اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأحد، 28 ديسمبر، 2008

حبيبتى ستعودين قريبا

بجد والله وحشتوووووونى جدا بس فوجئت بالامتحانات كالمطر تنسال وتنهمر فلم استطيع حتى التقاط انفاسى لادخل واكتب لكم
بس خطفت خمس دقايق فى السريع قلت ادخل اقلكم انى مش بقدر ابعد عنكم غير فى الشديد القوى واعذرونى ان مكنتش رديت على تعليقاتكم او متابعة مدونتكم بس ان شاء الله بعد الامتحانات كل حاجة هتظبط


وبجد بشكرك جدااااااا يا ابووو على على سؤالك وكلامك الجميل اللى دائما عودتنا عليه
واحب اقول لكل اللى رجعوا حمد الله على سلامتكم كان نفسى اقولهلمكم فى مدوناتكم بس بجد انا اسفة وبالنسبة للناس اللى ردت ولسة مرجعتش بتمنى عودتكم فى اقرب وقت بجد والله انا مفتقدة المدونين كلهم واتمنى لما ارجع بعد الامتحانات الاقيكم كلكم
انا هبدأامتحانات يوم
3012
لحد يوم
291 عايزاكم تدعوووووووووووولى كتير


انا دخلت اكتب البوست ده علشان خاطر غزة بس فعلا ملقتش كلام يتقال بس هكتبلكم شعر بقلم داحمد اسماعيل لعله يعبر عما بداخلى

ياأمتى غزة تحتضر**وبموتها يموت كل نضال


رموها بقنابل كالمطر**فتناثرت رؤس وتقطعت اوصال

وصغارها تصرخ ياخالدويابن النضر**يامسلمين اين رجال

وحكامنا ماتوا فى الحفر**وجنودنا كحمر بغال

اين الصغار اين النساء فتنتصر**فما عاد فى الكلم رجال

ودموع عينى تنسال وتنهمر**كأنى قعيد بين ضرب نبال

والقلب قبل العين قد انفطر**ودموعى صارت دما فى الحال

ويداى لاأراهامن القصر**وسلاحى صار قديما بال

فاءنى حبست بطاعة لولى الامر**ومنعت حتى من قول قتال

وامرت ان اشدو كالبقر**وارقص فى العام سبع ليال

فياليتنى مت قبل هذا الخبر**اوكنت جنديافى وجه كل ضلال

ياغزة حماكى الله من الخطر**فليس لغير الله سؤال

وارمى صهيون بقلب كالحجر**وادفعى عن قدسنا الحبيب الغال

وانفرى برجال كالقمر**فشهادة..اونحيا رجال

ياامتى هل من مدكر**ياامتى هل من صحوة فى الحال

ياامتى قد طال الصبر**كفى نحيبا دهور طوال

ياامتى قد ضاق الصدر**من قتل وظلم طال

فلتنفرى عليهم كلمح البصر**ولتطبقى عليهم كأعتى جبال

************************

اللهم انصر الاسلام والمسلمين وحرر الاقصى وفلسطين

وارحم شهداء المسلمين

اللهم انتقم من اعداء الاسلام والمسلمين انتقام عزيز جبار وسلط عليهم من لايرحمهم

اللهم امييييين

هتوووووووحشونى بجد
تحياتى

ايمى

هناك 28 تعليقًا:

موناليزا يقول...

وانتى كمان ياحبيبتى هتوحشينا وربنا ينجحك باعلى تقدير يارب
اما عن غزة فلا نملك سوى الدعاء لها
وحسبنا الله ونعم الوكيل

ABOALI يقول...

ركزى فى امتحاناتك ومذاكرتك هى الاهم
غزه وكلنا محتاجين كل فكر واعى
كل قلم جسور كل مهندس ودكتور كل عامل وفلاح كل مهاجر وقريب

محتاجين نركز ونعرف نعمر بلدنا ازاى
وننشر دينا ازاى ونعبر عنه ازاى
كله ده ياءتى بعد التركيز والاتقان
واليقين فى الله و الدعاء والخشوع له
واننا نكون صورة لدينا
لاننا احنا اللى محتاجين الدين مش العكس

ركزى
والله النصر قادم قادم


تحياتى

smilyrose يقول...

حبيبة قلبنا ربنا يرجعك لينا

بالسلامة ويارب ينجحك انتى وكل اخونا

واخواتنا ويارب جميعا

بالعلم والايمان هنقف قدام العدو

بالعلم والايمان هيجى يوم نتحد

اكيد هيجى يوم نتحد

هتوحشينا يا حبيبت قلبى

smilyrose

روح الحب الصادق

romansy يقول...

ربنا معاكى يا ايمى ويوفقك وتنجحى فى الامتحانات
بس انتى ركزى شويه
ومنقدرش نقول حاجه الا حسبى الله ونعم الوكيل
وكمان ندعيلهم
بالنصر
ويرحم شهداهم

وكمان ندعيلك
ان ربنا يوفقك

ترجعى بالسلامه

mero-moory يقول...

السلام عليكم و رحمة الله و بركاته

ربنا معاكي في امتحانتك يا قمر

وحسبي الله ونعم الوكيل في كل ظالم

اللهم انصر الاسلام والمسلمين وحرر فلسطين

في رعاية الله

نهــــــــــار يقول...

السلام عليكم ..
الله يوفقك يارب ..
.........



اللهم إنهم مغلوبون فانتصر...
الله يتولاهم برحمته..

.....


في أمن الله..

كيــــــــــــارا يقول...

ربنا معاكي في الامتحاانات

وحسبي الله ونعم الوكيل في كل مقصر وخلي الوضع بقي بالشكل ده في غزه

هتوحشيني ووحشاني ياايمي

princess يقول...

وانتى وحشتينا اوى يا ايمى
ربنا معاكى فى الامتحانات
بجد حسبى الله ونعم الوكيل
وملناش غير الدعاء
خلى بالك على نفسك وذاكرى كويس

طـــائر الليــــل الحـــــزين يقول...

انتى اكتر يا قمر اللى واحشتينا
وربنا يوفقك وتخلصى على خير
وفعلا اللى بيحصل فى غزة
مش قدامنا حاجة نعملها غير اننا ندعى ان ربنا يرزقها ويرزقنا بحاكم عادل وبيجرى فى عروقه دم عربى بجد
يقول لاء على كل الاوضاع الغلط اللى حاصلة
ويقدر ياخد موقف قصدها
اللهم ام انصر الاسلام واعز المسلمين
تحيااااااتى على كلماتك الجميلة يا قمر

شاب نفسة يحقق حلمة يقول...

ربنا يوفقك في امتحناتك وبالنجاح ان شاء الله

اما عن غزة احنا مش بادينا غير اننا ندعيلهم

تحياتي ليكي

طوبة ذهب وطوبة فضة يقول...

حسبنا الله ونعم الوكيل وربنا معاكى يارب حسه بكل اللى انتى فيه وكانت اصعب ايام بتعدى علينا ربنا يعديهالك على خير ومن المتفوقين ان شاء الله ولا ونها من غير احباط يعنى مش فارقه كتير فى كليتنا كل سنه وانتى طيبه ياقمر وترجعى لنا بالف سلامه

حسن حنفى يقول...

لغزة لانمتلك الا يااااااااااااااااااارب

لازم ندعي ليهم لان ده اقل واجب علينا

............

يارب يوفقك يارب وترجعي بسرعه

دمتي بخير

Rania يقول...

سنع سعيده عليكى يا جميله
ربنا يعينك
و بالنسبه لغزة كابوس الامه العربيه
ربنا معاهم و ينصرهم
امين يا رب

سندس وأمل يقول...

:(.....حبيبتى غزه ...لا تحزنى فالله معكى

ووحشانى ياايمى....

معلش انا مقصره بس الامتحانات

سندس

wafaa يقول...

ربنا يوفقك يارب وترجعيلنا ناجحة
وتنفعى بلدك وتشرفيها
احنا عايزين قبل ما نقول غزة نقول مصر
ظلمناها كتير باهمالنا وتخاذلنا وسكوتنا

تسنيم حسين يقول...

السلام عليكم ورحمة الله وبركاته

ربنا يوفقك فى امتحناتك ويكلل تعبك بالنجاح بإذن الله.....
واما عن غزه فلا اقول غير حسبنا الله ونعم الوكيل فى حكامنا.......
وادعوا الله ان يعود جيل العزه لينقذ غزه...........

والسلام عليكم ورحمة الله وبركاته

شخـا بيــط مـحـجـوب يقول...

كل سنة وانتى طيبةويارب تكون سنة سعيدة عليكى

تحياتى ليكى

شخابيط mahgoub

الازهرى يقول...

الجميلة ايمى

ربنا معانا كلنا
وينجح كل الطلبة وغير الطلبة كمان

تحياتى دوما

شفقة هانم واحسان بك يقول...

ربنا معاكى يا ايمى ذاكرى كويس
بالتوفيق والنجاح يارب

mahasen saber يقول...

يا حبيبتى ربنا يوفقك ويعينك
شدى حيلك فى المذاكره وربنا يوفقك

وبالنسبه لغزه انا سمعت ان الجرحى فى معهد ناصر وسمعت ان فيهم 3 اطفال انا قلبى بياكلنى على الاطفال دول

ربنا يقدرنا ونقدر نعملهم حاجه

وتروحى وترجعى بالسلامه يا حبيبتى

خلى بالك من نفسك يا جميله
يا ام قلب ابيض

ريمان يقول...

وحشانى والله حبيبتى

ربنا ينجحك يا رب وينجحنى انا كمان

وربنا ينصر اخوانا فى غزه يا رب

وينتقم من اليهود الملاعين

ابقى طمنينى عليكى

هتوحشينى

عالم حبيب يقول...

اختي الفاضلة آيمي

جزاكي الله كل خير .. وربنا يارب يوفقك .. وجميل مشاعرك كمشاعر كل المسلمين تجاه أهلنا في غزة .. أحيانا الكلمات لا تسعف الواحد منا أن يعبر عما بداخله .. وإن شاء الله لنكن ايجابيين في نصرتنا لأهلنا في غزة بالدعاء الصادق - ولا يستقل أحدنا الدعاء - بالجهاد بالمال - ولا يوسوس الشيطان لحدنا أن الأموال لا تصل - بتضرعنا وصيامنا وطاعاتنا وتركنا لمعاصينا

جزاكم الله كل خير

princess يقول...

كنت جاية ازعق وبعدين افتكرت انك عندك امتحانات ههههههههه
سماح بقى

TeVa يقول...

ترجعي بالسلامة وأنت ناجحة إن شاء الله

بالتوفيق :)

حسن حنفى يقول...

ياه ده لسه كمان 10 ايام


علي العموم ربنا معاكي وان شاء الله ترفعي راسنا

elsha3er يقول...

ربنا يسهلك الحال وحالنا من حالك


احمد الشاعر

Rosie يقول...

ترجعلنا باسلامة..و ربنا معاكى و مع كل الامتحانات..شدة و تزول و كلنا فى الهوا سوا..على رأيك تنزل مثل المطر..أنا كمان كنت منقطعة عن كل شىء بسبب المتحانات..
أحييكى على اختيارك لهذه القصيدة فهى خير تعبير

mohamed ghalia يقول...

ايه روحتى فين
طمنينا عليكى
دمتى بكل الود
فى حفظ الله