اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الجمعة، 25 سبتمبر 2009

عندما يحدث يتحول


طبعا كلنا دخلنا فى مناقشات ومحاورات قبل كدة كتييييييير بس اكيد اكيد مش كلنا طلعنا منها مستفدين

بس

فى اللى استفاد انه دمه اتحرق واتعصب ......وفى اللى عرف ان الناس كلها مبتفهمشى وهو الوحيد اللى بيفهم

سبحان الله له ف

ى خلقه شئوون

مفروض اللى اعرفه عن كلمة نقاش انه حوار بيتفتح ما بين شخصين او اكتربيحاولوا يوصلوا فيه فى الاخر لفكرة او حل منطقى

لكن ده يحصل لو احنا اصلا عندنا ثقافة احترام الرأى الاخر وعارفين يعنى ايه نقاش

لكن المعظم للاسف معندهوش الثقافة دى

ويااما بيتعصب لرأيه .....يااما بيكابر يعترف ان رأى اللى بيناقشه هو الصح


ده لو رسى على كدة بس وملقتشى نفسك متعور او محدوف عليك حاجة

فى مناقشات بتبقى مهازل وبتقلب خناقات فى الآخر

وترجع تقول ياريتنى ماكنت اتناقشت من اصله

بس انت اكيد ليك دور فى النقاش ده و ممكن تدير النقاش بمنتهى النجاح وممكن تكون سبب فى فشله

وعلشان تنجح

حاول تكون هادى ......تسمع اكتر ما تكلم........ وبعدين اعرض رأيك ووجهة نظرك

طبعا اللى قدامك هيدافع عن رأيه فى الاول

لاقيته من النوع اللى بيتمسك برأيه وبيكابر وهو عارف انه غلط انسحب من النقاش لانه ساعتها هيتحول لجدال لا يجدى نفعا

يقول الإمام علي بن أبي طالب : " ما جادلت جاهلا إلا وغلبني وما جادلت عالما ًإلا غلبته"

لكن لو لاقيت اللى قدامك بدأ يسمعك ويأخد منك كمل معاه النقاش للاخرر حتى لو مش مقتنع برأيك بس على الاقل احترم النقاش ده وكان محترم فى اسلوبه ومنقاشته

يعنى اللى عايزة اقوله اننا لازم نحترم رأى الاخر حتى لو مش مقتنعين بيه ....لان مفيش رأى صواب 100% كل رأى يحتمل الصواب والخطأ وهنا يأتى دور عقلك فى موازنة الامور والسلبيات والايجابيات وتشوف الرأى ده هو اقرب للصواب ولا للخطأ

{فبشر عباد الذين يستمعون القول فيتبعون أحسنه أولئك الذين هداهم الله وأولئك هم أولو الألباب}
صدق الله العظيم [صورة الزمر: 17،18]

كن حذرا ولا تجعل نقاشك يتحول الى جحيم


تحياتى

ايمى

هناك 46 تعليقًا:

اسماء واحلام فى وجدانى يقول...

نقول

ده اول

تعليق

اسماء واحلام فى وجدانى يقول...

ونقول كمان

التانى

لحد الازهرى ما يجىء

ده لو جه

اسماء واحلام فى وجدانى يقول...

وكمان الحاج

ابولو


والحبايب والجيران

والاصدقاء وكل الاقارب

اسماء واحلام فى وجدانى يقول...

هو تقريبا فى بوست

ولا دى تهيئات

طيب لامة نروح نشوف ايه الموضوع

ولا اقولك نغلس شوية كمان

فين العيدية

القطط محاصرة المكان

سلمى نفسك

LION KING يقول...

هناك اداب للحوار ما احلي ان نتمتع بها

وملحوظاتك غاية في الروعة

تقبلي تحياتي مدونة جميلة

اسماء واحلام فى وجدانى يقول...

مش دايما بنلاقى حد عنده استعداد انه يتكلم ويتناقش او بيكون عنده صبر انه يسمع غيره ،، بنشوف ناس على مستوى عالى جدا من الثقافة ومع ذلك مفيش احترام للاراء او حد اعطاء الفرصة انهم يسمعوا مش عارف ليه بالظبط ،، بعيدا عن الثقافة والتعليم دينا نفسه بيعلمنا كل حاجة بس مين بقى اللى بيعمل به ، احترام الرأى مش ليه دعوة بثقافة الانسان لانه فى الاساس طابع فى الانسان اى كان مثقف او مش مثقف

mahasen saber يقول...

بعد الناس عن الاستماع للغير ورحابة الصدر فى استيعاب ما يقوله ويطرحه الاخر

وبعد الناس عن استيعاب ان فيه وجهات نظر تانيه وان رايهم ممكن يكون غلط ومش صح

وعصبية الناس الزايده وعلو حب الانا عندهم بيعمل مجازر فى النقاش فبيقلب طبيعى لخناقه

mohamed ghalia يقول...

معاكى حق يا ايمى معظم النقاشات بنطلع منها بحرقة اعصاب
ومش بنوصل لحاجة
الحوار ده فعلا فن لا يتقنه الكثيرون

الازهرى يقول...

متفق مع محاسن فى كلامها وكمان اتعلمت من خالى طبع حلو جدا
لما بيلاقى حد بيتناقش عى اساس حتى و مختف معاه بيحبه ويتحمس له جدا ويناقشه وبتكون مناقشه ممتعه
أما المعترض لمجرد الاعتراض ولا اكنه سامعه اساسا
وبيطبق الكلام دا على انا شخصيا

ودا لان اللى عنده رأى مبنى على اساس غالبا بيكون عارف يعنى ايه ادب الحوار

تحياتى دوما

أمل حمدي يقول...

تسلم ايدك يا ايمي

والله عندك حق فعلا

فأنا لا أناقش مطلقا من اعلمه بهذه الصفة

هؤلاء المتحولون ربنا يكفينا شرهم

موضوع هايل

دمت بخير

مهرة سالم يقول...

السلام عليكم ...
إزيك يا غيمي أخبارك إيه....
...
سبحان الله اليوم كنت أشاهد محاضره لدكتور عائض القرني بخصوص الحوار والنقاش ...
.....
شكرا لطرحك...
...
في أمان الله

حسن حنفى يقول...

السلام عليكم

المشكله ان كل واحد بيكون داخل النقاش وهو شايف نفسه الصح ومش مستعد انه يغير رأيه مهما حصل حتي لو اقتنع داخليا انه غلط بيحاول يبقي هو الصح برضه

SHAPE YOUR LIFE (ABOALI) يقول...

تحول المناقشات الى عراك
هى دليل على خواء العقل وفراغه
والكثير يناطع بفعل المكابرة واثبات انه موجود
والاصناف دى موجوده من زمن الجاهلية
الكبر والعناد حتى فى معرفة الله موجوده

ولكن لو عملتى زوم على واقعنا الحالى
نتيجة اننا اشباه متعلمين
نعتمد فى استمداد المعلومة على وسائل الاعلام

وسماع بعض الشيوخ مثلا وبعض ارائهم
من خلال وسائل الاعلام برضوا
فالبعض يظن ان بكده
بقى عنده ثقافه
يناور بها ويتفاخر

ولا يعلم انه فى مرحلة الهذيان لم يتخطاه

اداب الحوار نتعلمها من مصاحبة سيدنا موسى للخضر
انظرى لقول سيدنا موسى
هل اتبعك على ان تعلمنى مماعلمت رشدا

اسلوب فيه شياكة

التناطج والترامى خلال المناقشات بما لذا وطاب
دليل الجهل

البوست وتفاعله مع تلك النقطة بالذات يعطى اشارة
اننا وصلنا الى مرحلة الفذلكة اللفظية
التى تعتمد على الصوت العالى فى اخذ الحقوق بالباطل


تحياتى لقلمك المؤثر الذى يكتب ما نشعر به

romansy يقول...

احترام الراى الاخر
شئ مطلوب
بس يا ترى فيه كام واحد بيحب الراى والراى والاخر
اكيد كل حاجه هتتغير لو احترامنا اراء بعض

Eno يقول...

كلامك صح جدا يابنوته انا متفقه معاكي فيه مش ليه لزوم التعصب في الرأي او فرضه بدون اي مبررات

ونرجع نقول انه الخلاف في الرأي لايفسد للود قضيه وزي ماقولتي بالظبط اني مافيش رأي صح بنسبة 100%:)

تحياتي:)

غير معرف يقول...

و الله يا إيمى البوست ده بجد تحفة

فعلا ناس كتير اوى لازم تبقى فاهمة ثقافة الحوار و ان الافكار لاوم تكون مختلفة..و معاكى حق برضه فى موضوع المكابر ده

فرفشة الوان يقول...

بصراحة كلام عظيم وعايز هدية

موناليزا يقول...

نصائح جميلةولكم من ينفذ
واسمحيلى أذكر حديث النبى صلى الله عليه وسلم حينما قال"أنا زعيم بيت فى ربض الجنة لمن ترك المراء وإن كان محقاً"

كيكى عوووووو يقول...

ياواد ياراسى انتى!!!

Ahmed يقول...

ااااااااااه من النقاش العقيم
ااااااه منه

وخصوصا بأه لما النقاش ده مينفعش تنسحب منه لأنه في صميم صميمات مصاميم شغلك, واللي بيفتي واللي بيحلم ان الموس يطير والكيبورد تزقزق واللي بيتخيل ان الانسان كان في الأصل motherboard وكام RAM
صبرنا يارب

Geo Amr يقول...

السلام عليكم
كل عام وانتم بخير
احنا فعلا لازم نتعلم ثقافة الحوار وكيفية تقبل الراى والراى الاخر واشكرك فعلا على موضوع البوست لانى موضوع البوست كنت من فترة قصيرة اناقش اصدقائى فيه

Rosie يقول...

شكلك دخلت فى نقاش حرق دمك.و معرفتيش توصلى لحاجة..بس عايزة أقولك ده طبيييييييييعى جدا فى مصر...ناس قليلة قوى اللى بتعرف تتناقش نقاش سليم...

طـائر الليــل الحـزين يقول...

ايه يا قمر
وبجد موضوع البوست رائعانا نفسى ساعات مش بعرف افصل وبلاقى روحى اتعصب ومش قابلة اى وجهة نظر غيرى
بس فعلا بعد شوية بدايق من روحى وبحاول اعدل من مودى
تسلم ايدك

ريمان يقول...

للاسف احنا شعب افتقد اداب الحوار والنقاش



المفروض محدش يتعصب لرايه ويبقى انسان مرن يتقبل وجهه نظر الاخرين


المهم انك وحشانى اوى


معلش كنت غايبه فتره كبيره من ع النت بس والله وحشانى

امواااااااااه يا ايمى

ضحكات الحياة يقول...

السلام عليكم

بوست جميل بيناقش الموضوع بموضوعية

و ثقافه فكرية عالية

ضحكات الحياة يقول...

فعلا لازم من أحترام الرأى الاخر و الاستماع اليه

في واحد اساسا مبيسمعش لأنه حتى مش راضي يعطي لنفسه فرصه أنه يسمع أراء الاخرين
ودن من طين و التانية من عجين

و ناس ماشية على مثل
طنش تعش تنتعش ههههههههههههههههه

أعطي كل الوقت للى قدامك انك تمسع كل الكلام اللى عايز يقوله بحيث أنك تقدر ترد عليه

و بلاش الواحد يكابر في الغلط مفيش حد 100% صح

Yusuf يقول...

يقول الإمام الشافعي رحمه الله: ما جادلت أحدا ،. إلا تمنيت أن يُظهر الله الحق على لسانه دوني !!

ده من أدب الحوار اللي احنا مفتقدينه دلوقتي وحل محله الصوت العالي والسفسطة

عرض رائع

تحياتي

المعتصم يقول...

السلام عليكم ورحمة الله وبركاته
ازيك ياايمى
يارب تكونى بخير وفى احسن حال
معلش مقصر انا بس النت كان عاملها معايا
سماااااااااااااااح(ومعاها كمان اختها شيماء وصفاء علشان ماتزعليش)
الموضوع جميل وبيوضح نقطة اننا ماعندناش ثقافة الاختلاف
ومش بنعرف حتى ندير الحوار او النقاش (الا من رحم ربى )
انا شخصيا اما الاقى العمليه سخنت واللى قدامى بداء يفتى وصوته ابتدا يعلى
بنسحب واخلع من الموضوع
لانى بكره الجدال على الفاضى (وسعات كتير وحياتك على المليان كمان)
المهم انا بس كنت معدى قلت اسلم
ســــــــــــــلام

mimi يقول...

إيمي ..

كل سنة وأنتي طيبة ...انا مش قريت البوست علشان خطه صغير أوي ييييييييي

كبري الخط يا بيبي علشان خطك بيبي

اسماء واحلام فى وجدانى يقول...

عارفك بتخافى من القطط

لو مش ظهرتى هابعتلك قطة

قلم رصاص يقول...

السلام عليكم

احييكي على فكرة البوست جدا

دكتورة ايمي .. أحسنتي صنعا لتسليط الضوء على هذا الموضوع

وانا احترم مثل هذه الكتابات العقلانية التي ان لم نخرج منها بفائدة على الأقل لانخرج بخسارة

والموضوع بجد خطير

ثقافة الرأي والرأي الاخر

انها من أخطر امراض العصر في بلاد العرب
.. في بلاد العرب بالتحديد وبالخصوص في مصر المخروسة

فمثلا الحاكم ، عندما يتسلط بفكره ولا يريد الاستاع لرأي الأخرين يمكن ان تحدث كوارث على مستوى الدولة .. مثل الحروب والفشل فيها ..ومثل التخلف الاقتصادي والتردي السياسي والتشوهات الاجتماعية وغيرها .. لأنها امور سياسية

والقياس واجب على الناس العادية

والامر بيكون افدح

وعجبني جدا مقولتك عن الإمام علي

واذكرك وإيايي بمقولة رائعة للإمام الشافعي اتمنى ان تكون نبراسا منيرا لنا في الحوار وعن اقتناع ، حين قال :

" رأيي صوابُ يحتمل الخطأ .. ورأي غيري خطأ يحتمل الصواب "

وللنقاش بقية ان اتيحت لي الفرصة

ودمتي على خير

أبو كريم يقول...

إذا كان كلامك لا يجدى فإستمرارك بالحديث درب من الجنون

لقد خلق الله لنا أذنان ولسان واحد لكى نسمع أكثر مما نتكلم

بوست جميل جدا وجميل استشهادك بكلام الإمام على بن أبى طالب

دمت بكل الخير

SHAPE YOUR LIFE (ABOALI) يقول...

لما غاب القمر

طمنى عليك

Unknown يقول...

مشكلة شعوبنا أنحنا معندناش ثقافة الرأي والرأي الآخر مبنحترمش أراء بعضنا

لازم يبقة في تربية من الصغر على الموضوع ده

ويبقى التواصل

اللى موش عارف يتغير يقول...

افكار جميلة
تفبلو مرورى

عالم حبيب يقول...

صحيح الكلام .. أوقات كتير لما أحس إن الشخص اللي باناقشه مش حابب يسمع باسيبه وسبحان الله بعدها بفترة بالاقيه بيتكلم ومتحمس بالكلام اللي كنت حابب اوصلهوله .. ومهم جدا موضوع ان الواحد يسمع كويس .. الكل بيعرف يتكلم بس قليل اللي بيعرف يسمع

جزاكم الله خير .. تدوينة جميلة

غير معرف يقول...

بسم الله الرحمن الرحيم

السلام عليكم

أنا جديد في عالم التدوين

دي مذكراتي بأكتبها بعد معاناة طويلة مع العادة السرية ,, المرة دي بجد نفسي أبدأ حياة جديدة ,, ربنا يثبتني

خطر على بالي إن دي تكون فكرة مدونتي , إني اشارككم أفكاري وذكرياتي , علشان الاقي حد يقويني ويشجعني , وكمان علشان اللي لسة هايبدأ يغرق في البحر اللي أنا غرقان فيه يلحق نفسه قبل فوات الأوان

أتمنى انكم تقبلوني وسطكم في عالم التدوين

تسنيم محمود حسين يقول...

السلام عليكم ورحمة الله وبركاته

فى حوارات بتخرجى منها محروق دمك ومصدعه وريئك ناشف وحالتك حاله وده بيكون اللى ادامك مش فاهم حاجه فى اى حاجه وعمل يكلم ويزعق كانه ابو العريف وده طبعا مش ممكن تطلعي منه بحاجه...وفى حوارات وده المفروض يحصل ان الأتنين يكونوا فاهمين القضيه اللى بيكلموا فيها عشان يطلعوا بحاجه فى الآخر...وفى نوع تالت انهم يكونوا فاهمين بس واحدفيهم متمسك برأيه ومفيش حد فاهم الا هو....
وفى الأخر الحوار والمناقشه هذة فنون ولا يصلح الكثيرون لهذا الفن..

والسلام عليكم ورحمة الله وبركاته

اسماء واحلام فى وجدانى يقول...

ازيك يا ايمى

هو عشان انا اخدت اول تعليق
تبعدى كده ايه ده بقى
طيب ربنا يطمنا عليكى وترجعى لنا بالسلامة اللهم امين

اقصوصه يقول...

انا احس ان الواحد

حسب حالته النفسيه

مرات يكون صالح للنقاش

ومرات لا :)

اسماء واحلام فى وجدانى يقول...

ايمى

الغلطة المطبعية دى طولت اوى فينك كل ده ينفع كده


كل سنة وانتى طيبة وبخير دايما يارب
عيد سعيد عليكى يارب

مهرة سالم يقول...

كل عام وأنتِ بخير يا إيمي...
وعساكم من عواده..

حفيدة البنا يقول...

السلام عليكم:
إزيك يا ايمى
وحشتينى جدا
انا جيت بس اسلم عليكى لانك وحشتينى
فكرانى؟!
سلام

Tamer Alhosiny يقول...

تصوري انك بقالك فترة مش ليكي ولا حتي غلطة مطبعية واحدة

ايه مش بقيتي تغلطي

طيب اغلطي مرة واعمليها
ههههههههههه


تحياتي تامر الحسيني

الازهرى يقول...

وحدوووووووووووووووووووه

Unknown يقول...

احنا مش بنعرف نسمع الاخر عشان نحترم رأية
فى كتير مننا معندوش حتة السمع اصلا