اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الخميس، 13 أغسطس 2009

لحظاااااات


يتأرجح الانسان دائما بين لحظات تحمل الكثير من التناقضات فحينا يشعر بحزن عميق وحينا اخر يشعر بسعادة تغمره حتى انه احيانا يصل الى درجة يشعر فيها انه طائر من السعادة ويشعر ان الابتسامة اصبحت جزء من وجهه لا تفارقه

وبالرغم من هذا لا يتذكر الانسان دائما الا كل ماهو حزين وينسى او يتناسى لحظات السعادة ويعتبرها قليلة فى عمره
ونجد البعض يردد (حياتى كلها حزن وغم )(انا مش عايزة اعيش )(ياااااه الناس بقت وحشة اوى )(الدنيا غدارة )(مبقاش فى صحاب )
بالرغم ان لحظات السعادة اكثر بكثير ولكننا دوما لا نستطيع ان ننسى احزاننا ونجعلها دائما تترك بصمة فى قلوبنا
لماذا لا نتغلب على احزاننا دوما بتذكر لحظات سعادتنا

دعونا نسترجع سويا كم شعر كلا منا بلحظات سعادة

الم تبكى يوما من خشوعك وانت بين يدى الله ثم تشعر بعدها بانك قمة فى السعادة .

الم تساعد يوما شخص ما احتاج اليك ثم شكرك وكنت سعيدا بقضاء حاجته ووضعت رأسك على وسادتك وانت تشعر بكامل سعادتك .

الم تجلس يوما مع اسرتك تضحكون وتتجادلون ثم شعرت كم انت سعيد وسطهم وحمدت الله بأن رزقك خير انيس لك .

الم تجلس يوما الى اصدقاءك لتتسامروا وتضحكون وتحثون بعضكم البعض على طاعة الله

الم ترى المناظر البديعة التى خلقها الله لنا بجلوسك على البحر او بمرورك من على شاطىء النيل او بالنظر الى السماء او القمر ليلا .

الم تشعر بان الله رزقك حبيب حبيبة او زوجة زوج تجدهم دائما الى جانبك يلطفون عليك متاعب الحياة ومشقتها .

الم تحقق يوما ما حلم لك او شعرت بانك تقترب من احلامك يوما بعد يوم

الم ترى ابتسامة طفل جعلتك اسعد شخص ثم تلعب معه وتجد نفسك قد نسيت الحزن الذى بداخلك وشعرت انك طفل مثله .

الم ترى يوما ما نتيجتك مكتوب بها ناجح او تقدير مرتفع وفرحت فرحا شديدا .

الم تكن سعيد عندما انجزت عملا تحبه وحققته بنجاح كامل .

الم تكن سعيدا حينما شعرت بصديق لك يساندك وقت حاجتك اليه .

الم تشعر بكل هذه الاحاسيس يوما ما ومنها ما يتكرر يوميا


عليك دائما ان تتذكر كم من مرات وهبك الله النعم التى تجعلك دائما سعيد وعليك ان تجعلها تترك بصمتها فى قلبك وتجعل الحزن ماهو الا حادث عابر تتعظ منه او تزداد قوة وحكمة
وعليك ان تكن موقنا بان الله يأتى دائما بكل ماهو خير لك .

تحياتى

ايمى

هناك 102 من التعليقات:

موناليزا يقول...

الحمدلله فعلا
فمهما يطول الليل فالنهار يأتى حتماً

المعتصم يقول...

ماشى
معاكِ ان لحظات السعاده كتيرة
بس لحظات الحزن بتوجع قوووى وعلشان كده هى اللى بتأثر فينا ودايما نفتكرها
كلنا عارفين ان الحزن مش بيدوم
ولا السعاده برضو بتدوم
وان الدنيا شويه كده وشويه كده
بس الطبيعه البشريه فينا وخوفنا دايما من المجهول هو اللى بيخلينا نركز على المواجع والاحزان
يعنى دى بقت طبيعه فينا
ونادر لما حد يقدر يغيرها
تقبلى مرورى وتحياتى

SHAPE YOUR LIFE (ABOALI) يقول...

هاحجز تعليق متقدم

علشان انا هانام فى اللحظات دى

وبكره اعلق على اللحظات مرة اخرى

تحياتى

brighltyanny يقول...

سلام عليكم
المعتصم قال كل الكلام اللى كنت بفكر فيه ومش قادره اجمعه مظبوط
بس الاهم ان الواحد يبقى راضى عشان هو ده اللى ربنا كتبه والاهم تانى انه يكون واثق فعطاء ربنا والاهم تالت ان يكون عنده امل فبكره الايام عمرها مهتبقى سوده او خضره على طول الخط الاهم الرابع والاخير ان ابو على بينام كتييير
موضوع محفز ومجدد للنشاط
من الاخر فيتامين
تحياتى

romansy يقول...

ايزيك يا ايمى اخبارك ايه
بس المهم يا ايمى نقدر على اننا نتغلب على حزننا اوقات كتير قوى بيكون مش عاوز تحسس اللى حواليك انك متضايق بالرغم ان جواك حزن كبير قوى
بس بتحاول تدارى
بس برضه بيبان عليك

ستيتة يقول...

وإن تعدوا نعمة الله لا تحصوها
سبحان الله وبحمده عدد خلقه ورضا نفسه وزنة عرشه ومداد كلماته

تسلم ايدك ع التذكرة القيمة جدا دي

مواطن زهقان يقول...

اول زياره
بس ان شاء الله هتتكرر كتير

سماء يقول...

موضوع جميل جدا

ولازم كل واحد فينا يشوف الشىء اللى بيسعدة

اوقد شمعة ولا تلعن الظلام

مع أطيب امنياتى

SHAPE YOUR LIFE (ABOALI) يقول...

هايل حجزت الثالث و ترتيبى التاسع

مش وحش نبص انى كنت الثالث علشان اكون سعادة

السعادة ولحظاتها
دائما تهوى النفس ان تعيش فى رغد
تتجول هنا وهناك بلا رقيب او مدد

فيه سعادة حقيقة لو استطعمها الانسان
عرف انه سعيد فعلا على طول الخط

وهو انه مسلم

فمن كان مسلما بالفعل ايقن انه سعيد
وسيعرف ان هناك رب يقدر المقادير
ويدير مملكته وانه لابد ان نتعرض لتحديات تحفز الهمم وتجبر النفس على المضى قدما فى الطريق


وكلما بعدنا عن الاحساس باءن السعادة هى فى كوننا مسلمين
حدث الانزلاق والترنح
دائما هوى النفس ينظر الى مايقيده ويجعله ضخما
والناس لا تنظر الى ان الثوب كله نظيف ماعدا بقعة صغيرة
ولكنها تنظر الى البقعة الصغيرة وتعمل عليها زووم وتكبرها حتى تترك فيهم تلك النقاط الباهته من الياءس والحزن



فمن فارق من يحب يظن ان تلك نهايته
ومن فارق الاب او الام اعتبرها نهاية الحياه
ومن فارق الابن والابنه او الزوجة
اعتبر نفسها لا شيىء
ومن تعرض لمشاكل فى وطنه اعتبر الوطن كله خاين ووجب الانتقام منه

شوفى على الجانب الاخر
ابتلاءت من سبق

مر احد المارين

فوجد رجل اعمى وعنده شلل وعجز كامل
ويجلس فى الطريق
فسمعه يقول الحمدلله الذى عافانا مما ابتلى به الاخرون

فقال له المار

تحمد الله على ماذا يا هذا

لقد اصبت بجميع الامراض

فقال له


الحمد الله

الذى اعطانى لسانا ذاكرا
وقلب" خاشعا
وجسدا" على البلاء صابرا


اذن عندما نبتلى هناك وجهان للعملة

ولكن فى لحظات الغضب والحزن ننسى وجة العملة الاخر



موضوع جميل جدا يا ستو ايمى الكلام فيه يطول
وما طرحيته من نماذج ولحظات للسعادة
تنبه كل انسان
ان الغالب هو السعادة و الاستسناء هو
المرور بفترات تختبر فيها قوة الايمان


اسعد دائما بوجود الغلطات فى حياتى

خالص تقديرى

طـائر الليــل الحـزين يقول...

الله عليكى يا ايمى
بجد بوست رائع
ومعانيه كبيرة وجميلة قوى
تعرفى انا شخصيا كنت ساعات بقول كده
بس كلماتك فعلا فوقتنى وفكرتنى انا ان شاء الله مش هقول كده تانى
كل سنة وانتى طيبة يا قمرة

حسن حنفى يقول...

اكيد لحظات السعاده اكتر من لحظات الحزن في الغالب بس اعتقد ان الانسان بطبيعته غالبا ميال للتشاؤم ودايما بيحبيحس انه مظلوم :d

قلم رصاص يقول...

السلام عليكم

كيف حالكم دكتورة ايمي

زي ماحضرتك قولتيلي قبل سابق في تدوينتي قبل الاخيرة : انك مش متعودة مني على البوستات الكئيبة دي .. لأني دايما بضحكك

هههههههههههههههههه

انا بقى هعيد الكلام اللي قولتهولي على

مسامعك من جديد.. انتي ليه المرة دي

قلبتهيا دراما ؟!

بس تعرفي والله بوست متميز جدا فوق ماتتصوري والله

والأمثلة اللي ذكرتيها على السعادة وعلى نعم ربنا كلها الحمدلله انا عارفها ومجربها وحاسسها لأني بعيشها كتير

خصوصا لما بكون في معية الله

وخصوصا لما الاقي ضحكة طفل ، والطفل هنا ولاد اخواتي خصوصا عمر ابن اخويا مقدرش اوصف لك مدى احساسي بالسعادة لما اتأمل نعمة ربنا باعطاءه عمر لينا

وخصوصا كمان لما اساعد حد لوجه الله في حدود ما اقدر اساعده بيه ..احساس لايقدر بمال ابدا ..ببقى حاسس اني طاير طاااااااير من الفرح وانا شايف الحد ده أد ايه استفاد بمساعدتي ليه

كل سنة وانتي طيبة ورمضان كريم

طيبتم وطاب سعيكم وممشاكم

Ahmed يقول...

لاننا اتعودنا اول لما نقابل مشكله نقفل الباب ونصرخ ونقول الدنيا وحشه وحزينه

وي ما نكون بندور على الحزن بمنكاش

وعجبي

blue-wave يقول...

الله على كلماتك المليئه بالتفاؤل

Kiara يقول...

والله اللي قةولتيه من اجمل واقو لحظات السعاده

الامل مفتاح الحياه

والامل هو اليقين ان ربنا موجود ومعاك وحاسس بيك

كل سنه وانتي طيبه ياايمي

رمضان كريم

فرفشة الوان يقول...

اةالجمال والعظما دي كلها وايه الاغنية الحلوة دية

فعلا لو الناس تفكر في الذكريات السعيدة فقط سينتشر الحب والسعادة بين الناس لان ساعتها لان يتذكر اي انسان
الكرة لي اخيه

ليس فقيرا من يحب يقول...

السلام عليكم

بوست فعلا جميل جدا

ربنا يكرمك يارب

كل سنه وانتى طيبه يارب

تقبلى تحياتى

فى حفظ الله

أبو كريم يقول...

بسم الله أولا والحمد لله ثانيا

موضوع جميل واحلى ما به أنه يتوافق مع قوله تعالى ( إن الإنسان خلق هلوعا إذا مسه الشر جزوعا وإذا مسه الخير منوعا) صدق الله

بس دى طبيعه البنى أدمين الفرح بيعدى بسرعه والحزن بيفضل فى القلب وممكن اى حاجه تفكرنا بيه


اللهم أرزقنا الرضا بقضاء واليقين بحكمتك والمعونه بالشدائد والصبر على المصيبه وأجعلنا من عباد الرحمن أمين

ضحكات الحياة يقول...

السلام عليكم

الحمد لله الحمد لله الحمد لله
و انا دايما فعلا بحاول اقول كده برده ليه تفتكر لحظات الحزن اساسا خليك مع انهارده و عندك أمل فى بكره

شوفى بوست هايل بصراحة و جميل
عاشت الأيادى

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه


وياريت تضيف اللينك عندك ومش هتندم

مودتى

mohamed ghalia يقول...

يعنى نبطل بقى نكتب ونسيبك تكتبى
طيب اكتب ايه تانى بعد كلامك ده
انتى كده ضربتينى فى السوق خالص هههههههههههههههههههه
ربنا يسعدك دايما يا ايمى

Eno يقول...

يااااااااااه اخيرا افتكرتينا ببوست
كلامك صح جدا ياايمي بس هو يمكن مش بنفتكر الا الوحش اكتر عشان الوحش بيعلم فينا ويجرحنا اوووووووي
عشان كده بيكون الاوضح

لكن اكيد اللحظات الحلوه كتيره جدا في حياة كل حد فين :)

تحياتي علي البوست الحلو ده :)

EMMY BABY يقول...

موناليزا

هذه حكمة الله بان يجعل بعد الليل نهارا

تحياتى

ايمى

EMMY BABY يقول...

المعتصم

انا والله مقتنعة بكلامك ده جداااا مش معنى كلامى اننا ننسى لحظات حزننا

بس مش لازم نسيبها تأثر علينا وتخلينا ننسى ضحكتنا

خليك دايما مؤمن ان المجهول ده بايد ربنا (وتفائلوا بالخير تجدوه) و(انا عند ظن عبدى بى )

يبقى مش لازم نحزن خلينا نعمل اللى علينا ونرضى بنصيبنا ونرجع تانى نتغلب على احزانا بابتسامة جميلة ممكن تحيى قلوب من تانى

انا مبقولشى شعارات صدقنى انا مجربةده والحمد لله دايما بحاول اكون اقوى من اى حاجة تحصلى وارجع ابتسم تانى

ودى برمجة لغوية عصبية لما تبتسم حتى لو مش سعيد غصب عنك هتحس بسعادة

تحياتى

ايمى

EMMY BABY يقول...

ابوعلى

وقت نووم ده هههههههههههههه

تعليقك محجوز ياباشا محدش يستجرى ييجى جنبه اهو

تحياتى

ايمى

EMMY BABY يقول...

brighltyanny

وعليكم السلام ورحمة الله وبركاته

هههههههههههههههههه عجبتنى اوى فيتامين دى

فعلا لازم الرضاوالثقة فى الله والامل فى بكرة

جميل كلامك اوى

بالنسبة لابو على هو محتاج حاجة تعمله ارق وتريحنا ههههههههههه

منورانى

تحياتى

ايمى

EMMY BABY يقول...

رومنسى

انا الحمد لله بخير وانت ايه اخبارتك ؟

بالنسبة لكلامك

هو للاسف بيبان علينا الحزن لاننا غيرنا اللى برة بس لسة حزننا جوانا

حاول تشعر بالسعادة الداخلية اللى هتنعكس خارجيا

نورتنى

تحياتى

ايمى

EMMY BABY يقول...

ستيتة حسب الله الحمش

وتسلم ايدك على الدعاء الحلو ده

نورتينى

تحياتى

ايمى

EMMY BABY يقول...

مواطن زهقان

المدونة تحت امرك فى اى وقت

فقط كلكة وتكون هنا عندنا

تحياتى

ايمى

EMMY BABY يقول...

سماء

جملتك دى هى الاجمل
اوقد شمعة ولا تلعن الظلام


فعلا قبل مانفكر فى المشكلة لازم تفكر فى الحل

نورتى المدونة

تحياتى

ايمى

EMMY BABY يقول...

ابوووووووووعلى

انا بصراحة اللى بسعد بكومنتاتك على غلطاتى

والله انت قلت كلام يتعمل بوست لوحده ويبقى تذكرة حلوة اوى

بان نحمد الله على نعمة الاسلام

ونصبر ونرضا بالابتلاءات

وننسى احزاننا ونذكر نعم الله علينا وكيف نحن الان سعداء

والحمد الله

الذى اعطانى لسانا ذاكرا
وقلب" خاشعا
وجسدا" على البلاء صابرا

تحياتى لكومنتك الجميل يا جدوووووو ابو على

ايمى

الازهرى يقول...

وبعدين بقىىىى ؟
يعنى أبو على يقول كل حاجه كده ويسيب لنا الهواء ولا ايه
لالالالا
احذفى الكلام اللى هو كاتبه ده واكتبيه باسمى لانى ببساطه موافقه على كل فتفوته فيه

كل سنه وانت وكل احبابك وأصحابك فى ايمان وامان وسعاده

EMMY BABY يقول...

طائر الليل الحزين

وحشانى جدا

عاملة ايه

كل سنة وانتى طيبة ياقمر ورمضان كريم

وربنا يكرمك ويسعدك وتشوفى الحياة جميلة وحلوة زيك كدة

وتبقى عصفورة الليل السعيد

تحياتى

ايمى

EMMY BABY يقول...

حسن حنفى

ده راجع لان لحظات الحزن الانسان فيها بيكون اعمق فى تفكيره

وصمته بيريحه من حاجات كتير

تحياتى

ايمى

EMMY BABY يقول...

قلم رصاص

هههههههههههههههه منجلكشى فى حاجة وحشة يا اخويا


فين الدراما دى ده بوست عن السعادة حتى هههههههههههه
ربنا يارب يديم سعادتك دى دايما وتفضل علطول مع الله

وابقى هاتلى عمر العب بيه شوية ربنا يخلهلكم يااااارب

وبجد فعلا احساس انك تقدم حاجة لحد لوجه الله وتنجح فى ده بتحس بمنتهى السعادة فعلا

منورنى دايما

تحياتى

ايمى

EMMY BABY يقول...

احمد ابو العلا

حتى لو مش بيدوروا عليه وهو جه لوحده مش لازم نستسلمله ونفتحله الباب بالدموع والشجن والكابة

ربنا يهدينا جميعا

تحياتى

ايمى

EMMY BABY يقول...

بلو ويف

التفاؤل حلو برضه

يارب الناس كلها تبقى سعيدة

تحياتى

ايمى

EMMY BABY يقول...

كيارتى

زى ماقلنا فوق اهم حاجة الرضا والثقة فى الله والامل فى بكرة

وانتى طيبة يا كيارتى

وكل سنة وانتى طيبة ورمضان كريم

تحياتى

ايمى

EMMY BABY يقول...

فرفشة الوان

اى خودعة اتفضليها نياهاهاها


ويارب الناس كلها تبقى سعيدة

تحياتى

ايمى

EMMY BABY يقول...

ليس فقيرا من يحب

ربنا يكرمك يارب

ويارب يكون البوست عجبك

وكل سنة وانتى طيبة ياجميل

نورتى المدونة
وعلى فكرة اسم الاكونت عاجبنى اوى فعلا الغنى هو من يحب

تحياتى

ايمى

EMMY BABY يقول...

ابوكريم

بسم الله والحمد لله

ربنا يكرمك يارب فعلا هى دى طبيعة الانسان
ربنا يرزقنا السعادة جميعا


اللهم أرزقنا الرضا بقضاء واليقين بحكمتك والمعونه بالشدائد والصبر على المصيبه وأجعلنا من عباد الرحمن أمين
**************
اللهم امين يارب العالمين

كل سنة وحضرتك وكل اسرتك طيبين

تحياتى

ايمى

EMMY BABY يقول...

ضحكات الحياة

وعليكم السلام ورحمة الله وبركاته

لازم تقول كدة والا متبقاش ضحكات الحياة

ربنا يسعدك يارب

تحياتى

ايمى

EMMY BABY يقول...

ريمان ونوسة فى هاكونا مطاطا

ربنا ميجبشى حزن ولا ملل

تحياتى

ايمى

EMMY BABY يقول...

محمد غالية

لالالالالالالالا طبعا ايش جاب لجاب يعنى تبطل تكتب وانت اصلا سورس السعادة نفسه

احنا يادوبك فرع صغير

ربنا يسعدك انت كمان يارب

تحياتى

ايمى

EMMY BABY يقول...

اينوووووووووو

انا برضه اللى افتكرتكم ببوست

طب انتى كمان وحشتنى بوستاتك جدااااااااا

ووحشانى جدا يا اينو

ومعاك ان الحزن بيوجعنا ويجرحنا بس لازم منخلهوش يسيطر علينا

تحياتى

ايمى

EMMY BABY يقول...

ازهرى

هههههههههههههههه لالالالا ياخويا انا مليش فى التزوير

بس فعلا اى شخصية مسلمة بحق لازم تدرك هذه المعانى

وكل سنة وانت وكل اسرتك بخير وسعادة

تحياتى

ايمى

dalia يقول...

ايمي
ازيك وحشاني كل عام وانت بخير
قلتي اننا نمر كثيرا بلحظات سعادة ولكننا لا نتذكرها ونتذكر الاحزان والسبب ان الانسان بطبعة يحب الخير ويكره الشر والالم لا يشفى منه الانسان بسهولة لذلك فهو لا ينسى أيضا بسهولة ،ولكن بتذكر نعم الله كما قلتي فان الانسان تلقائيا يردد الحمد الله وهذه الكلمة بها سحر عجيب يجب ان نرددها دائما بتأمل عميق
تحياتي

رامز عباس يقول...

ازيك يا ايمي


هو مش برضة انتي الدكتورة اللي بخاف من القطط

سنديسووو يقول...

:D:D
جميله اوى بس انا اختلف معاكى فى حاجه

(الم ترى يوما ما نتيجتك مكتوب بها ناجح او تقدير مرتفع وفرحت فرحا شديدا)

عمرى ماحصل معاى كده:Dومع كده

ولا يهزنى...

بس بجدجميله ياايم..:)

سنديسووو

Sweet Violet يقول...

اتفق معاك قلبا و قالبا

كل سنة و انتى طيبة ياجميلة
^_^

مسدس صغير يقول...

ربنا يسعدك فى الدنيا والاخرة

مسدس صغير يقول...

ربنا يسعدك فى الدنيا والاخرة

Tamer Alhosiny يقول...

عزيزتي ايمي

اسمحيلي اهنيكي علي البوست ده
وكمان علي الصورة الاتي استخدمتيها

دي اسمها مايند مابنج
يعني رسم لشيء محدد (السعادة مثلا)
يوضح كل ما يختص به في شكل رسومي
وده طبعا بيقرب المعني ويسهل الفهم
ويوضح الاهمية

تحياتي علي البوست

رمضان كريم عليكي
كل سنة وانتي طيبة

hasona يقول...

السلام عليكم

كل سنة وانت طيبة وبكل صحة وبخير

ورامضاااااااان كريم

،،،
الله ياتي لك بما فيه الخير لك

ولو علمتم الغيب لأختارتم الواقع

ومهما مر بك تتعلم لتكن أقوي ولتربي أولادك علي الاعتماد علي الله في كل أمر

آه من قلبي يقول...

الحياة ملهاش طعم
لو كل اللحظات سعادة عادة
لازم الواحد يدوق الحزن
عشان يقدر لحظات السعادة


أتمنى زيارة المدونة
عشان لسة مدونتني جديدة

مدونتك حلوة اوي

Maryama Qandil يقول...

قريت البوست من بدري فبعتذر يا ايمو عن التاخير في الرد

مبدئيا كل سنة وانتي طيوبة
ورمضان كريم عليكي وعلى مدونتك وعلى الجميع

نرجع للموضوع بقى,,, لحظااات
عمري ما قريت بوست او موضوع بعنوان لحظات وما اتأثرتش بيه
بيختصر حياتنا بكل المقاييس لانه بيسدلها في كلماات

حلوو جدا يا ايمي البوست وجوود لاك
وياارب لحظات حياتك كلها تكون سعادة وخشوع ورضا وتوفيق ونجاااح
:)

أمل حمدي يقول...

كل سنة وانت طيبة يا ايمي

ربنا يجعل كل ايامك فرح وهنا اللهم امين

mahasen saber يقول...

الله ينور عليكى

انا اسعادهعندى بشوفها فى حاجات كتير

اهمها اكيد فرحه فى عين ابنى او حاجه مفيده بيتعلمها جديد

ربنا يسعدناجميعا ونعرف قيمة ما بين يدينا

كل رمضان وانتى بالف خير يا ايمى

وحشانى بجد يا جميله

بنجاواتى يقول...

السلام عليكم

تدوينة لطيفة جدا
جزاكى الله خيرا

بس اللى عايز اقوله كمان ان حتى لو اوقات حزنك وشقائك اكتر من فرحك فالانسان بيجد فى رضاه بهذا البلاء ورضاه بالله سعادة اكبر من اى سعادة

تحياتى

وردشان smilyrose يقول...

السلام عليكم

وحشتينى يا قمر

بجد موضوع رائعة وما اكثر اللحظات

المؤثرة فى حياتنا

ولكنها تمر علينا مرار ؟؟؟؟؟


بجد موضوع فوق الرائع

وبجد فرحت جدا لما لقيتك فى اصدقائى فى

الفيس توك هههههههههه

Rosie يقول...

كلامك فعلا بيحصل مع الناس كلها..بس المشكلة أن ساعة الحزن الواحد بيقى مستغرق فيه لدرجة أنه مش قادر يفتكر أو يفكر فى لحظات السعادة..

سفروتة يقول...

دايما بسأل نفسي عن سبب المزاج اللي الواحد بيبقي فيه ساعة الحزن
بس والله برضه الواحد بيبقي في مزاج ساعة الفرح والسعادة
المشكلة تكمن في ان هل الانسان ده قادر علي انه يتغلب علي لحظة الحزن دي ولا لأ؟؟

وهل وهو في خضم حالة الحزن دي هيقدر يفتكر لحظات السعادة؟؟

ربنا يسعد اوقاتك كلها يا ايمي
دمتي بخير
امووووووووواة
:)

EMMY BABY يقول...

داليا

انا الحمد لله تومام وانتى كمان وحشانى ربنا يكرمك يارب وكل سنة وانتى طيبة

ان الانسان بطبعة يحب الخير ويكره الشر والالم لا يشفى منه الانسان بسهولة لذلك فهو لا ينسى أيضا بسهولة ،ولكن بتذكر نعم الله كما قلتي فان الانسان تلقائيا يردد الحمد الله وهذه الكلمة بها سحر عجيب يجب ان نرددها دائما بتأمل عميق

******************
الله على كلماتك تحمل صدق وكلمات من القلب
ربنا يرزقك سعادة دائمة

تحياتي
ايمى

EMMY BABY يقول...

رامز عباس

الحمد لله تومام وحضرتك اخبارك ايه

ههههههههه ايه لزمة الفضايح دى على بلوجر بقى

مش كفاية فاتيما

منورنى

تحياتى

ايمى

EMMY BABY يقول...

سندووسة

هههههههههههههههههه ياسلام وصلتى لثانوى يامفترية وعمر ماحصل معاكى كدة طب ازاى

المهم انك بتنجحى ياستى مش مهم بقى انه على الحركرك

منورانى

تحياتى

ايمى

EMMY BABY يقول...

سويت فيلوت

اهم حاجة القالب ده ههههههههه

وانتى طيبة يا ضدتى

وهاتيلى فانوس رمضان مش ليا دعوة

تحياتى

ايمى

EMMY BABY يقول...

مسدس طويل p:

اللهم امين

ويسعدك يارب ويسعد جميع المسلمين

تحياتى

ايمى

EMMY BABY يقول...

تاااااااااااااامر

وانت طيب يا تامر ورمضان كريم

وميرسى جدا على الكلام اللى قلته فى البوست وده من بعض ماعندكم طبعا

بالنسبة للصورة فهى فعلا عجبتنى علشان مايند مابينج وزى مانت قلت هتوصل اللى انا عايزة اقوله بسرعة

ربنا يكرمك

منورنى

تحياتى

ايمى

EMMY BABY يقول...

حسونة

وعليكم السلام ورحمة الله وبركاته

كل سنة وانت طيب وبخير انت وكل اسرتك

،،،
الله ياتي لك بما فيه الخير لك
**************
اللهم امين ولك بالمثل

وزى مانت قلت فعلا لازم نربى ولادنا على كدة ونخليهم يمشوا عليها فى كل امور حياتهم

تحياتى

ايمى

EMMY BABY يقول...

اه من قلبى

فعلا لو كل لحظات الانسان سعادة مكنشى حس بقيمتها ولازم منخليش الحزن يضيع القيمة دى مننا حتى وهى معانا


نورتى المدونة

واهلا بيكى فى عالم المدونات

تحياتى

ايمى

EMMY BABY يقول...

رووماتى

وانتى طيبة وبخير وسعادة وكمان ولا تاخير ولا حاجة

وايه يابت العقل ده هههههههه فين شقاوة روما

ميرسى جدا يا مريومة وربنا يجعل حياتنا كلها سعادة وحب واخاء

تحياتى

ايمى

EMMY BABY يقول...

مامتى ماما امولة

وانتى طيبة يا ماما وربنا يكرمك يارب ويجعلك سعيدة فى الدنيا والاخرة

وكل سنة وحضرتك طيبة

تحياتى

ايمى

EMMY BABY يقول...

محاسن

وانتى كمان وحشانى ياسنسن

كل سنة وانتى طيبة انتى وبيرو

وبجد فعلا اسعد لحظات الاب والام وهما بيشوفوا ابنهم او بنتهم بيكبر قصاد عينهم

تحياتى

ايمى

EMMY BABY يقول...

بنجاواتى

وعليكم السلام ورحمة الله وبركاته

فعلا والله لما الانسان بيصبر على البلاء والمصائب ساعتها بيكون فى منتهى السعادة

جميلة كلماتك

تحياتى

ايمى

EMMY BABY يقول...

سمايلى

كل سنة وانتى طيبة يا وردتى

والله وحشانى جدا

انا كمان فرحت لما عرفت انك على الفيس

احنا لازم منخليش لحظات السعادة تمر فى حياتنا من غير ماتسيب بصمتها

تحياتى

ايمى

EMMY BABY يقول...

روزى

مهو احنا لو استسلمنا لحالة الحزن ممكن نقعد بالشهور والسنين واحنا كدة

لازم نكون اقوى من اى حزن يواجهنا

تحياتى

ايمى

EMMY BABY يقول...

سفروتة

حلو خضم دى هههههههههههههه

زى مانتى قلتى دى ترجع للانسان هل هو قوى الارادة بانه يقدر يتغلب على لحظات حزنه ولا لا

ولازم يكون مقتنع داخليا ان دى حكمة ربنا وساعتها هيبقى اسعد انسان

اممممممممواة

تحياتى

ايمى

Unknown يقول...

قرات مرة:
كونك تحيا اليوم
هى نعمة وسعادة يجب
ان تفرح وتســــر بها .
ففى كل يوم فرصة للسعادة
الابدية:دخولك الجنة فلما لا
نفرح بها.

أختكم فى الله يقول...

والله عندك حق

ربنا ينفع بيكى يا حبيبتى

جزاكى الله خيرا

أختكم فى الله يقول...

والله عندك حق

ربنا ينفع بيكى يا حبيبتى

جزاكى الله خيرا

اسماء واحلام فى وجدانى يقول...

ازيك يا بيبى

اتاخرت كتير وادينى جيت

اسلم عليكى واقولك كل سنة وانتى طيبة

رمضان كريم

عاشقة القمر يقول...

سعادة هي ..

لحظة الشعور بالنجاح والانتصار بتحقيق المراد
سعادة هي ..

رؤية الابتسامه والضحكه والفرحه على وجوه الناس والفرح لفرحهمان نرى حرص الناس على طاعة الله والتقرب له بالصالحات والخوف من عقاب الله وغضبه

التعاون المتبادل بين الجميع وتوحيد الكلمه والصف والاخوة والمحبه المتبادله بين الناس
المحاوله عند الفشل وعدم تسرب اليأس بالنفوس والمواصله الى ان يشق طريق النجاح
ياريت نعبيش هذه لحظات بس حاجه يصعب تغل عليه داه لحظات السعادة
امالحزن هولحظات لحظة الشعور بالفشل وعدم تحقيق مراد النفس والاحلام رؤية التعاسة والحزن مرسوم بملامح خطت ملامح التعاسه بين ثناياها

تهاون الناس واستخفافهم بفعل الذنوب والمحرمات دون التفكير بعواقب افعالهم
حزن هو ..

التفرقه وعدم وجود الروح الجماعيه بالتعاون ووجود الحقد والحسد بين مريضين النفوس
قتل العزيمه باليأس وتسرب الاحباط بالنفس لحد اليأس
حزن هو ..

مروركم بدون ان تسعدوني ولو بكلمة تشجيع


بجد بوست رائع كلمااات راائعه

سلمت يمناك

دمت لنا مبدعا

حسن حنفى يقول...

كل سنه وانتي طيبه

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

Kiara يقول...

كل سنة وانتي طيبه ياقمر :)

Mona Shereif يقول...

كل سنة وانتى طيبة يا ايمى
وحشتينى اوى اوى اوى

mahasen saber يقول...

رمضان كريم عليكى يا حبيبتى وعلى كل من تحبين يا ايمى

هندعيلك وانتى كمان متنسناش من صالح دعاكى

oRiGiNaL HeArT يقول...

ايمىىى
وحشتنى مدونتك والله
ووحشنى كمان توارد الافكار :)
كل سنة وانتى طيبة يا حبيبتى :) :*

الازهرى يقول...

تؤتؤتؤتؤتؤتؤتؤتؤتؤتؤ
مش ينفع أكتر من كده

كل عام وانت بخير بمناسبة عيد الفطر المبارك اعاده الله علينا وعلى المسلمين بالخير واليمن والبركات

Unknown يقول...

كل سنة وانتِ
طيبة ياأيمى

EMMY BABY يقول...

نورهاتى

جميلة اوى الجملة بس ياريت فعلا الانسان يقدر يحسها

تحياتى

ايمى

EMMY BABY يقول...

اختكم فى الله

جزانا واياكى

ونفع بيكى ايضا يا حبيبتى

وكل سنة وانتى طيبة

تحياتى

ايمى

EMMY BABY يقول...

اسماء واحلام فى وجدانى

هههههههههههههه ياعم دانا اللى متاخرة

كل سنة وانت طيب

تحياتى

ايمى

EMMY BABY يقول...

عاشقة القمر

والله انتى اللى مبدعة

كلمات جميلة واحلى من البوست كمان

بجد سعيدة جدا بزيارتك واتمنى متكنشى الاخيرة

وكل سنة وانتى طيبة

تحياتى

ايمى

EMMY BABY يقول...

حسن حنفى

وانت طيب وعيد سعيد عليك يارب

تحياتى

ايمى

EMMY BABY يقول...

حسونة

اللهم امين

امين

امين

كل سنة وانت طيب وبخير يارب ودايما منورنى كدة

تحياتى

ايمى

EMMY BABY يقول...

كيارا

وانتى طيبة يا قمرين

امممممممواة

تحياتى
ايمى

EMMY BABY يقول...

منمت

وانتى طيبة يا جميل

وانتى والله وحشتينى اوووووى

تحياتى

ايمى

EMMY BABY يقول...

محاسن

بجد والله وحشانى

وكل سنة وانتى طيبة انتى وبيرو

وانا متاكدة انك بتدعيلى لانك سنسن

بحبك

تحياتى

ايمى

EMMY BABY يقول...

اوريجينال هارتى

وانتى طيبة ياقلبى

وانا كمان فرحت اوى انك رجعتى

ووحشتنى مدونتك

اممممممممواة

تحياتى

ايمى

EMMY BABY يقول...

ازهرى

سماح المرة دى

وانت بخير يارب

اسفة اسفة اسفة

وش بيستعطفك

هههههههههههههه

تحياتى

ايمى

EMMY BABY يقول...

نورهاتى

وانتى طيبة يا دكتور يارب

بجد ربنا يخليكى ليا

تحياتى

ايمى