اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الجمعة، 27 فبراير 2009

اسمى مكتوب !!!!!!

ولا بيااااااااااااااااا ولا عليااااااااااااااااااااا دخلت مدونة رومنسى بعد غياب بسبب الامتحانات ولاقيت اجاباته على اسئلة قلت حلوووووو اقرا بقى لحد ما وصلت تهدى التاج لمين؟؟؟؟؟؟؟؟؟


تا تا تا طرخ طرخ لا مش بضرب حد ده اثر الصدمة لما لاقيت اسمى مكتوب !!!!!


حتى عادل امام جه يقلى اسمى مكتوب؟؟؟؟ قلتله لااااااااااا اقلى طويب :D

طبعا انا فى سرى بحقد عليه لان اسمه مش مكتوب


المهم بقى انه فعلا تاج دسم (محدش يجوووع دى مش وجبة يا جدعان ده تاج يعنى بلاش طمع )



يلا بقى يا ايمى وبلاش لوك لوك كتيييييييييييير وخشى فى المفيد

اوك يلا

....

...

..

.

لو كان ينفع تختار عصر تعيش فيه هيبقي انهي؟ ومين الحاكم؟


بجد طول عمرى كنت بتمنى اكون موجودة ايام الرسول صلى الله عليه وسلم والصحابة رضى الله عنهم وكان نفسى اوى يكون الحاكم عمر بن الخطاب رضى الله عنه

اول أولويه في حياتك؟
اعمل اى حاجة فعلا تحسسنى انى قريبة من ربنا واحس انه دايما راضى عنى

أكتر حاجه بتحبها في رمضان؟
اللمة على الفطار والسحور واحساس غريب بيجيلى وقت اذان المغرب بحس ان الدنيا فيها سكينة غريبة وان كل المسلمين مجمعين بياكلوا فى نفس الوقت

على فكرة انا بشوف الشوارع وقت المغرب لانى ساعات كتير مكنتش بلحق اروح على الفطار
أوصف أجمل فطار ممكن تفطره؟
جبنه فيتا ومعاه لانشون وبيض وشاااااااااى بلبن ده اساسى

مين أكتر اعلامي بتحبه؟
تامر امين اللى بيقدم فى البيت بيتك

لو ممكن شغلانه تانيه تختار ايه؟
لما اشتغل الاول الاولانية ابقى احدد التانية
:P


تانى بلد تحب تعيش فيه بعد مصر؟
اعيش اعيش يبقى محبش بلد تانية غير مصر ووالله بجد مش شعارات بس انا بحب مصر جدا وبحب الناس اللى فيها بغض النظر عن اللى بيحصل دلوقتى يعنى

لكن لو زيارة لبلد تانية نفسى اروح الهند ولبنان


اوصف ترتيبات أجمل فرح ممكن تحضره؟
مش مهم شكل الفرح المهم ان اللى بحبه هيكون معايا


صحيت من النوم لا موبايل ولا كمبيوتر ولا كاميرا ديجيتال ورجعنا لعصر الاحصنه والحمام الزاجل؟
هههههههههههههههههههههههههه يااااه طب والله احساس جميل كدة وساعات كتير بتمناه
بس لو حصل بجد اعتقد انى هكون زهقانة وهحس بالملل واقعد اغنى ظلموووووه وخدوا منه
موباااااااايلوووه


السعاده هي ... ؟

رضا ربنا عنى
اكون دايما مع الناس اللى بحبهم ويحبونى
اساعد حد محتاجنى
انام وانا ضميرى مرتاح ولا اذيت حتى ولا جرحت حد


عندك أمل؟ وأسبابك؟

عندى طبعاااا امل كبير كمان
الاسباب

ان ربنا هو ربنا

لما تحب تهرب من كل حاجه بتروح فين؟
مش مهم فين المهم اكون لوحدى وياسلام لو حتة ظلمة علشان افكر كويس


امتي أخر مره أخدت فيها نفس وقلت ياااااه أنا كبرت؟

هههههههههههههههههههههههههه عمرى طبعا ما قلت كدة كمان 20 سنة بقى اقول كدة

بتشرب سجاير ولا لا؟ وايه رأيك في الستات والرجاله اللي بيشربوا؟

لا طبعا انا بشرب شيشة علطول ههههههههههههههههههه
بلاش هزار نكلم جد شوية
لا طبعا اكيد مبشربشى
ورأيى فى الرجالة اللى بيشربوا انه حد ضعيف ساب حتة سيجارة تتحكم فيه
اما الستات فببصلهم باشمئزاز وبصراحة مبحسش انهم ستات اصلا

بتعرف ايدك الشمال ازاي؟
اللى هى بتبقى ناحية رجلى الشمال


أكتر آله موسيقيه بتحبها؟
بصراحة مليش فى الالات الموسيقية بس انا بحب عزف البيانو والكمان


ليه الذوق والنخوه اتعدموا؟

هما متعدموش بس بقوا نادرين جدااااااااااا ممكن لانهم لاقوا ان الذوق مينفعشى مع العالم دى يا راجل هههههههههه
وقرروا انهم يوروهم العين الحمرا او
البرتقالى

ايه الحاجات اللي لو حصلت هتبقي سعيد؟
احفظ القراءن كله واعمل حج
اكون اسرة مع شخص بحبه وبيحبنى ونكون متفاهمين جدااا
ابقى حد ناجح فى كل حاجة فى حياتى حتى فى علاقاتى مع الناس


تحب أرض زراعيه ولا اجنس عربيات ولا كام عماره ولا فلوس في البنك؟

امممممممممممممممم
انا اخد الفلوس اللى فى البنك واشترى بيهم ارض زراعية واجنس عربيات وكام عمارة هههههههههههههه

هى غلاسة بقى :P


تحب البحر ولا النيل؟
البحر

مركب ولا طياره؟
مركب

شخص مجنون ولا عاقل؟

مجنووووووووووون بس مش منخوليا يعنى


تقرا كتاب ولا تتفرج علي فيلم؟
اقعد على النت : P

خلاص متزعلوش هجاوب
على حسب موودى بس فى الغالب هيكون كتاب وخاصة لو كتاب بحبه


تهدى التاج لمين؟

اول 5 هيحطوا تعليقات هههههههههههههههه وهتبقى اول مرة الناس تهرب من اول تعليقات


******************************************

متزعلوش منى يا جماعة لو كنت اتاخرت عليكم فى الردود

واسفة على التأخير

*******************************

تحياتى
ايمى

هناك 66 تعليقًا:

SHAPE YOUR LIFE (ABOALI) يقول...

اول تعليق على اسمى مكتوب
حول

SHAPE YOUR LIFE (ABOALI) يقول...

والثانى تاءكيد

SHAPE YOUR LIFE (ABOALI) يقول...

يااااااا عينى على الاسم المكتوب
اجابات ايه
اقول ايه
استخدم ايه
اوصف ايه
اشرح ايه
اتكلم ايه
اعبر ايه

خلصت فيك كل الكلام
ههههههههههههههههههههه

SHAPE YOUR LIFE (ABOALI) يقول...

على فكرة انا روحت لبنان
بلد جميلة جدا فى الطبيعة الربانية
وليها طبع هادى
والناس هنااااااااك عاطفين والرومانسية تمام تمام

بس زحمة جدا

عدد السكان حوالى 6 مليون
عندهم 12 مليون سيارة


الهند بقى الطلعة الجايه دعواتك

SHAPE YOUR LIFE (ABOALI) يقول...

بس اختيار عهد سيدنا عمر
اختياااااااااار جبار ورائع طبعا"

بس هل افهم من كلامك
انك بتعدى العهدة لثورة ضد النظام الحالى
المبارك
اللى كله جمال
وفيه كده علاء
وتشعرى فيه انك سوزى اوزى


عيب عليكى ان كان ده تفكيرك

SHAPE YOUR LIFE (ABOALI) يقول...

دول بقى 5 تعليقات

ومافيش اجاااااااااابات على تاجات

بلطجة بقى

لاءنى عاوز اعيش فى العصر ده
علشان اكون حبيب لخير الانام كما قال


ولك التحية مع سلامى

بسمة انور يقول...

ايه دة انا فكرت انى اول تعليق

ياخساااااارة ملحوقة

EMMY BABY يقول...

ابوووووووووعلى

افرح وزقطط

التاج رسى عليك لوحدك

انت حصلت على اول 5 تعليقات ههههههههههههه

بسمة انور يقول...

بصى بقى اجاباتك جمييييييله ومقنعه
ودمك خفيييييييييف

EMMY BABY يقول...

هههههههههههههههههههههههههههه

هو انت كلامك بيخلص اصلاااااااااا

اصدق كل حاجة الا دى

EMMY BABY يقول...

ايووووووووووة انا نفسى اروح لبنان علشان المناظر الطبيعية اللى فيها

والهدوء اللى نفسى فيه

جو بجد جميل

ههههههههههههههههههه ايه ده انت بتطلع كتير ولا ايه

يااااارب ترؤوح الهند وتركب الفيل يا ابوووو على

EMMY BABY يقول...

هههههههههههههههههههههههههه

ايه يا ابوعلى

ربنا يجعل كلامنا خفيف عليهم

انا مليش فى السياسة انا برىء يا بيه هما اللى قالولى :))

EMMY BABY يقول...

طيب يا ابوووووعلى يا بلطجة

ههههههههههههههههههههه

طب سيب غيرك يعيش ليه السيطرة دى : P

تحياتى

ايمى

EMMY BABY يقول...

بسمة

هههههههههههههه ابو على لحق يابنتى معلشى حكم القوى

ربنا يخليكى يا قمر انتى اللى عسل مش انا

نورتينى

تحياتى

ايمى

blue-wave يقول...

التاج دا حلو بصراحه
واجاباتك عليه زى العسل
تقبلى تحياتى

غير معرف يقول...

حلو التاج واجاباتك لطيفة والاهم اني مش من الخمسة ههههههههههه لاحسن ياختي انا تعبت من التيجان
دمتي بالف خير ويارب يوفقك

ضحكات الحياة يقول...
أزال المؤلف هذا التعليق.
ضحكات الحياة يقول...

أجابات حلوة و اسئلة حلوة بصراحة هى يمكن تسائلات لناس كتير أحيانا الواحد بيفكر فيها
بس كده مينفعش أبوعلى أخد أول 5 تعليقات و احنا فين هههههههه هنحاول المرة الجاية نرد بدرى ان شاء الله

سفروتة يقول...

نياهاهاهاهاهاهاها
الحمد لله ان ابو علي اخد اول خمس تعليقات لوحده
عشان مش ادبس انا كمان
واعلق براحتي بقي
:))

بجد يا بنت يا ايمي اجاباتك زي العسل
وكنت متوقعة بعضها
طبعا ما انا بنتك وعارفاكي
ههههههههههههههههههههههههههههههههه

اللهم كتر من تاجات ايمي
واهريها اسئلة يااااااااااااااااارب
هههههههههههههههههههههههههههههههههههه
لا داعي لتحديف الطوب
انا همشي من سكات اهه

بنتك ثفروتة
:)

Sweet Violet يقول...

مبروك عليكى التاج ياقمر (:

بس بجد اجابتك حلوة و عجبتنى جداااا

و بالاخص لما قولتى مصر رغم اللى بيحصل فيها

ياريت الكل كده فعلا

غروب يقول...

ايه ده؟؟؟؟؟؟؟؟؟؟؟

انا باجى كل يوم انتى كتبتى الكلام ده امتى وابو على لحق ياخد كل المساحهع دى امتى ؟

ههههههههه

بس اجباتك عسوله خالص ودمها خفيف وانتى شخصيه عسوله

arsenalwy يقول...

EMMY BABY

ازيك يادكتورة اجابتك جميلة وتدل على حبك الكبير لله ورسوله


ردا على تعليقك على اخر بوست التعصب الاعمى انتى بتقولى ان رأى صاحبة التعليق صح معلش انا هختلف معاكى واقولك انه مش صح ان مهما كنا معترضين على موقف خدوه ان احنا نقول خلى اسرائيل تقطعهم وحماس تروقهم مش صح ان احنا نصر على معلومة غلط حتى لو المعارض دعم رأيه بمستند وكمان مش صح ان احنا نتهم حد بالخيانة لمجرد انه وضح الحقايق وانا عميل طب عميل لمين هى فلسطين ليها جهاز مخابرات علشان ابقى عميل ليهم

اعذرينى ان انا وضحت رأيى كنت عايز ارحب بيكى فى اول زيارة

بس شعارى وعنوان البوست الاختلاف فى الرأى لا يقتل النقاش ولا يضيع المحبة

princess يقول...

ابو على خد اول 5 تعليقات يبقى يحل التاج خمس مرات هههههه واجابات مختلفة كمان (وش ظالم)
انا عاجبنى كل الاجابات ما عدا اجابة واحدة انا مش بحب تامر امين ده خاااالص:))
تحياتى:))

طـائر الليــل الحـزين يقول...

كل تاج وانتى طيبة يا ايمى
بصى مش عارفة اعلق على ايه والا ايه كل اجاباتك فى منتهى الروعة بس اكتر حاجة معاكى وبشاركك فيها ان اكتر عصر كنتى تتمنى تعيشى فيه
هو عصر الرسول (ص)
تحيااااااااااااااتى يا قمر
ودايما منورة عالم التدوين

الازهرى يقول...

اللى هى بتبقى ناحية رجلى الشمال

حاسس انى شفت الرد ده قبل كده
فين ؟ فين ؟
ما علينا ربنا يسامح الناس اللى بتسرقنى عينى عينك

ربنا دايما ينولك كل اللى تتمنيه ويرزقك باللى تروحى الفرح معاه

ولو ابو على عمل اى شغل بلطجة ابعتى لى

mohamed ghalia يقول...

الحمد لله إنى جيت متأخر
هههههههههههههههههه
إجاباتك هايلة
ربنا يسعد أيامك دايما

Tamer Alhosiny يقول...

عزيزتي ايمي
طبعا انا عارف هتفركي عنيكي لما تقرئي اسمي

انا بقالي كتير مش بعلق عندك للاسف بسبب ظروف كتير قوي
لكن سعيد اني رجعت اعلف من تاني عندك
طبعا الشخصية الجميلة الاي بتختفي وراء وبين سطور التاج انا سعيد اني اكتشفتها
واعرف قد ايه هي شخصية جميلة
ومثار اعجاب الجميع

تحياتي ليكي ولاجاباتك الجميلة
ولو اني مش بحب تامر امين
بحب اكتر مني الشاذلي

تحياتي
تامر الحسيني
انسان عاشق حر

romansy يقول...

انا بقى يا ايمى معجبنيش فى التاج الا كلمه المهم معايا حبيبى
ماشى يا رومانسيه
عارفه ان فعلا اى مكان بيكون كويس مع الناس اللى بحبهم
بس بشكرك انك جاوبتى على التاج
وعلى فكره احنا عمرنا ما نسينا ايمى هانم ابدا

فشكووول يقول...

اصل انا وقعت فى الفخ ده قبل كدا اصل انا ما بحبش التيجان وكانت اول وآخر مره اجاوب على تاج ...
بس اشمعنى يعنى لبنان والهند
طب لبنان عارفينها حلوه واموره وسكوره طب والهند ليييييييييه؟
على العموم ربنا يحقق لك امنيتك وتحجى بيت الله الحرام وابقى ادعى لعمك فشكول
تحياتى

سندس وأمل يقول...

:)...........

سكووووووووووووووووووووووره

يااولاد....

باى بقى ...فى امان الله

سندس

غير معرف يقول...

كل اللى اقدر اقوله

حمدلله على السلامة

ABOALI

ابوص يمين الاقيك

شمال الاقيك

فوق الاقيك

تحت الاقيك

ممكن توسع شوية

علشان اشوف ايمى

بعد طول الغياب

Kiara يقول...

طبحا انا استنيت لحد اما اول خمس تعليقات خلصوووووووو هيييييييييييييه

زي العثل ياايمي والله بجد بحبك ياشقيه انتي

شخـا بيــط مـحـجـوب يقول...

إجاباتك هايلة
ربنا يكرمك

تحياتى ليكى

شخابيط mahgoub

حسن حنفى يقول...

اتمني انك تحققي اللي عاوزاه دايما

دعواتك بقي

لسه 3 شهور كاملييييين

:D

mahasen saber يقول...

ايه الرقه دى يا بيبى وحشتتتتتتتتتتتتتنى يا ايمى

وارجع الاقيكى مدياها اجابة تيجان
ربنا يعينك

ويحققلك كل اليى بتتمنيه
بس وحشتينى موت موت قوى يا جميله

مـجـنـووون يقول...

حمدالله علي السلامه

كنا مفتقدينك

وأجابات جميلة ويا رب تحققي كل إلي بتتمنيه

تقبلي مروري
مجنووون

elsha3er يقول...

حمد الله على السلامة اجاباتك جميلة ومنطقية

تحياتى

احمد الشاعر

Rosie يقول...

انت بجد انسانة جميلة يا ايمى و اجابتك حلوة اوى..
يارب تحققى كل اللى نفسك فيه...

الازهرى يقول...

http://fritend.blogspot.com/2008/12/blog-post_30.html


وش زعلان جدا جدا جدا جدا ............

ليكوريكا يقول...

جميله التاجات

بس اجمل حاجه ان اسمي

ميبقاش مكتوب :))

دمتي مذكوره

تحياتي :)

EMMY BABY يقول...

بلو ويف

هههههههههههههههه حلوة المجاملة دى

بس اكيد زى العسل لان انا الى كاتباه

وش بيغيظك

تحياتى

ايمى

EMMY BABY يقول...

حروووووووف انتى احلى

المرة الجاية هعمل حسابى واقول اول 50 تعليق هههههههههههههههههه

تحياتى

ايمى

EMMY BABY يقول...

ضحكات الحياة

هههههههههههههههههههههه طب والله مش عايزة ازعلك خلاص خد التاج وحله وخاصة انك فعلا امس تعليق بدون تكرار

نورتنى واتمنى اشوف اجابتك قريب

تحياتى

ايمى

EMMY BABY يقول...

هههههههههههههههههههههههههههههه سفروتة

ماشى ماشى يعنى انا مرضتشى ادبسك علشان عارفة انك مبتحبيش التاجات دى بس صدقينى المرة الجاية مش هرحمك

منورانى يا بنت انتى

تحياتى

ايمى

EMMY BABY يقول...

هههههههههههههههههههههههههههههه سفروتة

ماشى ماشى يعنى انا مرضتشى ادبسك علشان عارفة انك مبتحبيش التاجات دى بس صدقينى المرة الجاية مش هرحمك

منورانى يا بنت انتى

تحياتى

ايمى

EMMY BABY يقول...

سويت فيلوت

واللى انتى اللى اكيد جميلة ان الاجابة دى عجبتك بفرح اوى لما الاقى حد بيحب مصر
تحياتى

ايمى

EMMY BABY يقول...

غرووووب معلثى اصل انا عملت الاجابات قبل الغروب بشوية امسحيها فيا


بجد انتى اللى عسولة وربنا يخليكى ليا على الكلام الحلو ده

تحياتى

ايمى

EMMY BABY يقول...

ارسنلاوى

ربنا يكرمك

وطبعا الاتلاف فى الراى لايفسد للود قضية

تحياتى

ايمى

EMMY BABY يقول...

برينسيس هههههههههههههههه انا معاكى بقى طالما فيها ظلم

ههههههههه ده تامر يابنتى محترم اوى

تحياتى

ايمى

EMMY BABY يقول...

طائر الليل الحزين

ازيك يا حبيبتى

بجد الاجابات روعة علشان انتم اللى بتقروها

انتى اللى دايما منورانى

تحياتى

ايمى

EMMY BABY يقول...

ازهررررى

مش هرد طبعا كفاية اللى عملته فيك

وابو على مبيعملشى اى بلطجة انت اللى مشاغب ههههههه

تحياتى

ايمى

EMMY BABY يقول...

محمد غالية

ربنا يكرمك يارب ويسعد ايامك انت كمان

تحياتى

ايمى

EMMY BABY يقول...

تااامر

هههههههههههههههه افرك عينى ليه دانت اكيد اللى مش مصدق نفسك انى برد على تعليقك دلوقتى :P

لو انتم شايفنى شخصية جميلة فده انعكاس للشخصيتكم الاجمل

تحياتى

ايمى

EMMY BABY يقول...

رومنسى

ههههههههههههههههههههه يا رافعة من روحى المعنوية معجبكشى التاج (وش شرير )


انا رومنسية بعد الشر عليا ال رومنسية ال


وانا كمان عمرى ما بنساكم

تحياتى

ايمى

EMMY BABY يقول...

عمووووو فشكووول

كله كدة مبيحبش التيجان مع انها لية واللله

يارب بس احج وانا ادعيلك وادعى للناس كلها

الهند بقى علشان بحس تقاليدها قريبة مننا غير ان شعوبها فيها شبه مننا فى الشكل

وبحب لغتهم
كدة يعنى

منورنى

تحياتى

ايمى

EMMY BABY يقول...

سندوووسة

لا انا ايمان مش سكووورة

منورانى

ايمى

EMMY BABY يقول...

اسماء واحلام فى وجدانى

ههههههههههههههههههههههه ايه كله داخل عايز ينتقم من ابو على

منورنى يا احمد

تحياتى

ايمى

EMMY BABY يقول...

كياااارا

انا اللى بحبك جدا وكمان انا اجى فى شقاوتك ايه بقى


تحياتى

ايمى

EMMY BABY يقول...

محجوب

ربنا يكرمك يارب

احلى حاجة كومنتاتك دايما المختصر المفيد

منورنى

ايمى

EMMY BABY يقول...

حسن حنفى اللهم امين نحقق كلنا اللى بنتمناه

تحياتى

ايمى

EMMY BABY يقول...

محاااااسن

انتى كمان والله كنتى وحشااانى واستغربت انك مبتزرونيش افتكرتك زعلانة منى

منوراااااانى دايما بجد

تحياتى

ايمى

EMMY BABY يقول...

مجنوووووون


الله يسلمك وربنا يكرمك احنا اللى كنا مفتقدينك

تحياتى

ايمى

EMMY BABY يقول...

احمد الشاعر

الله يسلمك

الحمد لله انها عجبتكم بجد ربنا يكرمكم

تحياتى

ايمى

EMMY BABY يقول...

روزى والله انتى اللى جميلة بجد ربنا يارب يكرمنا جميعا

تحياتى

ايمى

EMMY BABY يقول...

ازهرررررى

احمدك يارب طلعت براءة

P:

EMMY BABY يقول...

ليكوريكااااااا

انت كمان مش بتحب التيجان ليك عندى المرة الجاية ادبسك ههههههه

منورنى

تحياتى

ايمى