اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

السبت، 1 نوفمبر 2008

معلش بقى :(

معلش يا جماعة انا عارفة انى مقصرة والله معاكم وعارفة ان ممكن كتير منكم يكونوا زعلانين منى علشان مش متابعكم


بس انا بجد بطلب منكم محدش يزعل منى واصبروا عليا لانى فعلا فى مووووودد مش مخلينى ليا نفس اعمل اى حاجة فى اى حاجة انا هحاول اخرج منه تدرييجى


انا فعلا والله مبحبش اقعد فى الموود ده كتير بس انا فعلا حاسة انى مش قادرة اعمل اى حاجة بس انتم عارفانى شعنونة وان شاء الله هخرج من اللى انا فيه بسرعة بس بالله عليكم متنسوش تدعولى داحنا كلنا مع بعض غلطات مطبعية :)


معلش بقى انتم عارفين ان نفسية الانسان بتنعكس على كلماته علشان كدة لاقيت نفسى


بكتبلكم انشودة اغيب لمشارى راشد بجد بتخلينى مش قادرة امسك نفسى اتمنى انها تعجبكم (حاولوا تقروها بتقسيمة معينة مش مرة واحدة )




اغيب وذو اللطائف لا يغيب

اغيب.. اغيب وذو اللطائف لا يغيب

وارجوه رجاء لا يخيب

اغيب وذو اللطائف لا يغيب ..لايغيب

وارجوه رجاء لا يخيب ...لا يخيب


واسـأله السلامة من زمان بليت به ..نوائبه تشيب

واظهر حاجتى فى كل حال الى من تطمئن به القلوب

فكم لله من تدبير امر طوته عن المشاهدة الغيوب

وكم فى الغيب من تيسير عسر ومن تفريج نائبة تنوب

ومن كرم ومن لطف خفى ومن فرج تزول به الكروب

ومن لى غير باب الله باب ولا مولا سواه ولا حبيب


كريم منعم بار لطيف جميل الستر للداعى مجيب

حليم لا يعاجل بالخطايا رحيم ..رحيم غيث رحمته يصوب

فيا ملك الملوك اقى العثار فانى عنك انأتنى الذنوب

وامرضنى الهوا لهوان حظى ولكن ليس لى غيرك طبيب


فآمن روعتى واكبت حسودا فان النائبات لها نيوب

وآنسنى باولادى واهلى فقد يستوحش الرجل الغريب

ولى شجن باطفال صغار اكاد اذا ذكرتهم اذوب

ولكنى نبذت زمام امرى لمن تدبيره فينا عجيب

هو الرحمن حولى واعتصامى به واليه مبتهلا اطيب

آلهى انت تعلم كيف حالى فهل يا سيدى فرج قريب ؟؟

فيا ديان يوم الدين فرج هموما فى الفؤاد لها دبيب

وصل حبلى بحبل رضاك وانظر اليا وتب عليا ..عسى اتوب

وراعى حمايتى وتولى نصرى وشد عورايا ان عرت الخطوب

والهمنى لذكرك طول عمرى فان بذكرك الدنيا تطيب


وقل عبد رحيما ومن يليه لهم فى رأفتنا نصيب

فظنى فيك يا سندى جميل ومرعى زودى امالى خصيب

وصلى على النبى واله ماترنم فى الاراك العندليب


تحياتى


ايمى



هناك 21 تعليقًا:

غير معرف يقول...

جزاك الله كل خير
واستغفر الله العظيم
اللهم تب علينا ياارحم الراحمين

Geo Amr يقول...

ربنا يشرح صدرك وتخرجى ان شاء الله من المود دة بسرعة بس عليكى بكثرة الاستعفار

Sweet Violet يقول...

اشكرك على الانشودة بجد من اكتر الناس اللى بحبهم مشارى راشد و بالاخص بك استجير اللى انتى منزلها فى الصورة

ان شاء الله تخرجى من المود ده قريب ياقمر

و ترجعى معنا من جديد يااحلى شعنونه (:

Tamer Alhosiny يقول...

عزيزتي ايمي
ارجو ان تكوني بخير حال وان تخرجي من هذه الحالة
وان لم تستطيعي بنفسك فاغمضي عينيكي وفكري انه ربما يوجد في مكان ما علي الارض احد يهتم بكي
وصدقيني ستجديهم كثر
ولاجل هؤلاء
كوني حريصة علي نفسك اكثر من ذلك

تحياتي
واشكرك علي الانشودة الجميلة
تامر الحسيني

SHAPE YOUR LIFE (ABOALI) يقول...

مود الانسان
حالة الانسان المزاجية
فى الحقيقة يا ايمى اخذت هذه الكلمة اكثر ممن تستحق
فمن ادرك ان الدنيا مجرد طريق
ولم يصاب فى دينه
فقد امتلك زمام نفسه واستطاع ان يعبر بها كل الطرق مهما كان فيها من اشارات
ممكن ان تكون حمراء او خضراء او صفراء
ان المؤمن كيس فطن وليس كيس قطن
حتى يترك نفسه مترع للهم والكاءبه
لانها اذا سيطرت عليه
كانت هى الحبل الذى التف حول عنقه
فمن استقبل الهم اصبح مركز استقبال له
لذا ادعو لك بالادراك وحسن الظن بالله ف كل شيىء
فهو نعم المولى والنصير
فبتسمى وتفائلى

أمل حمدي يقول...

بكرة يا ايمي تبقي زي الفل

ربنا يفرج كربك ويشرح صدرك اللهم امين

أمل حمدي يقول...

بكرة يا ايمي تبقي زي الفل

ربنا يفرج كربك ويشرح صدرك اللهم امين

mohamed ghalia يقول...

ربنا معاكى يا ايمى وبالتوفيق دايما
ربنا يسعدك
جميلة قوى كلمات قصيدة أغيب وذو الطائف لا يغيب
تحياتى
دمتى بود وفى سعادة
بالتوفيق

الرومـيصاء يقول...

السلام عليكم
ربنا يفرج كربك وترجعنا
عن قريب بالسلامه
والانشوده جميله
انا احبها
دمتى بحفظ الله

princess يقول...

جزاكى الله خيرا ده اولا
وحشتينا جدا ده ثانيا:)
متتاخريش علينا يا ايمى
انا مجربة المود ده بس اللى هيخلايكى تديله الضربة القاضية ارجعى اكتبى اكتبى اى حاجة
اللى يجى فى دماغك اكتبيه صدقينى ده الحل
ويا قمرية متقلقيش من من موضوع الزعل ده خالص
:)
تحياتى

blue-wave يقول...

حلوة الأنشودة
بس الأحلى
انك تحاولى تخرجى من المود دا بسرعه وترجعيلنا تانى
تحياتى

طـائر الليــل الحـزين يقول...

ايمى
كيفك ياقمر
اولا : ربنا يخرجك من الموود الوحش ده وتفوقى بسرعة وتعرفى تعملى اى حاجة مش قادرة تعمليها .
ثانيا : تسلم ايدك على الانشودة اللى انتى نزلتيها . بجد هى من اجمل انشودات مشارى راشد .
وبجد يا قمر انتى بتوحشينا قوى
تحيـــــــاتى

شفـقــة و إحســــان يقول...

انتى وحشتينا بس نفسى اعرف مالك ومودك ايه اخباره دلوقته؟؟

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونك والبنر موجود علي مدونتي

حسن حنفى يقول...

يااااااااااه

بقالك كتير مش كتبتي

ربنا معاكي يارب

ان شاء الله تعدي وترجعي تاني :)

romansy يقول...

ايمى
يلا بسرعه بقى ارجعلينا
واحشتنا تعليقاتك
انتى عارفه اوقات كتير الانسان بيكون فى المود دا
بس اهم حاجه اننا نرجع بسرعه منه
انت قدها وقدود

وشكرا على القصيده الجميله

بس اوعى تنسى عيد ميلادى يو 10/11
يعنى الهديه هتيجى هتيجى
تعبانه بقى مش تعبانه
احنا منايفه ومش بنسيب حقنا

باجوجو يقول...

ايمى

مووود ايه بس والله الدنيا مش مستهلة

ربنا يكرمك وترجعى أحسن من الأول

وأغيب دى على فكرة من أفضل أغانى مشارى

لدرجة انى مقطعها وواخد منها نغمات للموبايل

تقبلى تحياتى

كـــيــــــــارا يقول...

اولا تعالي هنا تبقي في مود وحش وكيارا موجوده

مش ممكن طبعا


كمان بجد انشوده روعه ياايمي

ان شاء الله ترجعي ايمي الشعنونه

mohamed ghalia يقول...

أختى العزيزة
ليكى تاج عندى ياريت تقبليه وتجاوبى عليه
تحياتى

mahasen saber يقول...

ربنا يريحلك قلبك وبالك ويكرمك بكرمه الفياض ....
معلش كلنا بنمر بلحظات الحزن دى وان اختلفت درجاتها واسبابها
ربنا يهون عليكى ولو الحبايب غابوا عن بعض لازم نسال عليهم ونواسيهم فى احزانهم المساله مش تعليقات وكلام قد ما هيا ارواح اتقابلت وصدقت بعض وصعب الامور تتقاس بينهم على زيارتهم وتعليقاتهم
ترجعى بالف سلامه يا ايمى من حالة الحزن والشجن دى
اختك ام بيرو

مصطفى محمود يقول...

بارك الله فيك على الانشودة دي
رائعة فعلا من مشاري

وربنا يفك عنك وعننا وعن المسلمين يارب

تسلمي :)