اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأربعاء، 23 يوليو 2008

ولا بيا ولا عليا لاقيت التاج مابين ايديا

كان يامكان فى يوما من الايام فى سالف العصر والزمان كانت هناك فتاة تسير فى الطريق فاذا بها تجد طفل يبكى فاقتربت منه وقالت له ماذا يبكيك ياحبيبى الصغير قال لها ماما تاهت منى فسألته عن اسمه فقال لها ابن سفروتة فقالت له تعنى ان امك تدعى سفروتة قال لها نعم فقالت له واين تعيش قال لها فى كوكب السفاريت شارع سفروت الكبير فقالت له اذن فلتأتى معى ساعيدك لامك فاذا بها تستقبلها وهى ترى ابنها معها فاستقبلته بحرارة ام مشتاقة لابنها فجريت عليه واحتضنته وشكرتها كثيرا وقالت لها ساقدم اليكى تاج وهو تاج مملكة السفاريت فانتى حقا تستحقينه لانك اعدتى الى هذ ا العفريت الصغير

والمفاجأة هى اننى انا الفتاة


وكان هذا هو التاج




ولكنها قالت لى لكى تحصلى على هذا التاج فلابد ان تجيبى على هذه الاسئلة

وكان الحوار بيننا كالاتى

من الذى دبسك فى هذا الواجب ؟

انتى ادرى لانك اصلا انتى اللى مدبسانى فيه ولو ناسية اسمك فانتى سفروتة ملكة كوكب السفاريت

ثانيا اذكر القوانين المتعلقة بالواجب ؟

اولا انى احافظ على التاج لحد مااموت

ثانيا انى مقلعهوش غير وانا هنام

ثالثا اقعد ادعيلك فى الصلاة



اذكر ستة اسرار قد لا يكتشفها من يقابللك للمرة الاولى ؟

فى ناس بتقول عليا هادية وبعد كدة يكتشفوا

انى


شعنونة جداااااااااااااااا واحب اناغش فى اللى قدامى

لمضة جدا وخدت لقب لمضة لماضة وحصلت على لقب ايمان اللمضة برضه

رغاية جداااااا بحب الرغى بس لو مستمتعة بالكلام

بحب الهزار والضحك اوى اوى

رومانسية بس مبيعرفش الحكاية دى غير اللى يعرفونى

سوسة زى مابيقولوا عليا ولما اسفسرت عن هذا المعنى قالولى انى ذكية ولماحة جدا يعنى باخد بالى من حاجات محدش بياخد باله منها وبربط الاحداث ببعضها ومن هنا طلع عليا اسم
(ايمى اتش ار )

وقالت لى احدى صديقاتى والتى تدعى المدونة سفروتة مؤخرا انى داهية مسيحة ولمضة ((=

رابعا اذكر 16 صفة عن نفسك

اوكى احنا كدة قلنا 6 يبقى فاضل 10

بصوا بس بداية كدة والله انا هقول اللى الناس بتقوله عليا علشان مفيش حد بيوصف نفسه


عصبية جدا يعنى لو نرفزتنى ابعد عنى احسنلك بس بهدى بسرعة

تعبيرات وشى بيبان عليا جدا يعنى لو فرحانة ببان ولو زعلانة ببان ولو متضايقة من شخص ممكن يبان عليا بسهولة

مبحبش الخصام خالص ومبحبش حد يزعل منى نهائى

ولو زعلت حد ممكن اروح اصالحه بسهولة حتى لو كنت حاسة ان هو اللى غلطان فى حقى بس برضه على حسب الموقف


دموعى قريبة جدا ولو شفت حد مضايق بحاول اضحكه باى شكل مبحبش ابداااااا اشوف حد مكشر او زعلان

عندى الحاسة السادسة قوية وبحس بالناس اللى حواليا

مبحبش شغل البيت وببوظ الطبيخ هههههههههه بس هتاكلوا يعنى هتاكلوا مفيش مقاومة البيت كله محاصر


كتومة جدا والحمد لله معظم الناس تقريبا بيرتاحوا فى الكلام معايا ويحكيلوا مشاكلهم


الناس بتقول انى بيبى فى روحى وسابقة سنى فى عقلى ومن هنا طلع عليا اسم EMMY BABY


عفوية وطيبة جدا بس ساعات بكون شريرة وقت اللزوم بس

بيقولوا ان شخصيتى قوية بدون سيطرة ولا ديكتاتورية ولبقة فى الكلام وبعرف اقنع اللى قدامى بدون خناق وقالوا برضه بعرف اريح اللى قدامى


كفاااااااااااااااااااااااااااااية بقى مكنش تاج ده زهقتكم انا عارفة بس قدركم وقدرى


خامسا مرر هذا الواجب الى ستة مدونين

Nonni

المبرمج المحترف

نعكشة

ابراهيم

Original heart

Cold air





هناك 24 تعليقًا:

سفروتة يقول...

هههههههههههههههههههههههههههه
ههههههههههههههههههههههههههههه
ههههههههههههههههههههههههههههه
ههههههههههههههههههههههههههههههه

والله انا هفطس علي روحي من الضحك

بس ده ميمنعش اني برضه هديكي 9من عشرة عشان الطبيخ اللي بتبوظيه

اما الصفات بقي فعشان تقريبا احنا واحد باختلاف بعض الحاجات ..فانتي صادقة في كل اللي قولتيه يا بنتي

يللا عقبال ما تلاقي ابني التاني تايه هو الاخر وترجعيه ليا وادبسك في التاج التاني

هههههههههههههههههههههههههه

سلامات يا بنت انتي

Tamer Alhosiny يقول...

اولا احب اشكر التاج ده
لانه اجمل ما فيه بيخلينا نعرف بعض اكثر

ثانيا انا سعيد جدا باني عرفت صفات جميله
زي الطيبه والرومنسيه والرغي
هههههههههههههههههه

بس المشكله هي محددتش لما تبقا عصبيه نبعد كام متر علشان مش نبقا في المجال التدميري لعصبيتها
هههههههههههههههههه

انا بجد سعيد جدا اني بعرف ناس جميله من خلال المدونات

اما بالنسبه لشغل المطبخ فالمجني عليه الاي هيبقا الضحيه في المساله دي
ربنا يكون في عونه
البيت كله محاصر
هههههههههههههه

ربنا بقدره ومش تستخدم الشر بتاع وقت الزوم

تحياتي
انسان عاشق حر
تامر الحسيني سابقا

EMMY BABY يقول...

سفروتى الصغيرة


كل ده ضحك ههههههههههه خلتيى اضحك على ضحكك ياشيخة


ربنا يخليكى ليا 9 مرة واحدة ولا على ممرتين

متخافيش مش هلاقى عيال تايهة تانى ولا شفت حد بيعيط هعمل ولا كانى شايفه هههههههههههههههه

نورتينى ياسفروتة

تحياتى

EMMY BABY يقول...

تامر

اولا احب اشكر التاج ده
لانه اجمل ما فيه بيخلينا نعرف بعض اكثر



ميرسى على الكلام الحلو ده ربنا يكرمك


بس المشكله هي محددتش لما تبقا عصبيه نبعد كام متر علشان مش نبقا في المجال التدميري لعصبيتها
هههههههههههههههههه


اختفى من المكان خالص وتعالى بعد 10 دقايق تانى هههههههههه




اما بالنسبه لشغل المطبخ فالمجني عليه الاي هيبقا الضحيه في المساله دي
ربنا يكون في عونه
البيت كله محاصر
هههههههههههههه

ربنا بقدره ومش تستخدم الشر بتاع وقت الزوم



هههههههههههه هو يشترى اكل ديلفيرى ويريح دماغه وخلاص

ولا اقلك يتصل بنمرة 07777777777777799

ويطلب عروسة ديلفيرى ههههههه

تحياتى

blue-wave يقول...

ههههههههههههههههههههههه
والله حلو التاج ولايق عليكى
تحياتى

abo salah يقول...

بعد السلام عليكم

التاجات دى نعمة فعلا
بتعرفنا على اصحابها

خاصة لو حد زيا جاى فى أول زيارة

عجبتنى اوى صراحتك وصفاتك
وشخصيتك ظريفة

وأشكرك جدا على تشريفك مدونتى المتواضعة
وأتمنى دوام التواصل

تحياتى

Cold air يقول...

السلام عليكم

ازيك يا إيمي..يا رب تكوني بخير
اولا أبدي إعجابي بالمقدمة الهايلة و الخاصة بكوكب السفاريت

اما بالنسبة لباقي البوست فأنا سعيد بالتعرف علي صفاتك و شخصيتك الرقيقة و اللذيذة و العفوية دي
و سعيد كمان بالتاج اللي بعتيه
و حقيقي أنا استلمت جزء منه قبل كده و حليته بس متقلقيش في أقرب فرصة بإذن الله هحاول أحله مرة كمان ويبقي دبل ^_^

معى تحياتي

EMMY BABY يقول...

BLUE WAVE

ههههههههههههههههههههههه
والله حلو التاج ولايق عليكى
تحياتى

**********************

ميرسى خالص يا دكتور
عمرو

ونورت المدونة بهذه الجملة الصغيرة ان شاء الله مصيرها تكبر هههههههه

تحياتى

EMMY BABY يقول...

ابو صلاح

بعد السلام عليكم


وعليكم السلام


التاجات دى نعمة فعلا
بتعرفنا على اصحابها

خاصة لو حد زيا جاى فى أول زيارة

عجبتنى اوى صراحتك وصفاتك
وشخصيتك ظريفة

ربنا يكرمك ميرسى اوى على الكلام الحلو ده ويارب يكون البوست عجبك ونورت بجد المدونة

وأشكرك جدا على تشريفك مدونتى المتواضعة
وأتمنى دوام التواصل

اكيد ان شاء الله

تحياتى

ايمى

EMMY BABY يقول...

COLD AIR

السلام عليكم

وعليكم السلام

ازيك يا إيمي..يا رب تكوني بخير
اولا أبدي إعجابي بالمقدمة الهايلة و الخاصة بكوكب السفاريت

ربنا يكرمك ميرسى خالص المهم انها عجبتك

وانا الحمد لله بخير شكرا جدا على سؤالك

اما بالنسبة لباقي البوست فأنا سعيد بالتعرف علي صفاتك و شخصيتك الرقيقة و اللذيذة و العفوية دي

من بعض ما عندكم

ميرسى خالص والله

و سعيد كمان بالتاج اللي بعتيه
و حقيقي أنا استلمت جزء منه قبل كده و حليته بس متقلقيش في أقرب فرصة بإذن الله هحاول أحله مرة كمان ويبقي دبل ^_^



ربنا يعينك ههههههههه


تحياتى

ايمى

Ahmed Atia يقول...

جميل ايمى بيبى كالعاده الى الامام دوماً

احمد عطيه

EMMY BABY يقول...

احمد عطية عندنا يامرحبا يامرحبا

نورت والله

ومبروك على دخولك عالم التدوين

تحياتى

ايمى

زى الهوا يقول...

هههههههههه , اجاباتك جامدة

ادم المصرى يقول...

ههههههههههههههههههههه


يا بنتى ايه دبسك فى التاج ده

ما كنتى سيبت الولد ومشيتى بسرعه اول ما لاقى امه

بيقولك امه سفروته منتظرة ايه


يلا معلشى يا قمرررر انت برده بت جدعه


بجد واجب حلو والتاج كان هيكل من وشك حته

هههههههههههههههه

بتمنى ليك السعادة يا قلبى


تحياتى

Unknown يقول...

ههههههههههه

والله بجد بوست تحفه ومتتأخريش فى تنزيل البوستات الجديده



شكرا انك مررتى التاج دا يا إيمى


تحياتى

EMMY BABY يقول...

زى الهوا


ميرسى لمرورك

نورتى المدونة

EMMY BABY يقول...

همس الاحساس

اول واخر مرة ياهمس اعبر اى طفل بيعيط وخاصة لو ابن حد اعرفه ههههههههه


وميرسى ياهمس لمرورك ونورتى المدونة

تحياتى

EMMY BABY يقول...

المبرمج المحترف

ميرسى على الكلام الحلو ده ياعمر والحمد لله ان البوست عجبك

وميرسى لمرورك

تحياتى

Unknown يقول...

سعدت بالمرور
على مدونتك ومعرفة بعض الاشياء
والاسرار عنك
مدونتك حلوة بالتوفيق

EMMY BABY يقول...

نهر الحب

انا اللى سعدت بمرورك جدا

نورتى مدونتى

تحياتى

ايمى

Unknown يقول...

اه على فكره يا إيمى ....

نورتون جامد جدا خلى عندك بس ياريت تنزلى النسخة الاصليه عشان بقا فعال


ومعلش ان انا مجاوبتش التاج عشان البلوج بتاعتى مخصه للكمبيوتر بس لو منوعه كنت جاوبت بس انا ممكن اجاوبوا فى بوست

EMMY BABY يقول...

اوك يا عمر

ميرسى لاجابتك واعتقد ان اللى عندى النسخة الاصلية

اما موضوع التاج فبراحتك شوف الانسب ليك واعمله

تحياتى

نعكشة يقول...

فيا حاجات كتير منك
عصبية بس بهدي بسرعة و ساعات ببقة لماحة بس كمتير ببقي عندي حالة من بلادة ف يالتفكير

بس صحيح
انتي لمضة
قلاووظ ولا مسمار

هههههههههه

رخامة رخامة

يلا خير

تسلمي يا قمر عالتاج
انا جاوبت علي الاول قبل كدة
وان شاء الله هجاوب عالتاني

تسلميلي

سلام

EMMY BABY يقول...

ههههههههههههههه

نعكشة دى مش رخامة دى خفة دم

بجد نورتى


وان شاء الله تجاوبى على التانى

سلام

تحياتى

ايمى