اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأحد، 23 نوفمبر 2008

السعاااااااااااااادة كنز لا يفنى



اولا ازيكم كلكم وحشتنى اوى الكتابة بس انا تقريبا الامتحانات مبتخلصشى ادعوووووووووووووووووووولى كتير




نيجى بقى لموضوع النهاردة وهو اجابات تاج السعادة من محمد غالية صاحب مدونة البحث عن السعادة بجد ربنا يكرمه لان فعلا الناس بقت مفتقدة معنى السعادة او بقت السعادة كلمة مبهمة فى قواميسهم مش هرغى كتير هدخل فى الموضوع علطول




السؤال الأول:ماهى السعادة من وجهة نظرك؟


السعادة معناها من وجهة نظرى نسبيا


ان ربنا يكون راضى عنى بجد واكون قريبة منه اوى بجد بتكون اسعد لحظات حياتى


انى احس بحب الناس اللى حواليا واحس بوجودهم جنبى وبتأثيرى فى حياتهم


لما احس ان كل اللى بحبهم كويسين وفرحانين ومفيش حاجة بتؤرقهم ببقى سعيدة


لما انام وانا بالى مرتاح محدش زعلان منى ومكنتش سبب فى جرح حد


لما احس انى بقرب من اهدافى فى خطوات ثابتة




هى دى السعادة من وجهة نظرى




السؤال الثانى: كيف تصل إلى السعادة؟



بحاول دايما اقرب من ربنا واراعى ربنا فى تصرفاتى


لما بلاقى حد ايا كان عنده مشكلة بفكر فى حل ليها قبل ما افكر فى حل لمشكلتى


بحاول انسى همومى فى وسط عيلتى وصحابى


لما بتكون عندى مشكلة او حاجة بفكر فيها كتير مسببالى حزن بشغل نفسى باى حاجة تانية علشان مفكرشى فيها كتير




السؤال الثالث: هل السعادة وهم أم أنها حلم صعب؟


اكيد مش وهم ياما مكنش حد عرف يحل التاج



ممكن نقول حقيقة صعبة المنال




السؤال الرابع: هل السعادة طريق للنجاح ؟وضح؟



هههههههههههههههههههه حلو وضح دى فكرتنى بامتحانات الدراسات وضح مع ذكر الاسباب


اه السعادة اكبر طريق للنجاح لان الانسان لما بيكون سعيد بيملك من الطاقة ما يمكنه من فعل الكثير من الانجازات والقرب من اهدافه وتحقيق النجاح




السؤال الخامس: ماهى أكثر اللحظات التى شعرت فيها بالسعادة؟



الحمد لله كتير لحظات السعادة ما اكثرها فعلا



السؤال السادس:هل ممكن أن تحقق كل شىء؟


ده بيبقى توفيق من ربنا بس لو الانسان عمل اللى عليه ومشى بترتيب صح وخطط للحاجة دى صح وتوكل على الله وربنا كان رايد تحقيق هذا الشى باذن الله هيتم

ولكن هناك الكثير من المعوقات التى تعيق تحقيق بعض الاشياء




السؤال السابع: السعادة تجعلك تقبل على الحياة أم لا؟


اكيد لما ببقى سعيدة بحس انى طايرة وانا فى مكانى بحس انى بحب الناس اوى وشايفة الدنيا ربيع وعايزة اذاكر وابقى عايزة اعمل اى حاجة كويسة




السؤال الثامن: هل أحسست يوما انك وصلت لقمة السعادة؟


معتقدشى لاننا نجهل قمم الاشياء المعنوية بس لو هقول القمة بالنسبة لمستوى سعادتى انا يبقى لما بكون قريبة من ربنا اوى اوى اوى




السؤال التاسع: لماذا تمر أوقات السعادة بسرعة؟



فى اعتقادى ان السعادة الشديدة بتخلينا فى حالة من عدم الواقعية وبالتالى بتكون غير متناسبة مع حياتنا فبنحاول فى كثير من الامور اننا نكون واقعين فبيخف تأثيرها ولكن هذا لا يعنى انها مرت بل هى موجودة وتستمر مادام لم يعكر صفوها شيئا اخر




السؤال العاشر: هل ترى السعادة فى التدين؟


من وجهة نظرى هو السبب الاساسى للسعادة الانسان فعلا بالفطرة محتاج يكون قريب من ربنا وعلشان كدة لما بيبعد بيحس انه ناقصه حاجة ولما يقرب يحس انه سعيد




السؤال الحادى عشر: هل أنت متفاؤل وعندك أمل؟ وضح؟


الحمد لله بس بتفائل بواقعية فممكن اقول مثلا انا بتوقع ان كذا كذا يحصل لاسباب معينة الاقى حد بيقلى انتى متشائمة وفى الاخر بتحصل برضه

يعنى مش متفائلة التفاؤل بقى اللى هو انا واثقة من اى حاجة


لا هو ان شاء الله خيرا بس لازم تكون فى نسبة احتمالات مش كويسة

وساعات بكون متفائلة بدون سبب مجرد احساس قوى ان الحاجة دى هتحصل وغالبا الحمد لله بتحصل




السؤال الثانى عشر: إذا شعرت بالحزن ماذا تفعل؟


بدعى ربنا وبعيط


مبكلمشى غير قليل جدا


بحب اقعد لوحدى كتير اتامل وافكر


قبل مانام بقضيها عياط




السؤال الثالث عشر: هل يستمر معك الحزن فترة ام ينقضى فى الحال؟



لا الحمد لله مبحبش الحزن يستمر كتير وبتخلص منه بسرعة بس برضه على حسب المشكلة اللى خلتنى اوصل للحزن اصلا



السؤال الرابع عشر: ما رأيك فى الأفراد المتشائمين؟



ربنا يهديهم


قال رسول الله صلى الله عليه وسلم


(الطيرة شرك )




اللى لاحظته فى التاج ده ان غالبا معظمنا نفس الاجابات وده راجع اننا كلنا فعلا محتاجين حاجة واحدة وهى قربنا من ربنا

اللهم ارزقنا الثبات على دينك يا ارحم الراحمين




تحياتى


ايمى

هناك 73 تعليقًا:

مهرة سالم يقول...

إيمي العزيزه....
أتمنى أن تكون حياتك كلها سعاده...
إجاباتك صريحه ....
وتبين لنا شخصيتك...
دمتي بكل خير ..

اقصوصه يقول...

اجابات جميله

تقبلي مروري:)

mohamed ghalia يقول...

اللهم أمين
ان ربنا يكون راضى عنى بجد واكون قريبة منه اوى بجد بتكون اسعد لحظات حياتى

انى احس بحب الناس اللى حواليا واحس بوجودهم جنبى وبتأثيرى فى حياتهم

لما احس ان كل اللى بحبهم كويسين وفرحانين ومفيش حاجة بتؤرقهم ببقى سعيدة

لما انام وانا بالى مرتاح محدش زعلان منى ومكنتش سبب فى جرح حد

لما احس انى بقرب من اهدافى فى خطوات ثابتة

أختى العزيزة
كم سعدت وأنا أقرأ تلك الكلمات الرائعة
لكى كل الشكر والتقدير على قبولك الإجابة على أسألتى شرف حقيقى لى
دمتى بكل الود وفى سعادة
بالتوفيق فى إمتحناتك
أخوكى محمد

romansy يقول...

عزيزتى ايمى
ايه اخبارك واخبار الامتحانات
يارب تكونى بخير يا رب
مش عارف ليه حاسس انك مش سعيده بس بتحاولى تكتبى وتجاوبى على تاج السعاده
المهم يا ايمى حتى وانتى كده اجاباتك عاقله وجميله
يارب يسعدك دايما يارب
ويحقق احلامك

موناليزا يقول...

وحشتيينى جدا ياحبيبتى
وربنا معاكى فى الامتحانات ويارب دايما تكونى بخير
تمنياتى لكى بالسعادة الابدية

SHAPE YOUR LIFE (ABOALI) يقول...

يااااااااااااا عينى
على الاجابات النموذجيه
من المقرر راسا

وفقكى الله وسدد خطاكى ونحن على الدرب سائرون معاكى

السعاده ان يكون عندك يقين انك انسان
يخطىء ويصيب
يذنب ويستغفر
يحب ويكره
يعمل ويجنى
يسهر وينام
يذاكر وينجح


يااااااااااااقلبى عليك يا انسان
فيك العجب
فيك الكيان
فيك الاصل
فيك الايمان
فيك الجسد
فيك الروح
فيك الذاكره
فيك النسيان
فعلا تستحق تكون انسان يحبك الرحمن

اشكرك ايمى على اجاباتك التى تنم عن فطرة كله حيويه وحياه ونقيه وصالحه لزراعة كل خير
وخصوصا القمح علشان العيش والطوابير
هههههههه

الرومـيصاء يقول...

ايمى
ربنا يجعل كل ايامك سعاده وهنا
حبيبتى
اجاباتك
تلقائيه
وشفافه


دمتى بحفظ الله اوخيتى

princess يقول...

هالو
ايه التاج اللى بيشع سعادة ده هههههه ربنا يكرمك يا ايمى وتعيش سعيدة يا عسولة
تحياتى

Sweet Violet يقول...

ربنا معكى فى الامتحانات ياقمر

ياريت تطمنينى على ماما عامله ايه دلوقتى ؟؟؟

اما بقى عن اجاباتك للتاج

بجد رائعه

فعلا القرب من ربنا اول طريق للسعاده

دمتٍ بكل ود غاليتى

طـائر الليــل الحـزين يقول...

ايمى ........
اجابات للتاج بجد اكتر من رائعة
واحلى حاجة انك دايما بتركزى فى قربك من ربنا فى كل امور حياتك ....
وكمان احساسى انك شخصية مرتبة وحاطة هدف ليكى وان شاء الله هتوصليله
وصدقينى زى ما انتى بتحبى الناس
هما كمان كلهم بيحبوكى
عارفة يا ايمى انا بصدق المقولة اللى بتقول اللى بيحبه ربه
بيحبب فيه خلقه
وانتى تتحبى بجد
الله يكرمك ويحققلك كل احلامك
ودايما ناجحة وسعية فى حياتك الاجتماعية والعلمية
تحيـــــاااااتى

فارس بلا جواد يقول...

في البداية عجبتني جدا فكرة التاج وحسيت ان اسئلته فلسفية ومحتاجة لتفكير كبير في اجابتها بعكس تاجات شوفتها قبل كده كانت سطحية نوعا ما
ثانيا اجاباتك كانت مميزة وفيها نوع من الصفاء النفسي
انتي شخصية جميلة يا ايمي
ربنا يوفقك ويجعل ايامك كلها سعادة

Mona Shereif يقول...

ربنا يوفقك يا ايمى يااااااااااااااارب وينجحك
يارب اللهم امين
وحشتينى جدا
وفعلا اجاباتنا كلها متشايهه
وماشاء الله على محمد غالية نشر السعادة بينا بحركه جميلة اوى
ربنا يبارك فيه

حسن حنفى يقول...

ربنا يوفقك في الامتحانات

ويارب تحققي السعاده في دنياك واخرتك

دمتي بخير

تسنيم محمود حسين يقول...

السلام عليكم ورحمة الله وبركاته

ربنا يوفقك فى دراستك وامتحناتك....
اجاباتك بجد جميله جدا وصريحه جدا....
ربنا يجعلك من السعداء فى الدنيا والأخره....
دمتى بخير

والسلام عليكم ورحمة الله وبركاته

EMMY BABY يقول...

m.k

ربنا يكرمك يارب

واتمنى تكون الاجابات بينت شخصية عند حسن ظنكم

دمتى بخير حبيبتى

تحياتى

ايمى

EMMY BABY يقول...

اقصوصة

انتى اجمل

وميرسى جدا لدوام زيارتك

تحياتى

ايمى

EMMY BABY يقول...

محمد غالية

أختى العزيزة
كم سعدت وأنا أقرأ تلك الكلمات الرائعة
*******************
ميرسى جدا ربنا يكرمك

لكى كل الشكر والتقدير على قبولك الإجابة على أسألتى شرف حقيقى لى
دمتى بكل الود وفى سعادة
*******************
اللهم امين وكمان اسئلتك تستحق الاجابة وكشفتلى حاجات كتير وانا بحلها

بالتوفيق فى إمتحناتك
************
يااااارب ادعواااااا

تحيااااااااااااااتى

ايمى

EMMY BABY يقول...

رومنسى

عزيزتى ايمى
ايه اخبارك واخبار الامتحانات
يارب تكونى بخير يا رب
************************
الحمد لله كويسة والامتحانات اهى بتعدى الحمد لله على كل شى

مش عارف ليه حاسس انك مش سعيده بس بتحاولى تكتبى وتجاوبى على تاج السعاده
المهم يا ايمى حتى وانتى كده اجاباتك عاقله وجميله
*************************
(وش متعجب )ربنا يكرمك اتمنى تكون الاجابات فعلا عجبتك

يارب يسعدك دايما يارب
ويحقق احلامك

*******************
اللهم امين وكل المسلمين يارب

تحياتى

ايمى

EMMY BABY يقول...

موناليزا

وانتى كمان وحشتينى والله


وربنا معاكى فى الامتحانات ويارب دايما تكونى بخير
*******************
يارب وانتم وكل الناس

تمنياتى لكى بالسعادة الابدية

***************
اتمنى ذلك

تحياتى

ايمى

EMMY BABY يقول...

ابووووو على

يااااااااااااا عينى
على الاجابات النموذجيه
من المقرر راسا
******************
هههههههههههههه والله ما لاقيت حا-جة اغش منها بالرغم ان الامتحان اوبن بوك بس يلا

وفقكى الله وسدد خطاكى ونحن على الدرب سائرون معاكى
*********************
اللهم امين يارب العالمين

السعاده ان يكون عندك يقين انك انسان
يخطىء ويصيب
يذنب ويستغفر
يحب ويكره
يعمل ويجنى
يسهر وينام
يذاكر وينجح
**************************
الحمد لله طلعت انسان هههههههههههههه


يااااااااااااقلبى عليك يا انسان
فيك العجب
فيك الكيان
فيك الاصل
فيك الايمان
فيك الجسد
فيك الروح
فيك الذاكره
فيك النسيان
فعلا تستحق تكون انسان يحبك الرحمن
****************************
الحمد لله بجد
فعلا لو اختل ركن من دوووووووول بنبقى فى قمة الياس

اشكرك ايمى على اجاباتك التى تنم عن فطرة كله حيويه وحياه ونقيه وصالحه لزراعة كل خير
وخصوصا القمح علشان العيش والطوابير
هههههههه
**********************************
هههههههههههههههههههههههههههههه هزرعلكم مزرعة قمح كاملة بس يارب يطلع كويس

تحياتى

ايمى

EMMY BABY يقول...

الروميصاء

ربنا يجعل كل ايامك سعاده وهنا
**************
اللهم امين يارب واياكم جميعا

حبيبتى
اجاباتك
تلقائيه
وشفافه
*********************
ربنا يكرمك


دمتى بحكل خير حبيبتى

تحياتى

ايمى

EMMY BABY يقول...

برينسيس

هههههههههههههه هالو عليكى
شفتى السعادة بتنتشر وتتوغل ازاى

ربنا يكرمك يارب

تحياتى

ايمى

EMMY BABY يقول...

ضد التيار

ربنا معكى فى الامتحانات ياقمر
*****************
يارب يا اختى يارب هههههههه ادعى بجد كتير

ياريت تطمنينى على ماما عامله ايه دلوقتى ؟؟؟
****************
الحمد لله تمام جدا

اما بقى عن اجاباتك للتاج

بجد رائعه

فعلا القرب من ربنا اول طريق للسعاده
***********************
اه والله فعلا
انتى اروع :)

دمتٍ بكل خير

تحياتى

ايمى

EMMY BABY يقول...

طائر الليل الحزين

ايمى ........

نحم يا حبيبى نحم
هههههههههههه


اجابات للتاج بجد اكتر من رائعة
واحلى حاجة انك دايما بتركزى فى قربك من ربنا فى كل امور حياتك ....
**********************
انتى احلى والله
الحمد لله والله فعلا احنا من غير قربنا من ربنا انسان بلا روح

وكمان احساسى انك شخصية مرتبة وحاطة هدف ليكى وان شاء الله هتوصليله
وصدقينى زى ما انتى بتحبى الناس
هما كمان كلهم بيحبوكى
*******************
ربنا يخليكم ليا يارب وانا والله بحبكم اوى

عارفة يا ايمى انا بصدق المقولة اللى بتقول اللى بيحبه ربه
بيحبب فيه خلقه
وانتى تتحبى بجد
****************
انا لما قريت الجزء ده والله عيطت مش عارفة اقلك ايه بجد بس ده كتير عليا ربنا يخليكى ليا يارب

الله يكرمك ويحققلك كل احلامك
ودايما ناجحة وسعية فى حياتك الاجتماعية والعلمية
*********************
جميعا اللهم امين


تحيـــــاااااتى

ايمى

EMMY BABY يقول...

فارس بلا جواد

فعلا والله التاج عميق وهتحس بالعمق اكتر وانت بتجاوب انا فعلا كنت بحس انى متعمقة فى ذاتى علشان اعرف احل الاسئلة


ثانيا اجاباتك كانت مميزة وفيها نوع من الصفاء النفسي
انتي شخصية جميلة يا ايمي
ربنا يوفقك ويجعل ايامك كلها سعادة
***********************
والله كلامكم ده بيحسسنى ان لسة فضلى كتير علشان ابقى عند حسن ظنكم دايما

تحيااااااااااتى

ايمى

EMMY BABY يقول...

منممممممممممن

ربنا يوفقك يا ايمى يااااااااااااااارب وينجحك
يارب اللهم امين
************************
اللهم امين يارب العالمين

وحشتينى جدا
******************
وانتى والله يارب تكونى بخير


وفعلا اجاباتنا كلها متشايهه
وماشاء الله على محمد غالية نشر السعادة بينا بحركه جميلة اوى
ربنا يبارك فيه
********************
ربنا يباركله يارب هو فعلا يستاهل كل خير

تحياتى يا منمن

ايمى

EMMY BABY يقول...

حسن حنفى

ربنا يوفقك في الامتحانات

ويارب تحققي السعاده في دنياك واخرتك

دمتي بخير
******************************
اللهم امين وجميع المسلمين

تحياتى

ايمى

EMMY BABY يقول...

تسنيم حسين

وعليكم السلام ورحمة الله وبركاته

ربنا يوفقك فى دراستك وامتحناتك....
اجاباتك بجد جميله جدا وصريحه جدا....
ربنا يجعلك من السعداء فى الدنيا والأخره....
دمتى بخير
****************************
اللهم امين يارب وجميع المسلمين

ميرسى خالص بجد

تحياتى

ايمى

momken يقول...

السعاده السعاده؟؟؟

مش هجواب لانى مش بتكلم عن حاجه معرفهاش


تحياتى

هــو..مش ..نـو يقول...

كلكم تشكون الهوي ..
.أما آن لنا الأوان
.أن نشكي نحن الهوهوي
اما من داء في ذا الزمان
غير هذا الجوي
عندي انا الدوي.

مـجـنـووون يقول...

ربنا يوفقك يا رب ويسهل ليكي الامتحانات ويفتحها في وشك قادر يا كريم

بشحت عليكي هههههههههههههههههه


********************

السعاده في رضا الله عزوجل علينا

تقبلي مروري
مجنووون

mahasen saber يقول...

هو انا غبت كتير ولاا ايه
بس الاجابات عجبتنى وعجبتنى عودنك برضه
انتى يا بنتى مش كنتى واخده اجازه
ولا انا بيتهيألى


بس عجبنى انك دايما بتلجأى لربنا وشايفه ان السعاده فى القرب منه عز وجل
ربنا يسعدك ويهنيكى يا جميله

EMMY BABY يقول...

ممكن

انت اكيد تعرفها بس مجربتش تحس بيها وبسعادتك

ربنا يرزقك السعادة

تحياتى

ايمى

EMMY BABY يقول...

هو مش نو

كلكم تشكون الهوي ..
.أما آن لنا الأوان
.أن نشكي نحن الهوهوي
اما من داء في ذا الزمان
غير هذا الجوي
عندي انا الدوي.

ميرسى على القصيدة

تحياتى

ايمى

EMMY BABY يقول...

مجنوووووووووووووون

ربنا يوفقك يا رب ويسهل ليكي الامتحانات ويفتحها في وشك قادر يا كريم
*************************
اللهم امين


بشحت عليكي هههههههههههههههههه


********************

لا عادى انا عارفة انها شغلتك بعد الظهر هههههههههههههه

السعاده في رضا الله عزوجل علينا
********************
ونعم بالله بجد

تحياتى

ايمى

EMMY BABY يقول...

محاسن

هو انا غبت كتير ولاا ايه
*****************
لا بالعكس انتى علطول منورانى

بس الاجابات عجبتنى وعجبتنى عودنك برضه
انتى يا بنتى مش كنتى واخده اجازه
ولا انا بيتهيألى
********************
هههههههههههههه لا مش بالظبط انا كنت بدخل مدوناتكم بس مش متابعة كويس ومكنتش بنزل بوستات جديدة



بس عجبنى انك دايما بتلجأى لربنا وشايفه ان السعاده فى القرب منه عز وجل
ربنا يسعدك ويهنيكى يا جميله
**********************
اللهم امين يارب

ربنا يكرمك يارب يا قمر

تحياتى

ايمى

الازهرى يقول...

عزيزتى ايمى الصغيرة
كيف حال الوالدة العزيزة والامتحانات
ارجوا ان يكون كل شىء انتهى الى خير ما نبغى


السعادة كلمة مبهمة

كانت كذلك وما تزال وستظل عبر الزمن فكل منا يضع لها مفهوما يتفق مع البعض ويختلف مع اخرين وهكذا الى ما لا نهايه

اجاباتك اكثر من رائعة كما اعتدنا منك دوما

ربنا يجعل كل ايامك سعادة

تحياتى دوما

Kiara يقول...

ايمي وحشتييييييييييييييييييني اووووووووووووي

اجاباتك جميله لكن السعاده هي سعاده مش فيها خيال او واقعيه حد مبسوط اوي هنقوله مبسوط ليه انزل الارض هو سعيد وشايف ان السعاده هي اللي بتحل المشاكل

Rosie يقول...

أولا انا عايزة أحييكى على القصيدة اللى أنت حاطاها ّ"لسة فى حلم نروح وراه"..معاش أنا أول مرة أشوفها بس بجد حلوة أوى أوى..
ثانيا السعادة فعلا كنز لا يفنى ..يارب يرزقنا جميعا بهذا الكنز و لا يفنى خالص خالص

غير معرف يقول...

زى العسل يا إيمى و الله

برافو عليكى أنا بقالى زمن عايزة اجاوب التاج ده بس قاعدة زى خيبتها






موووووووووووووووووه
وحشانى

نوسه وريمان فى هاكونا مطاطا يقول...

انتى شكلك كده يا قمر موعوده بالتيجان الجميله

تعالى ليكى تاج عندى على هاكونا مطاطا

يلا بسرعه تعالى

ريمان

نعكشة يقول...

ربنا يجعل ايامك سعادة في سعادة
تجتاحها لحظات قليلة من الحزن الطفيف عشان تحسي بقيمة السعادة برضو متطولش حتة الحزن عشان الدعوة تبقى حلوة


لمهم يعني

ربنا يهدينا جميعاً

كل سنة وانتي طيبة يا قمر


عيد سعيد

سلام عليكِ

حسن حنفى يقول...

كل سنه وانتي طيبه وبخير يارب

طـائر الليــل الحـزين يقول...

ايمى الجميلة
انا جيييييييييت عشان اعيد عليكى
واقولك كل سنة وانتى طيبة
واسرتك وكل احبائك بأحسن صحة وفى افضل حال
واضحى سعيد عليكى وعلى امة الاسلام جميعا ان شاء الله
تحيااااااااااتى

سفروتة يقول...

كل سنة وانتي طيبة يا ايمي

وعيد سعيد عليكي يااااااااااارب

مدونتك وحشتني جدااااااااااااااااااااااااااااااااااااااااا

وانتي اكتر

:)

الازهرى يقول...

ايمى
كل سنة وانتى طيبة
والاسرة فى خير وسعادة وعافية

Unknown يقول...

عيد سعيد
وكل عيد اضحى وانت بخير
وان شاء الله العام القادم على عرفات متجمعين

Sweet Violet يقول...

كل سنه و انتى طيبه ياقمر

وحشااااااااااااانى موت انتى فين ؟؟؟

يارب تكونى بالف خير

mahasen saber يقول...

ايمى يا جميله
كل عيد وانتى بالف خير وصحه
واسرتك وكل من تحبين
بكل صحه وستر

أمل حمدي يقول...

كل عام وانت بخير يارب

نعكشة يقول...

كل سنة وانتي طيبة

عيبد سعيد

سلام عليكِ

romansy يقول...

كل سنه وانتى طيبه

عيد سعيد مليان بالحب والخير


عيد سعيد مليان بالامل والسعاده


عيد سعيد على كل البشر

والمسلمين
عيد سعيد
نحقق فيه امنياتنا
ونحقق فيه احلامنا
ونصبر
اكيد هنلاقى الخير
عيد سعيد

غير معرف يقول...

إيمىىىىىىىى حبيبة قلبى
كل سنة و أنتى طيبة يا قمر و عيد سعيد عليكى

موووووووووووووووه
بموت فيكى

EMMY BABY يقول...

الازهرى

عزيزتى ايمى الصغيرة
كيف حال الوالدة العزيزة والامتحانات
ارجوا ان يكون كل شىء انتهى الى خير ما نبغى
********************
الحمد لله بس لسة فاضل امتحانات كتير ادعى انت بس


السعادة كلمة مبهمة
كانت كذلك وما تزال وستظل عبر الزمن فكل منا يضع لها مفهوما يتفق مع البعض ويختلف مع اخرين وهكذا الى ما لا نهايه
**********************
كلامك منطقى جدا جدا

اجاباتك اكثر من رائعة كما اعتدنا منك دوما

***********************
وانتم كومنتاتكم اكثر من رائعة كعادتكم

ربنا يجعل كل ايامك سعادة
****************
اللهم امين وانت كمان وكل المسلمين

تحياتى

ايمى

EMMY BABY يقول...

مولاااااااااااااان الشقية

وحشتينى جدا


اجاباتك جميله لكن السعاده هي سعاده مش فيها خيال او واقعيه حد مبسوط اوي هنقوله مبسوط ليه انزل الارض هو سعيد وشايف ان السعاده هي اللي بتحل المشاكل

****************
ياعينى ياعينى على الحكم انتى يابنتى خسارة فى البلد دى

بوسة كبيرة بمناسبة العيد

تحياتى

ايمى

EMMY BABY يقول...

روزى

أولا انا عايزة أحييكى على القصيدة اللى أنت حاطاها ّ"لسة فى حلم نروح وراه"..معاش أنا أول مرة أشوفها بس بجد حلوة أوى أوى..
***********************
انتى احلى هى فعلا اغنية جميلة

ثانيا السعادة فعلا كنز لا يفنى ..يارب يرزقنا جميعا بهذا الكنز و لا يفنى خالص خالص
*****************
اللهم امين

كل سنة وانتى طيبة

تحياتى

ايمى

EMMY BABY يقول...

انا ودماغى البكاشة

هههههههههههه عاملة ايه يابنتى وحشانى والله

جاوبى يلا التاج فرصة فى العيد اهو

كل سنة وانتى طيبة ياقمر

تحياتى

ايمى

EMMY BABY يقول...

ريمان

هههههههههههه موعوووووود انا موعووووووووود

ميرسى ياحبى على التاج وان شاء الله هحله انتظرينى

تحياتى

ايمى

EMMY BABY يقول...

نعكشة

ربنا يجعل ايامك سعادة في سعادة
تجتاحها لحظات قليلة من الحزن الطفيف عشان تحسي بقيمة السعادة برضو متطولش حتة الحزن عشان الدعوة تبقى حلوة

***********************
اه والله كدة الدعوة منطقية واكثر واقعية



ربنا يهدينا جميعاً
****************
اللهم امين يارب

كل سنة وانتي طيبة يا قمر
*********************
وانتى طيبة ياحبيبتى


وعليكم السلام

تحياتى

ايمى

EMMY BABY يقول...

حسن حنفى

وانت طيب وبخير وبصحة وسلامة

ولعلمك هاخد منك عيدية هههههههههه

تحياتى

ايمى

EMMY BABY يقول...

طائر الليل الحزين


انا جيييييييييت عشان اعيد عليكى
واقولك كل سنة وانتى طيبة
******************
نورتى المدونة وانتى طيبة ياحبيبتى يارب
واسرتك وكل احبائك بأحسن صحة وفى افضل حال
واضحى سعيد عليكى وعلى امة الاسلام جميعا ان شاء الله
***************************

لك مثلا هذا الدعاء الجميل

علشان انتى جميلة فعلا


تحيااااااااااتى


ايمى

EMMY BABY يقول...

سفروووووووووووووووووتة

حبيبتى دائما

ربنا ميحرمناش من بعض ابدا يارب

وعيد سعيد عليكى يارب

وكل سنة وانتى طيبة

اممممممواة

ايمى

EMMY BABY يقول...

الازهرى

وانت طيب يارب

وعيد سعيد عليك وعلى كل اللى بتحبهم

تحياتى

ايمى

EMMY BABY يقول...

نهر الحب

يارب اللهم امين

كل سنة وانتى طيب ياحبيبتى

تحياتى

ايمى

EMMY BABY يقول...

ضد التيار

والله انتى كمان وحشانى اوى

كل سنة وانتى طيبة وبخير وسعادة وهنا

تحياتى

ايمى

EMMY BABY يقول...

محاسن يا اجمل من الجمال

كل سنة وانتى طيبة يارب انتى وبودى وكل اسرتك

فين العدية يامحاسن

تحياتى

ايمى

EMMY BABY يقول...

ماما امولة

وانتى بخير يارب انتى وكل اسرتك

كل سنة وانتى طيبة

تحياتى

ايمى

EMMY BABY يقول...

نعكشة

وعليكم السلام

وانتى طيبة ياقمر

وعيد سعيد عليكى يارب

تحياتى

ايمى

EMMY BABY يقول...

رومانسى

وانت طيب يا رومانسى

عيد سعيد مليان بالحب والخير


عيد سعيد مليان بالامل والسعاده


عيد سعيد على كل البشر

والمسلمين
عيد سعيد
نحقق فيه امنياتنا
ونحقق فيه احلامنا
ونصبر
اكيد هنلاقى الخير
عيد سعيد

طب بالله عليك اقول ايه بعد الكلام الحلو ده

ربنا يارب يسعدك

وكل سنة وانت طيب

تحياتى

ايمى

EMMY BABY يقول...

انا ودماغى

امممممممممممواة

كل سنة وانتى طيبة يا قمر

يارب تكون مزقططة كدة يارب

سامعاكى بتغنى العيد فرخة ماااااااااااااااااء

تحياتى

ايمى

كيكى عوووووو يقول...

ربنا دايما يسعدك ويهنيكى
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
عووووووووووووووووووووووو

EMMY BABY يقول...

كيكى

بخ هههههههههههههههههه

ربنا يكرمك يارب

كل سنة وانتى طيبة

تحياتى

ايمى

Rania Lelah يقول...

كل سنه و انتى طيبه يا جميله
و يا رب ديما تبقى مسوطة و نجحه يا رب

تحياتى