اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الخميس، 25 يونيو 2009

سيكوووووووووو

كل واحد مننا عنده مشاكل كتير بتواجه.... وساعات مبيقدرشى يتغلب عليها لوحده....وممكن تسببله تقلبات مزاجية او نفسية ....وممكن يحدث اكتئاب او يقرر الانسان انه يهرب من كل حاجة ويموت نفسه ...وممكن يقرر انه يروح لطبيب نفسى يساعده بس المعظم بيخاف يروح لطبيب نفسى خوفا من كلام الناس او ان حد يقول عليه مجنوووووون
لكن
.
.
.
فى عيادتى.....سيكووو للحيوانات .......



الحيوان بيجيلى وهو مش خايف حد يقول عليه مجنون او خايف من نظرة الناس ليه



خلتونى افتكر الحمار اللى دخل عندى العيادة وكان شكله مضطرب جداااااااا واقلى انا ..انا عندى مشكلة ومش عارف انام ولا اكل ولا اعيش حياتى بشكل طبيعى وحاسس ان كل الدنيا بتكرهنى وعااااايز امووت






قمت من مكتبى وقربت منه وقلتله اهدى ونادت المساعد بتاعى علشان يديله حقنة ريلاكسشين فور دونكى وبعدين قلتله مدد هنا على الشزلونج واقول كل اللى جواك كأنك بتكلم نفسك بالظبط




بدأ يكلم وقال :




اول ما تولدت لاقيت امى محوطانى وكانت بتعتنى بيا وبتجيبلى الاكل لحد عندى... ولما بدأت اقف على رجلى كنت بروح العب مع اصحابى الحصنة والحمير والبغال ...بس وانا بلعب معاهم جه الحصان حصونة من الشارع اللى جنبينا وضربنى ...وانا كنت ضعيف ومقدرتش اخد حقى وعلشان كدة كان كل يوم بيجى يضربنى... وللاسف كل اصحابى تخلوا عنى ومحدش وقف يدافع عنى... وعلشان كدة قررت اهرب وابعد عن صحابى واهلى.. جريت بعيد وفضلت اجرى لحد ما وصلت مكان معرفهوش كان فى حصنة وحمير كتير ولاقيت راجل بيقرب منى اوووى حاولت اهرب منه لكنه مسكنى وندى على واحد تانى واقله عندنا ضيف جديد اربطه مع زمايله لحد ما ييجى زبون يشتريه ..فضلت مربوط يومين كنت ببكى وندمان انى بعدت عن امى واصحابى ..وبعد يومين جه واحد على قد حاله لابس جلابية وطقية وكان عايز يشترى حمار واختارنى انا ...قلت الحمد لله شكله راجل طيب ..بس للاسف طلعت مغفل الراجل الطيب ده كان لازم يضربنى علشان عايزنى امشى بسرعة وكان مزود الحمولة على ظهرى لدرجة ان كان رجليا وظهرى بيوجعونى وهو مش مقدر ده حتى الاكل يا دكتورة كان يادوبك بيدينى كمية يادوبك تمسح زورى مش تشبعنى ولا تكفى جوعى





واستغليت اول فرصة فكنى فيها من العربية علشان ينظفنى وينظف العربية وراح يجيب مية وقررت انى اهرب تانى قعدت اجرى اجرى اجرى لحد ما تعبت وقفت ارتاح فى حتة ضلة وبعدين لمحت يافتة مكتوب عليها





سيكووووووووووو للحيوانات للتتخلص من جميع مشاكلك ولعلاج حالات الاكتئاب الشديد مع دكتورة ايمان







فقلت ادخل ممكن تلاقيلى حل


.

.

.

ها يا دكتوورة عندك حل


.

.




يا دكتورة







لما لاقنى مبردش قام من على الشزلونج وبص عليا لاقينى بعيط اووووووووى لدرجة انى مش قادرة ارد عليه ..راح مددنى على الشزلونج واقلى اقولى اللى انتى حاساه وكأنك بتتكلمى مع نفسك D:




.




.




0




.

طبعا ده مجرد خياااااااااااااااااال مش اكتر بس لو فعلا الحيوانات كانت بتقدر تتكلم... لكانت قالت انها فعلا بتتألم



تحياتى

ايمى

هناك 71 تعليقًا:

غير معرف يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
romansy يقول...
أزال المؤلف هذا التعليق.
romansy يقول...
أزال المؤلف هذا التعليق.
romansy يقول...

مش عارف الحيوانات هتكلمك باى لغه
مانتى شكلك ساحره كده
واكيد رعبك ينطق الحجر من الحيوانات بس

نعكشة يقول...

كل ما بشوف حمار او حيوان حد بيضربه بتضايق قوي

العيال الصغنونة لما بتمسك القطط و تضرب فيها

و الراجل اللي بيحمل على الحمار
و هوه جلدة الاحمر مسلوخ و متعور من البتاعة اللي محوطاة
و بعدين ارجع افتكر
إذا كان الاب بيعمل كدة في ولاده
و بيحرقهم بالسجاير و بيعذبهم و يحبسهم
مش هيعمل كدة في الحمار

الناس دية محتاجة دكاترة نفسيين قبل ضحاياهم
من الحمير و البني آدمين

بالمناسبة في يوم من الايام هروح لدكتور نفساوي عادي يعني

يلا خير

سلام عليكِ

romansy يقول...

انتى خياليه قوى يا ايمى واظاهر كده الكليه خلاص برمجتك
على حتى الخيال يكون ليها
وفيها وعنها

EMMY BABY يقول...

رومنسى

هيكلمونى بلغة الاحساس اللى مش اى حد بيفهمها

يابنى ده ولا سحر ولا شعوذة هما بيشوفونى بينطقوا علطول

تحياتى

ايمى

EMMY BABY يقول...

نعكشة

والله عندك حق بس فعلا الانسان الرحيم رحيم على الانسان والحيوان

اما بقى اللى قلوبهم خالية من الرحمة ولا بتفرق معاهم ده انسان ولا حيوان لانه اصلا حيوان

فعلا انتى شخص والله حساس جداااااااااا

وياستى لما تيجى رايح لدكتور نفسانى ابقى قوليلى اجى معاكى عادى يعنى

تحياتى

ايمى

EMMY BABY يقول...

رومنسى

لا على فكرة انا مش خيالية ولا حاجة

ومش فكرة الكلية قد مافعلا بقى فى ناس معندهاش اى رحمة تجاه الحيوانات

وكمان انت محسسنى ان البوستات كلها عن الكلية

استنى بس لما افوق هبدع :D

تحياتى

ايمى

!!! عارفة ... مش عارف ليه يقول...

بوست جميل

ورغم الابتسامة اللي بيرسمها

إلا أنه مؤلم


تحياتي
وليد

Sweet Violet يقول...

ايمممممممممممممممممممممممممممممى
انا جيييييييييييييييييت ..هاتى بوسة بقى ^_^

انا عارفة اصلا انى مقصرة و عايزة الضرب البت ضد دى
بس انتى بقى هتديها بوسة ومش هتضربيها "شوفتى الثقة ^_^"

ندخل بقى البوست
انتى من جمعية الرفق بالحيوان و لا ايه ؟؟

بصى ياتوتا عموما فى بعض الناس لما تشوف حد اضعف منها بتستقوى قووووى .. ما بالك بقى لما تلاقى حيوان مش قادر يدافع عن نفسه هيعملوا ايه ؟؟

ربنا يهديهم

هاتى بوسة بقى ^_^

نعكشة يقول...

ولا حشاش ولا بطيخ

دية مجرد ملاحظات

و لما آجي هروح مش هنساكي

:D

سلام عليكِ

سفروتة يقول...

اااااااااااااااااااااااااااااااااه
شكلها كده حررارة الشمس مع التدريب عملت دماغ جاااااااااااااااامدة

فكرتيني بالحمار (الحوار)الصحفي اللي عملته مع البت ايمان نبيل لما قولتلها

احنا يكفينا فخرا اننا بنتعامل مع كائنات متقدرش تقول آآآآآآآآآآآآآآآآآآآآآآآآآآه

المشكلة يا ايمان في الناس اللي بتتعامل مع الحيوان
معندهاش ثقافة الرحمة لانهم اصلا مشافوش الرحمة من اهاليهم يبقي هيرحموا الحيوان؟

حصل موقف قبل كده
كنا قدام الكلية وكان فيه واحد راكب عربية كاروو ومحملها بطوب وبلاط وسيراميك يعني حاجات تقيلة قوي
والحصان مقدرش يمشي خلاص
وده اللي ماصدق قعد يضرب فيه بطريقة غبية
قامت بنت معانا قالت لا مش هينفع انا لازم اروح اقوله مينفعش اللي بتعمله ده
لسة رايحة تكلمه ومنطقتش لسة قام رافع الكرباج في وشها وكان هيضربها

للاسف نشأة البني ادم نفسها مش سوية عشان تطلع بني ادم سوي ويفكر قبل اما يستخدم العنف ضد الحيوان
الموضوع كبير قوي يا ايمي
ومش جمعيات الرفق بالحيوان هي اللي هتحل المشكلة وهتمنع العنف
احنا محتاجين نغير ثقافة شعوب بحالها

موضوع شائك وبجد احيكي انك طرحتيه

:)

عايش... ولكن !!!! يقول...

ازيك يا ايمى
اخبار التدريب ايه
الظاهر انه عامل شغل جامد :)
تعرفى الموضوع ده بقا منتشر جدا تحسى ان كل واحد عنده حيوان بيطلع غله فيه وكأنه هو السبب فى اللى هو فيه
بقولك اوعى تصدقى نفسك وتكلمى حيوان ولا حاجه احسن يشدوكى ع المستشفى ههههه
تحياتى

emy يقول...

تعرفى يا ايمى...فى ناس كتيييير بشوفها بتضرب فى الحيوانات وكانهم قطعة جلد وعظم بس قدامهم وبيسمع كلامهم وينفذ اوامرهم بس...وكان الكائنات دى لا عندها احساس ولا بتتالم ..انا متاكدة ان الحيوانات لو نطقت..هاتقول ابوس ايديكو هانعمل اللى انتو عايزينوا بس بلاش ضرب...ساعات بحس بتعاطف كبير مع الحيوانات ...ونفسى انى اروح اطبطب علية واتكلم معاة وانا متاكدة انة هايحس بكلامى دة...هية دى اللغة اللى احنا بنتعامل بيها مع الكائنات اللى مابتعرفش حتى تقول(اة) على راى نوران..لغة الاحساس ...وفى ناس ماعندهمش تقريبا اللغة دى ..او وقعت منهم فى السكة...فنسيوا انهم بنى ادمين
طب بجد بجد بجد..الحمار دة طيب جدا وغلبان اووووووى...بيسمع كلام صاحبة ويتحمل معاة ومابيشتكيش...
الناس محتاجة حد يفهمها يعنى اية احساس...يعنى اية رفق...بالانسان والحيوان...


موضوعك جميييييل يا ايمى...والفكرة عجبتنى... وستتم المناقشة من اعضاء فريق مثلث الرعب...ونفتح عيادة سيكوووووو....

تحياتى...والى لقاء قريب...

نور الدين صلاح يقول...

:D :D

جامده جداً الفكره
طريقة عرضك للفكره لذيذه أوي

خاصة إن حقوق الحمير بالأخص دوناً عن كل الحيوانات متاكله أكل :(

بالتوفيق :)

EMMY BABY يقول...

وليد

جميل اووووى انك شعرت بالالم وده فى حد ذاته يدل على احساسك بالبوست واللى كنت اقصده منه

ميرسى جدا لزيارتك واتمنى متكنشى اخر زيارة

تحياتى

ايمى

EMMY BABY يقول...

ضدددددددددد

اااااااااااااااااااه هديكى بوسة علشان وحشاااانى جدا ومقدرشى اضربك

واكيد انتى كنتى مشغولة ربنا يعينك

اما بقى بخصوص الرفق بالحيوان قصدى يعنى البوست

ففعلا اللى بيعذب الحيوان وبيتلذذ بعذابه ده اكيد مريض نفسى محتاج لدكتور سيكووووووووو

تحياتى

ايمى

EMMY BABY يقول...

نعكشة انا متاكدة من اللى قلته انتى على فكرة فيكى مميزات كتير اوى اوى حلوة

وياريت لو اعرف اكلمك على الميل

وميرسى انك مش هتنسينى

تحياتى

ايمى

EMMY BABY يقول...

سفرووووووووووووووتى

اه شكلى جالى ضربة شمس ههههههههه

وسع وسع للكلام الجامد ده فعلا والله احنا محتاجين نغير ثقافة شعوب ورحمة قلوب

بس بجد الموقف اللى انتى حكتيه ده ضحكنى اووى عارفة لو كنت معاكم

طبعا طبعا كنت وريته هعمل ايه

كنت طلعت اجرى p:

منورانى يا بنتى

تحياتى

مامتك ايمى

EMMY BABY يقول...

علااااااااااء

ههههههههههههههههههههههه هما لو مبطلوش قسوة انا ممكن انفذ الفكرة بجد وعليا وعلى اعدائى

التدريب الحمد لله شغال يارب اخد الاجازة بقى نفسى
وانت عامل ايه ؟

ربنا يهدى الناس دى بجد

تحياتى

ايمى

EMMY BABY يقول...

ايموووووووووووووووووووو

ياعينى ياعينى على الاحساس والنبل

بجد عمرى ماهغير فكرتى عنك فعلا الاحساس كله

كلامك طالع من قلبك فعلا وياريت فعلا يايمان الناس تحس بالاحاسيس اللى انتى حساها دى كانت حاجات كتير اتغيرت

دايما رقيقة فى مشاعرك ربنا يكرمك

تحياتى

ايمى

EMMY BABY يقول...

نورر

اهلا اهلا ببتوع بيطرى ايوة كدة منورين المدونات

الحمد لله ان الموضوع عجبك

وميرسى جدااااااا لزيارتك المدونة

فعلا حقوق الحيوان مهضومة خالص انا مبقلشى نبالغ فى احساسنا اتجاهم بس على الاقل فعلا نديهم ابسط حقوقهم فى اعناية والراحة والاكل

تحياتى

ايمى

Unknown يقول...

طب والبنى ادميين هتعملى معاهم اية دول كلهم سيكو؟

SHAPE YOUR LIFE (ABOALI) يقول...

ههههههههههههههه

رائع رائع
ممميز مميز
اولا باحييكى على السرد والابتكار المؤثر

المتتبع لايات القراءن نجد ان الله جل وعلا
ضرب الكثير والكثير من الامثال لنا
لتكون لنا عظة وعبرة وتعليم وتهذيب
ويا سبحان الله

كل مخلوقات الله لها حياتها الخاصة وقوانينها
لك ان تنظرى الى النمل حين فقه لغته سيدنا سليمان
كيف كان الحوار شيق حين سمع تحذير النمل من جيش سليمان

ولكن ما يدعوللقلق

هو انحسار العطف بين الناس والتاءلف والتحاب وقولى الود

حتى انعكس ذلك بدوره على تلك المخلوقات المسخرة لنا
فاءصبحت هى تعانى ايضا

ولكن الحل ليس فى ان نتباد الادوار مع الحيوان
ويعطينا هو فيال ريلاكسيشن 4 هيومان

ولكن الحل

ان نعرف لما فقدنا رحمتنا ونقاوتنا

يقينا الجواب

هو وضع الدنيا فى العين وليس امام العين

لذا نلهث ثم نلهث ثم ثم ثم

حتى نسينا اننا روح وجسد
لكل منهما ملكاته

استرجاع ملكات الروح و عمل تناسق مع متطلبات الجسد مطلوب وهو الحل


انظر هناك وتعجب
كيف كان طعامهم
القليل والقليل
الزيت والخل
وبعض التمر لا يضير
ولكن عيونهم شبعى
وفى المساجد السجدة تلو السجدة
وتقلبهم فيه التسبيح
وتعانق قلوبهم القيام و الديك يصيح
فخضعت لهم الدنيا واتت راغبة
اناتحت الامر ولست طالبة
انظر هناك وتعجب
بغى سقت كلب وكان عطشان
فمابالك بمسلم يحمل القراءن
انظر هناك وتعجب
وانظر الان ولا تتعجب


جميلة عيادة psycho وفكرتها مميزة خصوصا للحيوان

فمن تعامل الانسان مع الحيوان
يعرف رقى الامم واخلاقها وتمسكها بدينها


اشكرك

mohamed ghalia يقول...

طلعتى بتحلمى فى الأخر
وانا اقول انك عديتى خلاص
هههههههههههههههههه

لاسع افندى يقول...

ههههههههه
بوست دمه خفيف

تحياتى

وردشان smilyrose يقول...

ايمممممممممممممممممممممى وحشتينى

انا دايما متأخرة بس انتى عارفة بقى

ظروف الشغل والرجوع متأخر والمواصلات

وخناقى كل يوم مع بابا بسبب التأخير

ايه دا انا هفضفض انا كمان

والله يا بخته الدنكى لقى برنسس يفضفض

معاها هههههههههههههههههههههه

انتى عارفة فعلا ان لو حصل يوم وقدرت

الحيوانات تتكلم هتحكى

كتيييييييييييير عن قسوة البشر

بوست رائع

دمتى حبيبتى

وردشان

روح الحب الصادق

Kiara يقول...

والله معاكي حق

بجد بيصعبو عليا

شوفي البط العيال بتعمل فيه ايه :)

Kiara يقول...

انا بقي بخاف من اي حيوان او طير
حتي لو عصفوره ممكن اجررررررررررري

Rosie يقول...

شفتى بأه يا أيمى اللى أنت كاتباه ده دليل أن محدش مستريح لا البنى آدمين و لا الحيوانات..فكرتينى بقصة Black Beauty>>دى قصة كده عن حصان و جياته..دى قصة بجد على فكرة...
...عامة الناس لازم تخف عن الحيوانات شوية..

ضحكات الحياة يقول...

السلام عليكم

هى فكرة حلوة و جديدة

و فيها حقيقة مجهولة من كثير من الناس و هى ضرب الحيوانات و التى اصبحت شئ عادى بالنسبة لهم

و فى الختام لا يسعنا الا ان نقول شييييييييييييييي

عاشقه الرومانسيه يقول...

حلو الخيال ده ياايمى
بس دى الحقيقه غير ان الحيوانات مش بتقدر تتكلم وتقول ايه تاعبها
والله عندك حق
لو اتكلموا هيقولوا كتييييييييير
فرصه سعيده ياايمى

جحا المصرى يقول...

ربنا يعينك يادكتور
بس ابقى خدى بالك من أحلامك المرة الجاية هههههههههههههه
أتمنى دوام التواصل

Eno يقول...

حتت حدوته يادكتور بس تحفه فطسطني من الضحك بس والله فعلا انا بيصعب عليه لما اشوف الحيوانات اللي زي الحمار بتتعامل معامله منتهي في القسوه وضرب بجد مبرح ولا كاني الحيوانات دي جماد مش بيحس الرحمه بتقل من قلوب الناس اللي بتعمل كده !

تحياتي علي البوست العثل اللي زي صحبته خالص ده يايمي :)

EMMY BABY يقول...

نهر الحب

البنى ادميين بيعرفوا يعبروا وبيعرفوا يشتكوا ويحكوا فالحمد لله بعرف الاقى حل لكن دوووووول مبيكلموش

منورانى

تحياتى

ايمى

EMMY BABY يقول...

ابوووووووووووووو على


رائع رائع
ممميز مميز
**************
هههههههههههههههه كلاكيت مرتين

اولا باحييكى على السرد والابتكار المؤثر
***************************
ربنا يخليك ميرسى اهم حاجة انه عجبك

المتتبع لايات القراءن نجد ان الله جل وعلا
ضرب الكثير والكثير من الامثال لنا
لتكون لنا عظة وعبرة وتعليم وتهذيب
ويا سبحان الله

كل مخلوقات الله لها حياتها الخاصة وقوانينها
لك ان تنظرى الى النمل حين فقه لغته سيدنا سليمان
كيف كان الحوار شيق حين سمع تحذير النمل من جيش سليمان
*************************
فعلا سبحان الله

ولكن ما يدعوللقلق
هو انحسار العطف بين الناس والتاءلف والتحاب وقولى الود
حتى انعكس ذلك بدوره على تلك المخلوقات المسخرة لنا
فاءصبحت هى تعانى ايضا
*****************************
فاقد الشىء لا يعطيه


ولكن الحل ليس فى ان نتباد الادوار مع الحيوان
ويعطينا هو فيال ريلاكسيشن 4 هيومان
************************
ههههههههههههههههههههه لا ده كان هزار طبعا


استرجاع ملكات الروح و عمل تناسق مع متطلبات الجسد مطلوب وهو الحل
************************
فعلا والله احنا محتاجين نبقى روحنا راقية


انظر هناك وتعجب
كيف كان طعامهم
القليل والقليل
الزيت والخل
وبعض التمر لا يضير
ولكن عيونهم شبعى
وفى المساجد السجدة تلو السجدة
وتقلبهم فيه التسبيح
وتعانق قلوبهم القيام و الديك يصيح
فخضعت لهم الدنيا واتت راغبة
اناتحت الامر ولست طالبة
انظر هناك وتعجب
بغى سقت كلب وكان عطشان
فمابالك بمسلم يحمل القراءن
انظر هناك وتعجب
وانظر الان ولا تتعجب
******************************
مبقتشى اتعجب خالص :(

جميلة عيادة psycho وفكرتها مميزة خصوصا للحيوان
********************
ههههههههههههههه ها ايه رايك ممكن ننفذها بطريقة تانية لو عايز تعرفها اقلى


اشكرك
*************
الشكر لله من بعض ماعندكم

تحياتى

ايمى

EMMY BABY يقول...

محمد غالية

ههههههههههههههههههههههههههههه


لا ده مش حلم ده خيال وقريب ان شاء الله يبقى حقيقة

تحياتى

ايمى

EMMY BABY يقول...

لاسع افندى

ههههههههههههههههههههههههه حلوة الصورة

ميرسى يافندم

تحياتى

ايمى

EMMY BABY يقول...

ورد شاااااااان

انتى كمان وحشتينى اوووووووووووووووى

ووالله انا مقدرة ربنا يعينك يا حبى

وفضفضى براحتك محدش واخد منها حاجة

يابخته الدونكى انك قريتى فضفضته

وميرسى جدااا دانتى اللى برينسس

فعلا الحيوانااااااااااااااااااات كان زمانها صوتت فى وشهم ارحمونى

تحياتى يا قمر

ايمى

EMMY BABY يقول...

كياراااااااااا

هههههههههههههههههههههه اشمعنى البط ؟؟؟؟؟؟؟؟؟

بجد استغربت

بالنسبة للخوف ملقتش حد جبان قدى بحبهم من بعيد لبعيد

يالهوووووووووى فكرتينى ليه

منورانى

تحياتى

ايمى

EMMY BABY يقول...

روزى

منوراااانى

اه والله فعلا محدش مرتاح بس الانسان بيطلع غله فى الحيوان لكن الحيوان هيطلع غله فى مين

تحياتى

ايمى

EMMY BABY يقول...

ضحكات الحياة

وعليكم السلام ورحمة الله وبركاته

ربنا يكرمك الفكرة حلوة لما انتم قرتوها

ههههههههههههههههههه عجبتنى اوى بتاعت شيييييييى

تحياتى

ايمى

EMMY BABY يقول...

عاشقة الرومانسية

انا اسعد

نورتينى بزيارتك

وميرسى جدا على كومنتك فعلا والله الحيوانات بتعانى

تحياتى

ايمى

EMMY BABY يقول...

جحا المصرى

هههههههههههههههههههه ربنا يعينا جميعا

طبعا البوست جاى على هوا جحا :)

ونورتنى واتمنى متكنشى اخر زيارة

تحياتى

ايمى

EMMY BABY يقول...

اينووووووووووو

ههههههههههههههههه مين دى اللى دكتور وفين ايمى بقى

فعلا والله يا اينو الناس محتاجة حبة رحمة فى قلوبها

انتى اللى عثل وثكر كمان

تحياتى

ايمى

عمرو وجيه يقول...

فعلا الحيوانات بتتألم جدا جدا

أينعم هي مسخرة لينا بس برده لازم نهتم بيها أكتر

بوست جميل متناول بطريقة رائعة

بصراحة ضحكني و نقل الرسالة بسلاسة

شكرا ليكي

اسماء واحلام فى وجدانى يقول...

انا مش هاكلمك عن البوست لانى ببساطة هاقولك على جملة واحدة
انا عندى فى البيت 13 قطة

بس خلاص






نفسى اعرف انتى بتختفى فين

غير معرف يقول...

و الله يا إيمى انتى معاكى الحق الحيوانات كلها و خصوصا الحمير و الحصنة بيتعذبوا مننا أوى..ده انتى لو رحتى مرسى مطروح حتشوفيهم ماشين و الدم نازل منهم قد كدة من كتر الضرب

بصراحة لازم يكون فى رحمة شوية ربنا حيحاسب الناس اللى بتعمل كدة






بس ضحكتنى اوى بداية البوست D:

سندس وأمل يقول...

:)

حلو كتير البوست ....احلى حته لما هوا

قالك اقعدى اكنك بتتكلمى مع نفسك:)

سندس

فشكووول يقول...

ازيك يا ايمى

انت عارفه ان الحمير دى اذكى حيوانات موجوده
كنت وانا صغير اركب الحمار وانا راجع من الغيط وانام على ضهره وهو ياخدنى ويروح بى لحد الدار ويدخل على السرير بتاعه (الزريبه)ويقعد ينهق لحد ما اصحى من النوم واحل عن ضهره

تصدقى يا ايمى ان مافيش بلد بتستعمل الحمير الان الا مصر
يعنى زرت بلاد كتير وما شفتش فيها ولا حمار
لكن ما شاء الله فى مصر تلاقيها فى كل حته حتى فى ارقى الاحياء السكنيه فى القاهره تلاقيها برضه بتشد عربيات كارو
بلد اونطه
تحياتى

رؤية يقول...

خيالك جميل وفى محله لابعد الحدوود
وتصويرك للموقف دمه خفيف
بس ياترى
مين بيعانى اكتر
الانسان
ولا الحيوان؟!!

تحياتى

EMMY BABY يقول...

عمرو

منورنى دايما

الحمد لله انك ضحكت

الضحك دلوقتى بفلوس ههههههههههه

ميرسى جدا لكلامك

وشكرا ليك انت على كومنتك

تحياتى

ايمى

EMMY BABY يقول...

اسماء واحلام فى وجدانى

ههههههههههههههههههه بتعمل بيهم ايه

شكلك بتقعد تلعب معاهم

ربنا يخليك ليهم

اما بخصوص الاختفاء والله العظيم تدريب الكلية جه ورا الامتحانات علطول ويادوبك برجع بنام ولو بقعد شوية صغيرين علشان انام بدرى واصحى بدرى

معلش لازم تعذرونى اومال اخوات على الفاضى

تحياتى

ايمى

EMMY BABY يقول...

انا ودماغى

ياااااااااااربى دم كمان هزلت بجد

ليييييييييييييييييه القسوة

ربنا يرحمنا ويرحمهم ويهدينا جميعا

هههههههههههههه عجبك انه عايز يموت نفسه ولا ايه شويريرة انتى نياهاهاها

تحياتى

ايمى

EMMY BABY يقول...

سندس

هههههههههههههههههههههههه ميرسى جدا

هى دى اكتر حتة عجبتك ماشى ماشى D:

تحياتى

ايمى

EMMY BABY يقول...

عمووووووووووو فشكول

انا الحمد لله تمام يارب تكون بخير يارب

بالنسبة لان البلد اونطة فهى اونطة فعلا

بالنسبة للحمير فعلا والله ماشاء الله عليها ذاكرتها كويسة فى حفظ الامكن ولا مرشد سياحى

تحياتى

ايمى

EMMY BABY يقول...

رؤية

منورانى

وميرسى جدا لكلامك الجميل والبوست بقى اجمل بتعليقاتكم

بالنسبة لمعاناة الانسان والحيوان

للاسف نوع المعاناة مختلفة لكن الاتنين بيعانوا والاتنين فى منظومة واحدة

الانسان معاناته النفسية اكبر

لكن الحيوان معاناته الجسدية اكبر

اتمنى دوام التواصل

تحياتى

ايمى

Unknown يقول...

أكيد في مشكلة عندنا في انحنا نبوح في اللي نفوسنا وكأنه عيب

مدونة رائعة وهادفة تقبلي مروري وتحياتي

ويبقى التواصل

موناليزا يقول...

:) سبحان الله تانى موضوع اقرأه النهاردة واكون لسه بكتب عنه
- ارحوا من فى الارض يرحمكم من فى السماء
==
ازيك ياحبيبتى وحشتييينى جدا ويارب تكونى دايما بخير

EMMY BABY يقول...

استاذ معتز
يسعدنى التواصل معك

وميرسى جدا لكلامك ولزيارتك

هو للاسف دى ثقافة شعب وبالرغم ان مفروض الاعلام ركز على النقطة دى بس يظل اللى فى دماغهم فى دماغهم

تحياتى

ايمى

EMMY BABY يقول...

موناليزا

بجد والله انتى كمان وحشانى انا عارفة انى مقصرة بس معلش اعذرينى

اه ساعات بيكون فى توارد خواطر فظيع

اللهم انزل الرحمة فى قلوبنا جميعا

تحياتى

ايمى

بزنس تعيش يقول...

بالنسبة لموضوع الحيوانات انا
حاجة حاجة بتالمنى إنى اشوف واحد نازل ضرب فى حيوان
--------------------------------
بوست لذيذ وفكاهى واسلوب سلس بيوصل للواحد بسرعة
-------------------------------
مع تحياتنا / حازم و هانى

elsha3er يقول...

السلام عليكم انا جيت اسلم بس اللى انتى بتقولية دة فى شئ كبير من الخيال


تحياتى


احمد الشاعر

EMMY BABY يقول...

بزنس تعيش

نورتونى بجد

فعلا شىء صعب والله ببقى نفسى اصوت فى اللى بيضرب الحيوان علشان يسيبه ربنا يهديهم

وميرسى جدا للكلام ده

تحياتى

ايمى

EMMY BABY يقول...

احمد الشاعر

اهلا بيك

بالنسبة للخيال فهو اكيد طبعا خيالى بشكل كبير لان الحيوانات عمرها ماهتقدر تتكلم

انا كنت اقصد من البوست فكرته بس باسلوب مختلف

تحياتى

ايمى

قلب ارهقته الاحلام يقول...

هههههههههههه

البوست جميييل اوي بجد

عجبتني الفكرة اوي والله برافوا عليكي

وفعلا لو الحيوانات اتكلمت هتقول انها بتتألم

سعات لما بلمح دمعة ف عيون قطة واقول لحد بيضحك عليه

بيفتكروا انهم مش بيحسوا بالعكس

يمكن بيحسوا اكتر من كتيرر من البني آدمين

بجد نورتيني ياقمررر ومبسوطة ان عرفت مدونتك

دمتي بألف خيررر

تحياتي ,,,,

Hossam يقول...

Hello
اول مرة ازور المدونة الجميلة دى ومش اخر مرة انشالله
الموضوع بجد رائع لانك نقلتنا حالة بتحصل فعلا بس اكيد احنا مش حاسيين بيها ومحدش عارف الحيوانات بتحس باية وبتشعر باية بس عجبتنى القصة اوى خصوصا اما قالك مددى عل الشازلونج hahahahahhahahahahahah
تحياتى واتمنى نكون اصدقاء

EMMY BABY يقول...

قلب ارهقته الاحلام


هههههههههههههههههههه بجد انتى اللى جميلة اوى على فكرة فعلا انا بشوف حيوانات بتبكى مش تخيلات

بس ميحسش بيهم غير اللى قلبهم مليان احساس

انتى اللى دايما منورانى واتمنى نفضل على اتصال

تحياتى

ايمى

EMMY BABY يقول...

حسام انت فعلا بقت صديق المدونة بزيارتك

وبجد ميرسى جدا للكلام الحلو ده
والحمد لله انها عجبتك

فعلا الفكرة فى اننا مش حاسيين بيهم وده اللى بيخلى ناس كتير تقسى عليهم

نورت المدونة بجد

تحياتى

ايمى