اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الجمعة، 1 أغسطس، 2008

اعمل الخير وارميه فى البحر


قررت اسرتنا اسرة smart vet


انها تعمل حاجة جديدة وفى نفس الوقت مفيدة


قررت اسرة سمارت فيت بالتعاون مع جمعية رسالة للاعمال الخيرية انها تبدأ بعمل حملة لاعادة تصنيع الورق


استنووووووووووا بس متستعجلوش واسمعوا للاخر


طبعا كلنا عايزين نعمل حاجات خير كتير فى حياتنا وساعات كتير مبنعرفش نعمل ايه طب ماهى الفرصة جت وفى نفس الوقت فكرتها سهلة وغير مكلفة ولا من الناحية المادية ولا حتى هنبذل جهد


بدأت جمعية رساله مشروع اعادة التصنيع فى 31/1/2006 الذى يهدف الى زيادة الوعى بأهمية اعادة التصنيع .

يفتح هذا المشروع باب جديد للتبرع وهو التبرع بالهالك من الورق والكتب .. ويقوم المتطوعين بعملية الفرز لاستخراج الصالح من الكتب واعادة بيعها باسعار رمزيه فى معارض الكتب المستعملة التى يتم تنظيمها ، او وضعها فى المكتبة الدائمة لرساله ليستفيد بها المتطوعين . اما الهالك من الورق فيتم بيعه لمصانع اعادة التصنيع . ليستخدم هذا الهالك فى صناعة منتجات جديدة . يساعد العائد من هذا النشاط فى تمويل الانشطة المختلفة للجمعية مثل كفالة الايتام مساعدة الاسر الفقيرة ، تنمية خدمات ذوى الاحتياجات الخاصة ... الخ وعلى الرغم من بساطة فكرة المشروع ، الى انه يساعد فى تحقيق ثلاث أهداف ..


• الخيرى : يساعد العائد فى تمويل الانشطة الخيرية للجمعية .


• البيئى : يساعد فى التخلص من هالك الورق بطريقة بيئية سليمة بدلا من حلرقه او دفنه مما يؤدى الى زيادة التلوث .


الاقتصادى : تساعد فى تقليل الواردات من المواد الخام اللازمة لصناعة الورق .


ويمكن تلخيص مهمة مشروع اعادة التصنيع فى ..


1_ Reuse : يعاد استخدام الصالح من الورق والكتب الدراسية من خلال برامج دروس التقوية ومحو الامية فى الجمعية . بالاضافة الى اعادة بيع الكتب القيمة المستعملة باسعار رمزية .


2_ Recycle :يباع الهالك من الورق والكتب لمصانع اعادة تصنيع الورق .


3 _ Reduce : بتحقيق الخطوتين السابقتين ، سوف نقوم بتقليل المادة الخام والطاقة المستخدمة لانتاج الورق من مادة خام أولية ، بالاضافة الى التلوث الناتج سواء من عملية الانتاج أو الناتج من سوء التخلص من الورق الهالك بالحرق .


4_ Resourse : فى كل مرة تساهم فى هذا المشروع بورقك وكتبك ، يساعد الدخل الناتج فى تمويل الانشطة الخيرية للجمعية .


طيب احنا كدة اكلمنا كتير اوى وممكن ناس منكم دلوقتى بيقولوا اهو كلام


طب مابدل مانقول كدة ماتيجوا نتفرج على الانجازات اللى تمت بالفعل من خلال المشروع ده


وانجازات المشروع حتى الآن ..


تم وضع نقاط لتجميع الورق فى 75 مدرسة .

• تم التعاون مع 46 شركة لتطبيق المشروع حيث يتم المرور أسبوعيا لجمع الهالك من الورق .

• قام الراديو الالمانى بعمل حوار مع المتطوعين للنشاط لتمثيل مصر فى اطار فعاليات المؤتمر البيئى الدولى الذى انعقد فى اندونيسيا .


والله بجد هبقى سعيدة جدا لو كل واحد فيكم شاركانا ومقلش انا مالى هو انا يعنى اللى هغير حاجة والكلام السلبى كتيييييييير وياما بنسمعه


ابدأ بنفسك حتى لو حاسس انها حاجة قليلة فهى ممكن تساعد ناس غيرك كتير محتاجين


يعنى كلنا عندنا ورق وياما بنرميه ياما بنبيعه علشان عايزين نخلص منه طيب مادينا هنخلص منه وفى نفس الوقت هتستفيد انك تاخد الثواب


الحملة باذن لله هتبدأ فى الكلية برعاية أسرتناا فى أول الدراسة باذن الله .. ياريت كلنا نقدر نجمع أكبر كم من الورق نقدر نتبرع بيه .. , واللى عايز يشارك فى حملتنا دلوقتى .. أو .. يقدر يتعاون معانا فى انه يقدر يوفر كمة كبيرة من الورق منه او من اصحابه او من جيرانه ..


يقلى عن طريق كومنت او رسالة الكترونية


وحتى لو مش هتشاركونا بجد نفسى تدعولنا من قلبكم ان الحملة دى تنجح


سمارتووووووووووية للابد


بحبك اوى ياسمارت


smart vet


هناك 43 تعليقًا:

MEDUS يقول...

عظيم عظيم
اسجل مرورى الاول لمدونتك
تحياتى

oRiGiNaL HeArT يقول...

ربنا يوفقكم يارب ويجعله فى ميزان حسناتكم
وياريت لو اقدر اشارك فى المشروع
بس عاوزة اعرف طريقة التواصل
ويارب حماسكو يفضل دافع لنجاح اهدافكو وتحقيقها
.........
مقولتليش ليه على التاااااااااج

EMMY BABY يقول...

medus

نورت المدونة

وشرفنى زياراتك لمدونتى واتمنى تكون عجبتك

تحياتى

EMMY BABY يقول...

original heart

جزاكى الله خيرا على الدعوة الحلوة

اما طريقة التواصل فانتى ممكن تبعتيلى ايميلك على رسالة الكترونية وانا هضيفك ونتفق على ميعاد ومكان وادينا نتعرف على بعض

ونورتى المدونة

ومعلش انى مقلتلكيش على التاج بس انا مكنتش اعرف اننا مفروض نبلغ اللى مررنالهم التاج

كنت والله بفتكرك هتشوفيه

على العموم حصل خير

واديه لسة موجود وهتجاوبيه يعنى هتجاوبيه

تحياتى ليكى

EMMY BABY يقول...

صحيح ياجماعة

لو عايزين تبعتوا رسالة الكترونية للى ميعرفش هتلاقوا علامة الرسالة جنب كلمة التعليقات

واتمنى انكم بجد تشاركوا معانا

تحياتى

blue-wave يقول...

بجد جزاكى الله خيرا
وانشاء الله اقدر اساعد فى المشروع دا

قلب مصرى يقول...

طب واللى خلص دراسة ونفسه يساعد ممكن يعمل إيه.
هل ممكن مثلاً إنى ألم كل الورق اللى عندى ومش محتاجة وأروح بيه على مقر رسالة ؟؟؟
ولا أعمل إيه؟

mahamad يقول...

يا سيدتي:

كنت أهم امرأةٍ في تاريخي

قبل رحيل العام.

أنت الآن.. أهم امرأةٍ

بعد ولادة هذا العام..

أنت امرأةٌ لا أحسبها بالساعات وبالأيام.

أنت امرأةٌ..

صنعت من فاكهة الشعر..

ومن ذهب الأحلام..

أنت امرأةٌ.. كانت تسكن جسدي

قبل ملايين الأعوام..


لقد اضفت مدونتك الى مدونتى وارجو ان تضيف مدونتى شعر نزار القبانى
http://free2e.blogspot.com

Cold air يقول...

ازيك يا ايمي
جميل أوي حبك للخير و بسم الله ما شاء الله و بالفعل في الكلية عندنا أسر كتير منها اللي له بصمة و منها مجرد اسماء مشهرة لكن فكرتك بجد او الفكرة اللي طرحتيها علينا عملية و سهلة التنفيذ
جزاك الله كل خير

Tamer Alhosiny يقول...

عزيزتي ايمان
موضوع فعلا رائع جدا
احييكي عليه

وفعلا فكره جميله زي ما عرضتي ايجابيتها وقد ايه مفيده

وانا شايف ان كل واحد فينا لو قدر يقنع المسؤلين في المكان الاي هو بيعمل او بيدرس فيه

يعني الطالب في جامعته ممكن يعمل حمله
زي الاي عملتها اسرة سماتر فيت
ولو بيشتغل في شركة او مؤسسه
ممكن يقدم الفكره للمسؤل في شركته
عن الشؤن البيئيه
وطبعا بكده الشبكه هتبقا اوسع
لان استهلاك المؤسسات من الورق اضعاف الاستهلاك الشخصي

وبكده نكون فعلا حققنا شيء ايجابي
وحتي علي طريقة تطبيق الفكره ممكن تكون من خلال فروع رساله الاقرب لينا

وممكن كل واحد فينا عنده مدونه يشير في مدونته
انه مشارك في المشروع ده او الحمله دي
كدعم ونشر اليكتروني للحمله دي

تحياتي يا ايمان من جديد

انسان عاشق حر
تامر الحسيني

EMMY BABY يقول...

blue wave

جزانا واياكم وكفاية نيتكم انكم فعلا ناويين تساعدونا

وان شاء الله تساعدنا

وشكرا جدا لاهتمامك

تحياتى

EMMY BABY يقول...

قلب مصرى

شرفتنى باول زيارة ليك وانا مبسوطة جدا لرغبتك فى المساعدة

وحضرتك فعلا ممكن تجمع ورق او كتب منك او من اخواتك معارفك اصحابك اى حد

وممكن حضرتك تقابلنا فى الميعاد اللى تحدده لو الجيزة اقرب ليك

او لو هتروح رسالة المهم اننا نحقق نفس الشى

تحياتى بمرورك

ايمى

EMMY BABY يقول...

mohamed

شكرا لمرورك

تحياتى

EMMY BABY يقول...

تامر
بجد ابدى كامل اعجابى بفكرتك

قد ايه هى هايلة وفعلا هتبقة جامدة جدا لو اتحققت ان شاء الله

واحنا فعلا نوينا نوسع الحملة تبقى على مستوى اكبر من الكلية

ادعولنا

تحياتى ياتامر

ايمى

مدحت محمد يقول...

مجرد التفكير فى عمل شىء مفيد ده فى حد ذاته ايجابية

انا بحييكى جدا عليها

EMMY BABY يقول...

انا بشكرك جدا يامدحت

اولا على كلامك ويارب فعلا نكون كلنا ايجابيين

ثانيا على مرورك للمدونة نورت المدونة

تحياتى

ايمى

زى الهوا يقول...

ربنا يوفقكم ويارب يكون فى ميزان حسناتكم , بس هوه تاورق دا لازم يكون فاضى ؟؟ ولا ينفع ورق كتب وحاجات من دى ؟؟؟؟

هارفة لو كنتى قولتيلى قبلها شوية ؟؟ كان عندنا كمية كشاكيل , السنة اللى فاتت فى نهاية السنة , بس للأسف اترمت

EMMY BABY يقول...

زى الهوا

نورتى المدونة

وربنا يكرمك على الدعوة

اما بقى حكاية الورق مش لازم يكون فاضى واى نوع من الورق كمان

لان الهالك من الورق هيتعمله ريسيكل كدة كدة

ولو كتب عادى برضه

يعنى اى ورق واى كتب

تحياتى

همس الاحساس يقول...

بدعيلك من كل قلبى الله يوفقكم


الى يعمل خير اكيد هيلقاه حبيبتى

ربى يسعدك ويوفقكم بعملكم

والمشروع رائع

طالبه الفردوس يقول...

السلام عليكم

جزاكى الله خيرا يا ايمى على الموضوع الجميل ده
وانا معاكى بس مش عارفه اوصل ازاى

كلام على بلاطة يقول...

عمر ما كان الخير عمل يرمى فى البحر
الا اذا كان بحر الحسنات وبحر الخيرات
عمل موفق وجليل تحياتى

EMMY BABY يقول...

همس الاحساس ربنا يكرمك على دعوتك الحلوة

وشكرا جدا لمرورك

تحياتى

ايمى

EMMY BABY يقول...

طالبة الفردوس

وعليكم السلام

جزانا واياكى ياحبيبتى


لو ينفع تبعتيلى ايميلك فى رسالة الكترونية وانا هكلمك على الايميل ونتفق على ميعاد نتقابل فيه

تحياتى

ايمى

EMMY BABY يقول...

كلام على بلاطة ربنا يكرمك بس هو المثل ده بيكون مقصود بيه اعمل الخير وانت ناوى خير وثوابك ان شاء الله كبير من غير تفكير

وربنا يوفقنا ويوفقكم

وميرسى جدا على مرورك لمدونتى

تحياتى

ايمى

حنين.. يقول...

...... ربنا يووووووووووووووووووفقكم يارب, ويجعله فى ميزان حسناتكم, يارب يارب يوقيكم يارب, ايوا كدا
قوللى انا ينفع اشارك معاكم؟
وازاى
حنين
فى انتظار المزيد
وفى انتظار ردك

EMMY BABY يقول...

حنين بجد انا اول ماقريت كومنتك ابتسمت ابتسامة فرح كدة ربنا يكرمك يارب على حماسك ودعوتك

وطبعا ينفع تشاركى معانا تجمعى اى ورق او اى كتب عندك او عند اى حد تعرفيه

ولما تجمعيه ابعتى قوليلى وانا اقابلك واخده منك

وجزاكى الله كل خير

تحياتى ليكى

ايمى

عمرو وجيه يقول...

ربنا معاكم

بجد أنتم أسرة جديرة بالاحترااااام




ربنا معاكم ومعانا

نهر الحب يقول...

حلو المشوع دا جداا
وان شاء الله احاول اساعد معاكى ياقمر
ربنا يوفقك

EMMY BABY يقول...

بجد فى حاجة غريبة حصلت وهى ان فى اتنين حطولى كومنتات وصلتنى على الايميل لكن متكتبتش هنا غريبة بجد

على العموم اول تعليق كان عمرو وجيه


ربنا معاكم

بجد أنتم أسرة جديرة بالاحترااااام




ربنا معاكم ومعانا

****************************
ميرسى جدا ياعمرو وصدقنى انتم كمان اسرة محترمة وربنا يوفقكم يارب ومنتظرين دعواتكم معانا علطول

EMMY BABY يقول...

تانى تعليق

نهر الحب


حلو المشوع دا جداا
وان شاء الله احاول اساعد معاكى ياقمر
ربنا يوفقك

**************************

ميرسى جدا ياحبيتى

وفعلا ان شاء الله تقدرى تساعدى معانا

وربنا يوفقك

تحياتى

ايمى

EMMY BABY يقول...

عمرو وجيه

بجد ميرسى جدا ووالله انتم كمان اسرة محترمة اوى ربنا يوفقكم

ومحتاجين دعواتكم علطول معانا

تحياتى

ايمى

EMMY BABY يقول...

نهر الحب

بجد ميرسى جدا ياحبيبتى لمرورك

وان شاء الله تقدرى تساعدينا

ربنا يوفقك

تحياتى

ايمى

نعكشة يقول...

ماشي و كليتكو دية فين ؟؟؟؟؟؟

واللي عايز يتبرع و مش تبع كليتكو يعمل اية؟؟؟؟؟؟؟؟

انا عندي ورق بالهبل صراحة

ملازممممممممم
و كتبببببببب
جديدة
وملمستهاش
و حاجات كتير
مش عارفة اوديها فين

يا ريت تفيديني في الموضوع دة

تسلمي
سلام عليكم

EMMY BABY يقول...

معرفش والله بلوجر فى حاجة غريبة

على العموم جالى كومنت من نعكشة

ماشي و كليتكو دية فين ؟؟؟؟؟؟

واللي عايز يتبرع و مش تبع كليتكو يعمل اية؟؟؟؟؟؟؟؟

انا عندي ورق بالهبل صراحة

ملازممممممممم
و كتبببببببب
جديدة
وملمستهاش
و حاجات كتير
مش عارفة اوديها فين

يا ريت تفيديني في الموضوع دة

تسلمي
سلام عليكم

**********************

بصى يانعكشة الحملة دى لاى حد حتى لو من برة الكلية فانتى ان شاء الله هتدينا الورق عادى

وكليتنا فى الجيزة

ممكن تبعتيلى رسالة الكترونية وفيها ايميلك وانا هتفق معاكى اقابلك واخد منك الورق

او انا ممكن ابقى اعمل بوست تانى لمعاد ومكان نتقابل فيه كلنا فربنا يسهل

وبجد شكرا جدا لتعاونك معانا

تحياتى

ايمى

EMMY BABY يقول...

بصى يانعكشة الحملة دى لاى حد حتى لو من برة الكلية فانتى ان شاء الله هتدينا الورق عادى

وكليتنا فى الجيزة

ممكن تبعتيلى رسالة الكترونية وفيها ايميلك وانا هتفق معاكى اقابلك واخد منك الورق

او انا ممكن ابقى اعمل بوست تانى لمعاد ومكان نتقابل فيه كلنا فربنا يسهل

وبجد شكرا جدا لتعاونك معانا وربنا يكرمك يارب

تحياتى

ايمى

ليكوريكا يقول...

ربنا يوفقكم ويوفقنا كلنا لعمل الخير

واحنا في صيدله

اسرة شبابنا أو شباب اليوم

عندنا اعمال خير كتير

وكمان عندنا فريق خيري اسمه شبابنا برضو

الخير ملهوش حدود

وربنا يبارك فيه يارب

ليكوريكا

"امين الاسره"

EMMY BABY يقول...

ليكوريكا بجد انت نورت المدونة

يامرحب باسر صيدلة وفعلا شباب اليوم مشهورة فى صيدلة اختى ساعات كتير كانت بتجيب سيرتها

وربنا يوفقكم انتم كمان ويقدركم دايما على فعل الخير

ونورت المدونة بزيارتك وممكن ان شاء الله يكون فى تعاون مابين الاسر ان شاء الله

تحياتى

ايمى

EMMY BABY يقول...

ليكوريكا بجد انت نورت

يامرحب باسر صيدلة وفعلا شباب اليوم مشهورة فى صيدلة اختى ساعات كتير كانت بتجيب سيرتها

وربنا يوفقكم انتم كمان ويقدركم دايما على فعل الخير ويكون فى تعاون مابين الاسر ان شاء الله

ونورت المدونة بزيارتك

تحياتى

ايمى

EMMY BABY يقول...

ليكوريكا بجد انت نورت المدونة

يامرحب باسر صيدلة وفعلا شباب اليوم مشهورة فى صيدلة اختى ساعات كتير كانت بتجيب سيرتها

وربنا يوفقكم انتم كمان ويقدركم دايما على فعل الخير

ونورت المدونة بزيارتك وان شاء الله يكون فى تعاون مابين الاسر

تحياتى

ايمى

abo salah يقول...

بعد السلام عليكم

بجد مشروع هادف

ربنا يجعله فى ميزان حسناتكم

وأن شاء الله تنجح الحملة

تحياتى

abo salah يقول...

بعد السلام عليكم

بجد مشروع هادف

ربنا يجعله فى ميزان حسناتكم

وأن شاء الله تنجح الحملة

تحياتى

EMMY BABY يقول...

ابو صلاح

وعليكم السلام ورحمة الله وبركاته

ربنا يكرمك يارب

ويجزيك خير

تحياتى ايمى

Miss Qatar يقول...

مدونة جميلة ومفيدة

المشروع قمة في الروعه

بالتوفيق