اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأربعاء، 17 يونيو 2009

ورجعنالكم بعد الفاصل والتاج فوق راسى

ورجعنالكم بعد فاصل طويل انا عارفة انه طويل بس انا كنت بمتحن من شهر 4 ولسة مخلصة امبارح ...لا وايه عليا تدريب من يوم 21 يعنى بعد 3 ايام والحياة جميلة (وش متنرفز جدااا ) وهخلص امتحان التدريب ان شاء الله 2 8

فايييييييه بقى عايزاكم تعذرونى على الاخر لحد ما اخلص الكلية دى على خير

مش عارفة اقلكم ايييه بس بجد وحشتوووووووووووونى جدا ......واكيد انا كمان طبعا وحشتكم ولا حد عنده اعتراض (وش بيخوف )هههههههه

كنت بحاول ادخل نفسى فى الموود لان بقالى فترة معملتش بوست وحاسة الموضوع غريب مش عارفة ليه

المهم بقى ايه يابت يا ايمى ايه... اه افتكرت

لا مفتكرتش لانى اصلا منستشى كنت مستنية اخلص الامتحانات بس

ايه بقى هو اللى افتكرنه ومنستهوش ده

تاااااااااااااج من رومنسى اللى معودنى دايما على التدبيس :D....وبجد والله انا بشكره جدا انه اصلا بيفتكرنى ...وبجد بشكر كل اللى سئلوا عليا فترة غيابى

يلا ندخل فى الموضوع علطول بما ان الحياة بقت سندوتش تيك اواى ...محدش يقرا البوست ده لو جعان :P

يلا سيبكم من السندوتشات ونخلينا فى الطائرات ونطلب من سيادتكم ربط احزمة الامان حتى نستعد للانطلاق

ونبدأ مع اسئلة تاج رومنسى

..................................................
إسمك ؟
ايمو بنت بودى ههههههههه
..........
سنك ؟
19سنة
وماشية فى ال 50
........
إسم مدونتك ؟
غلطة مطبعية بعيد عنكم يعنى
.........
مجال دراستك ؟
بعد الشر عنكم برضه طالبة فى كلية الطب البيطرى
...................
صورتك الرمزية فى المدونة بتعبر عن ايه ؟
براءة وحنان الاطفال
اللى بجد مفتقداهم اوى
.............
هل فكرت فى إغلاق مدونتك؟ و السبب؟
اه بصراحة
علشان مكنتش قادرة اتابعها اوى ولا اتابع مدونتكم وخفت تزعلوا بس قلت اكتبلكم احسن بوست انى هغيب
بدل ما اقفلها ممكن لما اوحشكم تدخلوا تشقروا على المدونة :)
......................
إيه رد فعلك لو حد قل أدبه عليك فى المدونة ؟
هى الحمد لله محصلتشى معايا ان حد قل ادبه بس لو حصل
هعرف ارد عليه كويس.. وهقله ديراكت متدخلشى مدونتى تانى وهحذف اى كومنت يتحط منه
لان اللى ميحترمشى غيره هو اكيد انسان مش محترم وانا مبحبش اتعامل مع ناس مش محترمة
................
أسوأ مدونة دخلتها ؟
اول مادخلت التدوين كنت ساعات بدخل مدونات غريبة كدة ملهاش اى لزمة فى الحياة غير جرح مشاعر وديانات الاخرين
.............
هيحصل أيه للإيميل بعد ما تموت؟
هيموت معايا وهيفضل اسمى اوف لاين عند الناس
والله اعلم ممكن يشوفوا اسمى ويفتكرونى علطول بدعوة
..............
عطيت الباسوورد لحد قبل كده؟
اديته لحد لا بس ممكن اخواتى بيشوفنى وانا بكتبه فعارفينه بس استحالة يفتحوه من غير اذنى احنا متعودين مع بعض على كدة
..................
السفر بالنسبة لك؟
مجربتهوش كتير بصراحة بس بجد بحس انه تغيير جو فظيع وتنشيط للحياة المملة
وخاصة لو لمكان بتحبه مع ناس بتحبهم علشان تحس بجد بمتعة السفر
..................
المود بتاعك ايه؟
امممممممم طب ايه رأيكم كل حد فيكم يقول بيحسنى مودى ايه
بعد اذنكم طبعا
..................
بتعمل أيه في وقت فراغك؟
على حسب يعنى لو لسة خارجة من فترة امتحانات زى دلوقتى كدة بحب اتنح اوى ومعملشى اى حاجة غير انى اقعد ساكتة او انام
فى العادى بقى بحب اقعد على النت او اقرأ كتاب او ارسم او استرخااااء
................
الأكلة المفضلة؟
البيتزا
وبحب الفراخ
................
الصفات التي أخذتها عن والدك؟
الطيبة والعند والعصبية والتسامح
...................
الصفات التي أخذتها من والدتك؟
ماما دايما تقلى انتى بتفكرينى بنفسى وساعات بحس انى نسخة منها
واخدة منها حاجات كتير زى
الاتزان فى الحكم على الامور والعقلانية
الحمد لله حب الناس وان الناس بترتاحلها فى الكلام وبياخدوا برايها
عدم الثقة فى الاخرين بسهولة الا بالمواقف وبالنسبالى بعتمد على احساسى كمان فى اول لقاء
انها ذكية ولماحة
كفاية لحسن تفتكرونى مغرورة ههههههههه بس ماما دى روحى روحى روحى
......................
اكثر ست حاجات بتحبهم؟
عيلتى واصحابى كلهم
منظر الغروب
البحر والنيل
هوا الفجر
..................
اكتر ست حاجات بتكرههم؟؟
الكدب والخيانة
استغلال مشاعر الاخرين او استغلال الاخرين عامة
اللامبالاة وعدم الاهتمام بمشاعر الناس
النفاق والمصالح
الحروب والمشاكل
...................
شخصيتك نوعها أيه ؟
اممممممممم السؤال يحمل معانى كتير اوى
بس فى حاجة اتقالتلى كتير وهى
انى شخصية مركبة او فيا توليفة عجيبة كدة
وماما بتقلى ان فيا الصفة وعكسها
احب اسمع رأيكم برضه
......................
لماذا دخلت عالم التدوين من الاساس ؟
كتجربة لحاجة جديدة قلت ممكن اعرف اطلع اللى جوايا فيها او انى اكلم فى موضوع حاساها واسمع راى ناس متعرفنيش فيها واشوف الناس بتفكر ازاى
..............
أحلى جملة قيلت في وصف مدونتك؟
هو الحمد لله فى جمل كتير حلوة اتقالت
منها ...فاز كل من زار مدونتك
انهم بيحسوا بارتياح فى مدونتى
انها بتلمس حاجة جواهم وانهم بيستفيدوا
وانها جميلة
................
أهمية التعليقات بالنسبة لك؟
بحسها اهم من البوست نفسه لانها بتعرفنى انا فين وراى الناس فى اللى بكتبه ايه ومفيد ولا اى كلام ولاملهوش لزمة
...غير ان فى تعليقات كتيرة اوى بتكون دفعة ليا لحاجة معينة او شحنة كبيرة بالنسبالى
........................
احلى بوست كتبته وضع اللينك مع ذكر السبب ؟
اممممم صعب اختار اوى لان كل بوست كتبته كان بيمثلى حاجة
واجمل بوست ده اللى بيقروا هما اللى يحددوه مش اللى كتبه
يعنى الدور عليكم برضه
....................
افضل مدونة قرأتها؟
ايه السؤال اللى يزعل الناس ده
انا بحب كل المدونات اللى بدخلها وكل مدونة منهم بتعجبنى فى مدونة بتعجبنى فى موضوعتها واللى بتعجبى فى التفكير بتاع صاحبها واللى بتعجبنى فى احساسها او خفة دمها او مدى استفادتى منها
بس انا بدون زعل يعنى يعنى بحب مدونة ABO ALIلانها بتدينى طاقة وغالبا سبحان الله بيناقش موضوعات بكون لسة بكلم فيها مع حد
..............
الشغل بالنسبة لك؟
تحقيق ذات وتحمل مسئولية
..............
اهمية الانترنت بالنسبة لك؟
ليه عامل كبير اوى فى بناء شخصيتى لانى بتعامل مع ناس كتير وبشوف افكار وباخد خبرات
وفى نفس الوقت وسيلة لشغل الفراغ بالنسبة لى
..................
تمرر التاج ده لمين؟

ابوعلى

محاسن

المبرمج المحترف

ازهرى

غروب

اسماء واحلام فى وجدانى

محمد غالية

اينووو

منمن
................
تحياتى
ايمى

هناك 48 تعليقًا:

قلب ارهقته الاحلام يقول...

انا جيت الاول :)

بجد اجاباتك جمييلة

ومبروك التاج والرجوع

وان شاء الله النتيجة تكون جميلة كده زيك ياقمر وتخلصي علي خيرر

اول زيارة مع التاج ^^

تحياتي ,,,

Maryama Qandil يقول...

ويلكم بااااك يا ايمي باشا

حلووة اجابات في التااج
على فكرة كنت متوقعة ان ردك على الاكلة المفضلة بتاعتك هتكون بقى جااامدة لاعجب الواااق عامل كده ليه...:D

بالمنااسبة ايه جو الرعب الي عاملاه ده يا ايمي بنت بودي
اترعبت اووي...:D

مبروك على الاجازة يا بنت اخدتها قبلك...:p

غير معرف يقول...

هههههههههههههههه
ربنا فعلا يخلصك من الكلية دى على خير...بقى بتمتحنوا من شهر 4 !!! لييييييه كنتوا قاعدين بتصحوا فى قطة ماتت ولا إيه !!!


إيجاباتك حلوة اوى..أما بالنسبة للمود بتاعك فا ممكن نقول انك حاليا حاسة انك غريبة شوية عن التدوين و قرفانة و عايزة تخلصى من التدريب :)


و بالنسبة لشخصيتك...بصى بقى عشان مفتيش...أنا حقولك اللى بجد حسيته فيكى....
أنا حسيت انك طيوبة اوى و مرحة و دمك خفيف مووووت و لو حد احتجلك معتقدتش انك حتخزليه

بسسسسسس كده


قوليلى بقى..المدونة دى اللى اسمها (أنا و دماغى)بتحبى فيها إييييييييييييه D:

نعكشة يقول...

حمد الله على السلامة

ربنا يعينك

معلش سؤال بس لفت انتباهي

يعني إية الشغل بالنسبالك تحقيق ذات الانترنت؟؟؟

سلام عليكِ

SHAPE YOUR LIFE (ABOALI) يقول...

ايمممممممممممممممممممممممممى
ياااااااااا ويلكم يا ويلكم

منووووووووووووووووورة والله كل الغلطات المطبعية
وكنت بادور على غلطتك فى كل المدونات
لاءنها وحشااااااااانى بجد

على فكرة انتى فى كلية عظيمة جداااااااااا

يكفى انها بتتعامل مع مخلوقات لا تستطيع الكلام
وانتى بتكونى لها الطبيب والمعين

افتكرى كده
شكل عصفور
طاير وسط السحاب
وجناحه مكسور
ومال عليكى وقال
يا بنت حوا
جريح ومن الالم مقهور
انا روح زيكم
ودموعى تملى بحور
وانتى شاااااااايفاه بعينك
وقلبك عليه من الحزن
بيجرى وكاءنه طفل
بينادى بس صوته مش مسموع
شوفى ممكن يكون ايه
رد الفعل عليه
لو كنت انتى الطبيب وال جراح
انتى الامل وسط ربوع الصياح
صديقينى
بكرة تشوفى رحلة دموع الانعام
عاوزه تشكرك بس تفهم الافهام
عاوز ة تقولك جزائك عند الرحمن
كنت انتى السبب بأمر خالق الاكوان



جميله اجاباتك يا ايمى
وكلنا فى الزمن المتقلب ده بنعانى من امزجة مختلفة
والشاطر الامور
اللى يكون صبور

وانتى مودك زاى نسيم الياسمين
تحب تشم رايحته وتملى عينك منه

ومين ابوعلى اللى انتى بتتكلمى عليه ده علشان ادخل على مدونته
لاءن من كلامك عنها شدنى ليها

وكمان اسمه مثل اسمى بس انا باكتبه انجليزى

ابقى اكتبى اللينك بتاعه


عوووووووووووووودا احمدا

غير معرف يقول...

مفيش فايدة
ابو على لازم يرخم

بس عجبنى اوى الشعر اللى انت كتبه ده
هههههههههههههههههههههه

سفروتة يقول...

اييييييييييييييييييييييمي
مامتي حبيبتي
نورتي مدونتك وبيتك ومطرحك
ايه ده انتي بتحبي وقت الفجر زيي؟
هههههههههههههههههههههههههههههههه
بنتك بقي وطالعالك
طبعا فيه حاجات كتير كنت متوقعة اجاباتك فيهااااااا
ربنا يحميكي يا بنتي

بس فيه حاجة ابقي صلحيها
بتاعة ان الشغل بالنسبة لك تحقيق ذات الانترنت
شكلك كده لخبطي السؤالين في بعض

ثلام يا ثكر
بنتك ثفروتة

EMMY BABY يقول...

قلب ارهقته الاحلام

منورة فى زيارتك الاولى

والله يبارك فيكى ياقمر

يااااااااااااااارب نحن فى انتظار النتيجة

وميرسى جدا لزيارتك

واتمنى متكنشى الاخيرة

تحياتى

ايمى

EMMY BABY يقول...

رووما رومتى

انتى احلى يابت

بس اكيد اترعبتى ونطيتى من مكان مش اى اى ولا زى زى ههههههههه

ولو سمحت ملكيش دعوة باكلى انا بحذرك اهو وش بيخوف برضه

الله يبارك فيكى اخدتيها قبلى بيوم يعنى ولا يهزنى برضه

منورة المدونة يا باشا

تحياتى

ايمى

EMMY BABY يقول...

انا ودماغى

ازيك يا بنتى بقالى زمن مش شفتك :P

ايه اخبارك ؟

لا مكناش بنصحى قطة ماتت كانوا بيموتونا احنا علشان نحس بالامهم

ااااااااااااه مودى ملل على الاخر وكانى واخدة الاجازة من قرون تقريبا اتعود على الانشغال

اما بالنسبة للشخصية ربنا يكرمك يارب واتمنى اكون كدة فعلا

بيعجبنى فيها تقائيتك وطفولتك وثقتك فى اللى حواليكى

ربنا يوفقك يابنتى

تحياتى

ايمى

EMMY BABY يقول...

نعكشة وعليكم السلام

الله يسلمك ياحبيبتى

ربنا يعينا جميعا يارب

معلش هو كان فى غلطات مطبعية كدة انا صلحتة ناسف للازعاج

منورانى

تحياتى

ايمى

mohamed ghalia يقول...

ايه ده راجعين فى يوم واحد
نورتى يا ايمى
ربنا يسعدك دايما

Eno يقول...

حمد الله علي السلامه يااجمل ايمي
لسه بقول لي نور انك وحشتيني اووووووووووووي وبجد بوووووووووسه كبيره اوي ليكي ياقمر :)

بالنسبه للتاج احب اقول من مكاني ده انك انتي ونور من اجمل الشخصيات اللي عرفتها في حياتي واثرت فيا اجاباتك جميله اووووووووي وربنا يقويكم علي الكليه ويخلصكم منها علي خير :)

مرسي علي التاج هجوبه في اقرب فرصه :)
دمتي بكل خير :)

romansy يقول...

لسه فاكره يا ايمو اينو
انا كنت نسيت بس بقى الحمد لله انك خلصتى امتحانات ودخلت فى تدريب يلا الشغل حلو برضه اصلك لو فضيتى هتبقى مشكله مش هنخلص منك
بس يلا بقى كويس انك افتكرتيه واكيد اكيد منقدرش ننسى ايمى خالص

عمرو وجيه يقول...

عودا أحمدا يا إيمي

و ان شاء الله

الاجازة تكون اجازة سعيدة


اينعم بدأتيها بتاج

هههههههههه

بس ان شاء الله

ربنا يديم اتصالك بمدونتك



:)

Maryama Qandil يقول...

ايمي



ايمي



ايمي




ايمي

ابعتيلي ايملك على الايميل ده عشان اضيفك في مدونة للدفعة بتاعتنا
republic.vet@hotmail.com

منتظرة ...يلاا انتي لسه متحركتيش
وش بيخوف وهيعض كماان

EMMY BABY يقول...

ابو على

هههههههههههههههه ايه اللنجوشت الجامدة دى يا ويلكم بيك

ربنا يخليك يا جدووو

بجد والله الشعر جميل اوى اوى اوى وعلى فكرة انا بحب الكلية بس بكره نظامها لانهم بيتعاملوا معانا على انناملناش حق فى الراحة ولا اى نيلة

اما بالنسبة للمودى انا كدة هتغر هو انت بتكلم عنى ولا اتلغبطت هههههههه ربنا يكرمك يارب

اكيد ابو على انت يعنى هو فى ابو على غيرك :p

تحياتى

ايمى

EMMY BABY يقول...

انا ودماغى

ههههههههههههههههههه اتخانقوا برة بيتى اقصد يعنى برة مدونتى

ياما بقى تدفعوا رسوم رخامة :p

EMMY BABY يقول...

سفروتى بنتى

هههههههههههههههههه مهو بيتى هو بيتك ولا انتى خلعتى من مامتك ولا ايه نظامك

اه يابنتى دانا بموووت فى وقت الفجر

ربنا يحميكى يابنتى ولا يا مامتى انتى هتجنينى :p

تم التصليح يا باشا وعذرا عذرا

سلام يا ثكر يا عثل

تحياتى

ايمى

EMMY BABY يقول...

محمد غالية اااااااااااااااه شفت طبانا عليكم زى القضى المستعجل

وبالصدفة والله انا مكنتش اعرف انها هتحل التاج

ده نورك يا محمد

وربنا يكرمك

تحياتى

ايمى

EMMY BABY يقول...

اينووووووو

الله يسلمك يا حبى بجد والله انتى كمان وحشانى اوى عايزين نتقابل تانى كدة

وبوووووووسة اكبر منها ليكى

وكمان ايه الكلام الحلو ده والله انتى اللى عسولة وطيبة اوى علشان كدة شايفانا بالصورة الحلوة دى

ربنا يارب يخلينا لبعض

ولا ميرسى على تدبيسة ههههههه

مستنية اجاباتك وعلى مهلك خالص

تحياتى

ايمى

EMMY BABY يقول...

رومنسى اكيد طبعا فاكرة اينو حد ينسى رقة الاحساس

بس اشمعنى اينو يعنى !!!!!!!!!

ماعلينا

عايز تخلص منى انت ماثى ماثى انا هقرفكم برضه حتى لو فى تدريب بس هه

وماشى ياعم لما نشوف لما تتشهر كدة هتنسانا ولا لا :p

وكمان فين كومنتك على اجابات التاج (وش شرير ولازم تخاف )

منورنى برضه

تحياتى

ايمى

EMMY BABY يقول...

عمرو وجيه

ههههههههههه هودا احمدا ليك انت كمان

هو احنا هنلحق ناخد اجازة علشان تكون سعيدة

اممممممممممم ماله التاج مش مرتاحلك
هى الفكرة انى كنت قايلاة انه هيكون اول بوست بعد رجوعى ان شاء الله

منورنى يا باشا

تحياتى

ايمى

EMMY BABY يقول...

روما

بما انى بخاف وبترعب وبكش

فبعتلك الايميل يا فندم

مستنيين نتائج التطورات

Unknown يقول...

إجابات ملهاش حل ...


بس ايه التدبيس الجامد دا ..

على العموم انا قولت لو التاج عجبنى هاخده وانا بصراحه عجبنى لان فى اسئله حلوه كتيير

ان شاء الله ينزل فى البوست اللى جى

وردشان smilyrose يقول...

السلام عليكم

حبيبتى ايمى الجميلة

وحشتينى ووحشنى سؤالك عنى

اجاباتك جميلة ورقيقة مثلك

ينبع منها شخصية مخلوقة جميلة

دى مش معاكسة دا غزل ههههههههههه

دمتى حبيبتى بكل الود

وردشان

روح الحب الصادق

طـائر الليــل الحـزين يقول...

حمد على السلامة يا قمر
وبجد نورتى من تانى
كنامفتقدينك جدااااااااا
وبالنسبة للتاجمش جديدة عليكى الاجابات الجميلة والسليمة
تحيااااااااتى

mahasen saber يقول...

اولا هاتى حته من السنكوتش انا جعانه جدا


ثانيا بتحبى الفراخ بالانفلونزا ولاا ايه
انا كنت فاكره ان كل بتوع بيطرى كارهيين وش الفراخ وشها دلوقت بس اثبتيلى العكس يا ايمى

اما النتيجه بئه فانا مستنياها اهه
اما اشوف عملتى فى الامتحانات ايه

يا رب خير يا بيبى

mahasen saber يقول...

اما ابو على بئه فدى ااقل حاجه تتقال عليه يا ايمى وعلى مدونته

ده شخص من ارقى واسمى البشر اليى اتعرفت على روحهم فى حياتى

ودايما كل ما ااقراله اى كلمه ادعيله بظهر الغيب
فعلا روحه طاهره وفكره راقى
ربنا يبارك فى عمره ويباركله فى كل من يحب

وشكرا يا قمر على التدبيسه تعيشى وتدبسينى
انتا تؤمرى
ممكن حتة سنكاوتش بئه ولاا انام خفيف

EMMY BABY يقول...

عمر


اشك انك قريت الاجابات اصلا هههههههههه :p

ربنا يكرمك ياعمر

يلا اى تدبيسة

مستنية اجاباتك بقى

تحياتى

ايمى

EMMY BABY يقول...

سمايلى

والله وانتى كمان وحشتينى اوى ياحبى وساعات والله كنت بقعد افتكر شعرك

وميرسى ياقمر على كلامك الحلو اللى دايما متعودة عليه


المهم انتى اخبارك ايه ؟؟؟؟؟

تحياتى

ايمى

EMMY BABY يقول...

طائر الليل الحزين

الله يسلمك ياقمر

ربنا يكرمك يارب على الكلام الحلو ده

وانا والله كنت مفتقداكم بس حكم القوى

تحياتى

ايمى

EMMY BABY يقول...

محاسن سنسن

هههههههههههههههههههههههه ايه يابنتى دانا بمووووووووت فى الفراخ وكنت متضايقة الفترة اللى مكانشى فيها فراخ

ومليش دعوة مش هديكى حتة من السنكوتش بتاعى بقى يا ماماتى الحقينى

وليه كدة يا محاسن سيرة النتيجة بس

ادعيلى كتير

EMMY BABY يقول...

محاسن

ربنا يكرمك على الكومنت بتاع ابو على ده

ييجى يسمع ويشوف رفع روح المعدنية على حق

بجد والله فعلا ربنا يكرمه اوووووى ويخليه للمدونين ويخليه للعياله واحفاده ويطعمه ما يحرمه

ههههههههههه دى شغلتى بعد الظهر

ناااااامى خفيف طبعا :p

تحياتى

ايمى

سندس وأمل يقول...

لوووووووووووووووووووولووولى

ازيك ياايمى

الف مبروووووووووووووك التاج

واجباتك رووووعه

ربنا يوفقك فى كليتك

سندس

غروب يقول...

ايمي حبيبه قلبي

والله وحشتينى اوى اوووووووووى

الف حمد الله على سلامتك وكفاره من الامتحانات
هههههه

عقبالي ياااااااارب لسه ليه اخر ماده بكره ادعيلي

طبعا اجبايتك على التاج عسل زيك وانا كمان بحب مدونه ابو على اوى هو شخص كمان لطيف جدا ومتفائل اوى وسهل عليه ينقلك الاحساس ده

اما بالنوسبه لشخصضيتك اللى مش عرفتى تحدديها فانتى شخصيه مرحه وكفله اوى وطيوبه جدا


مش تغيبي تانى بقه وربنا معاكى يا حبيبتى في الدرلااسه الطويله دى وموفقه باذن الله

اخوك الضغنن حلاوه....قصدى غروب

اسماء واحلام فى وجدانى يقول...

مش مصدق عنيا

مين ايمى رجعت تانى مش معقول

لا وايه عايزة تتضحك عليا بالتاج قال يعنى هاسمامحها على الغياب ده كله

انا مش مسامحك وحلك الوحيد معايا بوست جامد اوى اوى

بجد اشكرك على اهدائك التاج
بس زى ما قلتلك مستنى البوست
اعتذر عن التاخير بس والله غصب عنى

blue-wave يقول...

يااااااااااااااااااااة
بقالك كتييييييير اوى غايبه
عموما الف مبروك انك خلصتى امتحانات
ورجعتيلنا تانى
وبجد اجابات مش محتاجه كلام
تحياتى

عايش... ولكن !!!! يقول...

ايمى
وحشانى مدونتك اوى
انتى بردو كنتى بعيده زيي
طيب يلا بقا عايزين 30 ولا 40 بوست ورا بعض
طبعا اجاباتك مغيرتش كتير من اللى فى دماغى عنك لانك شخصيه جميله وبتجبرى اللى بيعرفك لاول مره حتى انه يعجب بيكى

اما بقا عن مودك فانا شايف انك حتى وقت ما بتكونى متضايقه بتحاولى تكونى اقوى كتير ومتبينيش ده وتبقى مرحه اكتر من الاول
انا متأكد من شىء اصلا ان معظم اللى بيضحكوا كتير بيبقى جواهم هموم اكتر من ضحكهم

تحياتى

اسماء واحلام فى وجدانى يقول...

يعنى هو انتى جيتى بالتاج واختفيتى تانى طيب ليه بقى انتى كده حسابك بقى تقيل اوى وشكلك كده مش هتعرفى تسدى اللى عليكى ،،،،،،،اظهر وبان عليك الامان قبل ما حسابك يتقل بزيادة
ادينى حذرت

حفيدة البنا يقول...

السلام عليكى
ازيك اموووووووووونه عامله ايه؟
فكرانى ولا؟
وحشتينى اوعى
انا رجعت ولله الحمد
كنتوا وحشنى موت بس الجهاز كان خربان كالعادة!
طمنينى عليكى يا قمر
سلاام عليكى

EMMY BABY يقول...

سندوووووسة

ازيك يابنتى فينك

الله يبارك فيكى وربنا يوفقك انتى كمان يارب

تحياتى

ايمى

EMMY BABY يقول...

غرووووووووووووووووب وانتى كمان والله وحشتينى اووى والله يسلمك

هااااا طمنينى عملتى ايه فى الامتحانات ؟

وميرسى بجد على الكلام الحلو ده والله انتى اللى طيبة وسكر

اما بخصوص ابو على فهو فعلا بجد شخص روعة ربنا يكرمه


وربنا يوفقك يارب يا حلاوة يووووووووه قصدى ياغروب

تحياتى

ايمى

EMMY BABY يقول...

اسماء واحلام فى وجدانى

ههههههههههههههههههه لالالالالالالا صدق عنيك اه ايمى

اممممممم شكلك مش هتتنازل عن حقك فى بوست جديد ماشى ياعم قريب اوووووى هتلاقى بوست

وكمان ولا تاخير ولا حاجة دانت كدة من اوائل الزوار

ربنا يوفقك

تحياتى

ايمى

EMMY BABY يقول...

عمرو فاروق

اه كنت حرماكم من غلاستى حبة

الله يبارك فيك

وميرسى على الكومنت

تحياتى

ايمى

EMMY BABY يقول...

علاااااااااء
اه شفت كنت غايبة بس مش زيك انت اللى زيى هههههههههه

30 او 40 بوست يانهاااااااار طب يارب ترسى على اتنين فى الشهر وش بيلطم

انا بجد مش عارفة اقلك ايه على الكلام اللى انت كاتبه ده بجد ميرسى جدا والله ربنا يكرمك

لا وكمان محلللاتى اللى على على خلاص غطيت علينا

تحياتى

ايمى

EMMY BABY يقول...

اسماء واحلام فى وجدانى

شبيك لبيك عفريتة هانم رجعت تانى

ههههههههههههههه والله بنزل تدريب يوميا ومش عندى وقت اهو انا انهاردة اجازة قلت انتقم بقى

منورنى دايما

وميرسى على السؤال

تحياتى

ايمى

EMMY BABY يقول...

حفيدة البنا

انا الحمد لله تمام وانتى عاملة ايه فى الاجازة ؟؟؟؟

هزعل منك بجد ازاى انساكى يعنى حد ينسى الطفولة والبراءة دى


انتى كمان وحشتينى اوى

والحمد لله ان الجهاز اتصلح علشان خاطر تنورى علطول

ربنا يوفقك يارب

تحياتى

ايمى