اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

السبت، 7 فبراير 2009

رحلة بلا عودة






تمر بنا الحياة ونحن نسير ونسير ولكن لابد لنا من التوقف لبضع لحظات لنرى ما يحدث حولنا واين نحن مما يحدث



انا هكلم لانى فعلا حاسة انى محتاجة اكلم



من ساعة ماخدت الاجازة واخبار الوفيات نازلة ترف عليا لحد بجد ما استوقفنى موت اخت صحبتى عندها تقريبا 24 سنة بجد كانت طيبة جدا ماتت فجأة رحمك الله يا رشا واسكنك فسيح جناته

وكمان وفاة محمد (الفارس الملثم )رحمك الله يا محمد وجعلك مع الابرار والصالحين



ياترى فكرت انك ممكن تكون مكانهم فى اى لحظة ممكن وانت قاعد بتقرأ البوست ده دلوقتى



ياترى حاسس انك لو مت هتكون فعلا عملت اللى عليك ولا كنت بعيد اوى عن ربنا

ياترى استغفرت على الذنوب اللى ارتكبتها ولو سبتها تعدى عليك وكأن شىء لم يحدث او امر تعودت عليه

ياترى سبت حق من حقوق الله ولا كنت طائع لله عز وجل

اكيد كلنا بنخطىء واكيد كلنا مقصرين بس والله لازم نفوق ونبص لنفسنا كويس

ياترى لو انت واقف بين ايد ربنا دلوقتى ايه اللى مش هتقدر تقوله ؟؟؟؟

شوف ايه اللى ممكن يخليك خجلان لوانت بين ايد ربنا والرسول شايفك حاول تبعد عن الحاجة دى واستغفر وتب الى الله فما يوجد احن من الله علينا

ياترى دايما حاسس انك قريب اوى من ربنا يعنى حاسس ان نفسك مطمئنة وانك متوكل على الله فى كل امورك ولا دايما حاسس انك مكروب وزهقان ومش حاسس بطعم السعادة
السعادة فى القرب من الله عز وجل استشعر حلاوة الايمان حين يكون الله راض عنك

انا عارفة ان الكلام ده كلنا عارفينه بس احنا دايما محتاجين تذكرة متسبشى نفسك تتعمق فى الذنوب علشان ميبقاش على قلبك غمامة سودا من الصعب ازالتها


ادعى الله دائما ان يعينك على طاعته


حاول ان يكون لك دائما صحبة صالحة تعينك على طاعته


احفظ لسانك وعينينك وجوارحك من كل مايغضب الله ورسوله ولا تستهن بالصغائر


ربنا يهدينا جميعا الى مايحبه ويرضاه


اللهم انى استغفرك من كل ذنب اقترفته واتوب اليك


هناك 95 تعليقًا:

Sweet Violet يقول...

حجز أول تعليق

و ليا عودة (:

Sweet Violet يقول...

ربنا يرحمهم جميعا و يدخلهم فسيح جناته

و يحسن ختامنا جميعا

امين

جزاكى الله خيرا على التذكرة الجميلة

تحياتى (:

Unknown يقول...

الله يرحم الجميع
ويسكنهم فسيح جناتة
ويحسن خاتمتنا

SHAPE YOUR LIFE (ABOALI) يقول...

رحلة بلا عودة
ليه بس يا ايمى
هى فيها عودة وجميله ان شاء الله
عودة الى من خلق وصور وقال كن فيكون
تعرفى ايه المشكلة يا ايمى
اننا معندناش تصور لنعيم الاخرة
وقد ايه هناك متعة وحياة رائعة بكافة المقايس
كفاية صحبة الاخيار والنظر للرحمن
وكل شيىء تتمناه تراه يقول شبيك لوبيك
ويكون تحت امرك فى لحظتها

لذا كلنا فى الوقت الحالى نتيجة توابع الحياه فاكرين انى هى دى الحياه الابدية

ليا بوست قديم اسمه صورة معكوسة شهر يوليو 2008 لك الحق ان تقرائية

ولك كل الشكر على تلك الكلمات
التى حملت نبضات ذات ضغط مرتفع للتنبيه
اننا نحتاج الى دواء وهو واقف امامنا يدعونا لنذهب اليه

mohamed ghalia يقول...

استغفر الله من كل ذنب واتوب عليه
أكيد فكرنا فى ده
فعلا لازم نخاف ونستعد
دمتى بكل الود

غير معرف يقول...

آه فعلا أحنا محتاجين تذكرة

لا حول و لا قوة إلا بالله

أنا بجد تعبت أوى من كتر الأخبار دى

أستغفر الله العظيم

ربنا يرحمها و يصبر أهلها

بنوتة يقول...

حاجة تخوف فعلا
الواحد يفتكر أخرته
ويخاف أحسن يخش النار ولا حاجة
اللهم ارحمنا يا رب
واغفر لنا وادخلنا فسيح جناتك

romansy يقول...

والله يا ايمى متعرفيش الانسان دا ضعيف قد ايه
كل اللى نقدر نقوله
الله يرحمنا برحمته

ويرحم امواتنا جميعا واموات المسلمين

الازهرى يقول...

كتير باتخيل نفسى مكان الناس اللى فقدتهم
وما انكرش انى عندى خطايا
لكن دايما بحاول اقللها بالاستغفار
وربنا يعينى انى اقابله وقلبى نضيف


*******************************
انا عارفة ان الكلام ده كلنا عارفينه
فذكر ان الذكرى تنفع المؤمنين

موناليزا يقول...

اللهم ارحم موتى المسلمين وارزقنا حسن الخاتمة

princess يقول...

اللهم انى استغفرك واتوب اليك

Unknown يقول...

فعلا تذكرة لابد ان نتذكرها فى كل حين


شكرا لكى على هذة التذكرة الغالية ...


موش بنشوفك يعنى خالص ؟؟

ايه خلاص اتنسينا !!!!!!! ولا ايه ؟

ماشى


اكيد عندك عزر

بس مش على طول يعنى تبقى تبصى بصه سريعه حتى

تحياتى

محمد الدخاخنى يقول...

أسأل الله عز وجل ان يحسسن خاتمتنا ويرحم موتى المسلمين

Kiara يقول...

اللهم احسن ختام المسلمين

وادخل موتنا فسيح جناتك

والهمنا الصبر والسلوان

Unknown يقول...

على قدر تذكرنا لكل هذا
على نفس القدر ننساه
يمكن اسرع كمان
ربنا يقوينا
على أنفسنا
وعلى غفلتنا

oRiGiNaL HeArT يقول...

مكنتش عاوزة اقرا البوست دة
بس عنوانو جابنى هنا من غير ما احس
....
ربنا يرحمهم ويرحم اموات المسلمين جميعا

...
موجوعة اوى ونفسى اعيط بس مش قادرة

عالم حبيب يقول...

بارك الله فيكي وجزاكي كل خير

تمر بنا الأيام تتـرى وإنمـا نسـاق إلى الآجـال والعين تنظـر


قال الحسن البصري رحمه الله: ما من يوم ينشق فجره إلا وهو يقول: يا ابن آدم، أنا يوم جديد، وعلى عملك شهيد، فتزود مني فإني لا أعود إلى يوم القيامة

حسن حنفى يقول...

انا لله وانا اليه راجعون
يارب يثبت اهله ويرحمه
ويحشره مع النبيين والصديقين والشهداء

تعرفي لو كل واحد فكر لحظه انه ممكن يكون مكانه صدقيني هيتورع عن ارتكاب الكثير من المعاصي والذنوب

mahasen saber يقول...

ربنا يرحمهم جميعا
ويرحمنا برحمته

ويسكنهم وايانا جناته اللهم امين

EMMY BABY يقول...

ضد التيار

ربنا يرحمهم جميعا و يدخلهم فسيح جناته

و يحسن ختامنا جميعا

اللهم امين يارب العالمين

**********************

جزاكى الله خيرا على التذكرة الجميلة

جزانا واياكى يا حبيبتى

تحياتى

ايمى

EMMY BABY يقول...

نهر الحب

اللهم امين

ربنا يكرمك يا حبيبتى

تحياتى

ايمى

EMMY BABY يقول...

ابوعلى

رحلة بلا عودة
ليه بس يا ايمى
هى فيها عودة وجميله ان شاء الله
عودة الى من خلق وصور وقال كن فيكون
*********************
ونعم بالله هى بلا عودة الى الدنيا بس

تعرفى ايه المشكلة يا ايمى
اننا معندناش تصور لنعيم الاخرة
وقد ايه هناك متعة وحياة رائعة بكافة المقايس
كفاية صحبة الاخيار والنظر للرحمن
وكل شيىء تتمناه تراه يقول شبيك لوبيك
ويكون تحت امرك فى لحظتها
******************
بس الحاجات دى علشان تتمتع بيها لازم تعمل حاجات فى الدنيا تكون سبيل فى ده وهو ده اللى كنت اقصده

لذا كلنا فى الوقت الحالى نتيجة توابع الحياه فاكرين انى هى دى الحياه الابدية

ليا بوست قديم اسمه صورة معكوسة شهر يوليو 2008 لك الحق ان تقرائية
******************************
ربنا يكرمك ان شاء الله هقراه

ولك كل الشكر على تلك الكلمات
التى حملت نبضات ذات ضغط مرتفع للتنبيه
****************************
لك كل الشكر على تعليقك وقراءتك للموضوع

اننا نحتاج الى دواء وهو واقف امامنا يدعونا لنذهب اليه

*****************************

محتاجين نشوف بقلوبنا مش بعنينا

تحياتى

ايمى

EMMY BABY يقول...

محمد غالية

ربنا يغفر ذنوبنا جميعا

لك كل الخير

تحياتى

ايمى

EMMY BABY يقول...

انا ودماغى

آه فعلا أحنا محتاجين تذكرة

لا حول و لا قوة إلا بالله

أنا بجد تعبت أوى من كتر الأخبار دى

أستغفر الله العظيم
*******************************
يارب تكون بس موعظة لينا قبل ماحنا كمان نموت


ربنا يرحمها و يصبر أهلها

***********************
اللهم امين

تحياتى

ايمى

EMMY BABY يقول...

بنوتة

اللهم امين

ربنا ان شاء الله يدخلك الجنة

نورتينى

تحياتى

ايمى

EMMY BABY يقول...

رومنسى

الانسان فعلا ضعيف اوى بس ممكن فعلا يكون اقوى من الشيطان بس يدعى ربنا انه يعينه

ربنا يهدينا جميعا

تحياتى

ايمى

EMMY BABY يقول...

الازهرى

اهم حاجة انك تستغفر فعلا ربنا يثبتك ويهدينا جميعا

تحياتى

ايمى

EMMY BABY يقول...

موناليزا

اللهم اميييييين

تحياتى

ايمى

EMMY BABY يقول...

برينسيس

اللهم امين ربنا يغفر ذنوبنا جميعا ان شاء الله

تحياتى

ايمى

EMMY BABY يقول...

المبرمج المحترف

يارب فعلا كلنا نعين بعض ونذكر بعض

نورتنى يا عمر

ومعلش انى مقصرة

تحياتى

ايمى

EMMY BABY يقول...

محمد الدخاخنى

اللهم امين

ربنا يكرمك

تحياتى

ايمى

EMMY BABY يقول...

كياراااااااا

يارب اللهم اميييين

ربنا يلهمنا الصبر فى جميع الاحوال

تحياتى

ايمى

EMMY BABY يقول...

نورهاتى

ربنا فعلا يقوينا ويهدينا ويثبتنا على طريق الهداية

نورتينى

واتمنى متكنش اخر زيارة

تحياتى

ايمى

EMMY BABY يقول...

هارتى

ربنا يارب يفرج كربك


بس فعلا الدموع بتريح

ربنا يكرمك انا فعلا بحبك اوى

EMMY BABY يقول...

حبيب

جزانا واياك على كلماتك الجميلة



تمر بنا الأيام تتـرى وإنمـا نسـاق إلى الآجـال والعين تنظـر
قال الحسن البصري رحمه الله: ما من يوم ينشق فجره إلا وهو يقول: يا ابن آدم، أنا يوم جديد، وعلى عملك شهيد، فتزود مني فإني لا أعود إلى يوم القيامة
**************************
جزاك الله خيرا

تحياتى

ايمى

EMMY BABY يقول...

حسن حنفى

انا لله وانا اليه راجعون
يارب يثبت اهله ويرحمه
ويحشره مع النبيين والصديقين والشهداء
*************************
اللهم امين

تعرفي لو كل واحد فكر لحظه انه ممكن يكون مكانه صدقيني هيتورع عن ارتكاب الكثير من المعاصي والذنوب
************************
اكيد والله ربنا يهدينا جميعا

تحياتى

ايمى

EMMY BABY يقول...

محاسن

اللهم امين

يارب العالمين ربنايدخلنا الجنة جميعا ان شاء الله

تحياتى

ايمى

غير معرف يقول...

إيمى حبيبتى

أنا بس قلت اتمشى عندك شوية و مرضتش امشى من غير ما اسلم

EMMY BABY يقول...

انا ودماغى

ههههههههههههههههههههههه انتى ياحبيبتى تتمشى براحتك فى اى وقت

المدونة مدونتك برضه

امممممممواة

غير معرف يقول...

اول زيارة

اللهم اغفر للمؤمنين والمؤمنات

اللهم امين

احمد

عايش... ولكن !!!! يقول...

ايمى وحشانى جدا والله
انا مش عارف اقولك ايه
بس بجد بقالى فتره مكنتش بفتح مدونتى اصلا ولسه مبقاليش 5 ايام يادوب حتى هما بوستين اللى نشرتهم ومكنتش كمان بتابع المدونات لانى كنت مشغول شويتين

بس هنروح من بعض فين:)

اللهم اهدنا واهد بنا واجعلنا سببا لمن اهتدى
ربنا يرحمهم ويسكنهم فسيح جناته
ربنا يجعله فى ميزان حسناتك
دمتى بكل الخير

هــــــــــــايدي يقول...

ايمى
ازيك
يارب تكون امتحانات كانت كويسه
جزاكى الله خير على موضعك دا
كلماته بسيطه بس قدرت توصل معنى كبير

غروب يقول...

ايمي :

بجد مدونتك حلوه اوى يا قمر انا اول مره اجى

ربنا يرحم موتانا

تقبلي مرورى

غروب

Rosie يقول...

رحم الله جميع المسلمين...
هو موت الشباب بالذات تحسى أنه من أكتر الحاجات اللى بتفوق الناس و فعلا هى رحلة...ربنا يقدرنا و نعمل الصالحات..و فعلا خير معين هو الصديق الصالح...

EMMY BABY يقول...

احمد

نورتنى فى اول زيارة واتمنى متكنش الاخيرة

ربنا يرحم المسلمين جميعا

تحياتى

ايمى

EMMY BABY يقول...

علاء

ياسيدى ولا يهمك انت تشرف المدونة فى اى وقت

وربنا يعينك


اللهم اهدنا واهد بنا واجعلنا سببا لمن اهتدى
ربنا يرحمهم ويسكنهم فسيح جناته
ربنا يجعله فى ميزان حسناتك
***********************
اللهم امين يارب العالمين

تحياتى

ايمى

EMMY BABY يقول...

هايدى

انا الحمد لله بخير ياربى انتى كمان تكونى بخير

اما بقى بخصوص االامتحانات هتلاقى تقرير مفصل فى البوست اللى فات ههههههه

ربنا يكرمك يارب انا فعلا قلت اللى حسيته واللى طلع وقته

بس انتى بجد جميلة ان الكلمات اثرت فيكى

تحياتى

ايمى

EMMY BABY يقول...

غرووووووب

انتى اجمل وكمان انتى نورتييييينى واتمنى متكنش اخر زيارة

ربنا يرحم موتانا جميعا

تحياتى

ايمى

EMMY BABY يقول...

روزى

دايما بتعجبنى تعليقاتك بحسك فعلا حد عاقل وناضج

فعلا الدنيا ماهى الا رحلة

ربنا يهدينا جميعا

تحياتى

ايمى

مهرة سالم يقول...

السلام عليكم حبيبتي إيمي...
لكل أجل كتاب ..
الله يرحم جميع موتانا وموتى المسلمين..
......
ونسأل الله حسن الخاتمه..
....
في أمان الله

EMMY BABY يقول...

نهااااااار

وعليكم السلام ورحمة الله وبركاته

لكل أجل كتاب ..
الله يرحم جميع موتانا وموتى المسلمين..
......
ونسأل الله حسن الخاتمه..
....

اللهم امين يارب العالمين

دمتى بكل ود

ايمى

طالبه الفردوس يقول...

ياااه ربنا يكرمك على التذكره

ربنا يحسن خاتمتنا ويجعلنا نستعد لهذه الرحله الحتميه

جزاكى الله كل خير يا ايمى

Ahmed Atia يقول...

جزاكى الله كل خير على التذكره

مصطفي احمد يقول...

فعلا الرحله دي كلنا لازم نتزود ليها فياويل من صدمته االمفاجأه وتمني ان يعود يوما ليطيع ربه

EMMY BABY يقول...

طالبة الفردوس

ربنا يكرمنا واياكى

اللهم امين يارب فعلا احسن خاتمتنا جميعا

نورتينى بعد غياب طويل

تحياتى

ايمى

EMMY BABY يقول...

احمد عطية

جزانا واياك يا احمد

ربنا يكرمك

تحياتى

ايمى

EMMY BABY يقول...

مصطفى

ااااااااااه والله ربنا ان شاء الله يحسن خاتمتنا جميعا

جزاك الله خيرا

تحياتى

ايمى

ريمان يقول...

ايمى حبيبتى


كلامك بجد فيه تذكره لينا كلنا


اشكرك بجد وجزاكى الله خيرا حبيبتى

لا بد من وقفه مع انفسنا

واسال الله ان يغفر لنا ما كان فى السر والعلن

الازهرى يقول...

بداية
كل سنة وانتى طيبة
وعقبال 253 سنة ونص
ويبقى كلهم فرح ومرح وسرور وعبادة
على فكرة هو تاريخ ميلادك كام بالضبط ؟

hasona يقول...

السلام عليكم

رحمة الله عليهم جميعا
ان لله وان اليه راجعون

وربنا يوفقنا وعينا علي هذه الرحلة
لابد أن نعد لها من الزاد الكثير
ونتزود بالتقوي والعمال الصالح الخالص لله

وربنا يحسن ختامنا جميعا

جزاك الله كل الخير

تحياتي

EMMY BABY يقول...

ريمان حبيبتى

اللهم امين ربنا يغفر لنا جميعا يارب

تحياتى

ايمى

EMMY BABY يقول...

ازهررررررررررى

ايه ده انت عرفت منين

وانت طيب وميرسى جدا انك افتكرت

انا يا سيجى يوم ميلادى بالظبط 17 فبراير

وطالما عرفت مش هتنازل عن الهدية

تحياتى

ايمى

EMMY BABY يقول...

حسونة

وعليكم السلام ورحمة الله وبركاته



رحمة الله عليهم جميعا

*********************
اللهم امين


وربنا يوفقنا وعينا علي هذه الرحلة
لابد أن نعد لها من الزاد الكثير
ونتزود بالتقوي والعمال الصالح الخالص لله
*********************
صدقت والله

وربنا يحسن ختامنا جميعا
**************
اللهم امين

جزاك الله كل الخير
***************
جزانا واياك

تحياتي

ايمى

حفيدة البنا يقول...

ياااااااه سبحان الله فعلا أنا بردك جرانى عملين يتوفوا وده مأثر عليها جدااا والده صحبتى توفت وجد واحده تانيه ولسه إمبارح عمها لا حول ولا قوه إلا بالله العلى العظيم.
أما أنا ففى الأجازه اللى فاتت توفى 3 من قرايبى أنا أصلا بخاف أوووى لما حد بيموت معرفتش كده غير لما جرتنا توفت كنت فى حاله صعبه جدااا كنت انا اللى بموت كنت سمعه صوتهم من شباك قوضتى وهما بيعيطوا ويصوتوا ويغسلوها فضلت أعيط وجسمى كله يترعش جامد أوى ومسكت فى ايد اختى وشغلت قرآن وبعد كده لبست وروحت عند صحبتى مقدرتش أستحمل أنا خيفه أوووى حد قريب ليا يموت .
أنا نكدت علي حضرتك أوى بس بجد كان نفسى اتكلم مع حد فى الموضوع ده عشان مأثر عليااووووى
ادعيى لى.
آسفه على الإطاله

سندس وأمل يقول...

هيييييييييييييييييييييييييييييييه

ازيك ياايمى عامله ايه.....

ان شاء الله تكونى ذكرتى كويس وتجيبى

مجمووووووووووووووووووووووووووووووووع

كبييييييييييييييييييييييييييير بإذن الله

وكلنا مدركى الموت بس يارب نكون من الصالحين

نسأل الله العفو والعافيه واللهم ارحمنا

وتقبلنا من الصالحين

مع السلامه يااحلى ايمى فى رعايه الله

سندوووووووووووووووووووووووووس

dalia يقول...

ايمي
البقاء لله
انا كمان اثر في وفاة الفارس الملثم وتأثرت من كلماته الحزينة وحسيت ان الانسان ايامه معدوده في الدنيا ديه وان الموت هو اكثر حاجه بتفكر الانسان بربنا علشان كده الرسول محمد صلى الله عليه وسلم قال بما فيه معناه اكثروا من الحديث عن الموت شكرا على التذكره والموعظة ربنا يبارك فيكي
تحياتي

Mona Shereif يقول...

ربنا يرحمهم يارب ويرحم موتى المسلمين
جزاكى الله خيرا يا ايمى على التذكرة
وحشانى اوى اوى اوى

EMMY BABY يقول...

حفيدة البنا

ياااااااه سبحان الله فعلا أنا بردك جرانى عملين يتوفوا وده مأثر عليها جدااا والده صحبتى توفت وجد واحده تانيه ولسه إمبارح عمها لا حول ولا قوه إلا بالله العلى العظيم.
***************************
يااااااه يا حبيبتى ربنا يرحمهم جميعا

أما أنا ففى الأجازه اللى فاتت توفى 3 من قرايبى أنا أصلا بخاف أوووى لما حد بيموت معرفتش كده غير لما جرتنا توفت كنت فى حاله صعبه جدااا كنت انا اللى بموت كنت سمعه صوتهم من شباك قوضتى وهما بيعيطوا ويصوتوا ويغسلوها فضلت أعيط وجسمى كله يترعش جامد أوى ومسكت فى ايد اختى وشغلت قرآن وبعد كده لبست وروحت عند صحبتى مقدرتش أستحمل أنا خيفه أوووى حد قريب ليا يموت .

*******************************
ربنا يارب ميخليكيش ابدا تتحطى فى موقف فقد عزيز

ومتخافيش يا حبيبتى انتى بجد حد عسل وكفاية بالرغم من صغر سنك الا انك بتعدى لليوم ده

ربنا يحميكى يارب


أنا نكدت علي حضرتك أوى بس بجد كان نفسى اتكلم مع حد فى الموضوع ده عشان مأثر عليااووووى
ادعيى لى.
آسفه على الإطاله
*****************************
بالعكس والله انا سعيدة جدا بكومنتك واتمنى تكونى دلوقتى احسن واتمنى كمان متكنشى اخر زيارة ليكى

دمتى فى حفظ الله

ايمى

شبــ اون لاين ـــاب يقول...

♥♫Happy♫ ♥ ♫ ♥♫ VaLnTiNe♫ ♥♫ ♥♫ DaY♫ ♥ ♥ ♥ ☺ √♫

EMMY BABY يقول...

سندوووووووسة

انا بخير يا حبيبتى انتى عاملة ايه ؟؟؟؟؟؟؟؟؟؟

ربنا يعينك على المذاكرة


وكلنا مدركى الموت بس يارب نكون من الصالحين

نسأل الله العفو والعافيه واللهم ارحمنا

وتقبلنا من الصالحين
*************************
اللهم امين يارب



مع السلامة يا سندوستى

ايمى

EMMY BABY يقول...

دالياااااا

انا كمان اثر في وفاة الفارس الملثم وتأثرت من كلماته الحزينة وحسيت ان الانسان ايامه معدوده في الدنيا ديه وان الموت هو اكثر حاجه بتفكر الانسان بربنا علشان كده الرسول محمد صلى الله عليه وسلم قال بما فيه معناه اكثروا من الحديث عن الموت شكرا على التذكره والموعظة ربنا يبارك فيكي
************************
بجد انا اللى لازم اشكرك على كلامك ده ربنا يباركلك يارب انا فعلا سعيدة بزيارتك

يارب تكرريها

تحياتى

ايمى

EMMY BABY يقول...

منمن

انتى وحشااااااااااااااااااااااانى اكتر بكتير

ربنا يرحم موتى المسلمين جميعا

ربنا يكرمك يا منمن يارب

تحياتى

ايمى

EMMY BABY يقول...

شباب اون لاين

وانتم هابى برضه هههههههههه

ميرسى جداااااااا وربنا يديم الحب دايما فى قلوبنا مش فى اليوم ده بس

تحياتى

ايمى

وردشان smilyrose يقول...

يارب رحماك فعبدك مغلف بالخطايا

رحماك يا الهى فبعفوك لا بعملى

بمغفرتك لا بصلاتى بقدرتك يا الهى

اللهم ارحمنا جميعا يا الهى

رحماك ربى رحماك

اشمل احبتى بعفوك ورضاك

يارب

وحشتينى قوى والله عمرى ما نسيتك لحظة

واحدة لأنى بنتظر كلماتك فى كل بوست

يا دكتورة حد يزعل من ورد

مش ينفع اللى يحب حد مش يزعل منه

smilyrose

روح الحب الصادق

طوبه فضه وطوبه دهب يقول...

حقا كثيرا مانتوه ونضيع ونحتاج ان نعود اللهم ثبتنا وتقل توبتنا ليس لنا سواك

سفروتة يقول...

جزاكي الله كل خير ع التذكرة يا ايمي
فعلا اوقات كتير بنبقي محتاجين التذكرة دي
وربنا يرحم جميع موتانا وموتي المسلمين كلهم

ويهدينا دايما للطريق الصح

غير معرف يقول...

مازلنا فى انتظار الجديد

ولا حضرتك نسيتى اصحابك واخواتك

Maha Shahen يقول...

فعلا عندك حق
يمكن نكون عارفين الكلام دا وحفظينه عن ظهر قلب
ولكن دايما محتاجين اللي يفكرنا بيه ويقوله من جديد بين وقت واخر

ربنا يكرمك ويبارك فيكى ودايما تكونى سباقه للخير ولتذكيرنا بما قصرنا فيه

ربنا يرحم موتى المسلمين جميعا يا رب
ويجعل قبورهم روضه من رياض الجنه

تحياتى

arsenalwy يقول...

زى ما انتى قلتى الكلام ده كلنا عارفينه بس محتاجين تذكرة

اانتى اخدتى ثواب انك ذكرتينى

جزاك الله كل خير وسعدت بمرورى فى مدونتك

arsenalwy يقول...

صحيح كل سنة وانتى طيبة

arsenalwy يقول...

صحيح كل سنة وانتى طيبة بمناسبة عيد ميلادك

فشكووول يقول...

ربنا يرحم الجميع
انا لله وانا اليه راجعون
تحياتى

عمرو وجيه يقول...

السلام عليكم


هم السابقون ونحن اللحقون


رحمهم الله جميعا وادخل مدخلا كريما

يا ريت كل واحد يصحى من غفلته




شكرا لك يا إيمى

elsha3er يقول...

البقاء لله

وان شاء الله الفردوس الاعلى

ويارب نكون مع الابرار


احمد الشاعر

EMMY BABY يقول...

سمااااااااايلى روز

ياااااااارب يارب اللهم امين

بجد دايما تحرجينى بذوقك ورقتك انا مزعلتش منك انتى كنتى وحشااااانى بس

امممممممواة

ايمى

EMMY BABY يقول...

طوبة ذهب وطوبة فضة

ايوة فعلااااااااا

ربنا يثبتنا يارب

تحياتى

ايمى

EMMY BABY يقول...

انت تسال والكمبيوتر يجيب

ميرسى جدااا لدعوتكم

EMMY BABY يقول...

سفروووووتة

اللهم امين يارب

EMMY BABY يقول...

اسماء واحلام فى وجدانى

لا طبعااااا منستكمش نورتنى بجد

تحياتى

ايمى

EMMY BABY يقول...

نور

بجد جزاكى الله خيراااااااا على كلامك الجميل وربنا يثبتنا جميعا يارب ويرحم موتانا

نورتيييييينى

تحياتى

ايمى

EMMY BABY يقول...

ارسنلاوى

جزانا واياك ربنا يكرمك يارب

وانا كمان سعدت بمرورك

*************

وانت طيب ميرسى جدااااااااا

تحياتى

ايمى

EMMY BABY يقول...

فشكول

اللهم امين

نورتنى بزيارتك

تحياتى

ايمى

EMMY BABY يقول...

عمرو وجيه

وعليكم السلام ورحمة الله وبركاته

يارب فعلا كلنا نفوق قبل ما نلحقهم

جزاك الله خيرا

تحياتى

ايمى

EMMY BABY يقول...

احمد الشاعر

ياارب اللهم امين

تحياتى

ايمى

hasona يقول...
أزال المؤلف هذا التعليق.