
عجائب وغرائب فعلا ربنا يهدينا


يارب السؤليين يفوقوا شوية للمترو ويحسوا انه مشروع عظيم ونافعنا جامد بس محتاج شوية اهتمام وصيانة ويارييت يكتروا العربيات زى الاول . عشان يخفوا الزحمة .....
*******************
ياريت والله وياريت ينفذوا فعلا

تحياتى ليكى يا ايمى على بوستك الرائع
تحياتى ليكى انتى على زيارتك الحلوة ومرورك الجميل


تحياتى

ايمى

oRiGiNaL HeArT يقول...

ههههههههههههه
والله شكلك بتركبى معايا كل يوم
اكيد بنتقابل فى البهدلة دى
اصل حضرتى من ضحايا المترو بردو :)
بس لعلمك دة مووتعة
حتى ماما كل شوية تتحايل عليا تجيبلى عربية
وانا اقول ابدااااااااااااا
الا المترو
مقدرش على بعده :(

الازهرى يقول...

صغيرتى العزيزة

ربما تتحدثين عن مكان اخر
فانا اركب المترو باستمرار ولا انتظره سوى ثوان معدودة واجد الاماكن فارغة خاصة وقت الظهيرة
كما ان التدخين ممنوع منعا مطلقا والنظافة على اعلى مستوى ممكن من الاداء والمعاملة حسب اتفاقية حقوق الانسان
يبدو انك تتحدثين عن مترو اخر غير مترو القاهرة

تحياتى دوما

EMMY BABY يقول...

اورجانيل هارت

ههههههههههههه
والله شكلك بتركبى معايا كل يوم
اكيد بنتقابل فى البهدلة دى
اصل حضرتى من ضحايا المترو بردو :)
**********************
ااااااااااااه قلتيلى والله مش بعيد فعلا نكون اتقابلنا واحنا منعرفشى بعض


بس لعلمك دة مووتعة
حتى ماما كل شوية تتحايل عليا تجيبلى عربية
وانا اقول ابدااااااااااااا
الا المترو
مقدرش على بعده :(
*****************
هههههههههههههههه طب ياختى خليها تجيبهالك وادهالى :))

تحياتى

ايمى

EMMY BABY يقول...

الازهرى

ربما تتحدثين عن مكان اخر
فانا اركب المترو باستمرار ولا انتظره سوى ثوان معدودة واجد الاماكن فارغة خاصة وقت الظهيرة
****************************
شكلك انت اللى بتتكلم عن مترو تانى هههههههههههه انا اقصد مترو الانفاق اللى فى القاهرة مفيش غيره
بس لو لاحظت انى ذكرت كل المواقف دى من عربية السيدات صباحا والله اخر بهدلة كفاية الحادثة اللى حصلت اول امبارح منتهى التسيب والاهمال


كما ان التدخين ممنوع منعا مطلقا والنظافة على اعلى مستوى ممكن من الاداء والمعاملة حسب اتفاقية حقوق الانسان
******************************
طبعا الستات مبيدخنوش فمش بنحس بالنقطة دى بس تفتكر لو حد دخن عندكم هييجوا يقبضوا عليه يعنى او يدفعوه غرامة ؟؟

اما النظافة فانا مقدرشى انكر بصراحة ان المترو نظيف من برة ومن جوة

المعاملة حسب اتفاقية حقوق الانسان لو كدة فعلا كانوا حاولوا على قد ماقدروا ان الناس تكون مرتاحة مش تتبهدل كدة وتحصل الحوادث اللى بنشوفها دى


يبدو انك تتحدثين عن مترو اخر غير مترو القاهرة
*********************
لا انا بتكلم عن مترو القاهرة والله بس يبدو انى بتكلم من منظور الزحمة والبهدلة فى وقت الصبح

وانت بتتكلم عن امور تانية ووقت الظهيرة

لكن هو نفس المترو

تحياتى

ايمى

elsha3er يقول...

والله ما اقدرش اقول حاجة لان انا ما ركبتش فى حياتى المترو احنا لسة فى اسكندرية متخلفين شوية ما وصلتش التقنية دى بس لو ركبتى القطر حتقولى اية دة كل دة فى المترو ربنا ما يوريكى القطر

احمد الشاعر

الازهرى يقول...

العزيزة ايمى

اعيدى قراءة التعليق السابق كاملا وليس كفقرات للرد عليها
كى تفهميا
تحياتى

DR.HAMAS يقول...

انتو واخدين كل حاجة

حرام يعنى

عاوزين كمان عربيتين مترو ؟؟

انا لسة من كام يوم

واقف فى محطة

لاقيت واحدة بتقول لى خد بالك

هنا ستات بس

و المترو كان واقف


خدتها جرررررررررى لأقرب عربية مختلطة


انتو بقيتو تخوفوا

ربنا يهديكو



شايف ان الحل

اننا نقلل عدد عربيات الستات

أو نلغى الستات خالص




د.حماس

EMMY BABY يقول...

الشاعر

والله ما اقدرش اقول حاجة لان انا ما ركبتش فى حياتى المترو
************************
لو عايز تجربه انصحك تجربه فى وقت غير الصبح وغير ساعة الذروة ساعتها هتشوف كل مميزات المترو


احنا لسة فى اسكندرية متخلفين شوية ما وصلتش التقنية دى بس لو ركبتى القطر حتقولى اية دة كل دة فى المترو ربنا ما يوريكى القطر
************************
انا فعلا عمرى ما ركبت قطر وان شاء الله مجربهوش

تحياتى

ايمى

EMMY BABY يقول...

ازهرى

انا قبل ما برد على اى تعليق الحمد لله بقراه كله كويس وافهمه وبعدين ابدأ ارد عليه سواء فقرة فقرة للتوضييح اكتر او كله مرة واحدة

واعتقد ان كلامك كان واضح وانا برضه رديت عليه بوضوح

على العموم لو شايفنى غلطت فى الفهم ممكن توضح الفكرة تانى لو سمحت

تحياتى

ايمى

EMMY BABY يقول...

د\حماس

انا محتارة اذا كان كلامك هزار ولا جد

بس انا هرد عليه انه جد

************************
انتو واخدين كل حاجة

حرام يعنى

عاوزين كمان عربيتين مترو ؟؟
***************************
هل معنى اننا واخدين عربيتين وانتم واخدين اكتر من 8 عربيات هل معنى كدة اننا واخدين كل حاجة

هل من العدل ان تكون عربيات الرجالة فاضية وذلك لكتر عددها واحنا متبهدلين فى عربيتين مفيش حتى مكان اننا نقف طبيعى او ناخد نفسنا

هل معنى انى بقترح زيادة عربيتين للسيدات ده يزعل الرجالة هل الرجالة بترتاح لما يشوفنا متبهدلين ؟؟؟؟؟؟؟؟

ممكن تفهمنى ازاى من وجهة نظرك احنا واخدين كل حاجة ؟هل ذنبنا هو زيادة عددنا !!!!

***************************

انا لسة من كام يوم

واقف فى محطة

لاقيت واحدة بتقول لى خد بالك

هنا ستات بس

و المترو كان واقف


خدتها جرررررررررى لأقرب عربية مختلطة
*************************
طب ومعنى انها تصححلك خطأ ده حرام مش احسن ماكانت تسيبك واقف وييجى حد يدفعك غرامة
***********************
انتو بقيتو تخوفوا

ربنا يهديكو

**********************
احنا بقينا نخوف ؟؟طب ازاى !!!

على العموم ربنا يهدينا جميعا

***************************

شايف ان الحل

اننا نقلل عدد عربيات الستات

أو نلغى الستات خالص

*****************************
هل حل الزحمة اننا نقلل كمان عدد العربيات من عربيتين لنصف عربية

لا وكمان عايز تلغى الستات هل تريد ان تلغى وجود السيدات من الحياة كيف وربنا خلق المرأة فى هذا المجتمع لا لتلغى انت وجودها ولكن لتكون مكلفة مثل الرجال بعبادة الله

ارى ان تنظر للسيدات على انها امك واختك وزوجتك وبنتك ليس بانها كائن اخر تريد ان تلغى وجوده

اكيد سمعت الحادثة اللى حصلت فى المترو من يومين نتيجة الزحمة وكانت سبب فى موت فتاة ربنا يارب يرحمها ويسكنها فسيح جناته

عرفت ليه احنا بناقش المشكلة علشان نوصل لحلول بدل مانفضل نموت ورا بعض نتيجة التسيب

نورت المدونة وارجو الا تكون اخر زيارة

تحياتى

ايمى

عالم حبيب يقول...

فكرتيني بأيام الجامعة .. نفس الوصف اللي وصفتيه تقريبا .. أتذكر اننا كنا بنركب بقوة الدفع الذاتي .. وبننزل بنفس الطريقة .. الواحد بس يسيب نفسه خالص :)

بس هأقولك برضه .. المترو ده حالل مشاكل كتير .. المواصلات في مصر رغم انها أحيانا بتكون متعبة لكن اذا قارنتيها بدول تانية هاتلاقي الوضع أحسن

يعني هنا في دبي .. وسائل المواصلات إما الاتوبيس أو التاكسي فقط .. الاتوبيس ممكن الواحد يقف ساعتين بدون مبالغة ,, والتاكسي غالي جدا .. يعني بس تركبي من هنا لحد مدونتي تدفعي 25 درهم .. بجد غالي .. العملية في مصر بس محتاجة شوية تنظيم .. مش شوية يعني كتيررررر :)

عالم حبيب يقول...

الحلول اللي قلتيها كويسة بس في حل كمان .. نقعد الرجالة في البيت والستات هما اللي يصرفوا عليهم :)



بجد .. من الحلول المنطقية ان ممكن يزودوا عربيات السيدات .. بدل ما هما كده كده بيركبوا في العربيات العادية


نرفع هذه الاقتراحات الى السيد رئيس مجلس عربيات مترو الأنفاق والعاقبة عندكم في المسرات :)

كلمة يقول...

اهلا ايمان
طبعا مشكله عويصه
الحكومه مش قادره تحل مشكلة قش الارز
يبقى نحمد ربنا وخلاص
بس والله اعلم ان عربيات السيدات اكتر من اتنين
وبعدين دى الزحمه دى نعمه
فى اوروبا والدول المتقدمه مش لاقيين زحمه خالص وبيفكرو يعملو زحمه صناعيه
الزحمه ليها فوائد كتير ما يعرفهاش الا الحكومة الذكيه بتاعتنا
علشان كده بتعمل كل الى ربنا يقدرها عليه لزيادى الزحمه
طوابين عيش
بنزين 80 وكمان 92
مواصلات
حتى الروندات عندنا لقولها حل وبقت زحمه الحمد لله
باقى حاجه وهم بيحولو فيها
وهى المقابر
وعملو جهود عظيمه
مبيدات مسرطنه وتلوث وحوادث
بس فى الخطه الجايه بيفكرو يستخدمو القنبله النوويه لحل هذه المشكله
انا عارف انى طولت بس اعمل ايه
هى دى بلدنا هنعمل ايه......
وعلشان الطف الجو هقولك حكايه بسيطه
صديقى فتح الله فى اول ركوبه فى المترو
قاله ابن عمه اعمل زى بالظبط علشان ما نتوهش من بعض
وبعدين ابنة عمه قاله تعالى قدام العربيه الى قدام بتبقى فاضيه
ركب ابن عمه بس هو ما عرفش يركب
قاله هنتقابل المحطه الجايه...
ركب فتح الله نفس العربه ولقى حاجه غريبه
كلهم سيدات الواد هيتهبل فين الرجاله
بس ابن عمه الى قاله
المهم نزل المحطه الى بعدها ونزل خده الشرطى على مكتب المن
لقى ابن عمه هناك..هههههههههههه
قاله مش قلتلك اعنل زى ما هعمل .

كلام على بلاطة يقول...

vfkh
ربنا ان شاء الله
يزرع الرحمة فى قلوبنا

WhItE HeArT يقول...

السلام عليكم

طبعا اول زيارة وبحييكي على المدونة الجميله دي وبين قوسين يعني ايه كلمة اتش ار

احم

المترو ومشاكل المترو هوه انا مبركبهوش كتير بس بأمانه لما بركبه بحس اني فعلا داخل مغامرة جديده لدرجة اني في مرة داخل المترو فالمفروض نستنى الناس اللي نازلين وبعدين نطلع وانا كنت اول واحد على الباب فمستني الناس ينزلوا واللي ورايا عمالين يتخانقوا معايا لحد مابصيت لهم وقلتلهم ياجماعه دي مش حرب احنا لو مركبناش هنركب اللي بعده لكن هما هيتعذبو لو منزلوش هنا وبعدين على رأي الاعلانات نحكم عقلنا نركب كلنا وطبعا لما دخلت اكتشفت ان دي عربية النساء اللي هيه بوقت باين لحد الساعه 9 وكان فاضل ساعه يعني والعربية 3 تربعها رجاله علشان كده مخدتش بالي الا لما لقيت ولدين بيتكلموا وبيضحكوا في الموضوع ده

فبجد المترو مهزله ووده بسبب السياسه الغلط اللي المترو بتبعها والوعي الغائب عن الشعب المصري

بحييكي على الموضوع ومتنسيش لما تدخلي المترو تتشاهدي

تحياتي

الازهرى يقول...

العزيزة ايمى

كل ما فى الامر انها سخرية من مرارة الوضع
واستهزاء بما وصلنا اليه من سوء الحال ختى صبح واضحا


تحياتى على الرد الدبلوماسى

موناليزا يقول...

تعرفى فكرتينى بنفسى لما كنت طالبة كان نفسى اوى يبقى معايا فلوس كتير واشترى سرفيسات كتيرة جدا عشان مايبقاش فيه زحمة كده(المنصورة مفيهاش مترو انفاق)
وده الحل دايما برضه اللى فى دماغى
بس انتى عجبتينى اوى بتصرفك مع البنوتة الصغيرة بجد ربنا يكرمك ويوقف لك ولاد الحلال

عايش... ولكن !!!! يقول...

ايمى ازيك
معلش انا مقصر شويه اليومين دول بس اعزرينى
انا قولت اعدى بسرعه اسلم عليكى
طبعا انتى عارفه رأيي فى مواضيعك
حلو موضوع المترو ده
بس تفتكرى ده اللى فاضل علشان نتكلم عليه ؟!!!!!

EMMY BABY يقول...

حبيب


فكرتيني بأيام الجامعة .. نفس الوصف اللي وصفتيه تقريبا .. أتذكر اننا كنا بنركب بقوة الدفع الذاتي .. وبننزل بنفس الطريقة .. الواحد بس يسيب نفسه خالص :)
***********************
اه والله ده انسب حل لانك لو فكرت تمسك نفسك او تقاوم مش هتركب واحتمال يغتالوك :))



بس هأقولك برضه .. المترو ده حالل مشاكل كتير .. المواصلات في مصر رغم انها أحيانا بتكون متعبة لكن اذا قارنتيها بدول تانية هاتلاقي الوضع أحسن
********************
اكيد طبعا المترو بجد انا بعتبره اضمن مواصلة برغم من زحمته الا انه معروف هييجى بعد قد ايه وهيعدى على ايه يعنى ماشى صح مش زى الميكروباصات بقى وباقى المواصلات



يعني هنا في دبي .. وسائل المواصلات إما الاتوبيس أو التاكسي فقط .. الاتوبيس ممكن الواحد يقف ساعتين بدون مبالغة ,, والتاكسي غالي جدا .. يعني بس تركبي من هنا لحد مدونتي تدفعي 25 درهم .. بجد غالي ..
***********************
ربنا يكون فى عونكم ويصبركم على الغربة


العملية في مصر بس محتاجة شوية تنظيم .. مش شوية يعني كتيررررر :)
*****************
اه لحقت نفسك شوية كتييييييير :))

تحياتى

ايمى

EMMY BABY يقول...

حبيب

الحلول اللي قلتيها كويسة بس في حل كمان .. نقعد الرجالة في البيت والستات هما اللي يصرفوا عليهم :)
*****************
هههههههههههههههههههههه فكرة برضه



بجد .. من الحلول المنطقية ان ممكن يزودوا عربيات السيدات .. بدل ما هما كده كده بيركبوا في العربيات العادية
**********************
ياريت بس مين يقرا ومين يسمع والافضل مين هينفذ


نرفع هذه الاقتراحات الى السيد رئيس مجلس عربيات مترو الأنفاق والعاقبة عندكم في المسرات :)
*****************************
منتظراك يا فندم علشان اتفرج وانت بتكلم السيد رئيس عربيات المترو :))

تحياتى

ايمى

EMMY BABY يقول...

كلمة

طبعا مشكله عويصه
الحكومه مش قادره تحل مشكلة قش الارز
يبقى نحمد ربنا وخلاص
********************

الحمد لله على كل حال


بس والله اعلم ان عربيات السيدات اكتر من اتنين
*********************
لا هما اتنين فقط لا غير


وبعدين دى الزحمه دى نعمه
فى اوروبا والدول المتقدمه مش لاقيين زحمه خالص وبيفكرو يعملو زحمه صناعيه
الزحمه ليها فوائد كتير ما يعرفهاش الا الحكومة الذكيه بتاعتنا
علشان كده بتعمل كل الى ربنا يقدرها عليه لزيادى الزحمه
طوابين عيش
بنزين 80 وكمان 92
مواصلات
حتى الروندات عندنا لقولها حل وبقت زحمه الحمد لله
باقى حاجه وهم بيحولو فيها
وهى المقابر
وعملو جهود عظيمه
مبيدات مسرطنه وتلوث وحوادث
بس فى الخطه الجايه بيفكرو يستخدمو القنبله النوويه لحل هذه المشكله
*************************
ههههههههههههههههههههههههه بجد قعدت اضحك اوى على الحتة دى بجد خيالك واسع اوى وصلت لحد المقابر :))


انا عارف انى طولت بس اعمل ايه
هى دى بلدنا هنعمل ايه......
*****************
لا بالعكس ولا طولت ولا حاجة


وعلشان الطف الجو هقولك حكايه بسيطه
صديقى فتح الله فى اول ركوبه فى المترو
قاله ابن عمه اعمل زى بالظبط علشان ما نتوهش من بعض
وبعدين ابنة عمه قاله تعالى قدام العربيه الى قدام بتبقى فاضيه
ركب ابن عمه بس هو ما عرفش يركب
قاله هنتقابل المحطه الجايه...
ركب فتح الله نفس العربه ولقى حاجه غريبه
كلهم سيدات الواد هيتهبل فين الرجاله
بس ابن عمه الى قاله
المهم نزل المحطه الى بعدها ونزل خده الشرطى على مكتب المن
لقى ابن عمه هناك..هههههههههههه
قاله مش قلتلك اعنل زى ما هعمل
*************************
ههههههههههههههههههههههههه

علشان يحرم يسع كلامه

بجد فعلا فى رجالة بتركب عربيات السيدات غلط بس بيبقى باين عليهم فعلا انهم مش عارفين

بس لذيذة والله الحكاية دى من ضمن طرائف المترو :))

تحياتى

ايمى

EMMY BABY يقول...

كلام على بلاطة

ربنا ان شاء الله
يزرع الرحمة فى قلوبنا
يارب اللهم امين

تحياتى

ايمى

EMMY BABY يقول...

وايت هارت

وعليكم السلام



طبعا اول زيارة وبحييكي على المدونة الجميله دي وبين قوسين يعني ايه كلمة اتش ار
**********************
منور المدونة بزيارتك وان شاء الله متكنش الاخيرة

اتش ار (h.r)يعنى موارد بشرية (humen reasources)

ودى بتبقى فى الشركات وظيفتها عمل الانترفيو وتعيين الافراد فى امكانهم المناسبة وهو بيكون المسئول عن رفع الروح المعنوية للافراد وبيكون عنده قدرة كبيرة على فهم الشخصيات وتحليلها

دى نبذة مختصرة فى السريع




المترو ومشاكل المترو هوه انا مبركبهوش كتير بس بأمانه لما بركبه بحس اني فعلا داخل مغامرة جديده
*********************
فيلم اكشن ببلاش :))

لدرجة اني في مرة داخل المترو فالمفروض نستنى الناس اللي نازلين وبعدين نطلع وانا كنت اول واحد على الباب فمستني الناس ينزلوا واللي ورايا عمالين يتخانقوا معايا لحد مابصيت لهم وقلتلهم ياجماعه دي مش حرب احنا لو مركبناش هنركب اللي بعده لكن هما هيتعذبو لو منزلوش هنا وبعدين على رأي الاعلانات نحكم عقلنا نركب كلنا
**************************
ده المفروض لكن الناس ملهاش دعوة بالمفروض للاسف

عجبتنى الجملة بتاعت الاعلانات دى :))



وطبعا لما دخلت اكتشفت ان دي عربية النساء اللي هيه بوقت باين لحد الساعه 9 وكان فاضل ساعه يعني والعربية 3 تربعها رجاله علشان كده مخدتش بالي الا لما لقيت ولدين بيتكلموا وبيضحكوا في الموضوع ده
***********************
المفروض ان فى عربية سيدات طول اليوم وعربية لحد 9

اللى بيحصل بقى ان العربيتين بيبقوا رجالة من الساعة 7 كدة اه والله بيضربوا بالنظام عرض الحائط ويقعدوا ويسيبوا الستات واقفة



فبجد المترو مهزله ووده بسبب السياسه الغلط اللي المترو بتبعها والوعي الغائب عن الشعب المصري
************************
ده مش مهزلة بس دلوقتى بقت مجزرة وضحايا ربنا يستر علينا


بحييكي على الموضوع ومتنسيش لما تدخلي المترو تتشاهدي
**************************
هههههههههه داخلة اموت بقى :))

تحياتي

ايمى

EMMY BABY يقول...

الازهرى

هههههههههههههههه طب والله دانت اسلوبك كان جد خالص وده اللى كان هيجننى ازاى حد بيركب المترو وبيقول كدة

بس اللى خلانى اصدق ان فى اوقات فعلا المترو بيكون فاضى بس حكاية التدخين وحقوق الانسان دى شككتنى فى قوايا العقلية هههههههههه

على العموم انا اسفة لو مكنتش فهمتك معلش غلطة مطبعية

تحياتى

ايمى

EMMY BABY يقول...

موناليزا

تعرفى فكرتينى بنفسى لما كنت طالبة كان نفسى اوى يبقى معايا فلوس كتير واشترى سرفيسات كتيرة جدا عشان مايبقاش فيه زحمة كده(المنصورة مفيهاش مترو انفاق)
وده الحل دايما برضه اللى فى دماغى
************************
طب والله ده دليل انك حد كويس اوى لانك لما جيتى فكرتى مفكرتيش فى نفسك بس فكرتى ازاى تريحى الناس بجد انتى عسولة فعلا


بس انتى عجبتينى اوى بتصرفك مع البنوتة الصغيرة بجد ربنا يكرمك ويوقف لك ولاد الحلال

*************************
اللهم امين ربنا يكرمك بس
اكيد انتى لو مكانى كنتى عملتى اكتر من كدة

تحياتى

ايمى

EMMY BABY يقول...

عايش ولكن
انا الحمد لله تمام

ولا يهمك اكيد انت مشغول


انا قولت اعدى بسرعه اسلم عليكى
طبعا انتى عارفه رأيي فى مواضيعك
حلو موضوع المترو ده
***********************
اتمنى فعلا يكون عجبك


بس تفتكرى ده اللى فاضل علشان نتكلم عليه ؟!!!!!
**************************
والله انا شايفة انه حاجة حيوية كل واحد بيعبر فى مدونته عن اللى حسه مهم فى اللى بيكتب شعر وفى اللى بيفضفض وفى اللى بيناقش مشكلة وفيه اللى بيهاجم وعلشان كدة بنتعلم كتير

بس لو الموضوع هايف بالنسبة لك انا بحترم وجهة نظرك

تحياتى

ايمى

elsha3er يقول...

منتظرين جديدك

احمد الشاعر

Unknown يقول...

يا عيني يا بنتي ..!!
انا عمري ما ركبت المترو ..
و باسمع عنه فظائع ..!!
و الله بجد حاجة تصعب اوي ..
و البنت الصغنتوتة دي اللي في اولى اعدادي .. حبيبة قلبي و الله صعبت عليا بجد .

و شنطتك لما اتقطعت .. :(

معلش يا حبيبتي .

Beram ElMasry يقول...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

Unknown يقول...

معندناش اختراع المترو دة فى اسكندرية بس عندنا قطر والقطر دة بقى واحد قرف وصلحه تقريبا كدة نفس ذات الوصف بس خليط بقى مفيش فصل بين الستات والرجالة وسمعنى سلام كله على كله لما تشوفه قول له

الازهرى يقول...

صديقتى العزيزة

الغلط مردود
اما بالنسبة للقوى العقلية فانا واثق منها جدا

تحياتى

صباح الصباح يقول...

اية ددددددددددة

هوة انا اتاخرت اوى كدة؟؟

معلش يا بنتى المضطر يركب المواصلات .. الواحد بس لو كان عندة تكتك صغنن حلو كدة مش كان اترحم م البهدلة

Rosie يقول...

بصراحة المواصلات فى مصر غير آدمية أصلا و محتاجة كلها تترمى و يبدأ نظام جديد و سيارات و قطارات و أوتوبيسات جديدة بس طبعا دى أحلام فى أحلام....مش يس المترو هو المشكلة ل المشكلة فى حاجات كتير..فى يوما ما لما نبقى بلد متقدمة الحاجان دى هتتصلح..ده أملى الصراحة

ghorBty يقول...

السلام عليكم

انتي جيتي علي الجرح

يا من ازمة المترو ديه بحس انا في حرب والله

مش عارفه الصراحه هما عايزين يعملوا فينا ايه اكتر من كدا حتي العربيتين بصين لنا فيهم ويا ريتهم مقضينا الا بمجرد ما تجي الساعه 8 تلاقي الرجاله راكبين يا عيني مساكين العربيات بتاعتهم مش مقضياهم او يمكن جوالعربيتين دول بحري
الواحد بيشوف عجب العجاب الحقيقه واظن انها مشكله ليس لها حل الا اننا نصبر والامر لله
بس ان احنا يكون عندنا امل انهم يزودا عربيتين كمان دا بقي مسسسسسسسسستحيل
اقصي امل عندي انهم يخلوا العربيتين للسيدات طول اليوم مش يحددوا وقت معين مش عارفه ايه وجهه نظرهم ؟

دمت بود
تقبلي مروري

EMMY BABY يقول...

الشاعر

معلش قريب ان شاء الله

ادعى انت بس

تحياتى

ايمى

EMMY BABY يقول...

قهوة بالفانيليا

والله فعلا الواحد بيسمع مصايب ربنا يستر علينا ده اللى حكيته ده مواقف قليلة جدا من الحقيقة

ربنا يخليكى ياحبيبتى انا كمان البنت صعبت عليا اوى

منورانى

تحياتى

ايمى

EMMY BABY يقول...

بيرم المصرى

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

تسلم ايدك

ابدعت فعلا

تحياتى

ايمى

EMMY BABY يقول...

انجى

معندناش اختراع المترو دة فى اسكندرية بس عندنا قطر والقطر دة بقى واحد قرف وصلحه تقريبا كدة نفس ذات الوصف بس خليط بقى مفيش فصل بين الستات والرجالة وسمعنى سلام كله على كله لما تشوفه قول له
***********************
هههههههههههههههههههههههههههه
بلوى يا انجى بجد

ربنا يصبرك يابنتى ويصبرنا

تحياتى

ايمى

EMMY BABY يقول...

الازهرى

ربنا يعزك يارب

بس بلاش الثقة الزيادة علشان انت متعرفشى الحقيقة هههههههههههه

بجد اسفة كمان مرة لو كنت فهمتك غلط

منورنى دايما

تحياتى

ايمى

EMMY BABY يقول...

صباح الصباح

اية ددددددددددة

هوة انا اتاخرت اوى كدة؟؟

*****************************

هههههههههههه معلش بقى زحمة المواصلات اخرتك ولا يهمك كلنا لها


معلش يا بنتى المضطر يركب المواصلات .. الواحد بس لو كان عندة تكتك صغنن حلو كدة مش كان اترحم م البهدلة
***********************
هههههههههههه تكتك ده ينداس عليه فى الزحمة احنا محتاجين دبابة

تحياتى

ايمى

EMMY BABY يقول...

روزى

بصراحة المواصلات فى مصر غير آدمية أصلا و محتاجة كلها تترمى و يبدأ نظام جديد و سيارات و قطارات و أوتوبيسات جديدة بس طبعا دى أحلام فى أحلام....
**********************
عسى الاحلام تتحقق يوما


مش يس المترو هو المشكلة ل المشكلة فى حاجات كتير..فى يوما ما لما نبقى بلد متقدمة الحاجان دى هتتصلح..ده أملى الصراحة
***********************
واملنا كلنا والله

تحياتى

ايمى

EMMY BABY يقول...

GHORBTY

وعليكم السلام ورحمة الله وبركاته

انتي جيتي علي الجرح

يا من ازمة المترو ديه بحس انا في حرب والله

مش عارفه الصراحه هما عايزين يعملوا فينا ايه اكتر من كدا حتي العربيتين بصين لنا فيهم ويا ريتهم مقضينا الا بمجرد ما تجي الساعه 8 تلاقي الرجاله راكبين يا عيني مساكين العربيات بتاعتهم مش مقضياهم او يمكن جوالعربيتين دول بحري
**********************
ههههههههههههههههه والله شكلك معبية زيى معرفش بحس ان العربيتين دول مرشوش عليهم سكر


الواحد بيشوف عجب العجاب الحقيقه واظن انها مشكله ليس لها حل الا اننا نصبر والامر لله
**************************
كل مشكلة ليها حل بامر الله بس احنا مش لازم نستسلم للامر الواقع


بس ان احنا يكون عندنا امل انهم يزودا عربيتين كمان دا بقي مسسسسسسسسستحيل
اقصي امل عندي انهم يخلوا العربيتين للسيدات طول اليوم مش يحددوا وقت معين مش عارفه ايه وجهه نظرهم ؟

*********************************
ياريت

اعتقد ان وجهة نظرهم ان الستات ميقعدوش برة البيت بعد الساعة 8 وكدة بيحافظوا على الستات ههههههههههههههه


منورانى واتمنى تنورينى علطول

تحياتى

ايمى

مصطفى محمود يقول...

هههههههههههه

أنا مركبتش المتروا دا كتير
بس الظاهر ان هما غيروه على ما انا ركبته :))
مسطح ايه بس واعضاء ايه دي الي بتطير ؟
هو المتروا دا بتاع هاري بوتر ولا ايه ؟

عموما مش هنختلف خلينا في المغامرات أحسن.
ودي برضو مش كتير ودا طبيعي ني مركبتوش غير لمدة اسبوع بس فترة تواجدي في القاهرة (بيقولوا عليها عندنا مصر على اساس اننا في الهند :)) )
المهم نفس اللي بيحصل في عربية الستات غالبا بيحصل في عربية الرجالة.
والحمد لله عمري ما عديت المحطة بتاعتي
عشان كنت غريب وحاطط عيني في نص راسي (عجائب أهي هههههههه) وكل 50 متر أسال اللي جنبي . هو دا خط ايه ؟
هي المعادي عدت ولا لسه معادي زي ما هيا ؟
هههههههههه

ولا مرة بقول لواحد اللي عايز يروح حلوان يعمل ايه ؟ بصلي باستغراب كده زي ما اكون خواجة وقالي انت اسمك ايه ؟
طبعت رديت عليه الرد الطبيعي وهو شكرا :))


بس بقى أنا طولت قوي

بس أنا أؤيد اقتراح انهم يزودوا عدد العربيات للستات
وكمان اقتراح بعد ما يزودوها يخلعوا شوية حديد من الشريط بتاع المترو ويريحونا بقى
كترتوا قوووووي

يلا سلام بقى

شكلي كده هضرب
:D