اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأحد، 2 نوفمبر 2008

:) :) :)

ورجعتلكم ايمى بيبى الشعنونة من تااااااااااانى والله يا جماعة هى الفكرة ان انا متعودة مخليش مزاجى يتحكم فيا زى ما ناس فهمت بس انا من النوع اللى بيكتم جواه ومبيخليش اللى حواليه يحس ابدا انه متضايق بس بتجيلى لحظات كدة وما تلبث وان تمر سريعا
شايفين اللغة العربية الفصحى ههههههههههههههههههه
واللحظات دى بتيجى لما الاستريس يزيد والانسان مهما كان قوى ساعات طاقته بتقل بتخليه ميبقاش حيطة قوية لتحمل الضغوط
بس والله على قد ما اللحظات دى كانت صعبة على قد ما خلتنى احس ان بجد فى ناس جنبى وقت لما هحتاجهم هلاقيهم بجد والله انا لو كنت استعدت نفسى تانى فده بفضل ربنا ثم انتم وكلامكم
بجد والله انا بحبكم جدا وبجد كفاية ان انا فى لحظات ضعفى لاقيت حد افضفض معاه رغم ان دى لحظات نادرة بالنسبة لى
مش عارفة ليا مزاج اشكر كل اللى سألوا عليا وكانوا معايا بالاسم
اسامة عبد العال
goe amr
ضد التيار
تامر الحسينى
ابو على
ماما امولة
mohamed ghalia
الروميصاء
برينسيس
بلو ويف
طائر الليل الحزين
شفقة هانم واحسان بك
حسن حنفى
رومنسى
باجوجو
كيارا
محاسن صابر
الشاعر
((انا كتبتهم بترتيب التعليقات علشان محدش يزعل منى ))
وبشكر بجد احلى سفروتة لانها كلمتنى على الايميل
وبشكر الناس اللى مدخلتش على الموضوع وملحقتش تشوفه بس انا عارفة انهم لو كانوا شافوه كانوا برضه هيبقوا معايا
وبشكر الناس اللى قرت بس ودعتلى
انتظرونى بقى قريبا بس ممكن اتأخر شوية مش علشاان نفسيتى لا والله فعلا علشان مشغولة جدا
((((طلبات من اختكم الشعنونة))))):
1)ادعوا لماما ان ربنا يشفيها كتييييييييييييير جدا
2)ادعولى بقى عايزة ادخل امتحان الفارما والمناعة والباثولوجى دول احس ان الورقة مية سهلة خالص
كفاية طلبات علشان انا قنوعة زى مانتم عارفين :)
وان شاء الله هرجع تانى ادخل بيوتى التانية اللى برتاح فيها ( مدوناتكم )
تحياتى ليكم يا احلى اخوات
ايمى

هناك 44 تعليقًا:

SHAPE YOUR LIFE (ABOALI) يقول...

اول تعليق
علشان اقول للاحباب
عودا" احمدا

SHAPE YOUR LIFE (ABOALI) يقول...

ثانى تعليق
علشان امنا كلنا
اسئل الله العظيم رب العرش العظيم ان يشفيها ويحفظها من كل سوء
امين

البنت الشقيه يقول...

حبيبى انا اسفه جدااااااا انى مش تابعتكمن زمان بس دا عشان الثانوى والله والكل كدا مش انتى بس

بس بقى كفايه اعتذارات يا لولو

اهم حاجه انك رجعتلنا بالسلامه وهترجعى لبيتوتنا تانى


تحياتى
البنوته الشقيه

SHAPE YOUR LIFE (ABOALI) يقول...

ثالث تعليق
علشان اروح من المدونه
الباثولوجى والفارما
احلى مادتين تذكريهم علشان دول
حياتك بعد كده
هما دول التطبيق العملى لكل اللى بتدرسيه

تذكرة النجاح

الروح والحماس
التركيز
الالتزام

وكمان فى تذكرة تانيه

وضوح الهدف
صدق الاهتمام
سلامة القلب

ادعو لك بنقاء القلب
وصفاء الذهن وراحة البال والقرب من الرحمن

تحياتى

الرومـيصاء يقول...

حمد الله على السلامه

وان شاء الله دايما تكونى بخير

وجزاكى الله خيرا

دمتى بحفظ الله

الرومـيصاء يقول...

اسأل الله العظيم ان يشفى والدتك و
يحقق لكى كل الى تتنمنيه
امين
امين
امين

blue-wave يقول...

ربنا يكرمك ويوفقك دايما ياااااااااارب

mohamed ghalia يقول...

إيمى
حمدا لله على السلامة
جيتى فى وقتك
لسه بعتلك تاج هدية ياريت تجوبى عليه
فى إنتظار إجاباتك الرائعة
تحياتى

romansy يقول...

اخيرا ضحكتى ياااااااااااااة
شوفتى ضحكتك ملت الدنيا سعاده ازاى
والله متعرفيش انا فرحت قد ايه والله
انتى عارفه يا ايمى قد ايه انا بحب مدونتك
وهى كمان بتحبك والنهارده عيد عندها

يارب يشفى ماما وتنجحى يارب

وردشان smilyrose يقول...

اولا حمدلله على السلامة يا أجمل ايمى

ويارب يشفيلك وماما وتبقى بصحة جيدا

على طول وربنا يوفقك يا غاليتى

الجميلة وهتلاقى الامتحان سهلا وميسرا

وربنا يدوم عليكى بسمتكى الغالية

علينا يا شعنونة التدوين

وفقك الله

smilyrose

روح الحب الصادق

غير معرف يقول...

عودا حميدا مع اطيب الامنيات بالتوفيق فى الامتحان وخالص الدعاء للوالده بالشفاء

حسن حنفى يقول...

كالعاده متاخر :(

الحمد لله ان الفتره دي عدت وان شاء الله ربنا يوفقك في الامتحانات
وان شاء الله ربنا يشفي والدتك

اللهم اميـــــــــــن

princess يقول...

انا جيييييييييت
حمد على السلامة نورتى المدونة
والف سلامة على ماما ربنا يشفيهايارب ويجعله فى ميزان حسانتها
اه نسيت
يارب تنجح يا تتح ههههههه
ربنا معاكى يا كيوت
سلام

Unknown يقول...

حمدلله على السلامة ياقمر
ويارب تكونى موجودة دايما ومنورة
وبخير يارب العالمين

mahasen saber يقول...

عودا حميدا وبلوجا سعيدا بشعننتك يا ايمى يا بيبى ياجميله
وبلاش حزن تانى اوابقى طنشيه وهو هيتكسف على دمه
.......
نورتى يا جميله

طـائر الليــل الحـزين يقول...

ايمى
حمدالله على سلامتك يا قمر .....
والمهم انك رجعة مزاجك كويس وتمام .
وان شاء الله ربنا هيشفى مامتك . وتقدرى تلاقى ورقة الامتحان مية زى ما انتى عايزة
تحيـــــاتى يا قمر

مهرة سالم يقول...

الله يشفي والدتك يارب...
ويوفقك بدراستك...
آمين يارب العالمين..

الازهرى يقول...

صديقتى العزيزة

الف حمد لله على السلامة الغالية
على الرغم من اننى لا اعلم ما هنالك
ولو كنت اعلم لكنت اول من وقف وساند

تحياتى وخالص دعواتى ومودتى

الازهرى يقول...

اللهم يا حى يا قيوم
اشف كل مرضانا ومرضى المسلمين

واللهم نسألك النجاح للجميع
وفى كل المواد

Ahmed Hishmat يقول...

ألف سلامة عليكي يا امي وعلى ماما
اللهم اشف مرضانا ومرضى المسلمين
وربنا يوفقك انشاء الله
......
دعواتك انت بقى
سلام

EMMY BABY يقول...

ابوعلى

فى اول تعليق
ربنا يكرمك يارب واتمنى فعلا تكون عودتى حميدة

وكمان تانى تعليق
ربنا يكرمك يارب اللهم امين ويشفى مرضى المسلمين

وكمان رابع تعليق

والله انا بحب المواد كلها بس بحب اكتر اقراها كدة وابقى مبسوطة لكن اذاكرها لامتحان دى بتتعبنى هههههههه

**************************
تذكرة النجاح

الروح والحماس
التركيز
الالتزام

وكمان فى تذكرة تانيه

وضوح الهدف
صدق الاهتمام
سلامة القلب

********************
بحاول والله على قد ما اقدر لانى بجد بكره حاجة اسمها فشل بتجيبلى ارتيكاريا


ادعو لك بنقاء القلب
وصفاء الذهن وراحة البال والقرب من الرحمن

اللهم امين كلنا يارب
وبجد بشكرك جدا على تعليقك على البوست اللى فات كان تعليق مميز فعلا

تحياتى

ايمى

EMMY BABY يقول...

البنت الشقية

اسفة ايه بس ولا يهمك والله انا عارفة يعنى ايه ثانوية ربنا يعينكم كلكم يارب وتدخلوا الكليات اللى نفسكم فيها

منورانى يا بنوتى

تحياتى

ايمى

EMMY BABY يقول...

الروميصاء

الله يسلمك يا حبيبتى

جزانا واياكى وحفظنا واياكى من كل سوء


اسأل الله العظيم ان يشفى والدتك و
يحقق لكى كل الى تتنمنيه
امين
امين
امين

**************
امين يارب العالمين ويشفى كل المسلمين ويوفقنا كلنا

EMMY BABY يقول...

بلو ويف

اللهم امين يارب

نفسى اشوف تعليقك وهو طويل او معدى السطرين :))

تحياتى

ايمى

EMMY BABY يقول...

محمد

الله يسلمك

دايما انا كدة باجى فى اوقات غلط هههههههه

ميرسى على اهدائك التاج

تحياتى

ايمى

EMMY BABY يقول...

رومنسى

هههههههههههههههههههههه شفت ضحكت اخيرا بعد لما كنت مكشرة والله الكأبة دى اوحش شى فى الحياة

****************
والله متعرفيش انا فرحت قد ايه والله
انتى عارفه يا ايمى قد ايه انا بحب مدونتك
وهى كمان بتحبك والنهارده عيد عندها
***********************
ربنا يكرمك يارب واتمنى انى اكون عند حسن ظنكم دايما

عيد عندها ولا شايفة بلالين ولا لمض منورة ولا اى كحك ولا بسكويت هههههههههههههه

مفروض انا جيت يعنى الارض تتفرش زلط :))

*********************

يارب يشفى ماما وتنجحى يارب

اللهم امين يارب

تحياتى

ايمى

اقصوصه يقول...

الله يشفي الوالده يا رب

وينجحك فالامتحان:)

EMMY BABY يقول...

سمايلى روز

الله يسلمك يا قمر


ويارب يشفيلك وماما وتبقى بصحة جيدا

على طول وربنا يوفقك يا غاليتى

الجميلة وهتلاقى الامتحان سهلا وميسرا

وربنا يدوم عليكى بسمتكى الغالية

علينا يا شعنونة التدوين

وفقك الله

***************************
اللهم امين يا احلى روز فى التدوين

ربنا يخليكى ليا

تحياتى

ايمى

EMMY BABY يقول...

اسامة عبد العال

جزاك الله خيرا

ربنا يشفى جميع المسلمين

تحياتى

ايمى

EMMY BABY يقول...

حسن حنفى

مش متاخر ولا حاجة دانت من اوائل الناس اللى بيحطوا الكومنتات

ربنا يكرمك يارب

الحمد لله انها عدت

ربنا يوفقنا كلنا ويشفى مرضى المسلمين يارب

تحياتى

ايمى

EMMY BABY يقول...

برينسيس

الله يسلمك يا حبيبيتى منورة بيكم

الله يسلمك ربنا يقومها بالسلامة يارب

يارب تنجح يا تتح دى بيقولهالى اصحابى علطول ههههههههههههههههههه

مسمينى ام تتح

ومعانا كلنا يا اكثر كيوتا

تحياتى

ايمى

EMMY BABY يقول...

نهر الحب

الله يسلمك يا جميل

والمدونات منورة بيكم

كان بودى اكون معاكم بس بور سعيد صعب

ربنا يجزيكم خير يارب

تحياتى

ايمى

EMMY BABY يقول...

محاسن العسل

عودا حميدا وبلوجا سعيدا بشعننتك يا ايمى يا بيبى ياجميله

***************************

والله انتى اللى جميلة

وبلاش حزن تانى اوابقى طنشيه وهو هيتكسف على دمه
.......

انا بطنشه اخر حاجة بس ساعات بيبقى بجح وميكسفشى


نورتى يااحلى ام بيرو

تحياتى

ايمى

EMMY BABY يقول...

طائر الليل الحزين

الله يسلمك ياقمر

الحمد لله انا نمام دلوقتى بفضل ربنا سبحانه وتعالى ثم وجودكم جنبى

وربنا يشفى المسلمين كلهم ويوفقنا كلنا اللهم امين

تحياتى

ايمى

EMMY BABY يقول...

m.k

الله يشفي والدتك يارب...
ويوفقك بدراستك...
آمين يارب العالمين

اللهم امين يارب العالمين

جزاكى الله خيرا

تحياتى

ايمى

EMMY BABY يقول...

الازهرى


الف حمد لله على السلامة الغالية
على الرغم من اننى لا اعلم ما هنالك
ولو كنت اعلم لكنت اول من وقف وساند
*************************
الله يسلمك لا دول كانوا شوية ظروف كدة ووالله انا واثقة انك لو كنت شفت البوست كنت اول واحد هتعلق مش غريبة عليك


اللهم يا حى يا قيوم
اشف كل مرضانا ومرضى المسلمين

واللهم نسألك النجاح للجميع
وفى كل المواد
***********************
اللهم امين يارب العالمين

تحياتى

ايمى

EMMY BABY يقول...

احمد حشمت

الله يسلمك

اللهم اشف مرضانا ومرضى المسلمين
وربنا يوفقك انشاء الله
......

اللهم امين

دعواتك انت بقى
***************
ربنا يوفقك يارب

تحياتى

ايمى

EMMY BABY يقول...

اقصوصة

اللهم امين يارب العالمين

وجزاك الله خيرا

تحياتى

ايمى

Dua Masatwa يقول...

بسم الله

السلام عليكم

الف سلامة على مامتك

ان شاء الله بتقوم بالسلامة :)

اسأل الله العظيم رب العرش العظيم ان يشفيها ..

سندس وأمل يقول...

يااااااااااااااااااااااااااااااااه

كل ده حصل وأنا مش موجوده معلش

على التاخير بس المدرسه وكده يعنى

على العموم كان الله فى عونك إنتى وأمك

والحمد لله إنك رجعتى لينا الحمد لله"سندس"

كـــيــــــــارا يقول...

ربنا يشفيلك مامتك وتدخلي الامتحان وتهيصي وتعملي كل اللي انتي حباه

ومش تغييبي عننا بقي

اوكش ياقمر :)

EMMY BABY يقول...

فراشة حزيران

وعليكم السلام

ربنا يخليكى يا حبيبتى

الله يسلمك يارب

اللهم اشفى مرضى المسلمين جميعا

تحياتى

ايمى

EMMY BABY يقول...

سندس

ولا يهمك ياقمر انا عارفة والله المذاكرة ربنا يعينكم يارب

وشكرا يا قمر على سؤالك

تحياتى

ايمى

EMMY BABY يقول...

كيارا

اللهم امين

ههههههههههههههه مش هغيب تانى ان شاء الله بس متزهقوش منى

تحياتى

ايمى