اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأحد، 1 فبراير 2009

اذاعة خارجية

عدنااااااااااااااااااا
بعد ان انتقلنا الى اذاعة خارجية من قلب لجان كلية الطب البيطرى جامعة القاهرة سوف ننقل لكم الآن ما حدث هناك
حيث سمعنا بعض الاشخاص ومن ضمنهم آنسة تدعى ايمى بيبى انها تقول جملة غريبة (دفعتنا دى دفعة نحس )
وعندما سمعنا هذه الجملة توقفت الكاميرات وقررنا ان نقوم بعمل حديث صحفى مع المدعوة ايمى
فكان الحوار كالتالى
نحن من اذاعة بيبهات دوت كوم فهل لنا القيام بحوار معكى ؟
هى :طبعا على الرحب والسعة
احنا :سمعناك منذ قليل وانت تقولين جملة غريبة (دفعتنا دى دفعة نحس!!!! )
هى :اه فعلنا قلتها
احنا :طب ازاى تقولى كدة على دفعتك اللى انتى واحدة منهم !!!!
هى :علشان هى دى الحقيقة
احنا :ممكن توضحلنا ازاى ؟!
هى :اوك لورجعنا بشريط ذكرياتنا لورا لحد مانوصل لاولى اعدادى هنلاقيهم طبقوا علينا منهج اضافى وسموه ملحق دراسات علشان نزود ثقافتنا الجغرافية والتاريخية (مش لاقيين حاجة يعملوها )
وبعد كدة مرحلة تانية وتالتة اعدادى نلاقي مواد كتير ظهرت على راسهم التيمز
احنا : ايه هو التيمز ده
هى : اسئلة تفكير وتنشيط للذهن
والله فعلا اتذكر ان بعض المدرسين كان بيعجزوا قدام حل بعض الاشياء فيها ومع ذلك منكرشى انى كنت بستمتع جدا بحل الحاجات دى لان انا اصلا بحب الحاجات اللى مش مباشرة
تانى مادة كانت التكنولوجيا كنا بنقعد نصمم صناديق ومكتبات وكرسى وحاجات كتير جدا كنت بحس انى بطلع شحنة جوايا لانى بحب التصميم والرسم وكنت بفرح جدا لما الجروب بتاعنا مثلا يطلع حاجة حلوة ياخد عليها درجات كويسة
ثم نترك مرحلة الاعدادية ونذهب الى الثانوية العامة بعبع القارات لنجد نظام امتحانات غريب
يعنى مثلا فى العربى يكون موضوع تعبير كبير وواحد صغير والادب والنصوص والحاجات دى كانت اختيارى غبى لدرجة اننا كنا محتارين نختار مين فيهم هما الاربعة عجبنا
وبعد كدة عرفنا انهم لما جم يصححوا المدرسين ملتزموش بنموذج الاجابة وبقوا يمشوا كذا اجابة لان اصلا الاختيارات يعتبر كانت كلها تنفع
ونسيب مرحلة الثانوية بس قبل مانسيبها لازم ولا بد التنسيق يعلى علشان كل واحد ميدخلش اللى هو عايزه يدخل اللى ربنا كاتبهوله بس
وهييييييييه دخلنا الكلية قلنا بقى خلاص مش هيقدروا يطبقوا علينا حاجة تانى
لكن النحس ورانا ورانا كل رؤوساء الاقسام اتغيروا بلا استثناء
يعنى انا الترم ده امتحنت 8 مواد نشيل منهم واحدة علشان دى المادة الاختيارية يتبقى 7 مواد بسبع اشخاص جداد بسبع انظمة امتحانات جديدة هههههههههه
جابولنا الامتحانات معظمها مكنش مشكلتها فى صعوبتها قد ما مشكلتها انك عارف الامتحان ومش لاحق تكتب حاجة بس على مين حطينا فى ايدينا عجلات علشان نسابق الوقت واللى كان بيشيل العجلات من ايده كان بيضيع منه اسئلة
احنا : يااااااه دانتم فعلا دفعة نحس
هى :مع احترامى ليكم ولاذاعتكم الا انى كنت بقول نحس دى على سبيل الهزار ....طبعا طبعا احنا دفعتنا مش نحس بس هى متميزة وعبقرية علشان كدة هى كبش الفدا للدفعات الباقية D:
احنا :اعزائى المشاهدين بعد ان شاهدتم معنا عناء دفعة ايمى عليكم ان تدعوا لها من اعماق قلوبكم والا قطعنا عنكم الارسال
**************************************
بجد والله سيبكم من الحوار اللى فوق ده اصلا المحطة دى قفلت
انتم بجد وحشتونى جدااا ولعلمكم بالرغم ان الامتحانات كان نظامها غريب اوى والله والناس كانت بتطلع متضايقة الا انى حاسة ان الحمد لله حليت كويس طبعا بفضل ربنا سبحانه وتعالى ثم بفضل دعواتكم
واللى مدعاش هنقطع عنه الارسال :P
طبعا انا فى خطتى الخمساية الثلثية انى ارد على كومنتات البوستات اللى مردتش عليها وازور مدوانتكم اللى فاتنى فيها مواضيع كتير (وش حزين )اتمنى يخلصوا قبل ما الترم التانى يبدأ
تحياااااااااتى
ايمى

هناك 54 تعليقًا:

romansy يقول...

اخيررررررررررررررررررررررررررا


اول تعليق



ل



رومانسى

romansy يقول...

والتانى كمان علشان الحبايب


وسمعنى سلام


اهلا بالعيد


تيت تا را تيت تا را تيت تا را

romansy يقول...

والتالت بقى

علشان التحيه اللى جايه دى
علشان المنوفيه
واللى فى المنوفيه


تامر الحسينى


رومنسى

وكل منوفى


وسمعنى سلام

الموت علينا حق

romansy يقول...

اكيد طبعا الاذاعه قفلت لما سمعت الاخبار دى

حمد الله على سلامتك يا ايمى

ان شاء الله ربنا هيوفقك وتبقى اكبر دكتوره اطفال فى الشرق الللى على يمينك
ايوه دكتوره اطفال لانك هتتخرجى وانتى لسه بيبى برضه

نورتى المدونه يا ايمى
وياريت بقى تغيرى اللون الاسود دا شويه فرحيها بقى

غير معرف يقول...

وحشانى أوى أوى يا قمر

بس إيه ده ده أنتو دفعتكوا دى فله شمعة منورة

ربنا يصبرك يا بنتى








بس الحمد لله أنك حليتى كويس و ربنا يوفقكم فى كل خطتك الخماسية اللى جاية و يقدرك عليها
وحشاااااااااااانى أوى

SHAPE YOUR LIFE (ABOALI) يقول...

هههههههههههه
جميل جدا الحوار فعلا يثبت انكوا دفعة كلها عزيمة واصرار تتحمل الصعاب وكله يهون لاءجل مصر الغاليه علينا
مش تريقه ده بجد
لاءن كله فى ميزان الحسنات

سعيد جدا" بروحك المتفائلة المجتهدة
ودايما كده ان شاء الله على طول

ولك كل التحية

وموفقه ان شاء الله

princess يقول...

هااااااااااااااااااااااى
وحشتينا كتير يا بنتى
الحمد لله انك خلصتى بالسلامة
مستنين زيارتك وبوستاتك الجديدة
يا دفعة نحس هههههه
تحياتى

حسن حنفى يقول...

حمد لله علي السلامه

ان شاء الله تجيبي التقدير اللي تعوزيه

بدعي اهو

:d

مستنين بقي البوستات الجديده

Sweet Violet يقول...

ازييييييييييييك يابنتى وحشاااااااااااااااااااانى

الحمدلله انك خلصتى على خير من غير اى خسائر D:

اما بقى بخصوص الاذاعة اكييييد انها قفلت بعد الحوار ده

يابنتى انا نفسى كنت هقفل الجهاز من كمية النحس اللى انتى قولتيه P:

لا بجد ربنا معاك ياجميل و بالتوفيق و النجاح ان شاء الله

و الحمدلله انك بخير

منتظرين بقى جديدك (:

الازهرى يقول...

تصدقى بالله
انا جاى من برة وناوى اسأل عليكى
الامتحانات منتهية من يوم 29 وانتى ولا حس ولا خبر

ما علينا
الف حمد لله على السلامة الغالية
وبخصوص النحس
كل الدفع بتقول نفس الكلام

Rosie يقول...

اذاعة جامدة موت....
بس عايزة أقولك حاجة فى موضوع أن الدفعة نحس...واضح أن الاحساس ده منتشر فى كل الدفعات و كل واحد لو فكر فى اللى حصله هى حس أن دفعته هى الأكثر جدارة بهذا القب "دفعة نحس"...أهم حاجة أن احننا نعدى و ربنا يسترها..زعودة حميدة يا ايمى

EMMY BABY يقول...

رومنسى

وادى اول تعليق محجوزلك

EMMY BABY يقول...

هههههههههههههه

والتانى كمان


هو العيد جه عندك من غير ما يقلنا

لا والموسيقى جامدة موووت ال تيت تارا ال

:p

EMMY BABY يقول...

هههههههههههههههههه الفرح اللى انت واقع فيه ده

سلام كبير للصعايدة بالعند فيك كل واحد يحيى بلده

بس طبعا كفاية ان انت وتامر من المنوفية ويلا ولا تزعل سمعنى سلام كبير ونصف للمنوفية


هههههههههههههه وخرجت من الفرح للميتم ايه اللى جاب سيرة الموت مش هتبطل شغلة الحانوتى دى ابدا

EMMY BABY يقول...

ايه اللى اكده دى ممكن تفتح فى اى وقت بس هى منتظرة ابنك فى المستقبل علشان تعمل معاه حوار صحفى

الله يسلمك يارومنسى

هههههههههههههههه دكتورة اطفال منين وكمان قعدت ابص على الشرق اللى على يمينى ملقتش ولا فل شكلك قتلتهم


بالنسبة للون الاسود انا مش عايزة اغيره علشان ده اول قالب اخترته لمدونتى غير ان اللون الاسود لو جيت دققت فيه هتلاقيه بيظهر اى حاجة تتحط عليه

ممكن تكتشف ده لو بصيت بليل فى السما ساعاتها تقدر تشوف النجوم اللى متقدرش تشوفها فى النور

تحياتى

ايمى

EMMY BABY يقول...

انا ودماغى

وحشااااانى انتى عاملة ايه وعملتى ايه فى الامتحانات

دفعتنا دى قمر قمر قمر على رأى بنت السباعى


اممممممواة

تحياتى

ايمى

EMMY BABY يقول...

ابووووو على

هههههههههههه ده احنا العزيمة والاصرار نشفت دمنا بجد بس بتمنى والله يكون فعلا فى ميزان حسناتنا دى اهم حاجة

وزى مانت قلت فعلا مصر محتاجة لروح شباب متحمس مش محطم الامال وعايز يهرب وخلاص

ربنا يوفقنا جميعا

منورنى دايما

تحياتى

ايمى

EMMY BABY يقول...

برينسيس

هههههههههههههه وحشتينى يابنتى دانا هزهقكم منى بس اصبروا عليا لما افوق من الامتحانات

وكمان مش احنا اتفقنا اننا مش نحس قد ماهى عبقرية هههههههه بالعند فيكى بس هه

تحياتى

ايمى

EMMY BABY يقول...

حسن حنفى

الله يسلمك

ربنا يوفقنا جميعا يارب

ايوة كدة ادعى علشان محرمكش من ارسال القناة

تحياتى

ايمى

EMMY BABY يقول...

ضد التيار ههههههههههههههه

اهم حاجة ان الجهاز متحرقشى من النحس

وحشانى والله يابنتى


اممممممواة

تحياتى

ايمى

EMMY BABY يقول...

الازهرى

لااله الا الله

مصدقاك والله علشان بتحصل معايا كتير


امممممممممم ماعلى قمت من النوم ههههههه لا بجد اصل انا خرجت اليومين اللى ورا الامتحانات انهاردة اول يوم اقعد فى البيت

اه انا عارفة ان الدفعات كلها بتحس بكدة بس احنا الدفعة الوحيدة اللى التطبيق فيها عملى اختى حتى بتقعد تقلى انتم دفعة نحس ههههههههه

الحمد لله انك مش من دفعتنا

تحياتى

ايمى

EMMY BABY يقول...

روزى

ازيك يا قمر

ربنا يكرمك يارب


وربنا يبعد عن بقية الدفعات هذا اللقب

هو انتى مفروض فى سنة كام دلوقتى ؟


تحياتى

ايمى

طوبه فضه وطوبه دهب يقول...

حمد لله على السلامه يا ايمى والامتحانات خلصت بكل قرفها خدى نفس عميق كده وانسى خالص وقضى اجازتك براحتك وباستمتاع وبجد نورتى التدوين تانى يارب ديما

موناليزا يقول...

حمدالله على السلامة ياحبيبتى
وبالنجاح الباهر ان شاء الله

elsha3er يقول...

اهلا بيكى مرة اخرى بين اخواتك المدونين


احمد الشاعر

blue-wave يقول...

هههههههههههههههه
حلوة الإذاعه دى
خليها شغاله
ويارب ماترجعش تقفل تانى:))

Kiara يقول...

هههههههههههههههههههههههههههههههههههههه

نحس نحس مش اي كلام

وحشتني يابت ووحشتني شقاوتك

فين المثاثه يابت

mahasen saber يقول...

ايمى الجميله حمد الله على سلامتك يا قمر

وعودا حميدا بالحوار الاذاعى ده

بس تعالى هنا حليتى فى الامتحان كويس بجد

بتطمن بس يا قمر

ونورتى يا جميله

mohamed ghalia يقول...

هههههههههههههههههههههههههههههههه
لا فعلا دغعتكم دفعة نحس ههههههههههههه
ومش عايزين نجامل ونقول غير كده
منوره عالم التدوين تانى
دمتى بكل الود
دمتى فى حفظ الله

أمل حمدي يقول...

حمد الله على السلامة يا ايمي

ربنا ينجحك يارب

ولا يهمك كله بيعدي

ربنا يحفظك من كل شر يارب

EMMY BABY يقول...

طوبة هب وطوبة فضة

اااااااااه خلصت بس لسة مش عارفة اخد النفس العميق حاسة انى طالعة مرهقة جدا من الامتحانات المرة دى معرفشى ليه


التدوين منور بيكم يا حبيبتى

تحياتى

ايمى

EMMY BABY يقول...

موناليزا

الله يسلمك يارب

ربنا ينجحنا كلنا ان شاء الله

تحياتى

ايمى

EMMY BABY يقول...

الشاعر

ربنا يكرمك انا فعلا بعتبركم كلكم اخواتى

تحياتى

ايمى

EMMY BABY يقول...

دوك عمرو

هههههههههههههه هى قفلت خلاص لو فضلت شغالة ممكن المدونين ينتحروا ههههههههه

تحياتى

ايمى

EMMY BABY يقول...

كياااااااااااااااااااااااااااارا

ايه ده انتى مدونتك رجعت تانى

الف الف الف الف مبرووووووووووك انا بحب اسم كيارا علشان اول اسم عرفتك بيه

انتى كمان وحشانى جدا

اما بخصوص المثاثة فمن عونيا مش واحدة بس علبة كمان


تحياتى

ايمى

EMMY BABY يقول...

محاااااااااسن حبيبتى

وحشانى بجد انا اللى جميلة برضه ولا انتى يا صوفيا لورن

الحوار مش هيكون احلى من حوارك فى البرنامج اكيد


اه الحمد لله حليت كويس بفضل ربنا وبفضل دعواتكم

تحياتى

ايمى

EMMY BABY يقول...

محمد غالية

هههههههههههههههههههههههههه مهو انا اكتشفت زى ماقلتلكم اننا من كتر عبقريتنا بيجربوا فينا الاول


التدوين منور بيكم قبل مااجى

تحياتى

ايمى

EMMY BABY يقول...

ماااااااما

الله يسلمك يا مامتى

فعلا كله بيعدى بس حبة صبر كدة وكله يبقى تمام

ربنا ينجحنا جميعا يارب

منورانى

تحياتى

ايمى

شخـا بيــط مـحـجـوب يقول...

ايمى حمد لله على سلامتك وحمد لله على انتهاء الامتحانات وعقبال لما نشرب الحاجة الساقعة فىالنتيجة اكيد امتياز انشاء الله

حمد لله على سلامتك للمرة الثانية

شخابيط mahgoub

EMMY BABY يقول...

محجوب الله يسلمك

وان شاء الله هتشرب حاجة ساقعة ادعى انت بس

نورتنى


تحياتى

ايمى

Ahmed Hishmat يقول...

يا ريت البث المباشر
يرجع من تاني
ومتبقاش فيه أعطال فنية
..........
أهلا بعودتك
ومستني زيارتك

Unknown يقول...

حمد لله على سلامتك
ويارب تكون الامتحانات كلها سهلة
بالتوفيق يارب
ربنا ينجحك

خادم الدعوة يقول...

تسلمى يا ايمى بس يعنى أنا أعرف واحد برضه كان فى بيطرى وعنده نفس الحالة دى .... هل ده مثلا داء ومنتشر عندكم ولا إيه ؟
أفيدونا أفادكم الله
.....................
على فكرة صاحبى ده مصاب بداء الإعلام وهو بصراحة متفوق ومتميز فيه هو داق الويل بسببه بس بصراحة لسة متمسك بيه لأن عنده مبدأ ويمكن برضه تكونو مش لاقيين شغل مثلا والحالة بقت قريبة من بعضها يعنى ولا مؤاخذة الناس بقوا قريبين من اللى بتدرسوا علشان تعالجوهم .... قريبين كتير فى المعاملات ... فى التفكير ... فى الأمراض ... فى ........ كفاية كده

مصطفي احمد يقول...

ربنا يكون في عونكوا

Rania Lelah يقول...

ايه الحوارات الجامدة دى
ربنا معاااااااااكوا

تحياتى

oRiGiNaL HeArT يقول...

ايمىىىىىىىىىىىىىىىىىىىىىىىىىىى
نورتى الدنيا كلها
بجد وحشتينى اوى
ان شاء الله النتيجة تطلع كويسة وتاخدى على اد تعبك وزيادة حبه :D:
وبالنسبة للارسال انتى قلبك ابيض بقى مش تقطعيييه احنا كلنا هندعيلك
يارب تنجحى ياارب
تعيش ايمى بيبى تا تا تعيش
اهو يا ستى D:
معلش اتاخرت فى الرد بس مدونة كانت هبلة اوى الايام اللى فاتت دى وكانت موقعة كل اللينكات :S

مهرة سالم يقول...

السلام عليكم إيمي...
ماشاء الله دفعت عباقره بجد يا عبقريتنى...
.....
الحمدلله ماتقطعش عني الإراسل (وش مبتسم وبينطنط)...
كان الله في عونكم ....ويوفقكم...
......
.....
دمتي بخير..

EMMY BABY يقول...

احمد حشمت

متخفش البث موجود علطول ان شاء الله بس المذيعة لازم تتغير ههههههههه

تحياتى

ايمى

EMMY BABY يقول...

نهر الحب

الله يسلمك يا حبيبتى

الحمد لله كلها عدت على خير

تحياتى

ايمى

EMMY BABY يقول...

خادم الدعوة

تسلمى يا ايمى بس يعنى أنا أعرف واحد برضه كان فى بيطرى وعنده نفس الحالة دى .... هل ده مثلا داء ومنتشر عندكم ولا إيه ؟
أفيدونا أفادكم الله
.....................
اه تقريبا انا اعرف كذا حد عندنا بيحب الصحافة والاعلام والاذاعة وفى مؤلفين وكتاب كمان
بس هو مش داء ولا حاجة بالعكس انا شايفة ان دى حاجة كويسة جدا ان يكون عندك موهبة او اهتمام ملهوش اى علاقة بدراستك ده شىء بيكسر الملل


على فكرة صاحبى ده مصاب بداء الإعلام وهو بصراحة متفوق ومتميز فيه هو داق الويل بسببه بس بصراحة لسة متمسك بيه لأن عنده مبدأ
********************
كويس جدا ان الانسان يكون عنده مبدأ بس بشرط مايطغيش على اهدافه الاساسية اللى منها دراسته فى الكلية وشغله


ويمكن برضه تكونو مش لاقيين شغل مثلا والحالة بقت قريبة من بعضها يعنى ولا مؤاخذة الناس بقوا قريبين من اللى بتدرسوا علشان تعالجوهم .... قريبين كتير فى المعاملات ... فى التفكير ... فى الأمراض ... فى ........ كفاية كده
********************
بجد والله انا مش فاهمة ايه اللى دخل اننا مش لاقيين شغل فى صحبك اللى عنده مبدأ

ثانيا الكلام ده فى اهانة لصحبك وليا ولكل حد فى بيطرى

اعتقد ان احنا لو زى اللى بنعالجهم فى المعاملات مكنش حد اصلا اتعامل معانا لكن انا شايفة الحمد لله الناس بتحب جدا الناس اللى فى بيطرى لان فى منهم مدونين وانا بشوف اسلوبهم فى التعامل

اما بقى من ناحية التفكير انا فعلا ممشتش فى طريق معين وخدت تفكير معين الا من بعد ما دخلت الكلية لانى لاقيت ناس فعلا بتعرف تفكر صح

على فكرة انا مش بدافع عن نفسى لانى واثقة انى مش كدة الحمد لله

بس انا معترضة على الكلام بس مش اكتر

نورت المدونة واتمنى التواصل الدائم انا بحب اسمع اراء مختلفة

تحياتى

ايمى

EMMY BABY يقول...

مصطفى احمد


اميييييييين


نورت المدونة

تحياتى

ايمى

EMMY BABY يقول...

رانيا

ههههههههه حوارات جامدة دانا قلت اول ماهيقروا الحوار هيقفلوا المدونة ويقوموا

ربنا يكون فى عوننا جميعا

تحياتى

ايمى

EMMY BABY يقول...

اوريجينال

هاااااااااارتى

وترجمتها قلبى على فكرة ههههههههه

والله الدنيا منورة بيكى انتى وحشتتتتتينى جداااااااا


ان شاء الله النتيجة تطلع كويسة وتاخدى على اد تعبك وزيادة حبه :D:
*******************************
ياااااااااااارب ربنا كبير


وبالنسبة للارسال انتى قلبك ابيض بقى مش تقطعيييه احنا كلنا هندعيلك
يارب تنجحى ياارب
تعيش ايمى بيبى تا تا تعيش
اهو يا ستى D:
*****************************
هههههههههههههههههههههه اتحايلى عليا شوية

خلاص خلاص

انا موافقة :p


معلش اتاخرت فى الرد بس مدونة كانت هبلة اوى الايام اللى فاتت دى وكانت موقعة كل اللينكات :S

***************************
محدش يجبلى سيرة الهبالة لانى بعانى من كمبيوتر اهبل ومازال ربنا يستر عليه شكله داخل فى دور حمى ههههههههه

كفاية انك نورتينى اممممممممممممواة

تحياتى

ايمى

EMMY BABY يقول...

نهااااااااااااااااااااار

وعليكم السلام ورحمة الله وبركاته


شفتى العبقرية اللى بتخر على كدة مغرقة البيت عندنا ههههههههههههه



الحمدلله ماتقطعش عني الإراسل (وش مبتسم وبينطنط)...
************************
اموت واشوف الوش ده ههههههههههه بس اكيد قمر طبعا

كان الله في عونكم ....ويوفقكم...
......
.....
دمتي بخير..
*********************

اللهم امين

تحياتى

ايمى