اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الثلاثاء، 3 مارس، 2009

لقااااااء المدونين

بجد والله طقت فى دماغى فجاءة وقررت انى ارووووح لقاء المدونين .....وقلت لازم لما اتجنن اخد الغلبانة معايااااااااااااااا
اتصلت بسفروتة اطلعى يابنتى من المحاضرة حالا لاقتها بتقلى ايييه ليه!!!!!!
قلتلها هاتى حاجاتك بسرعة واطلعى وابقى افهمك بعداااان مفيش وقت لاقتها فعلا ياعينى جابت حاجاتها وطلعتلى هنروح فين قلتلها لقاء المدونين قالتلى لقاء ايه قلتلها لقاء عاملينه طب مين رايح ؟؟؟؟قلتلها علمى علمك هنروح ونخوض التجربة :D
وفعلااااااااا رحنا تهنا على وصف الانسة كيااااااااااارا مطلعشى فى حاجة اسمها شيراتون الجزيرة اصلا ههههههههه ماعلينا وطبعا بما اننا فى مصر فاللى بيسأل بيتوه اكتر
بس بعد عذاب عرفنا نوصل للمكان المطلوب دخلنا كنا من اوائل الناس اللى وصلوا رحنا طبعا منعرفشى حد فضلنا قاعدين نرغى انا وسفروتى بجد البنت دى بتستحملنى كتير ربنا يخليكى ليا يارب
شوية اتعرفنا على eno صاحبة مدونة رقة الاحساس بجد حد هادى جداااااا ووشها من النوع اللى ترتاحله اول ماتشوفه فعلا اسم مدونتها على مسمى
بدأت الحفلة واقعدوا يكلموا حول اصدار كتاب انا انثى واحنا منعرفشى حد برضه لاقيت اينو بتقلى تعالى ندور على كيااااااااااااارا قلتلها يلا كل لما نشوف حد نسألها انتى كياارا متطلعشى هيا ونتعرف على ناس اكتر
وبالصدفة وانا بدور على كيارا
اتعرفت على البنت الشقية صاحبة مدونة حواديت بنات محتارة وحسن حنفى
شوية رجعنا تانى قعدنا على الكرسى وكان فى واحد شكله شبه صورة محمد غالية
المهم فعلااااااا طلع هو بجد حد محترم اوى وهادى جدا لسة بقله انا ايمى بيبى
لاقيييت واحدة بتقول لواحدة الحقى ايمى بيبى اللى كنتى بتدورى عليها
طلعت مييين بقى طلعت اوريجينال هارت بجد والله فرحت جدااااااا لما شفتها لانى كان نفسى اشوفها من زمااااااان وبجد والله اكتشفت ان فى تشابه غريب جدااا مابينا وفعلا ولا كأننا نعرف بعض من زمان وطلعنا ساكنين قريب من بعض جداااااا وطلعنا كمان من بلد واحدة
شوية جه مجنووون اتعرف علينا بجد هو حد عااااقل جدا وكان بيتناقش بجدية وبكل احترام ومتحمس جدااااا للرجالة بس على مين البنات تغلب برضه :P
ولاقيت واحد بيقلى انا اللى كتبتلك انك قد ابنى الوسطااانى!!!! اوووووه انت ازهرى ايون انا ازهرى: زى ماهو فعلا على التدوين بيحب الضحك والهزار
وشفت كواراث وبطوط حبوب
الكااااااااااااااارثة بقى انى عرفت ان كياااااارا جت ومشيت قبل مااعرف انها هى وكذلك كيكى
بس لحظنا الجميل قابلنا كيكى فى محطة المترووووووو فعلاااااا بتحب الضحك والهزار جدا وفريندلى اووى
وعرفنا منها ان شفقة هانم ودكتور عمرو فاروق كانوا فى اللقاء واحنا منعرفش
بس بجد كان يوم جميل جدااا وكانت تجربة جديدة بالنسبة لى
وياااااريت بعد كدة فى لقاءات المدونين نمسك يفت عليها اسماءنا ومدونتنا بدل ما احنا فاتنا التعرف على ناس كان نفسنا نشوفهم فعلااااا :(
والى لقاااااااااااء اخر علشان انا هموت من التعب
تحياتى
ايمى

هناك 79 تعليقًا:

mohamed ghalia يقول...

بجد والله كان يوم هايل
وأنا سعيد جدا انى اتعرفت عليكم
ربنا يديم الود والحب بينا
وبعدين انتى لحقتى روحتى وكتبتى البوست
يلا أشوفك على خير دايما
دمتى بكل الود

mohamed ghalia يقول...

بصراحة كنت زعلان وأنا ماشى وكان نفسى استنى أكتر

Eno يقول...

بشكر بجد علي وصفك ليا انا اللي بجد لقيت فيكم كلك روح حلوه اوووووووووي

كنا اسره جميله مكتمله ولا ينقصها سوا ان ترا بعضها بعد شوق عميق

بشكرك لكل ثانيه قضتها بصحبتك وبصحبة بقيت الناس الموجوده

تحياتي ليكي :)

غروب يقول...

ايمي :

ازيك يا قمر

ايه يا بنتى الكلام الجميل ده

يافطه؟؟؟؟؟؟؟؟؟

هههههههه

ياريتنى اشوفك قريب في لقاء تانى باذن الله

blue-wave يقول...

تصدقى انى كان نفسى فى حوار اليفط دا النهاردة؟
بجد كان نفسى يتعمل ايديهات كدا لأنى كنت شايف ناس كتير مش عارفهم رغم انى متأكد انى قريتلهم قبل كدا
عموما كان يوم جميل ولو انى زعلان انى ماشوفتكيش او اكيد شوفتك بس مش عرفتك:))

سفروتة يقول...

ههههههههههههههههههههههههههههههههههه
ماشي يا شوريرة هانم
انا غلبانة؟؟
انا طاوعتك بس عشان بجد كان نفسي انطلق النهاردة واعمل حاجة ابنورمال يغير الروتين الفظيع ده

بجد بجد كان يوم تحففففففففففففففففففففففففففففففففففة
كفاية بجد الناس اللي عرفناهم هناك وحبيناهم فعلا
ان شاء الله اللقاء يتكرر ونشوف الناس اللي مش شوفناها

:)
بنتك ثفروتة

ليكوريكا يقول...

ربنا يجمعكم في الخير دايما

التواصل بين الشباب شيء مهم

وخصوصا تواصل الافكار والرؤه

ربنا يوفقكم .

ABOALI يقول...

هههههههههههههه
انااااااااااا اسمى مكتووووووووووب
لالالالالالالالالالالالالالالالالالالالالالالالالالالالالالالالالا
طيب

طيب اتصلوا بيا اعملوا اى منظر
عيب عليكوا اخوكم الغلبان
مااااااااااااااسى يا بيبى
هى كانت غلطه مطبعية انى وثقت فيكى
طخ طيخ طخ طيخ

والى اللقاء فى الضرب القادم

نهر الحب يقول...

جميل
عقبال ما نتقابل يارب
حلو انكم قضيتم وقت حلو
بالتوفيق على فكرة يوم الجمعه الصبح تبرع بالدم
ان شاء الله
يارب تقدرى تجى

عاشقه وغلبانه يقول...

انا مفروسه اوي
عماله ادخل مدونات وكل اصحابها كان في اللقاء ده

ماحدش قالي
اهئ اهئ

سمكه واحده يقول...

يابختكواااااااااا
مش هقول اكتر من كده
بجد عالم جميل اوي وناس راقيه وحب في الله مفيش بعد كده
ربنا يجمعكوا ديما في الخير وعلي خير
تحياتي
وبحقد بحقد بحقد

صوت من مصر يقول...

كان يوم جميل ليكم
كلامك جميل
بلوج هايل

اسماء واحلام فى وجدانى يقول...

انا باضم صوتى ل ABOALI

بس يا ريت يقرا تعليقى

ويمدنى بالذخيرة

وطبعا وانا باقول يمدنى يا ريت ما

يفهمنيش غلط ويمسك رجلى

ماشى يا بيبى

كل ده يحصل

يظهر انى كنت فى غيبوبة

الازهرى يقول...

يااااااااااه
انا كل ده ؟

ربنا يخليكى لى يا رب
بجد انا
كنت سعيد جدا جدا
انى عرفتكم فى الحقيقة

ولكن
طيب نخلى لكن بعدين بقى
لما اجيبلك مفاتيح العربيه

غير معرف يقول...

انتي يابنتي هو حسن حنفي كان هناك:0 كنت عاوزة اشوفه اهي اهي بس سيبك انتي من كل دة انا لو كنت روحت من غير ما اشوفك كنت اعتزلت التدوين
اوريجينال هارت

Sweet Violet يقول...

انتى كمان كنتى موجوده فى اللقاء و ازهرى بردو ؟؟؟؟؟؟؟؟!!!!!!

يعنى انتى و محمد و ازهرى و انا ماعرفش و مش اشوفكم بجد دى نداله قوووى على فكرة

و مش هعلق هه بس عااااااااااااااااااااااا

princess يقول...

دى حاجة جميلة اوى ربنا يجمعكم على الخير دايما ان شاء الله:))
تحياتى

EMMY BABY يقول...

محمد غالية

فعلاا والله كان يوم جميل جدااااااا


احنا اسعد فعلا
ربنا يارب فعلا يديم الود مابين كل المدونين

ااااااااه دانا قعدت اكتب البوست وانا بهدومى علشان يبقى طازة

تحياتى

ايمى

EMMY BABY يقول...

محمد غالية

واحنا والله لولا ان الوقت اتاخر مكناش روحنا

EMMY BABY يقول...

اينو

بجد والله انا وصفتك فعلا زى ماحسيتك ربنا يارب يكرمك واحنا كنا اسعد فعلا اننا اتعرفنا عليكى

منورة المدونة

ايمى

EMMY BABY يقول...

غرووووب ههههههههههه ده مش كلام جميل هو طلع كدة علشان بيوصف ناس جميلة فعلاا


ايون يافطة لاننا مكناش نعرف بعض خالص

يارب اشوفك قريب

تحياتى

ايمى

EMMY BABY يقول...

دكتور عمرو

ااااه وانا والله زعلت انى مش شفتكم بس ان شاء الله نتقابل فى لقاء قريب

واحنا برضه واحنا مروحين فكرنا فى موضوع الايديهات دى

تحياتى

ايمى

EMMY BABY يقول...

بنتى سفروتة المسفرتة

هههههههههههههه دانا غلباااان

انا بجد كنت فرحانة انك استمتعتى وغيرتى جو

اممممممواة

مامتك

ايمى

EMMY BABY يقول...

ليكوريكا

اللهم امين

فعلا واله اهم حاجة انك بتستفيد من افكار ناس كتير فعلاا ليهم هدف ورؤية

تحياتى

ايمى

EMMY BABY يقول...

ابوووووعلى
اى اى اى اييييه كل ده ضرب

انا نبى ايه بس والله انا قررت فجاءة ومكنشى معايا نمرة حد من المدوونين خالص

بس انا بجد كان نفسى اشوفكم كلكم والله

ان شاء الله المرة الجاية نكون قايلين كلنا اننا رايحين

تحيااااتى والى عدم ضرب تانى (وش شرير )

تحياتى

ايمى

EMMY BABY يقول...

نهر الحب

ربنا يكرمك يا حبيبتى

والله دايما سباقة للخير

ربنا ييسر ان شاء الله بس انا مينفعشى اتبرع بدمى للاسف :(

EMMY BABY يقول...

عاشقة وغلبانة

هههههههههههههههه متتفرسيش لانى انا اصلا مفروسة برضه

انتى كنتى فى اللقاء ؟؟؟؟؟؟؟؟؟؟؟

منورانى

ايمى

EMMY BABY يقول...

سمكة واحدة هههههههههههههههههه كل ده حقد وضغينة يااااربى على الحقد بقى


فعلا والله ناس راقية بجد يارب نشوفك انتى كمان قريب

تحياتى

ايمى

EMMY BABY يقول...

صوت من مصر

اه كان يوم جميل فعلا كان ناقصكم كلكم

ميرسى جدا

تحياتى

ايمى

EMMY BABY يقول...

اسماء واحلام فى وجدانى

هههههههههههههههه صدقنى هيفهمك غلط ربنا يستر بقى انا حذرتك

وكمان كلكم عليااااااا ولا ايه دانا معايا ناس تاكل الزلط

بجد والله ياريتنى اشوفكم كلكم قريب

تحياتى

ايمى

EMMY BABY يقول...

ازهررررررى

ههههههههههههههه لا مفيش بعدين ولا اقلك انا هستنى مفاتيح العربية بقى

بجد انا مقلتش حاجة اكتر من اللى شوفتها فعلا

تحياتى

ايمى

EMMY BABY يقول...

اوريجينال هارتى

وانا والله لو كنت رحت من غير ما اشوفك كنت هتضايق جدااااا بجد وانا فعلا مبسوطة اوى انى شوفتك وعرفتك اكتر وكان احساسى فى محله اننا شبه بعض

تحياتى

ايمى

EMMY BABY يقول...

سويت فيلوت

لا والله انا سألت عليكى قالوا انك مجتيش وانا زى ماقلت الموضوع جه فجاءة ومكنتش اعرف مين رايح

وووالله كان نفسى اشوفك انتى وكيارا اوى وبقية المدونين اللى اعرفهم

متزعليش بقى خلاث

امممواة

ايمى

EMMY BABY يقول...

برينسيس

اللهم امين

ويجمعنا بيكى على خير

مجتيش ليييه ؟؟؟؟؟

تحياتى

ايمى

كيــــــــــــارا يقول...

عااااااااااااااااااااااااا

والله ماوصفى دا وصف كان موجود في المدونات دا انا وعمرو وضد وسميلي توهنا برده كمان انا زحلت خالث انك كنتي موجوده انتي واينو وسفروته ومش شفتكم اكيييد هتتعوووووووووض

عاااااااااااااااااااااااااا

EMMY BABY يقول...

كياااارا

عا عليكى انتى

هى ضد وسميلى كمان كانوا موجودين

ياااربى بقى

انا هشيل البوست ده بدل مايجيلى شلل بسببكم

Princesa ... WHiSPeR يقول...

اوانا الواحده اللى جابتلك اوريجينال هههههه

انا طلعت عارفه المدونه وشوفتها قبل كده

بس معلش بقى كنت عايزه انام فمش كنت مركزه نهائي :(

المهم مبسوطه اني اتعرفت عليكي
رغم اننا مش اتكلمنا خالص

البنت الشقيه يقول...

بجد بجد كان لقاء حكايه وشفنا ناس كتييييييير كان نفسى اشوفهم
وايمى بيبى انا بجد كنت فرحانه ومندهشه جدا انى اشوف حد من الدونين لانو كان توقيع كتاب مش لقاء بس طبعا اخواننا المدونيين مخيبوش امالنا ومعظمهم كان هناك وحسن حنفى برضو كنت سعيده جدا جدا انى شوفته
يااااااااااررب يتكرر اللقاء تانى ويبقى لقاء للمدونين تحت سن 25 ايه رايكوو والله فكره كويسه يا بنوته

قريب انشاء الله
تحياتى
البنوته الشقيه
حواديت بنات محتاره

حسن حنفى يقول...

تعرفي والله كان يوم جميل اوووي

سعيداني شوفتك واني شفت البنت الشقيه

:d

كان يوم جمييييل جداااا

عروسة يقول...

بئا كدة كلكم تروحوا الا انا وازهري بيغيظيني اني مرحتش ماشي ماشي زحلانه خالص خالص
انا مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مهندس / على درويش يقول...

السلام عليكم


إن شاء الله تتقابلوا على خير على طووول
واسعد ايامكم
وأضحك سنكم

بجد نفسي اروح المكان دا

Rosie يقول...

حلو أوى أنك تشوفى ناس كاتبتلهم و كاتبولك كتير...بتحس انك فعلا تعرفيهم بس ما تعرفيش الشكل..
بس أنت عرفتى منين موضوع اللقاء..
و ألف سلامة يا ايمى

Rosie يقول...

حلو أوى أنك تشوفى ناس كاتبتلهم و كاتبولك كتير...بتحس انك فعلا تعرفيهم بس ما تعرفيش الشكل..
بس أنت عرفتى منين موضوع اللقاء..
و ألف سلامة يا ايمى

هى فوضى يقول...

السلام عليكم
ازيك يا ايمى
يارب عقبال ما نتقابل يارب
على فكرة انا اللى يشوف نهر الحب يشوفنى على طول خبط لازق كدة شفتى السهولة
اصلها اختى

طـــائر الليــــل الحـــــزين يقول...

ايمى
بجد كان نفسى اكون موجودة معاكم عشان اشوفكم . واعرف الناس اللى حبتهم بس من الكتابةبس تتعوض
وكل لقاء وانتى بخير
تحياااااااتى

EMMY BABY يقول...

برينسيسة

اه انا عارفة اسمك الحقيقى بس مش عارفة اسمك التدوينى علسشان كدة مذكرتهوش


وانا كمان كنت سعيدة انى اتعرفت عليكى وكفاية كمان انك كنتى السبب فى انى اتعرفت على اوريجينال


منوراااااانى دايمافى اى وقت

تحياتى

ايمى

EMMY BABY يقول...

البنت الشقية

ههههههههههههههه اشمعنى تحت 25 سنة يابنتى احنا نخليها تحت ال60 علشان نضمن نشوف المدونين كلهم

انا كمان كنت مبسوطة انى شفتك انتى وحسن ومامتك كمان

ان شاء الله اللقاء يتكرر تانى

تحياتى

ايمى

EMMY BABY يقول...

حسن حنفى الحمد لله مع ان شكلك كان مكشر وشايل الهم

هههههههههههههههههه

هو فعلا كان لقاء تحفة

تحياتى

ايمى

EMMY BABY يقول...

عروسة

معلشى ياحرووف المرة الجاية تكونى معانا ان شاء الله ونسيب ازهرى هنا يحرس المدونات

تحياتى

ايمى

EMMY BABY يقول...

مهندس على درويش

وعليكم السلام ورحمة الله وبركاته

اللهم امين وربنا يجمعنا دايما على خير

ونشوفك معانا اللقاء الجاى

تحياتى

ايمى

EMMY BABY يقول...

روزى

اه والله هى فعلا حاجة جميلة انا حسيت انى اعرفهم من سنين

عرفت اللقاء من مدونة كيارا

الله يسلمك يا حبيبتى

تحياتى

ايمى

EMMY BABY يقول...

هى فوضى

وعليكم السلام ورحمة الله وبركاته

ياهلا ياهلا اخت نهر الحب بس شكلك شقية عنها هههههههه

يارب فعلا نتقابل قريب

منورانى

تحياتى

ايمى

EMMY BABY يقول...

طائر الليل الحزين

واحنا كمان كان نفسنا تكونى معانا

ويارب فعلا اشوفك قريب

تحياتى

ايمى

smilyrose يقول...

والله يا بنتى كنت نفسى اشوفك بجد والله

وزعلت اكتر لأن كان فيه ناس موجودة

ومش شفتها بجد ربنا يجمعنا تانى قريب

smilyrose

روح الحب الصادق

mahasen saber يقول...

ايمى انا اتجننت لما عرفت انك رحتى من كيارا بجد كان نفسى اشوفك قوى قوى قوى

ان شاء الله الجيات اكتر واشوفك يا بيبى يا ملاك انتى فى ااقرب لقاء تدوينى
نقول امين

Sometimes يقول...

انا عايزه اضربكم كلكم
ماليش دعوة
اه يانى انا هعيط
اخخخخخخخخخخخخخخخخخخخخخخخ
ماشى
ماشى
ماشى


هههههههههههههههههههههههههههههههه

معلش بقى يا ايمى
استحملينى
بس انا متغاظه
كان نفسى اكون معاكم
بس ان شاء الله تتعوض
وتكون الجنة هى الملتقى
ياااااااااااااااااااااااارب


بس عارفه انا مبسوطة
علشان بجد لقيتكم كلكم فرحانين ومادام انتو فرحانين يبقى انا كمان فرحانه

arsenalwy يقول...

ازيك يادكتورة

حلو انك تشوفى حد او تبقى مشتاقة تشوفيه بعد ما قريتى ليه كتير

ربنا يوفقك

fashkool يقول...

ازيك يا ايمى .. والله يا ايمى يا ريت اقدر احضر اجتماع المدونين .. بس ما كنتش اعرف مكانه فين .. وبعدين المدونين اللى من خارج القاهره صعب عليهم يروحوا .. كمان الواحد حيروح يقول انا فشكول ولا يكتب يافطه على صدره .. لو كان يوم احد كان ممكن .. لانى دائما اكون فى القاهره يوم الاحد .. والله يا ايمى انا عايز اشوف بنتى الحبوبه الدكتوره ايمى.
ان شاء الله فى فرصه اخرى
تحياتى يا دكتوره

EMMY BABY يقول...

سماااااااايلى

وانا والله كان نفسى اشوفك اووووووووى


بجد فعلا اللقاء ده نصيب

يارب اشوفكم قريب تانى

تحياتى

ايمى

EMMY BABY يقول...

محاااااااااااسن والله انتى طيبة اوى وانا اللى كان نفسى اشوفك بجد

يوووووووووه بقى انا عايزة اشوفكم اوى

يارب نتقابل قريب

تحياتى

ايمى

EMMY BABY يقول...

منممممممممممممممممممممممممن

ملكيش دعوة انا هستحملك

والله يا منمن انا كنت عايزة اشوفك اووووى ونقعد نرغى مع بعض ونحكى

وان شاء الله هنتقابل قريب اوى

تحياتى

ايمى

EMMY BABY يقول...

ارسنلاوى الحمد لله انا تمام

فعلا والله شىء جميل جداااااااااا


تحياتى

ايمى

EMMY BABY يقول...

عموو فشكووووووووووول

انا الحمد لله تمام وحضرتك عامل ايه ؟
انا كمان كان نفسى اشوف حضرتك اوووووووى وكمان من غير يفط كنا هنعرفك من الصورة

وكمااااااان فى مدونين كانوا من برة القاهرة

المرة الجااااية هنستناك ولن نقبل اعذار :)

تحياتى


ايمى

اسماء واحلام فى وجدانى يقول...

احنا بئا يا ايمى اللى بنعمل الزلط

صباح الصباح يقول...

على فكرة انا كمان كنت فى الحفل بس للاسف برضة ماعرفتش الاقيكى

ياللا تتعوض باذن اللة

فارس عبدالفتاح يقول...

شكراً لك على احقاق الحق وتوضيحك لسوء الفهم الذي حصل بيني وبين الاخ الموقر فشكول

تقبلي كل التحية والتقدير

شخـا بيــط مـحـجـوب يقول...

جميل اوى يا ايمى


ربنا يحبب فيكى عبادة

تحياتى ليكى

شخابيط mahgoub

أحمد حشمت يقول...

للأسقف أنا مكنتش موجود
ومعرفش إن فيه لقاء أصلا
ابقى قولوا يا جماعة لما يبقى فيه حاجة زي كده
عشان برده منروحش
بس نبقى عارفين اللي بيحصل في البلد
.......
تحياتي

EMMY BABY يقول...

اسماء واحلااام فى وجداانى

يا سلام على الثقة وكمان فى كتييير ممكن يعملوا الزلط لكن ميقدروش ياكلوه

نورتنى

تحياتى

ايمى

EMMY BABY يقول...

صباااح الصباح

لا بجد والله
طب لييييه مش قلت

بجد والله خسارة انى مشفتشكمشى

فعلا اللقا نصيب

ان شاء الله نتقابل قريب

تحياتى

ايمى

طوبة ذهب وطوبة فضة يقول...

ربنا يديم الاخوه والصداقه الجميله بين كل المدونين وكل سنه وانتى وكل المدونين بالف خير ياقمر

EMMY BABY يقول...

فارس عبد الفتاح

والله انا مكنتش اعرف حضرتك بس واضح فعلا انك ذوق واخلاق عالية جداا لانى دخلت شفت تعليقك على استاذ فشكوول بجد غاية فى الاحترام

ربنا يارب يحمينا ونفضل كلنا اسرة واحدة ويبعد عننا سوء الفهم

نورتنى

تحياتى

ايمى

EMMY BABY يقول...

محجوب

اللهم امين

بجد احلى دعوة فعلاااا

تحياتى

ايمى

EMMY BABY يقول...

احمد حشمت

ههههههههههههه ما فى مدونين بيكتبوا عندهم بس هى مسالة لك نصيب تروح ولا لا


تحياتى

ايمى

EMMY BABY يقول...

طوبة هب وطوبة فضة

اللهم امييين يا حبيبتى

وانتى طيبة يا جميل

وربنا يكرمك يارب

تحياتى

ايمى

أحساس لسه حى...كلام من جوه روح لكل روح يقول...

عزيزتى

اكيد لما نشوف مدون ونتكلم معاه

التواصل هيكون فى المدونه والتدوين اعلى واكبر واوضح

واحلا شئ لما تلاقى الصوره المرسومه للمدون فى بالك وخيالك

هى الموجوده فعلا

تحياتى

سلام

norahaty يقول...

يابختكووووووووووا
يابختكووووووووووووا
يابختكووووووووووووووا

EMMY BABY يقول...

احساس لسة حى

والله فعلا بجد انا حسيت انى اعرفهم من زمان وانهم اخواتى اوى

نورتنى

تحياتى

ايمى

EMMY BABY يقول...

نورهاااااتى

هههههههههههههههه ايه الحقد ده كله

لا بجد ياريتك كنتى معانا فعلا كنتى هتتبسطى اوى

تحياتى

ايمى