اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

السبت، 8 أغسطس 2009

حيث اجتمعنا

المفروض انى كنت محضرة بوست تانى بس بصراحة مقدرشى افوت لقاء النهاردة من غير مااصدعلكم دماغكم كالعادة




النهاردة حيث اجتمعنا فى الازهر بارك فى لقاء للمدونين




بجد كااااان يوم ممتع جداااااا وبصراحة اتعرفت على ناس كتير محالفنيش الحظ انى اتعرف عليهم قبل كدة او ادخل مدونتهم بس فعلا ناس راقية ومحترمة اوى وياريتنى كنت عرفتهم من زمان




رحت فى الميعاد لاقيت :




ستيتة بجد حد راقى اوى وهادى جدا وعقلية جميلة وبتقدر تفكير الشباب اوى وكفاية انها ادتنا فرصة جميلة للقاء ده




وفاتيما حسيت فيها بحنان جميل اوى وبجد حد عواطفه رقيقة وانا اعتبرتها اختى الكبيرة لو هى تسمح يعنى واهم حاجة انها جبتلنا بسكويت ههههههههههههه




وكان موجود مصطفى صاحب مدونة مش عارف حد طيب وتلقائى وفضل معانا للاخر




ومحمد غالية حد محترم اوى وصاحب فكر يحترم وكفاية دعوته الدائمة للسعادة والتفاؤل ربنا يكرمه وكان معاه اخته كمان




وبعددين بقية الناس بدأت تيجى




هند صاحبة مدونة دموع الملائكة بالفرنساوى ههههههههه


ورنيم صاحبة مدونة المبتسمة دائما اللى خلتنى اكتبلها اوتجراف ومتقدرشى تنكر p:


واختهم الكبيرة كانت معاهم




وجه عموو فشكوووووووول صاحب الاراء المختلفة دائما تحت شعار نحن نختلف عن الاخرين :)


ربنا يخليك ياعمو فشكول ويديك طولة العمر




ومسدس صغير بس هو طلع مسدس طويل p:


واينوووو صاحبة مدونة رقة الاحساس اللى دايما اقلها اسم على مسمى




وجت كيكى وفتاة حالمة وكان معاهم شنطة ومش هسيح واقول فيها اكل وكدة ولا هقول اى حاجة D:


وجه احمد ابو العلاااااااا وياسر صاحب مدونة ومضات




وبعدين بقى دخلنا قعدنا جوة فى مكان كان ضلة وجميل بغض النظر عن الناس اللى اتحرقت من الشمس هما عارفين نفسهم




وشوية جوم




ميمايا وعادل ورامز عباس وخالد فودة وهانى صاحب مدونة نط فى الكوز وبدراوى




وبعدين جه مصطفى حسان اقلنا شعر من كتابه الجديد




وانفض اللقاء الساعة 3 تقريبا ودعوة للانصراف




كل الناس مشيت تقريبا وفضل انا واخت محمد ومحمد ومصطفى وابووووووووعلى اتصل وقال انه جاى




بجد كان نفسى اشوفه جداااا لانه شخص انا بحترم فكره جدا ودعوته للتغيير وقعدنا نتكلم تقريبا لحد 6 ونص


وميرسى يا ابو على على التوصيلة دى كلك جدعنة وذوق طول عمرك




وكريم مش زى ناس صحابنا اكيد عارفهم ياابو على وهما عارفين نفسهم p:




كان نفسى اشوف ناس كتير المفروض انها كانت جاية بس قدر الله وماشاء فعل


يارب اليوم ده يتكرر تانى


كنت سعيدة جدا بلقائكم


ومع تحياتى
مراسلتكم من وراء شاشة الكمبيوتر

ايمى

هناك 101 من التعليقات:

adel يقول...

النهاردة كان بجد تحفة و انبسطت اني اتعرفت عليكم كلكم
ولو اهرف انكم قعدين :(
مكنتش قعدت
كان عندي ميعاد للاسف الساعة 5
بس تتعوض ان شاء الله

اول زيارة و مش الاخيرة :)

EMMY BABY يقول...

فعلا كان يوم جميل اوى

ولو اعرف انكم قعدين :(


**************
انا خلاص بقى كنت هعيط وكدة

وبعدين صدمتنى

مكنتش قعدت

هههههههههههههههههه

ان شاء الله تتعوض
ومنورنى دايما

تحياتى

ايمى

فاتيما يقول...

إنتى يا أستاذة
سيبى الماكرفووووون دا شوية و تعالى على جنب أقولك كلمتين ...
إيه أختك الكبيرة دى ؟!!
مينفعش مامتك يعنى
أصل انا اخويا الصغير ماجد من عمرك كدا
أنا اللى مربياه تقريباً
الحاجة أمى أصلها رجعت من المستشفى سلمتهولى عهدة
كان عندى 13 سنة وقتها
بامبرز و اكل و لعب و عياط و الذى منه
يعنى لو كان الواحد إتجوز زى ما بيعملوا فى الفلاحين كان زمانى مخلفاه
انا بعتبر ماجد ابنى البكرى
و بحس إن كل اللى زيه ولادى
بس خلى بالك من حاجة مهمة
معندييييييييش بنات يخافوا من القطط
عشان عندى قطتين فى البيت و الست فيهم حامل يعنى العدد هيزيد
تيجى سعادتك تقوليلى بخاف و أبصر إيه
مفيش النظام دا
ماشى
طييييييييييب
كل الود ليكى يا حبيبتى و ربنا يعيد الأيام بخير علينا كلنا و تتكر اللقاءات الجميلة دى دايما

mohamed ghalia يقول...

هييييييييييييييييييييييييه
الحمد لله وصلنا بسلام
حمدا لله على السلامة
قصدك على كمين بقى بزى ناس
ها
اعترفى

أمل حمدي يقول...

السلام عليكم ازيك يا ايمي

كان نفسي اكون معاكم

لكن السفر بيتعبني في الحر

ان شاء الله تتعوض

وكل سنة وانت بكل خير يارب

ستيتة يقول...

زعلاااااااااااانة ومتأنصرة آخر تأنصر

لو قلتم انكم ها تقعدوا كنت استعيلت وقعدت معاكم واديت ولادي بومبة

رغم ان الصداع كان واكل نص نفوخي بس برضه كنت ها أستخسر اسيبكم

انا فرحت جدا النهاردة اني شفتك وشا لوش

ومستنية تقولي انك ها تروحي مكتبة البلد يوم الخميس علشان اشوفك كمان مرة وشا لوش

تحياتي يا قمر ياللي مش باين عليكي العفرتة خالص مالص

romansy يقول...

انا كا المفروض انى اكون موجود
بس كنت همشى الساعه 12 علشان شغلى
علشان كده
مقدرتش اجى
الاهم انكم انبسطتم
الحمد لله على كل شئ

EMMY BABY يقول...

فاتيمااااااااااا

والله انا كنت هقول ماما علشان حاسة انك بتحبى الكلمة دى بس انتى والله شكلك صغنن ومينفعشى تبقى غير اختى الكبيرة بس ولا تزعلى من هنا ورايح يا فندم ماما فاتيما

ربنا يخليكى لينا يا ماما بس من غير بامبرز انا كبرت خلاص

وادعيلى بقى ابطل اخاف من القطط والحيوانات وكمان كفاية فضايح على بلوجر وشى احمر هههههههه على اساس وش كسوف انتى عارفة


بجد ربنا يجمعنا تانى على خير يارب

منورانى

تحياتى

ايمى

EMMY BABY يقول...

محمد

هيييييه حمد الله على سلامتكم

والله يسلمك حسستنى اننا كنا فى امريكا

اه

هنطق اهو

هقر اهو

هعترف اهو








ولا اقلك خليها مفاجاءة ابو على يقولها هههههههههههه

تحياتى

ايمى

EMMY BABY يقول...

ماما امولة

وعليكم السلام ورحمة الله وبركاته

انا الحمد لله تمام وانتى عاملة ايه ؟

بجد احنا كمان كان نفسنا تكونى معانا حضرتك وناس كتير

بس فعلا اللقا نصيب تتعوض باذن الله

تحياتى

ايمى

EMMY BABY يقول...

ستيتة

هههههههههه متانصرة ليه بس التانصر ده كله

رجعتى لاقيتى ولادك صحيوا ولا كانوا لسة نايمين ؟

انتم اللى استعجلتم وش بيطلعلكم لسانه ههههههه

انا على فكرة عفريتة جدااااا بس مردتش اغلس عليكم الغلاسة جت فى فاتيما والثلت اخوات الحمد لله اترحمتى

نياهاهاهاها

منورانى

تحياتى

ايمى

EMMY BABY يقول...

رومنسى

واضح جدا ان كان نفسك تيجى

طب يابنى كنت تيجى وامشى على ميعاد شغلك او تعالى بعد الشغل زى ابو على كدة

كان نفسنا نشوفك

قدر الله وماشاء فعل فعلا

تحياتى

ايمى

ضحكات الحياة يقول...

السلام عليكم

ايه ده يا جماعة انا معرفش عن الموضوع ده خالص

طيب حد كان يقولى يلا ميعاد يفوت و لا حد يموت

ضحكات الحياة يقول...

المهم ان انتم قضيت يوم جميل اتعرفتم فيه على بعض

و مفيش احسن من الصحبة الحلوة

و أشوفكم يا رب قريب ان شاء الله

مهندس / على درويش يقول...

بجد وحشني التدوين وبتمني اني أحضر حاجه جميله كده

ويارب تكونوا كلكم بخير

تحياتي

حسن حنفى يقول...

:((

كان نفسي اجي بس حصلت شويه ظروف ومش عرفت

يلا ان شاء الله تتعوض

ريمان يقول...

يا رب تكونى اتبسطتى

كان نفسى اكون موجوده

وردشان smilyrose يقول...

السلام عليكم

وحشانى يا قمر

والله بجد كان نفسى اجى

بس الشغل وظروفة

المرة الجاية ناخد اجازة مخصوص

لازم باذن الله نتعرف على الناس الحلوة دى

hasona يقول...

السلام عليكم

أيكد كان لقاء جميل و ممتع
لأنه في مكان جميل
وجمع ناس حلوين
وجمع بين أفئدة وعقول نيرة
فكل المقاييس تجمعت ليصبح لقاء رائع
ان شاء الله يتكرر
ويزيد العدد والعدة والتعداد

تحياتي

SHAPE YOUR LIFE (ABOALI) يقول...

والله دارت الايام وقابلنا الناس المحترمين الكمل

ده بس فتح كلام لزوم رفع الارواح المعدنية


بعد فتح الكلام

طبعا انا شعورى اكيد هايكون مختلف
حضرت فى الاخر
واكيد كنت اتمنى ان استمتع برحيقكم كلكم فى حديقة الازهر

لاءن اكيد الحديقة ازدهرت بتلك القلوب البيضاء(مش اقوى يعنى ) التى اضافت للحديقة

وبما انى اتيت متاءخر
احب ان اسجل اعجابى بالحديقة وجمالها
ده اولا

وايمى البيبى ورشاقتها ولباقتها
وانتى يا ايمى انسانة نقية كما يبدو يعنى

اتمنى ليك كل الخير وليس الخير بس

اما من كانوا معك من عائلة البلد اللى عارفينها فبعدين الكلام عنهم

و قبلت طبعا مصطفى الباحث عما لا يعرفه وقريبا ان شاء الله سيجد الكثير لانه يستحق كل خير


تهنئة اكيدة لمن اطلق الدعوة
وان شاء الله يجمعنا ظلال الرحمن فى جنته


كان معكم من مدونة الغلطات

ابووووووووووووووعلى

Tamer Alhosiny يقول...

للاسف كان في اتفاق بيني وبين رومنسي نشارك في اليوم ده بس انا لظروفي الشخصية حرمته من المشاركة

تحياتي ليكم واتمني دوام الود والمحبة بين المدونين
وصحيح فاتنا لقاء حديقة الازهر بس قريب يكون في لقاء علي مائدة افطار باذن الله او في عمل خيري يجمعنا

تامر الحسيني
انسان عاشق حر

الازهرى يقول...

والله ياايمى
لو فضلت اكرر اعتذارى مش هاخلص
إقريه عند غاليا

وصدقينى أنا كنت جاى على الرغم من إنى كنت مرهق جدا من السفر لكن الحمد لله على كل حال الظروف جت كده

ما علينا
على العموم انت بالذات استمتعت بمعرفتك قبل كده انت والسفروته
ربنا يجمكم على خير دايما وتفضل صداقتكم طول العمر

تحياتى دوما

فرفشة الوان يقول...

لقاء جميل بس يجمعا انا حطا المناديل

مش قدرة امسك العياط كان نفسي ابقي

معكم لكن علي راى المثل (من صغر سني)

Eno يقول...

ايون المراسل اللي مجمعنا:)))

كان يوم تحفه ياايمي ومرسي عن الكلام اللي بتقوليه عني دايما مش عارفه اقولك ايه والله انتي بجد اللي انسانه رائعه ذو عقل واعي ومتفتح رغم اللي بيعملو فيكم في الكليه :))))

انت كنت واحشني اوي فعلا وقضيت معاكم اجمل ساعتين :)

تحياتي :)

بنجاواتى يقول...

السلام عليكم

انا غلطت اكبر غلطة مطبعية انى ما جتش امبارح :(

لكن ملحوقة ومتعوضة بإذن الله

mimi يقول...

ايه الجمال ده

الصور دي أنا هسرقها هسرقها

بعد إذنك طبعا

ههههههههههههههه

عسولة والله

بجد شرفت بلقاء كل المدونين ،، يارب دايما نلتقي

تحياتي

mahasen saber يقول...

كان نفسى احضر يا ايمى واشوفك واشوف كل حبايبنا المدونيين

بس اكيد انا حظى وحش

بس تتعوض ان شاء الله

د. ياسر عمر عبد الفتاح يقول...

فعلاً كان يوم جميل جداً
وأنا سعيد إني حضرته

hend mossallam يقول...

يا حبيبتي انا ابسط اكتر اني اتعرفت علي ناس بجد حلوين و جمال اوي

و انا بجد حبتكم اوي كلكم

mwaaaaaaaah :D

Maryama Qandil يقول...

wow,,,
كان نفسي اتواجد بس حصل خير,,,
ان شاء الله تتيح لي الفرصة في المرة القادمة اني اجي ,,,

بس الحمد لله انكوا استمتعوا باليوم والحضور,,,
:)

المعتصم يقول...

السلام عليكم
ازيك ياايمى
يارب تكونى بخير
بجد هو كان يوم هايل جدا
واتعرفت فيه على ناس جميلة جدا
وشوفت عقليات ممكن تكون مختلفه عن بعضها الا انها كلها عقليات واعيه وراقيه وكلها فكر عالى
وعلى فكرة الكل لما قال على خكاية الرقه دى عنك ماكدبوش انا مش بعرف اجامل بجد انسانه رقيقه وحساسه وكلك ذوق
وانا سعيد انى اتعرفت عليكى وعلى باقى الناس اللى حضرت اللقاء اللى كان ممتع
وان شاء الله يتكرر قريب
تقبلى مرورى وتحياتى

سندوووسه(سندس وامل) يقول...

عاااااااااااااااااااااااااااااا

يابختكم يالا غيرها فى غيرها ان شاء الله

عاااااا مرارتى هتتفقع:)

ممممممممممم...يالا مره تانيهO_o

يارب....:)...مش حقد

سنديسوووووووووووو

كيكى عوووووو يقول...

انا مش راضية اقولك ان كان فيها كمان جزم!!!
دى شنطة جحا وكمان الاكل حمض مش قولتلك كلى يافقرية
سؤال بس صغير همة مين الى عاملين يقولها عليها رقيقة دى؟؟

خالد فوده يقول...

ده انا دايخ من الصبح علشان اوصل للمدونات دي
بلوجر اشتكي مني
هههههههههههههههههه
بجد انا سعيد جدا اني اتعرفت علي حضراتكم
وان شاء الله نتقابل تاني

سفروتة يقول...

شوفي يا بنتي
من غير ما تتكلمي
انا عارفة ان اللقاء كان ناقصني
D:
بجد كان نفسي ابقي موجودة واتعرف ع الناس
بس الظروف بقي
معلش تتعوض في اللقاء الجاي ان شاء الله

دمتي بخير مامتي
:)

مسدس صغير يقول...

ماشى
ماشى
انا مسدس طويل؟؟
ههههههه
والله انا سعيد انى شفتكم كلكو
وسعيد بالقاء
يارب يتكرر
احييكى على البوست

غير معرف يقول...

ربنا يجعكم دائما على خير

وعقبال ما اكون معكم يوماااا ماا

بالتوفيق ياقلبي

EMMY BABY يقول...

ضحكات الحياة

معلش والله انا كنت هحط عندى فى المدونة عن اللقاء بس كنت مضغوطة فى الوقت قبليها

لو كنت اعرف ان عندك النية كنت جيت قلتلك لحد مدونتك


تتعوض ان شاء الله

EMMY BABY يقول...

ضحكات الحياة

يارب نشوفك احنا كمان قريب

وفعلا هى كانت صحبة حلوة اوى

تحياتى

ايمى

EMMY BABY يقول...

مهندس على درويش

حضرتك منور التدوين

وان شاء الله نقابلك فى لقاءات جاية كتير

تحياتى

ايمى

EMMY BABY يقول...

حسن حنفى

يارب يكون المانع خير

ونشوفك فى لقاء تانى قريب يارب

تحياتى

ايمى

EMMY BABY يقول...

ريماان

اه الحمد لله اتبسط طب انتى مجتيش ليييه

كان نفسى اشوفك اوى

تحياتى

ايمى

EMMY BABY يقول...

سمااايلى

وانتى كمان والله وحشانى اوى وكذا مرة اقول لضد انى عايزة اشوفكم

بجد انا كمان نفسى اشوفك اوى

ايون المرة الجاية لازم اجازة مخصوص

تحياتى

ايمى

EMMY BABY يقول...

حسونة

يارب اللهم امين

هو فعلا كان لقاء جميل اووووووى وبالرغم انك مش مدون الا انى كان نفسى تكون معانا بجد لانى حاسة انك واحد مننا وبتمنى تعمل مدونة

تحياتى

ايمى

EMMY BABY يقول...

ابووووعلى

مراسلنا من مدونة الغلطات هههههههه


تقول الكلام وترجع فيها مرة لزوم رفع الارواح المعدنية ومرة كما يبدو يعنى هههههههه

بجد ميرسى على الكلام ده ويارب اكون فعلا كدة

انا مبسوطة اوى انى شفتك واتمنى تتكرر تانى فعلا

تحياتى

ايمى

EMMY BABY يقول...

تاااااامر

انا فعلا كنت متوقعة انكم هتكونوا موجودين بس حصل خير تتعوض ان شاء الله فى لقاء قريب

بجد اللقاءات دى بتحمل احساس حلو اوى من الود والمحبة

تحياتى

ايمى

EMMY BABY يقول...

الازهرى

بجد انا كمان بحترمك جدا وقريت اعتذارك عند محمد وبجد كنت اتمنى تيجى

وميرسى جدا على الكلام ده

ويارب ديم صداقتى انا والسفروتة بنتى هههههههه

ونصدعك كمان وكمان

تحياتى

ايمى

EMMY BABY يقول...

فرفشة الوان

ايون علشان تحرمى تبقى صوغيرة تانى هههههههههههه

المرات الجاية كتير

تحياتى

ايمى

EMMY BABY يقول...

اينوووووو

ههههههههههههههههههه والله انتى كنتى وحشانى جدا

وكمان ده اقل كلام ممكن اقوله عنك

وايه ياستى الكلام الكبير ده انا كل ده طب ياريت

ربنا يخليكى ليا

تحياتى

ايمى

EMMY BABY يقول...

بنجاواتى

وعليكم السلام ورحمة الله وبركاته

هههههههههههه فعلا دى اكبر غلطة مطبعية فى حق المدونين

سعيدة بزيارتك جدا

تحياتى

ايمى

EMMY BABY يقول...

ميمى

هههههههههههههههههههه ياسلام اتفضليهم

اعتبريهم بتوعك من دلوقتى

وانا هكتب عندى ميمى سرقتنى يا جدعان هههههههههه

هى دى الندالة

سعيدة جدا انى عرفتك

تحياتى

ايمى

EMMY BABY يقول...

محاااااسن

وحشانى واعذرينى لتقصيرى معاكى

واكيد احنا اللى حظنا وحش

سلامى ليكى ولبيرو

تحياتى

ايمى

EMMY BABY يقول...

د|ياسر

انا كمان سعيدة انى حضرت واتعرفت على ناس حلوة اوى كدة

تحياتى

ايمى

EMMY BABY يقول...

المجنونة

هههههههههههههههه انتى هند ؟؟؟؟

ولا مين

ومتنكرة ليه

افصحى عن شخصيتك حالا

والا

نياهاهاها

امممممممممممممممواة

تحياتى

ايمى

EMMY BABY يقول...

مريومة

ياشيخة والله انا لو كنت اعرف كنت قلتلك بس انا فاكراك مش مهتمة

خلاص المرة الجاية لو مجتيش فيها قتل

تحياتى

ايمى

EMMY BABY يقول...

المعتصم

وعليكم السلام ورحمة الله وبركاته

انا الحمد لله بخير وتومام وحضرتك اخبارك ايه ؟

انا بجد استمتعت جدا باللقاء والناس والمكان وكل حاجة

وسعيدة انى اتعرفت عليك جدا ونورت المدونة

وبجد والله ميرسى جدااااا على الكلام الحلو ده ويارب اكون فعلا كدة

تحياتى

ايمى

EMMY BABY يقول...

سندس

هههههههههههههههههه بطلى حقد وضغينة

وتعالى المرة الجاية

انتى وامل

تحياتى

ايمى

EMMY BABY يقول...

كيكى هههههههههههههههههه مرضتش اكتب اللى فيها كله بقى

تصدقى انا كنت بسئل نفس السؤال مين دى اللى رقيقة ههههههههههههههه

تحياتى

ايمى

EMMY BABY يقول...

خالد فودة

هههههههههههههههه بلوجر منور بيك

انا كمان سعيدة انى اتعرفت عليكم

تحياتى

ايمى

EMMY BABY يقول...

سفروتة

طبعاااااااااااااااااااا كان نقصك ومش هزار

سفروتى حبيبتى بنتى مكنتش معايا

شوفى انتى بقى احساسى كنت مبسوطة طبعا هههههههههههه

تحياتى

ايمى

EMMY BABY يقول...

مسدس صغير

هههههههههههههههههههه اه تنكر انك طلعت مسدس طويل وكنت بتخدع الناس طول المدة اللى فاتت

سعيدة انى عرفتكم والله

تحياتى

ايمى

EMMY BABY يقول...

نوارة

ربنا يجمعنا جميعا على خير

والمرة الجاية تكونى معانا انتى وكل الحبايب

نورتى المدونة بزيارتك الاولى

تحياتى

ايمى

قلم رصاص يقول...

بقى كده ؟!

بتعملوا اجتماعات من ورايا

انتوا عاوزين تعملوا انقلاب عسكري

وتحتلوا البلد من ورايا

ولكن هيهات هيهات

قلم رصاص ليه ترتيباته الأمنية برضه

وهيجيب عاليها واطيها

هههههههههههههههههه

عاوز اقولك على حاجة بس ياريت محدش

يسمعني .. انا بصراحة كان نفسي جدا

احضر اللقاء ده .. بس الظروف بقى

اكيد مش هتتعوض ..وانا هرد على اللقاء ده بقاء مضاد في أراضي تانية
خالص.. أراضي محايدة

ولو وصلت اني أأجر مدونين هعملها
هههههههههههههههههههههه

دمتم في حفظ الله

رامز عباس يقول...

شكرا علي تعليقك اللطيف بس انتي مين فيهم

Darsh يقول...

أوووووووووه

اللقاءات دي بتبقى فظيعة قوي :)

لأ فظيعة يعني مرعبة مش كويسة

اللي هي بتبقى ليلة سقوط بغداد و اقنعة بغداد

و كل واحد يبص للتاني من تحت لتحت كده و يقول في سره ...

"ايه دااااااا , هو طلع كده او هي طلعت كده ... انا ما تخيلتش انها كده قبل كده "!!!!

بس في الآخر الواحد بيطلع بصحاب رائعين

يا بختكم (",)

أبو كريم يقول...

لكم وددت أن أتعرف على من أقرأ لهم من مدونين لكن طبيعى عملى تقف حائلا بين ما أود

تحياتى لكل صاحب كلمه وهدف

طوبه فضه وطوبه دهب يقول...

yarab kol lkaa 3la kher ya gamela wkol sana wantm kolkm tayben wbalf sa7a wsa3ada

خالد فوده يقول...

وبتقولو اني بعرف اصور
والله انا مشفتش اجمل من الصوره دي بجد بجد

ومنكم نستفيد المره الجايه اظبط زوايا الكاميرا صح

مصطفى حسان يقول...

انا حقيقي سعيد جداً باللقاء ده ويكفي اني خرجت منه بأصدقاء حقيقيين

وأتمنى يتكرر في اقرب وقت

اتمنى ايضاً انتهز الفرصة واعزمك على حفل توقيع الديوان يوم الخميس القادم
13/8 بمكتبة البلد
التفاصيل على المدونة

مصطفى حسان

فتاه حالمه يقول...

ينفع التشريد ده ينفع هاه
ماسي ماسي
بجد مبسوطه اني شوفتك يا قمرايه
مع ان الببسي كان مر بس يلا بقي اهو اتشرب وخربنا الدايت
هههههههههههههههه
كنتي منورة بس مفرهذه زينا طمعا
المره الجايه نعمله في القطب الشمالي الشرقي

لاسع افندى يقول...

للاسف منعنى بعد المكان عن الحضور لكنى كنت اتمنى اكون معاكم



تحياتى ويارب دايما متجمعين

صدفة جميلة يقول...

كده برده محدش يعرفنى
على العموم والله كويس ان فيه ناس بتتقابل وتتعارف بجد شيىء حلو
ياله بس انا مين بين هؤلاء الناس وهل انا فاضى اصلا على العموم انا كنت معاكم وبنكم بدون دعوه كنت بروحى
والسلام عليكم
سلام
ومش تنسونى المره الجايه

EMMY BABY يقول...

قلم رصاص

هههههههههههههههه داخل تحارب

لايق على الصورة والقلم ده سلاحك بقى

كان مفروض تكون موجود

ازاى يعنى صلاح يروح ومش يقلك تيجى معاه

اصحاب ايه دى

ههههههههه بهدى النفوس بس

تحياتى

ايمى

EMMY BABY يقول...

رامز عباس

العفو على ايه دى الحقيقة

انا اللى كنت لابسة ابيض فى اسود

ها افتكرت

تحياتى

ايمى

EMMY BABY يقول...

درش

ههههههههههههههه

بس والله بتبقى متعة لما تشوف الشخص اللى فضلت تحترم فكره من غير ماتشوفه

ياريت تتكرر

وتكون معانا علشان نبصلك من تحت لتحت كدة

تحياتى

ايمى

EMMY BABY يقول...

ابو كريم

فعلا احساس جميل انك تشوفهم

ربنا يوفقك وتكون المرة الجاية الظروف مناسباك اكتر

تحياتى

ايمى

EMMY BABY يقول...

طوبة فضة وطوبة ذهب

وانتى طيبة ياقمر والمرة الجاية عايزينك معانا

تحياتى

ايمى

EMMY BABY يقول...

خالد فودة
هههههههههههههه ده مش تصويرى الحمد لله

المرة الجاية بقى ان شاء الله تكون احلى

تحياتى

ايمى

EMMY BABY يقول...

مصطفى حسان

انا كمان اتبسطت باللقاء اوى

والقاءك للشعر كان جميل اوى

ويارب اقدر اجى

ومبرووك الديوان ويارب دايما من نجاح لنجاح

تحياتى
ايمى

EMMY BABY يقول...

فتاة حالمة

هههههههههههههههههههه

دانا مردتش اشردكم اكتر من كدة احمدوا ربنا

وانا كمان مبسوطة انى شفتك

وكمان ايه القلب الاسود ده لسة فاكرة ان البيبسى كان مر

هههههههههههههههه

تحياتى

ايمى

EMMY BABY يقول...

لاسع افندى

هو حضرتك مش من القاهرة ؟؟؟

ولا يهمك ان شاء الله تتعوض

تحياتى

ايمى

EMMY BABY يقول...

صدفة جميلة

معلش المرة الجاية نبقى نقلك

بس انا دى اول مرة اشوفك فعلا

نورتنى فى اول زيارة

تحياتى

ايمى

شمس النهار يقول...

ايميي
ازيك انت كمان وحشتيني جدا انت كمان مصر كلها وحشتني
ان شاء الله هصل الجمعه 13 اغسطس بعد العصر
البوست لطيف جدا
وانبسط جدا جدا انكم اجتمعتم وفعلا التدوين خلانا نشوف ناس ونعرف ناس جميله وشخصيات غايه في الاحترام
وده حسسني ان المجتمع لسه بخير
سلام

سلمى يقول...

بصراحه شوقتينى اوى وكان نفسى اجى لكن انا من سكان الاسكندريه لذا كان شئ مستحيل ان احضر
لكن اتمنى ان مدونين اسكندريه يعملوا كده برضوا
دمتى فى سعاده

-_- يقول...

شئ جميل جدا موضوع التجمعات ده و اهم شئ انكم تكونوا استفدتم من بعض

Dr Ahmed Said@Black Armor يقول...

بجد حاجة جميلة قوى ان يكون فيه لقاء كدة
اكيد لو كنت فى مصر كنت حضرته علشان اتعرف باجمل ناس
اللى هم كل المدونين طبعا
انا اكيد باحسدك وباحسد كل اللى حضر بس انا عينى مش وحشة والله هههههههه
دمتى بخير كل سنة وانتى طيبة رمضان قرب

Israa El-sakka يقول...

بجد كان نفسي أكون موجودة بس للأسف كنت خارج أرض الوطن هههه
أهنيك على المدونة و أتمنى دوام التواصل

Kiara يقول...

يابختكم انا هقر بقي عااااااااااااااااااا

حزينه يقول...

يا بختكم
بتعرفوا تشوفوا بعض
ياريت كنت من القاهرة كنت شفتكم
كل يوم
لانك ناس بجد محترمه

حزينه

EMMY BABY يقول...

شموسة

وانتى كمان وحشتينا جدا ويارب ترجعى بالسلامة يارب

والتدوين فعلا والله بيضم ناس غاية فى الروعة

وعلشان كدة نفسى اتعرف عليكى اوى

تحياتى

ايمى

EMMY BABY يقول...

سلمى

اكيد فى دايما لقاءات فى محافظات مختلفة

ويارب قريب يكون فى لقاء فى اسكندرية
وتلاقى صحاب جمال زيك تكتسبيهم

تحياتى

ايمى

EMMY BABY يقول...

شرم

اكيد اللقاءات بيكون فيها استفادة ادبية وبجد تبادل اراء ونقاش محترم

نورت المدونة

تحياتى

ايمى

EMMY BABY يقول...

Dr.A.S. black armor


ههههههههههههههههههه غبطة يعنى

على العموم هما المدونين كلهم اشتغلوا حسد من ساعة اللقاء فمش هعرف عين مين بالظبط

انا بهزر على فكرة

تحياتى

ايمى

EMMY BABY يقول...

اه يا دكتور

نسيت اقلك

وانت طيب ورمضان كريم

تحياتى

ايمى

EMMY BABY يقول...

اسراء السقا

ربنا يرجعك ارض الوطن بالسلامة يارب وتكونى معانا المرة الجاية ان شاء الله

ربنا يديم التواصل

تحياتى

ايمى

EMMY BABY يقول...

كيارا

كفاية حقد هه

ههههههههههههههههه

تحياتى

ايمى

مهرة سالم يقول...

السلام عليكم ...
قرأت الموضوع أيضا في مدونة محمد غاليه ...
بجد باين يوم جمييل ...
والأجمل إجتماعكم على خير ....
...
دمتِ بخير

EMMY BABY يقول...

حزينة

اللى يارب متكنشى حزينة ابدا

وربنا يكرمك ياجميل اكيد انتى كمان حد محترم

وبلاش الحقد ده بقى ههههههههههه

منورانى

تحياتى

ايمى

EMMY BABY يقول...

نهار

وعليكم السلام ورحمة الله وبركاته

فعلا كان يوم جميل وكان ناقص ناس كتير

ربنا يكرمك يارب

وكل سنة وانتى طيبة

تحياتى

ايمى

EMMY BABY يقول...

كل سنة وانتم كلكم طيبيييين للى نسيت اقلهم كل سنة وانتم طيبين

ورمضان كريم عليكم كلكم

وربنا يجعله كله خير علينا كلنا

وكل واحد يحطلى فانوس مش هتنازل ابدا

a7med-Mado يقول...

غلطة مطبعية إنى مكنتش معاكم فى اليوم دة
على فكرة أنا أول مرة أدخل المدونة بس بجد جامدة والتوبيكات جميلة
أنا حبيت أعمل كومينت فى التوبيك دة علشان بجد أنا كنت غلطان علشان مجيتش الإجتماع دة
بس إن شاء الله أى إجتماع بعد كدة هبقى معاكم