اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الاثنين، 8 فبراير 2010

فضفضة مع النفس


لما تكون متعود على حاجة من صغرك وعارف ان هى دى الصح ولما تكبر تلاقى الناس معظمهم بيعملوا عكسها ومع الوقت تبدأ انت كمان تعمل الحاجة دى زيهم بس مع احساس ان فى حاجة غلط لان عقيدتك وتفكيرك بدأت تتناقض مع تصرفاتك
ويبدأ الانسان يحتار وتحصل فجوة مابين عقله وعاطفته _اللى خايفة على زعل الناس وبدأت تفكر تانى فى كلامهم _
ولما يختار يسمع كلام عقله لانه الصح يلاقى ناس كتير بيلوموه انه ازاى ميعملشى الحاجة دى ويتهموه انه شخص معقد او غريب الاطوار
وفى اللى يحسسه انه شخص مثالى عن اللزوم مع انه انسان طبيعى بيعمل حاجة عارف ان هى صح
************************************************************
ساعات كتير الانسان بيتمنى لو مكنشى قابل ناس معينين مش علشان هما وحشين ولا علشان هو بيكرهم بالعكس علشان هو حبهم اووووووووى من كل قلبه وكان مخلص فى احساسه ده ........بس للاسف جه الوقت اللى اكتب فيه انه يبعد عنهم لظروف معينة
وتلاقى حاجة معلمة اوى فى قلبك صعب انك تشيلها او تنساها وان كنت بتحاول تتنساها وتعيش عادى لان الحياة لاتقف عند اشخاص معيننين

**************************************************************
عارف لما تكون قاعد وشايف اللى حواليك وهما بيضحكوا على بعض ويكلموا على بعض ويكدبوا على بعض بتحس انك مش قادر تصدق حد رغم انك عندك حدس قوى اوى للتمييز مابين الكويس والوحش بس حتى الناس بقت تعرف تمثل اووووووى انها كويسة
لدرجة انك بدأت تشك فى حدسك انت كمان

ونفس الاحساس ده بيجى لما حد تحصله مواقف وحشة كتير مع الناس بيبقى خايف يعرف الناس بعد كدة لانه اتشكل عنده احساس ان دايما النهاية هتكون خيانة
وكذلك لما حد بيفشل فى كذا تجربة عاطفية بيبقى خايف يحب تانى او يسلم قلبه لحد تانى
****************************************************************
اصعب احساس على الانسان انه يكون محتاج يفضفض اووووى ويكلم.. بس فى نفس الوقت مش قادر يكلم مع حد لانه متعودشى يفضفض مع حد غير نفسه واحيانا لخوفه من الناس او لخوف ان الناس دى متكنشى كتومة بالقدر اللى هو محتاجه
**************************************************************
عارفة انه بوست غريب حتى اسلوبه كمان غريب تحسوا حد مجنون كدة اللى كتبه وخاصة بعد غياب المدة دى كلها ربنا يكون فى عونكم بقى نياهاهاهاهاها
بجد احب اشكر جدااااااااا الناس اللى سئلت عليا فترة انقطاعى واحب اشكر اللى مسئلوش برضه عاتى جدااااا اكيد مشغولين
واتمنى متكونوش نسيتونى
طبعا محدش يقدر انا عارفة p:
***********
تحياتى
ايمى

هناك 38 تعليقًا:

شمس النهار يقول...

مين اللي قال انه بوست غريب او حتي اللي كتبه مجنون
ده بوست ميه ميه

كل كلمة فيه طالعه من قلبك

والدنيا فعلا بقت كده

الصح بقا غلط والغلط بقا صح

والناس بتتجنن لما تلاقي حد صح

بتحب تخليه غلط زيها

حتي العيون اللي كنتي تقدري تعرفي منها مشاعر وصدق اللي بيكلمك
بقت خلاص
متمكنه من التمثيل ماعاها اوسكار تمثيل وعدسات لاصقه

سلامي

الازهرى يقول...

خيانه
أا هنا من بدرى المفروض أنا الأول

الازهرى يقول...

فى الحقيقة مش عارف أقول إيه

الكلام طالع من القلب وكله صدق وده غير الجنون
الجنون فعلا ممكن نوصله زى ما قلتى لما يبقى جوانا حاجات كتيييييييييير ومش عارفين نفضفص بيه للناس لإننا ما تعودناشكده أن عايش الموضوع ده فى حياتى كتير بيكون جوايا كلام وساكت

وصدقينى احساس الغربة ده بقى ناس ناس كتير عايشاه ويمكن ده من اسباب لجوء كتير من الشباب لحاجات غريبة يحاولوا يملوا بيها الفراغ الداخلى عندهم

فاكره صلاح جاهين لما قال
أخرس لكن قلبي مليان كلام

الازهرى يقول...

على العموم

حمد لله على السلامه
واحتفالا برجوعك
انا سايب المكان وماشى فى اجازة

ما ه يا انت يا انا فى المكان ده
انما اقعد وتتحدوا علىصعب


سلام

adel يقول...

كنت هاكتب الرد
لقيت شمس النهار كتبه بالملي :)

هو فعلا بوست عادي مش غريب :)

ريمان يقول...

السلام عليكم

والله كلام مش غريب ابدا

على فكره دى مش مشكلتك انتى بس

والله كتير مننا بيعانى

عايش... ولكن !!!! يقول...

يا مساء الورد
ازيك وحشاااااانى جدا
اخبارك ايه
ايه ؟؟؟؟
مش باين يعنى انك كويسه
فكيها شويه وبلاش كآبه
اكتر من كده وربك بيزيح
عادى كل اللى انتى قولتيه ده بيحصل لينا تقريبا كل يوم
بس اهم حاجه تعرفى تتعاملى
انتى شكلك عاوزه تاخدى كورس تعليمى من الباش مهندس علاء :) ههه
ابقى طمنينى عليكى بقا
سلام

romansy يقول...

بعد كل الغيبه دى ترجعى من غير لا سلام ولا كلام الدراسه غيرتك قوى قوى كده ماشى يا ستى ايمى
انتى كنتى قبل كده عايشه ازاى يا ايمى الحياه كده من زمان بس منكرش انه فيه ناس كتير كويسه قوى قوى
بس المشكله انه قليلين
كل ما تكبرى يا ايمى هتعرفى اكتر واكتر فتحى عيونك وبصى للدنيا بمنظورجديد

SHAPE YOUR LIFE (ABOALI) يقول...

جميل ذلك التاءرجح العقلى
وهو شيىء ايجابى لاءنه بيدل انى لسه فيه عقل مفكر وعاوز يعرف تفسير لاحاسيسه
ويحتاج الى من يرشده او فقط يضىء له عمود نور

دايما اقول ان هناك بعض الانوار ثابتة لا تتغير مهما كان غلاف السكر الذى ارد البعض ان ينسجه حول تلك الثوابت

محاولين الالتفات عليها لكى تناسب الاهواء

الجميل ان نفوت الفرصة تلو الفرصة على هولاء وفى ثبات

بنور اليقين والايمان والفهم الواقعى للحياه

ف الحياه مهما طالت وقصرت دار للاختبار لدار بقاء


التسلح بمهارات المعرفة والهاب حماس الامل والبصيرة مطلوب

بوستك وكلامك رائع فهو يزغزغ احاسيس

نريد احيانا ان تتوافق مع اهواءنا
وفى الناحية الاخرى يقف عمود نور يقول انا هنا وهذا هو طريقك الصحيح


تحياتى يا ايمى وتقديرى وموفقة دائما

Rosie يقول...

أولا حمد الله على السلامة..بجد نورتى النت والدنيا كلها..كنتى فين يا بنتى من زمان...وحشتينا بجد
ثانيا أنت فظيعة
و ثالثا برده أنت فظيعة
و رابعا بقى انت فظيعة..ازاى أنا أبقى بفكر فى الحاجة و الاقيكى انت اللى كتباها..بجد مش ممكن أنا حاسة انك بترجمى أفكارى..بالذاتالحتة بتاعة الصح و الغلط ديه..و مش غريب و لا حاجة ده الطبيعى اليومين دول..

غير معرف يقول...

من حقك تكتبى اللى انتى عوزاه
كفايه انك تكونى حاسه الكلام وطالع من جوه

الناس ياما بتقول ومبيعجبهاش العجب

عيشى واكتبى اللى يعجبك زى مانتى عاوزه

طول مانتى صح محدش يقدر يقول نص كلمه

غير معرف يقول...

البوست ده لسنى اووووى

وكانى حاسة بكل كلمة وانا بقرا

ياااارب تكون امورك بخير وتكونى مبسوطة دايما وحمد لله على سلامتك ومتغيبش كتير

قلم رصاص يقول...

انا جي اقول حمدلله على السلامة
ونورتي المدونة من جديد

ولنا عودة للقراءه بتمعن والتعليق ان شاء الله

سلاموا عليكوا

مـجـنـووون يقول...

اولاً : حمدالله علي السلامه

ثانيا : مين قال ان ده جنون
بالعكس دا عين العقل
عندك حق دي حاجات جوانا وبنحس بيها وانتي قدرتي تطلعيه وتفكرينا بيها


اصعب حاجه انك تتمني انك متكنش قبلت ناس قبل كده

تقبلي مروري
مجنووون

Unknown يقول...

ايمى ازيك
فينك يا بنتى وحشانى جدا
انتى بتقولى حاجات ساعات بنقولها بينا وبين نفسنا كتير ساعات بنتمنى اننا مش نقابل حد حبناه اوى
لاسباب كتيرررررررررررررررر

والبوست مش غريب لانى زى ما قلتك قلتى اللى كتير بنقولة لنفسنا
تسلم ايدك يا قمر
ويارب اشوفك قريب

EMMY BABY يقول...

شموسة

والله انا نفسى اشوفك جدااااااا وكنت باكل فى نفسى انكم عملتم لقاء وانا كان ورايا امتحان كان نفسى فعلا اتعرف عليكى

ههههههههههههههههههههههه عجبنى اوى تعليق اوسكار وعدسات لاصقة ده

عارفة والله يا شموسة انا مستغربة اوى حالنا ومبقتشى عارفة الغلط فين ولا فى مين او بمعنى اصح نفسى نرجع زى زمان كان الصح صح والغلط غلط ومفيش رمادى

بجد سعيدة بمرورك ده

تحياتى
ايمى

EMMY BABY يقول...

الازهرى

هههههههههههههههههههههه تستاهل علشان تحرم متكتبشى بسرعة سرعوا ايديكم بقى كسفتونا

EMMY BABY يقول...

ازهرى تانى بقى يوووووه

فعلااااااااا والله يا ازهرى احنا مخروسين واحنا جوانا كلام كتير اووى بنضحك واحنا جوانا شجن بنفرح واحنا جوانا حزين

مع اننا والله العظيم عمرنا ماكنا متشائمين

تعرف انا بعد كومنتاتكم على البوست ده حاسة انى بدور على مصدر اللى احنا فيه اصل مش معقولة كلنا حاسين بغربة فى وسط بعض اكيد فى حاجة تقربنا وتربطنا سوا بس ايه هى

مازال السيرش جارى D:

تحياتى

ايمى

EMMY BABY يقول...

ازهررررى

لالالالالالالالالالالالالالالا لو لازمن ولابد حد فينا يقعد يبقى انت اولى طبعا ............انك تمشى

نياهاهاهاها

لابجد لو زعلان من وجودى مش همشى برضه هى غلاسة بقى هه

لا بقى خليك بجد حتى نحتفل سوا برجوعى بعد غياب طويل

ايه الناس دى

مفيش غياب انا حذرتك اهو

تحياتى

ايمى

EMMY BABY يقول...

عادل

ههههههههه كنت اكتبه انت بالسم او بالمتر مش لازم بالمللى

هو انا مكنتش قاصدة بصراحة غريب فى افكاره بس هو اسلوب ونوع جديد على مدونتى

منور يا باشا

تحياتى

ايمى

EMMY BABY يقول...

ريمان

مهى دى مصيبة مهو طالما كلنا بنعانى يبقى اكيد كلنا مشتركين فى اللى بيحصل

بحاول افهم

تحياتى

ايمى

EMMY BABY يقول...

علااااااء

مساء الفل يا باش مهندس

كيفك ؟طبعا قهوة شكلك باين عليه مدمن هههههههههههههه

مين اقلك بس انى مكتئبة يابنى مش شايف الشر اللى عم المكان من ساعة ما وصلت

ال كورسات ال دانا هنزل كتب وقواميس فى فك شفرات الناس وتتحايل عليا كدة اديك نسخة وانا مرضاش ههههههههههههه

انا الحمد لله بخير

وميرسى جداااااااا ليك

تحياتى

ايمى

EMMY BABY يقول...

رومنسى

اهلا مرحبا كيفك شو اخبارك انسالله مليح وزين

يلا يا سيدى سلامات وطيبون اهو مش حرماك من حاجة

انت عامل ايه واخبارتك واهراماتك ووفدك

منور المدونة على اساس انك لمبة يعنى ههههههههههه

احم احم كفاية هزار
ندخل فى الجد


المصيبة انى لما بفتح عينى بتعب فبحاول اقفلها حبة علشان قلبى يعرف يعيش فيها

بكرة اكبر ومبقاش بيبى

تحياتى

ايمى

EMMY BABY يقول...

جدوووووووو على وصل

ازيك يا جدوووو عامل ايه

حسيت من كومنتك مرة انى فى دريم بارك لما قلت يتارجح ومرة ان حد بيزغزغنى فى كلمة يزغزغ

ههههههههههههههههه حلوة كلماتك دى والله بجد مش تريقة علشان انا عارفة انك دايما تفهمنى صح


والفهم الواقعى للحياه.... دى مصيبتى مهو الواقع مؤسف يا ابوعلى او المشكلة فيا لانى عايزة الكون كله يمشى صح وانا متاكدة ان ده استحالة هيحصل طب ليه بقى بضايق لما انا عارفة انه مش هيحصل ساعات والله ببقى عاذرة اى حد يقول عليا مجنونة لانى ساعات بحس نفسى كدة ههههههههههه

وساعات كتير بحس انى محتاجة حد يفهم احاسيسى المتشابكة بس نادرا ما بلاقى الحد ده وان تواجد مش كل مرة هيفهم الاحاسيس دى

فعلا انا لما كتبت البوست ده كنت محتاجة اسمع كلامكم ده لان كومنتاتكم ليا هى دى عمود النور اللى انا بحتاجه

انا بحس ان كل كومنت ليكم بيعلمنى حاجة وبيخلينى افهم حاجة وبالتالى بيزداد العمق فى التفكير والتامل

هههههههههههه يابنى انت ايه اللى جابك هنا غاوى صداع انت انا عارفة

بجد ربنا يكرمك لانك فى اوقات كتير كنت العمود بالنسبالى

تحياتى

ايمى

EMMY BABY يقول...

روزى والله انتى عثل خلتينى اضحك

الله يسلمك يا روزتى ........كنت فى غيبوبة من الامتحانات اللانهائية فعلاا بالمعنى الحرفى ...وانتم والله وحشتونى اوى

ههههههههههههههههههه انا فظيعة مريعة شنيعة اى خودعة ولا تزعلى نفسك

فى بينا توارد افكار لانى لما بدخل مدونتك بحس بنفس احساسك ده وبحس ان كلام حد فينا هو نفسه وصف للتانى

نورتى المدونة

تحياتى

ايمى

EMMY BABY يقول...

حنين

منورة المدونة

فعلا الناس مش بتتفق على رأى واحد بس احنا بنحاول ناخد برأى الاغلب لو كان اصح

شكلك بتعانى من الناس اوى هههههههههههه او بمعنى اصح جربتى كتير

تحياتى

ايمى

EMMY BABY يقول...

ستار فى السما D:

جميل ان الكلام لمسك وان كنت متمناش لحد الاحاسيس دى

نورتى المدونة

وحاضر مش هغيب تانى ان شاء الله والله يسلمك

تحياتى

ايمى

EMMY BABY يقول...

قلم رصاص

الله يسلمك يا قلم

وده نوركم انتم والله المدونة بتبقى ضلمة من غير تواجدكم فيها

منتظرة عودتك

تحياتى

ايمى

EMMY BABY يقول...

مجنوووووووون

الله يسلمك

انت عامل ايه واخبارك ايه يارب تكون بخير

ههههههههههههههه طبعا الجنون هو عين العقل وخاصة بعد لما عرفتك

ربنا ميكتبشى على حد يتفرق عن حد بيحبه ابداااااا

تحياتى

ايمى

EMMY BABY يقول...

نهر الحب

الحمد لله تمام انتى كمان وحشانى والله مش بشوفك على الفيس زى الاول

عاملة ايه ؟

والله فعلا الفراق عن الاحبة ده صعب اوى ربنا ميكتبهوش على حد

يارب ان شاء الله اشوفك قريب

تحياتى

ايمى

mohamed ghalia يقول...

دى فضفضة طالعة من القلب أوووووووى
عشان كده هتلاقى الكل حاسسها
حمدا لله على السلامة
نورتى بيتك تانى

غير معرف يقول...

ساعات كتير الانسان بيتمنى لو مكنشى قابل ناس معينين مش علشان هما وحشين ولا علشان هو بيكرهم بالعكس علشان هو حبهم اووووووووى من كل قلبه وكان مخلص فى احساسه ده ........بس للاسف جه الوقت اللى اكتب فيه انه يبعد عنهم لظروف معينة
وتلاقى حاجة معلمة اوى فى قلبك صعب انك تشيلها او تنساها وان كنت بتحاول تتنساها وتعيش عادى لان الحياة لاتقف عند اشخاص معيننين




أنتى وجعتينى اوى بالكلام ده
فعلا اكتر حاجة اتمنتها :(

elsha3er يقول...

السلام عليكم

يارب تكونى بالف خير دة لو لسة فكرانى

تحياتى

احمد الشاعر

أبو كريم يقول...

بالعكس بقى البوست دى أغلبنا ومش هقول كلنا حاسينه قوى لانه ملازمنا قوى اليومين دول... وكنت بتكلم مع واحد صاحبى عن صورة المدرس الى كنا بنعجب بيه بإلتزامه وكنا بنخاف يشوفنا بنلعب خارج المدرسه ...والمدرس دلوقتى .. ومهن تانيه كتير


تحياتى

EMMY BABY يقول...

محمد غالية

الله يسلمك منور باصحابه

هو فعلا طالع من القلب والحمد لله انه وصل

تحياتى

ايمى

EMMY BABY يقول...

انا ودماغى

والله مكنت قاصدة اوجعك ولا اوجع اى حد فيكم بس هو حظكم كدة معايا

معلثى

تحياتى

ايمى

EMMY BABY يقول...

الشاعر

وعليكم السلام ورحمة اله وبركاته

اكيد طبعا فاكرك الناس الكويسة مبتتنسيش

تحياتى

ايمى

EMMY BABY يقول...

ابو كريم

مهو للاسف الوضع ناو بقى صعب اووى وحاسة انه مش هيرجع تانى بس اتمنى ميزددشى سوء عن كدة

منورنى والله

وسلملى على كريم

تحياتى

ايمى