اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الاثنين، 20 يوليو، 2009

بنتى ضنااايااااا

بنتى ضنايا كملت اول سنة ليها

وطبعا انتم عارفين ان البكرى دايما ليه معزة خاصة فلازم اعمل احتفال يليق بمقام بنتى

كل سنة وانتى طيبة يا حبيبتى

كل سنة وانتى طيبة يا مدونتى

محدش يستغرب انى بقلها بنتى لانها اتولدت قصاد عينى وعلى ايدى وفضلت تكبر معايا لحظة بلحظة وكنت بزوقها بايدى

بزمتكم تبقى بنتى ولا مش بنتى ؟؟!!
.
.

مش عارفة اقول ايه بجد والله بس كانت من اروع التجارب بالنسبة لى فعلا لاقيت ناس بتحبنى بجد وعرفت ناس بقوا خلاص متمركزين فى الناحية الشمال عندى (قلبى يعنى للى ثقافته عنجليزىD: )

بشكر سفروتة شكر خاص لانها كانت سبب فى دخولى عالم التدوين طبعا هتدعوا عليها انا عارفة ههههههههههههههه
اوعوا اوعوا حد يدعى على سفروتى هى اه كانت سبب فى ان واحدة غلسة ومصدعالكم دماغكم دايما تدخل عالم التدوين بس مهما يكن برضه سفروتة دى بنتى يعنى اخت مدونتى p:
.
.

بشكر كل واحد فيكم كان بيعتبرنى زى اخته او بنته بجد .......بشكر كل حد فيكم رفع من روحى المعدنية فى وقت كنت محتاجة فيه كلمة طيبة وابتسامة من القلب .....بشكر كل حد فيكم ادانى نصيحة بجد وكان نقده بناء وغير جوايا حاجة

بشكر كل واحد فيكم كان قلمه بيدعوا للحق ومبيخافشى من حاجة مهما كانت ........بشكر كل واحد كتب فى مدونته حاجة لمستنى او زودتلى معلوماتى

بجد والله بحبكم اوووووووووووى ومهما قلت مش هعرف اعبر
.
.

وفى ناس كتير غابت عن التدوين بس بجد مينفعشى انساهم وهفضل فاكراهم واتمنى لحظة رجوعهم تانى

واخيرا بعتذر عن اى حاجة عملتها ممكن تكون ضايقت حد فيكم وبعتذر عن عدم متابعتى لمدوناتكم الفترة الاخيرة
بس انا عارفة انكم شايلينلى معزة كبيرة او حتى خروف وهتسامحونى D:
************

يلا ده مش وقت الكلام ده وقت الطعام كلوا
نونو نونو علشان بنتى متتخضش ههههههههههه






كل سنة وكلكم طيبين وبخير وسعادة وحب
.
.
تحياتى
ايمى

هناك 128 تعليقًا:

سفروتة يقول...

ايمــــــــــــــــــــــــــــــي
كل سنة وانتي طيبة يا مامتي
وبعودة الايام
تفرحي وتتهني وفي عيدك نغني
.........
كمليها انتي بقي عشان مش حافظاها
نياهاهاهاهاهاهاهاهاها
بجد بجد بجد كل سنة وانتي طيبة ومدونتك طيبة وبألف خير
هي صحيح ممكن تكون غلطة بس احلي غلطة بجدددددددددددددددددددددد
وميرثي بجد علي كل كلمة قولتيها عن ثفروتة
ويارب يارب المدونة تكبر وتكبر وتكبر وتتملي بوستات وافكار من احلي ايمي في الدونياااا
كل سنة وانتي طيبة
امممممممممممممواة
:)

mohamed ghalia يقول...

كل سنة والمدونة وصاحبة المدونة بخير
وربنا يسعدك دايما
ليكى حقى تقولى عليها ضناكى فعلا مدونة كل واحد جزء منه
يلا بقى سفروتة لحقت أول كومنت حصل خيررررررررررررررررررررررر

موناليزا يقول...

هابى بيرث ذاى تو يو
سنة حلوة ياجميلة .. سنة حلوة يا ايمى:)
كل سنة وانتِ ومدونتك بخير ياحبيبتى وعقبال ماتحتفلى بعيد ميلادها المئوى وانتِ فى احسن صحة:)

جحا المصرى يقول...

كل سنة ومدونتك بخير
للأمام دائما
جحا

Sweet Violet يقول...

امممممممممممممم
لتانى مرة تعمليها فيه
طب اقتلك ولا اموتك هه

علشان بس عيد ميلاد بنتك هسامح
لما اشوف اخرتها معاك ايه بس
v_v

كل سنه و انتى و بنتك طيبيين و يارب دايما كده معانا
^_^

ABOALI يقول...

جميل كشف الحساب ده

اذن ممتلكاتك معزة
وهدايكى للغير خروف


ده شيىء رائع خالص
طب وفين خطة العمل فى السنه اللى جايه
وعلى اى اسس سيتم التعامل؟
وعللى واذكرى فى ادق التفاصيل
ما هى الايدى الاثمة التى جعلتك تقودى تلك الحملة الضارية وتتضيفى غلطة الى المطبعة ؟

وماهى مبرراتك لهذا التبذير الذى تم استعمالة لتقديم كشف الحساب؟


من فضلك جاوبى على الاسئله
لاءن ليكى معزة خاصة

وتعلن جمعية الرفق بطلاب بيطرى

التضامن معاكى


الله معاك ومعاك قلوبنا
الله الوطن الشهادة

أبو كريم يقول...

كل عام وانت ومدونتك فى إزدهار وإشارق

شهووووده يقول...

كل سنة ومدونتك اجمل واجمل ... تحياتي

hasona يقول...

السلام عليكم

كل سنة وانت طيبة
وكل سنة ومدونتك جميلة وبخير

وكل سنة وأنت تضيفي لمدونتك وهي تضيف لك
وان شاء الله في تقدم مستمر

انا ودماغي يقول...

كل سنة و المدونة و انتى طيبيييييين
و كل سنة احلى من اللى قبلها و تمتعينا اكتر و اكتر يا قمر

متنسيش تحضرلها الرضعة بقى

طوبة ذهب وطوبة فضة يقول...

kol sana wanty wbantk balf s3ada ws7a ya amraya wfwstena yarb bkl 5er nst7mlk bka wamrna llah

romansy يقول...

اهلا اهلا
بقى عدى سنه بس
انا حاسس انه عدى بدل السنه ميت سنه
كل سنه وانتى طيبه
يا ارق ايمى فى الدنيا وبنتك بخير
ب سانا كان نفسى تغيرى اللون الاسود
خليها تفرح بقى شويه

الازهرى يقول...

امممممممم
بقى سفروته هى السبب فى الشقاء بتاعنا
طيب لما اقابلها
ان ما شكرتها ما ابقاش الازهرى
بجد لازم نشكرها
وبجد كنت اخت عزيزة وذكية جدا وكنت سعيد وانا بأتابع مدونتك وأفكارك الجميلة

كل لحظة وانت وسفروته وبنتك وكل أحبابك وأصحابك فى خير وسلام ومحبة

blue-wave يقول...

كل سنه وانتى ومدونتك بالف خير

Rosie يقول...

كل سنة و انت و بنتك بألف خير........بجد يا ايمى انا بحب مدونتك جدا...و عقبال ما تشوفيها عروسة قد الدنيا..و أنا بشكر سفروتة انها دخلت بسمة شقية اسمها ايمى لعالم التدوين..

ماما أمولة يقول...

كل سنة وانت طيبة يا ايمي ومدونتك حبيبتك طيبة

دمت بكل الخير

EMMY BABY يقول...

سفروتى

وانتى طيبة يا احلى سفروتة

ههههههههههههههههه مش حافظاها

احلى غلطة بيكم انتم

والكلام اللى انا قلته ميجيش حاجة جنب حبى ليكى وانتى عارفة كدة كويس

يارب تكبر وتكبر وانتى معايا يا احلى صاحبة فى الدنيا

امممممممممممواة

تحياتى

ايمى

EMMY BABY يقول...

محمد

وانت بخير يا محمد وربنا يسعدك انت كمان

لا معلش محدش يستغير لقب ضنى منى كدة غش ههههههههههههههه ونحن نستمتع بحقوق الملكية الفكرية

يابنى انا عندى تانى كومنت زيه زى الاول بالظبط ولا تزعل نفسك خالص هههههههه

تحياتى

ايمى

EMMY BABY يقول...

موناليزا

وانتى طيبة يا اطيب اخت وربنا يخليكى ليا ويكرمك دايما بجد انتى تستاهلى كل خير

هخلى ولادى ان شاء الله يورثوها من بعدى ويعملولها مئوية براحتهم ههههههه

تحياتى

ايمى

EMMY BABY يقول...

جحا المصرى

وانت بخير وبصحة وسعادة

ميرسى ليك

تحياتى

ايمى

EMMY BABY يقول...

سويت فيلوت

ههههههههههههههههه دايما اعملك مفاجاءت علشان متمليش مبروووك عودة النت يا فندم ولا بلاش فضايح بقى

وانتى طيبة يا ضدتى وبصحة وسلامة

يارب انتم دايما تكونوا معايا ومتحرمشى منك

تحياتى

ايمى

EMMY BABY يقول...

ابو على
هههههههههههههههههههههههههههههههههههههههههههههههههههههههه ايه ده تحقيق ولا تهنئة


واضح ان ليا فعلا معزة خاصة فى قلبك هتطلع على عينى

خطة السنة الجاية اكيد هتبقى احلى ان شاء الله

سبب اضافتى لهذه الغلطة انى بحب دايما تشاركونى فرحتى وكان لازم اعبرلكم عن مقدار حبى ليكم

سبب التبذير علشان المدونين ياكلوا وينبسطوا ويدعولى بزمة من قلوبهم رشوة يعنى هههههههههههههه

لقد جاوبت بكل اخلاص وتفانى

وجزيل الشكر لرفقتكم بنا

الله الوطن الشهادة

تحياتى

ايمى

EMMY BABY يقول...

ابو كريم

اهلا اهلا

فى ازدهار واشراق طول مانتم معايا

ميرسى جدا

تحياتى

ايمى

EMMY BABY يقول...

شهوووووودة

ميرسى جدا ليكى ومنورانى فى اول زيارة ليكى

تحياتى

ايمى

EMMY BABY يقول...

محمد او حسونة اللى يعجبك ههههههه

وعليكم السلام ورحمة الله وبركاته


وانت طيب وبكل خير

وبجد انا سعيدة دايما بزيارتك ليا واتمنى اشوفك واحد من المدونين قريب بالرغم انى بعتبرك واحد منهم

تحياتى

ايمى

EMMY BABY يقول...

انا ودماغى

وانتى طيبة وبخير

قصدك ارزل عليكم اكتر واكتر ههههههههههههههه

ماشى من عونيا هحضرلها الرضعة وهجبلك مصاصة رشوة واخليكى تقعدى جنبيها اروح مشوار وراجعة

تحياتى

ايمى

EMMY BABY يقول...

طوبة ذهب وطوبة فضة

وانتى طيبة يا جميل وبالف خير ودايما منورانى

ههههههههههههههههه اه معلشى نسيت اجيب الليمون علشان تعصروه على نفسكم وتستحملونى لحد السنة الجاية

يلا امركم لله بقى

تحياتى

ايمى

EMMY BABY يقول...

رومنسى

اهلا اهلا بيك
تخيل كل الغلاسة دى وسنة واحدة علشان كدة ياعينى انت حسيت انها ميت سنة

وميرسى جدا لذوقك

وانت طيب وبخير

بالنسبة للون الاسود والله انا مش حطاه كدليل لحزن او اى حاجة بس انا بحسه بينطق اى حاجة تتحط عليه

وكمان بزمتك بقى ايمى تعرف الحزن

الحمد لله على كل شىء

تحياتى

ايمى

EMMY BABY يقول...

ازهرى

اهلا اهلا يا فندم

والله بجد مش عارفة ارد على الكلام الحلو ده

فعلا اخجلتم تواضعنا

انا كمان والله بعتبركم زى اخواتى جدااا ويحترم افكارك اوى

ربنا يكرمك

وفين هديتى بقى مليث دعوة

تحياتى

ايمى

EMMY BABY يقول...

دكتور عمرو

وانت طيب وبخير وسعادة


تحياتى

ايمى

EMMY BABY يقول...

روزى

وانتى طيبة يا حبيبتى وبخير دايما يارب

بجد والله انا سعيدة جدا بكلامك ده لما روزى تحب مدونتى هعوز ايه اكتر من كدة

انا والله بحبك جدا وبجد ميرسى جداااا على ذوقك ده

ربنا يخليكى ليا

تحياتى

ايمى

EMMY BABY يقول...

مامتى

وانت طيبة يا ماما وبخير وسعادة

بجد كنتى وحاشة المدونة جدا لان زيارتك ليها احساس جميل عندها

تحياتى

ايمى

شبــ اون لاين ـــاب يقول...

السلام عليكم ورحمة الله وبركاته

كل سنه وبنتك طيبه وانتى كمان طيبه

كده تضحكى عليا

انا قولت عندك بنت واخيرا لقيت عروسه

ماشى ماشى لو عاوزه تصلحينى

هتيلى حاجه حلوه ههههههههههه

فى رعايه الله

joker

Nostor Azzuro يقول...

وكل سنة وانتى طيبة

مبسوط عشان انا فى مدونتك

حلم بيعافر يقول...

ربنا يخليلك بنتك
ههههههههههههه

شمس النهار يقول...

كل سنه وانتي ومدونتك بنتك حبيبتي بخير وسلام وسعاده
ودايما في الخير يارب

قلم رصاص يقول...

السلام عليكم

كل سنة وحضرتك وبنتك بخير وسعادة

عقبال 120 سنة تدوين ان شاء الله وتميز

انا فعلا كنت خلاص اهه هدعى على سفروته
بس لحقت نفسي ههههههههههههههه

--------

واخيرا بعتذر عن اى حاجة عملتها ممكن تكون ضايقت حد فيكم وبعتذر عن عدم متابعتى لمدوناتكم الفترة الاخيرة
--------

ده على أساس يعني انك مهاجره قريب الى أفغانستان تجاهدي مع المجاهدين

هههههههههههههههههه

حقيقي سعدت جدا بمروري هنا وسعدت اكتر بمرورك هناك

هناااااااك .. حيث دخول التاريخ الباب والجغرافيا من الشباك
هههههههههههههههههه

دمتي مبدعة ومتميزة يادكتورة ايمي

عديني بقى عشان مش فاضي

خدي بال حضرتك























ورجعيه تاني

ههههههههههههههههههه

معلهش دي كانت غلطة مطبعية

دمتي في حفظ الله

تحيتي

ضحكات الحياة يقول...

السلام عليكم

ايمي

كل سنة و انتى طيبة

و عقبال 3876976868 سنة يا رب

و احلى سلام للبنت الصغنونة اللى كملت أول سنة ليها

و يا رب السنين الجاية سعادة و خير ان شاء الله

go go go go go go go go go go go go

بالتوفي دايما

و تحياتى

Sometimes يقول...

كل سنه وانتى طيبه يا ايمى

dalia يقول...

إيمـــــــي

ازيك كل عام وانت منورة مدونتك أو بنتك كما تحبين ان تطلقي عليها أنا افتكرت الاول ان في غطلة مطبعية في حكاية بنتك ديه لان انابصيت لقيت سنك 19 فقلت في نفسى بنتي؟؟؟؟ وبعدين لقيت ان مدونتك اصلا اسمها كده على العموم مستنين دايما غلطاتك المطبعية التانية
تحياتي

عالم حبيب يقول...

ما شاء الله

يارب يجعله عام خير ومدونة خير إن شاء الله ويجعل كل ما كتبينه في ميزان حسناتك يارب العالمين

Ahmed Atia يقول...

كل عام وانتى بخير ودايماً فى تقدم

بقالى كتير اوى بعيد بس ان شاء الله موجود باستمرار فى عالم الحريه القلميه

عالم المدونات العربى

EMMY BABY يقول...

جوكر

وعليكم السلام ورحمة الله وبركاته

وانت طيب وبخير

هههههههههههههههه شفت ضحكت عليك يلا هاتلى انت بقى حاجة حلوة نياهاهاهاها

منورنى

تحياتى

ايمى

EMMY BABY يقول...

NOSTOR

وانت طيب

وميرسى لزيارتك

تحياتى

ايمى

EMMY BABY يقول...

حلم بيعافر
هههههههههههههه يارب يارب

منورنى

تحياتى
ايمى

EMMY BABY يقول...

شموسة

يا اهلا يااهلا
بجد منورة المدونة

وانتى طيبة وبخير وسعادة يارب

على الفكرة انا هموت واشوفك من كلام ضد عنك

نورتينى

تحياتى

ايمى

EMMY BABY يقول...

قلم رصاص

يالهوووووووووى والله انت فظيع انا مبطلتش ضحك

وانت طيب وعقبال 120 سنة واحنا فى تواصل دائم مابينا


بالنسبة للجهاد فانا بفكر بس هجرب فيك الاول

وانا كمان سعدت بمرورك هنا وبمرورى على الخريطة هناك ههههههههه

يلا بقى عدى بسرعة علشان انت عامل زحمة

وحلو اوى الغلطات المطبعية دى p:

تحياتى

ايمى

EMMY BABY يقول...

ضحكات الحياة

وعليكم السلام ورحمة الله وبركاته

وانت طيب

ههههههههههههههههه معرفتش اعد مدونتى هتعيش كام سنة حسيت انه رقم تليفون

هبلغ البنوتة سلامك

ويارب السنين الجاية فى سعادة طول مانا معاكم

تحياتى

ايمى

EMMY BABY يقول...

منمن

وانتى طيبة يا وحشة

ولا فى وحشتينى ولا اى حاجة

الموضوع فى ان

يارب متكونيش زعلانة منى يارب يارب

وبجد والله فرحت لما شفت اسمك فى الكومنتات

بس فكى التكشيرة دى

تحياتى

ايمى

EMMY BABY يقول...

دااااااليا

منورة

انا الحمد لله تومام انتى ايه اخبارتك

ههههههههههههههههههههه عرفت اضحك عليكم يعنى

هى فعلا غلطة مطبعية

يارب كل الغلطات الجاية تكون سعيدة وانتم معايا

وربنا يكرمك

تحياتى

ايمى

EMMY BABY يقول...

حبيب

اللهم امين يارب

جزاك الله خيرا

وحمدالله على سلامتك

تحياتى

ايمى

EMMY BABY يقول...

احمد عطية

وانت بخير وسعادة

انت منور فى اى وقت وان شاء الله معانا علطول

تحياتى

ايمى

مدحت محمد يقول...

كل سنة وانتى ومدونتك بالف خير

ونشوف منك المزيد والجديد

اسماء واحلام فى وجدانى يقول...

التعليق رقم


54


يا فرج الله

شوفى بقى يا بنتى الف مبروك على اول سنة

وان شاء الله نعيش بعد كده كل سنة فرحتك وحبك لكل الناس




القطط كلها بتدعيلك وبتشكرك اوى

كيــــــــــــارا يقول...

وانا اقووووول مين اللي جاب الكارثة دي بينا

اتارررررررركي ياسفروته

لن انسي لكي هذا الموقف

غووووووووووووري يابت من هنا انتي وهيا

مث فيه حد فيكو فكر يحط مثاثه ليا

عاااااااااااااااااااااااااااااااا

مخمثاكو انتو الاتنين هه بث

^^^

كل سنة والمدون هبخير وبجد انا فرحانه بعيد ميلادها ووجودك معانا ياقمر

ربنا عالم انا بحبك اد ايه زي اختي واكتر

لاسع افندى يقول...

كل سنه وانتى وبنتك طيبين
وعقبال 100سنه تدوين


تحياتى

Eno يقول...

كل سنه وانتي وهي طيبين ياايمي وعقبال مليون سنه تدوين يارب :)

بشكرك لسؤالك عني :)

تحياتي :)

Mo7ammed يقول...

كل سنة وانتى طيبة يامدونة

وكل سنة وانتى طيبة يا ايمى
وعقبال سنين طويلة ان شاء الله تصدعينا فيها ^_^

ههههههه

EMMY BABY يقول...

مدحت محمد

وانت طيب وبخير

ان شاء الله طول منا معاكم

منورنى فى زيارتك الاولى

تحياتى

ايمى

EMMY BABY يقول...

اسماءواحلام فى وجدانى

مبروك التعليق 54 هههههههههههههههه

وانت طيب

ويارب دايما اقدر اسعدكم من خلال المدونة

وسلملى على القطط كتير وخلى بالك منهم

تحياتى

ايمى

EMMY BABY يقول...

كيااااارا

ههههههههههههههههههه ذنبها ايه سفروتة بس

يابنتى المصاصة هتسوسلك سنانك كذا مرة اقلك مفيش فايدة فيك

وانا كمان والله بحبك وربنا اللى يعلم

ربنا يخلينا كلنا لبعض

تحياتى

ايمى

EMMY BABY يقول...

لاسع افندى

وحضرتك طيب وبخير

ربنا يكرمك

تحياتى

ايمى

EMMY BABY يقول...

اينوو حبيبتى

وانتى طيبة

وكمان شكرا على ايه ده واجب عليا اصلا انتى زى اختى واكتر

ربنا يسعدك يا اينو يارب

تحياتى

ايمى

كيــــــــــــارا يقول...

هاتيها انتي بسسسسسسسسسسسس مش ليكي دعوه انتي يارغلثثثثثثثثثثثثثثثثثثثثه

EMMY BABY يقول...

محمد

ههههههههههه وانت طيب

طب الحمد لله الصيدليات هتدعيلى هيبيعوا ادوية صداع بالهبل

منورنى فى اول زيارة

تحياتى

ايمى

شريكة في المطعم يقول...

كل سنة وانتي طيبة وبخير
والمدونة في احسن حال
وبالتوفيق دائما...

فشكووول يقول...

ميمايه الحلوه الاموره

انا اتخضيت اول ما قلتى بنتى الحبيبه وشوية الغزل اللى انتى نازله فيها
وبعدين لقيتها المدونه ... قلت طب بيطرى وكمان متجوزه دى تبقى بنت فدائيه عشان انا عارف الطب البيطرى اصعب من الطب البشرى اسألينى انا عندى اتنين فى البيت بتوع معيز وقطط

كل سنه ومدونتك بخير وعقبال كمان 3 سنين ولا خليهم 30 سنه احنا حنكسب مدونه ممتازه وسكر زيك من اين يعنى

اشكرك على التعليق فى فشكول وان شاء الله تفضلى منوره فى التدوين وفى زياراتك لفشكول على طول

تحياتى يا دكتوره

فشكووول يقول...

أسف ايمى ... اصل ايمى وميمى قريبين من بعض ومتهيأ لى ان الاصل ايمان يبقى ايمى قريبه من ميمى
تحياتى

EMMY BABY يقول...

كيااااااااااارا

ماشى يا ستى من عونيا

وادى المصاصة ابقى ادعيلى بقى هههههههههه

https://www.ladybuggiftstore.com/Merchant2/graphics/00000001/KC313-Ladybug-Lollipop-Small.jpg

تحياتى

ايمى

EMMY BABY يقول...

شريكة فى المطعم

وانتى طيبة وبخير وسعادة

وربنا يكرمك

منورانى بزيارتك الاولى

تحياتى

ايمى

EMMY BABY يقول...

عمووووووو فشكول

هههههههههههههه ميمى ايمى اى حاجة منك حلوة

يعنى هعترض كمان بعد ميماية الامورة :)

دانا كدة ابقى اسشهادية مش فدائيةهههههههههههه

بجد والله كويس ان حضرتك ليك بنتين بيطرى اهو الاقى حد يحس بالمعاناة اللى بنعانيها

وانت طيب وبخير يا عمو فشكووول وربنا يخليك على الكلام الحلو ده

ويارب مدونتك تفضل منورة دايما بفشكلاتك المفشكلة

تحياتى

ايمى

akeed يقول...

كل سنة و انتى بكل خير

EMMY BABY يقول...

اكيد

وانت بخير

منورنى فى اول زيارة

تحياتى

ايمى

hager za3bal يقول...

عجباني اوي التورتايه البيضا اللي فيها ورد بينك صغير دي ..

ممكن اخد منها حته واقول لبلوجايتك كل سنه وهي طيبه ؟؟

:))))))

عاشقه الرومانسيه يقول...

كل سنه وانتى ومدونتك بخير ياقمر
المدونات دى عاااااااالم تانى
كله طيبه وحنان وخوف من اهله على بعض
التدوين بيعوض كتير من اللى بنشوفه فى الحياه وقسوتها
بتلاقى ناس بتحبك لله وفى الله
من غير هدف ولا مصلحه شخصيه
ناس حبيتك لمجرد انها لمست احساسك من بين سطورك
التدوين تجربه جميييييله فعلا



اما عن سؤالك عن الفيس بوء
فانا مش عارفه ادخل عليه وبينى وبينك احسن
اصلى شايفه انه مالوش لازمه
(:

norahaty يقول...

ايمــــــى
كل سنة وانتى ومدونتك
وسفروتة كمان(يعنى بنوتاتك)
بالف خير وصحة وعافية وسعادة
سكــــــــــــــــــــر زيادة:)

norahaty يقول...

بس ياترى ياهل ترى
لسه فيه باقى من
الحلويات الحلوة
دى ولا المعازيم
قاموا
بالواجب وزيادة؟
طمنينى اوووووووووم
اسن سنانى واجيب الشوكة
والطبق والسكينة والمعلقة
ولا اروح اتغدى فى بيتنا وخلاص(:

ريمان يقول...

كل سنه والمدونه طيبه وانتى طيبه وزى السكر والعسل كده

اعذرينى بجد مقصره فى حقك

متزعليش منى يا قمر


امواااااااااه


حلوه اوى التورته


هاتى حته بقه

EMMY BABY يقول...

هاجر

ياعينى على الرومانسية حلو الوصف الدقيق بتاعك للتورتة

خديها كلها رشوة طالما فيها كل سنة وانتى طيبة وكدة هههههههههههههههه

منورانى يا هاجر فى اول زيارة ليكى

تحياتى

ايمى

EMMY BABY يقول...

عاشقة الرومانسية

فعلا والله عندك حق هى تجربة انسانية عميقة لانها لاقت ناس حلوة تقدرها


بالنسبة للفيس بوك انا لحد الان بدور على فايدته بخلاف النوت وبعرف اخبار من عليه مش لاقيت ههههههههههه

بس شغال اهو ترفيه

المهم انى اطمنت عليكى

تحياتى

ايمى

EMMY BABY يقول...

نورهاتى

والله انتى اللى سكر زيادة

وانتى بخير وسعادة واشوفك دايما طيبة

منورانى

تحياتى
ايمى

EMMY BABY يقول...

نورهاتى

ياسلام دى لو خلصت اجبلك واحدة مخصوص واوصلهالك ديلفرى لباب مدونتك ههههههههههههههه

انتى تؤمرى يلا جهزى سنانك بقى

ولا اقلك خدينى اتغدى معاكى فى البيت وخلاص

تحياتى

ايمى

EMMY BABY يقول...

ريمان

وانتى طيبة وبخير وسعادة

ربنا يكرمك انتى اكيد مشغولة

ولا يهمك المدونة مدونتك فى اى وقت

خدى ياستة حتة تورتة بس هتدفعى تمنها هههههههههههههههه

تحياتى

ايمى

نهــــــــــار يقول...

السلام عليكم....
كل سنه إنتي وبنتك بخير ...
والله يبارك لك فيها ...
ويجعلها من أسباب سعادتك دنيا وآخره...
وحشتيني يا عسل ...
...
دمت بكل خير

فرفشة الوان يقول...

كل سنة وانتي طيبة وعقبال مائة سنة في تقدم مستمر بجد انتي تستهلي كدة واكتر من كدة
وتتربي فعزك وتكبريهابجد تستهلي كل خير انتي وضناكي

EMMY BABY يقول...

نهار

وعليكم السلام ورحمة الله وبركاته

وانتى بخير وسعادة يارب

وانتى كمان والله وحشتينى ووحشتنى طلتك على المدونة

منورانى دايما
تحياتى

ايمى

EMMY BABY يقول...

فرفشة

منورانى فى زيارتك الاولى

وانت طيبة وربنا يكرمك على الكلام الحلو ده

تحياتى

ايمى

حسن حنفى يقول...

كل سنه وانتي طيبه

والمدونه طيبه

عارف انها متأخره شويه

بس والله مش عارف مالي مكسل مش ليا مزاج اكتب في المدونه او اعمل اي حاجه

علي العموم حمد لله علي السلامه

دعواتك

هــــــــــــايدي يقول...

كل سنه وبنتك طيبه
ويارب عقبال ميه سنه وتشوفيها ديما بتكبر قدامك
واخبارك ايه
واخبار نتيجتك ايه
ومبروك على المدونه البيطريه
يارب تكون حاجه جميله زى دى

EMMY BABY يقول...

حسن حنفى

وانت طيب يا حسن وكمان ولا يهمك ولا تاخير ولا حاجة المهم انك لحقت التورت وخلاص

ليه بس المود ده حاول تخرج نفسه منك وانا عارفة انك تقدر تعمل ده

وربنا يسعدك ويوفقك دايما

ومستنين جديدك

تحياتى

ايمى

EMMY BABY يقول...

هاااايدة

وانتى طيبة يا جميل وبجد ميرسى خالص
يارب تكبر وانا معاكم


انا الحمد لله تومام وانتى عاملة ايه ؟

انا الحمد لله نجحت

بالنسبة للمدونة البيطرية هى لسة بصراحة وياريت لو تشتركى معانا فيها او لو عندك اى افكار

منورانى دايما

تحياتى

ايمى

مسلمة من أرض المشرق يقول...

كل عام ومدونتك تكبر شيئا فشيئا فى بناء صرح الإسلام الكبير

كل عام ومدونتك مساهمه فى خدمة الإسلام والمسملين

كل عام ومدونتك تكبر وتكبر الى الأبداع

بارك الله فيكِ وفى مدونتك المميزه

زى الهوا يقول...

عوقبال لما تتم سنين كتيرررررررر اووووووى , وبنتك بقى الحقيقية تبقى تكتب فيها معاكى

Darsh يقول...

بشكر كل حد فيكم رفع من روحى المعدنية فى وقت كنت محتاجة فيه كلمة طيبة وابتسامة من القلب
----------------
طيب انا لسه ما رفعتش من روحك المعدنية لحد دلوقتي !!!!

بس على العموم أكيد فيه مرات كتير هرفع من روحك المعدنية

مبروك على السنة الأولى لمدونتك

عقبال 100 سنة إن شاء الله

!!! عارفة ... مش عارف ليه يقول...

كل سنة وأنتي وهي طيبين

وإن شاء الله دايماً نيجي هنا

ويكون البوفيه دايماً عاامر

بالحاجات اللذيذة دي :)

تحياتي
وليد

معتز شاهين - باحث تربوي يقول...

ألف مبروك
وعقبال ميت سنة تدوين وتدوين

بارك الله فيكي ونفع بكي

ويبقى التواصل

EMMY BABY يقول...

مسلمة من ارض المشرق

كل عام ومدونتك تكبر شيئا فشيئا فى بناء صرح الإسلام الكبير

كل عام ومدونتك مساهمه فى خدمة الإسلام والمسملين

كل عام ومدونتك تكبر وتكبر الى الأبداع

بارك الله فيكِ وفى مدونتك المميزه
**************************
يااااارب تكون فعلا المدونة كدة
بجد والله مش عارفة اقلك ايه ربنا يكرمك على الكلام الحلو ده ويارب اكون كدة فعلا وتكون مدونتى بالوصف الجميل اللى ذكرتيه ده

نورتينى بزيارتك الاولى واتمنى متكنشى الاخيرة

تحياتى

ايمى

EMMY BABY يقول...

زى الهوااااااااا

ازيك يا ميس سماح عاملة ايه

وانتى طيبة ويارب بقى فعلا اورثها لبنتى واهى تعيش ههههههههه

تحياتى

ايمى

EMMY BABY يقول...

درش

ولايهمك يا مصطفى كفاية انك نورتنى بزيارتك دى

والله يبارك فيك

اتمنى التواصل

تحياتى

ايمى

EMMY BABY يقول...

وليد

وانت طيب وبخير وسعادة

يارب دايما منورنى وتعالى انت وان شاء الله دايما تجد مايسرك من الاطعمة الشهية هههههههههههههه

تحياتى

ايمى

EMMY BABY يقول...

استاذ معتز

الله يبارك فيك ويارب ميت سنة وانتم معايا

ربنا يباركلك

تحياتى

ايمى

نهر الحب يقول...

ايمى الجميلة النسمة اللطيفة فى عام التدوين كل عام وانتى بكل خير وسعادة
ويارب دايما متألقة اوعى تنسى الجاتوة
بفرح جدا والله لما بشوف تعليقك عندى او حتى عند المدونين زملائى
احبك فى الله

نهر الحب يقول...

ايمى الجميلة النسمة اللطيفة فى عام التدوين كل عام وانتى بكل خير وسعادة
ويارب دايما متألقة اوعى تنسى الجاتوة
بفرح جدا والله لما بشوف تعليقك عندى او حتى عند المدونين زملائى
احبك فى الله

نهر الحب يقول...

ايمى الجميلة النسمة اللطيفة فى عام التدوين كل عام وانتى بكل خير وسعادة
ويارب دايما متألقة اوعى تنسى الجاتوة
بفرح جدا والله لما بشوف تعليقك عندى او حتى عند المدونين زملائى
احبك فى الله

son's egypt يقول...

السلام عليكم
كل عام تدويني وانتي بخير
وتقدمي جديد كل عام

اقصوصه يقول...

مبرووك

الف الف مبروك

تمنياتي بمزيد من الازدهار

لك وللمدونه

تحياتي :)

prince4ever يقول...

مساء الجمال
انا اول مره اجي هنا
بس حبيت احييكي على الاسم الجامد بتاع المدونه
اسم جذاب كده و يشد بجد

تحياتي

الحــ ــزين يقول...

الحــ ــزين

ههههههههههههههههههه

ألف مبروك عقبال ما تقفلى دستة يارب بس مع جوزك وحبيبك إن شاء الله

دومتى سعيده

الحــ ــزين

princess يقول...

بااااااااااك
كل سنة وهيا طيبة يا رب وصاحبتها كمان:)))

أختكم فى الله يقول...

كل سنة وانتى طيبة وبنتك طيبة وربنا يخليهالك وتكبر كدة وتبقى كتاب كمان

سندس وأمل يقول...

ماما :)...انا اعتبرتك زى امى:)

كل سنه وهى طيبه وكلنا طيبين وانتى

يامامتى طيبه بحبك موووووووووووووووووووت

يااحلى ماما

وحشتينى جدا ومعلش ع التأخير..

يااحلى ماما.:) اقصد يااحلى اخت:)

سندس

المبرمج المحترف يقول...

كل سنه وانتى طيبه يا ايمى اتش ار

وربنا يكرمك يا رب ويزيدك علم وتبقى اتش ار اد الدنيا

دعواتك

♥ Am fOpa'D ♥ يقول...

هههههههههههههههههههههههههه

اولا:
افتكركوا انتوا الاتنين اقعد اضحك مش استهزاءا ولا استهاانة

ابدا والله مين يجرأ,,,,
بل فعلا بحس البراءة بتشششششششع من عينيكوا ومن علاقتكوا مع بعض

ربنا يخليكوا لبعض يا صغيريين

ثانيا:
كل سنة وبلوجتك معمرة وملايانة بوستات تضيف للقراء وللزوار
وان شاء اله يكون في ميزان حسناتك يا بنت

تصدقي عمري ما احتفلت بمدونتي على الغرم انه مر عليها دي 3 سنة
يلا المنحوس منحوس كل مرة النت يفصل او انا الي افصل

منتظرة بوستاتك يا ايمي,,,

فشكووول يقول...

تحياتى ايمى
كان يوما جميلا وان شاء الله يتكرر هذا اليوم بلقاءات مدونين كثيره

تحياتى ايمى

EMMY BABY يقول...

نهر الحب

بجد والله انا فرحت اوى بتعليقك ودى شهادة اعتز بيها فعلا

انتى حد طيب اوى بجد وبحب اشوف الخير اللى بتعمليه اوى

ربنا يكرمك دايما

ويارب دايما طيبة وبخير

تحياتى

ايمى

EMMY BABY يقول...

ابن مصر

وانت بخير ويارب فعلا اقدر اقدم جديد

منورنى فى زيارتك الاولى

تحياتى

ايمى

EMMY BABY يقول...

اقصوصة

الله يبارك فيكى

ميرسى اوى ياجميل

تحياتى

ايمى

EMMY BABY يقول...

برينس فور افر

بجد ده من ذوقك ويارب تكون المدونة عجبتك هى كمان

ونورتنى فى اول زيارة

تحياتى

ايمى

EMMY BABY يقول...

الحزين

ههههههههههههههههههه يارب حد يكره حلو دستة يادوبك

نورتنى وبلاش حزن

تحياتى

ايمى

EMMY BABY يقول...

برينسيس

عودا احمدا يافندم

وانتى طيبة وبخير يارب

تحياتى

ايمى

EMMY BABY يقول...

اختكم فى الله

وانتى طيبة وبخير يارب

وميرسى جداااااا لكلامك ده

تحياتى

ايمى

EMMY BABY يقول...

سندوووووسة بنتى حبيبتى

وانتى كمان وحشتينى اوى بجد

فينك

وانتى طيبة يا سندستى

ويارب تكونى دايما بخير

تحياتى
ايمى

EMMY BABY يقول...

المبرمج المحترف

وانت طيب يا عمرو وربنا يوفقك يارب

وميرسى للدعوة دى

تحياتى

ايمى

EMMY BABY يقول...

مريومة المتنكرة ههههههههههههه

بجد ضحكتينى يخربيتك

ال بتشع ال

وصغيرين كمان

روحى ياشيخة

وتعالى بسرعة

منورة والله وانتى طيبة ويارب دايما موفقة وياستى اعياد الميلاد دى روتينيات ولا يهمك

تحياتى

ايمى

EMMY BABY يقول...

فشكوووووووووووول

كان يوم جميل بوجودك يا عمو فشكووول

وميرسى جدا لذوق حضرتك وان شاء الله تتكرر

ربنا يكرمك

تحياتى

ايمى

mimi يقول...

ايمي أنا ميمي ... اتقابلنا في اللقاء النهاردة

حبيت بس أسلم واقوللك إن اللقاء النهاردة بجد كان حلو أوي

علي تعليقات بقي ... سلاااام

mimi يقول...

ايه ده؟

كل سنة والمدونة طيبة وماما إيمي طيبة كمان

ههههههههههه

التورتات دي جامدة أوي

مش جبتيها معاكي ليه ؟؟؟؟؟؟


ههههههههههه

EMMY BABY يقول...

ميمى

اكيد عارفاكى طبعاااااااا هو كان حلو لانكم كنتم موجودين فيه

بجد ياريت نكرره تانى

ويارب دايما يكون فى تواصل مابينا

وانتى طيبة ياجميل

كنت هجيب التورتات معايا بس قلت هتسيح ومش هيرضوا يدخلوها الحديقة هههههههه تلاكيك بقى

تحياتى

ايمى