اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

السبت، 30 أغسطس، 2008

اصحى يا نايم صحى النوم داحنا بقينا فى شهر الصوم





بجد مش عارفة ابدأ منين واقول ايه بس بجد عندى احساس ان رمضان ده لازم يكون مختلف عن كل سنة علشان كل سنة بننشغل بوقت كبير فى الدراسة المرة دى ملناش حجة رمضان جاى فى الاجازة يعنى الوقت ان شاء الله ياريت يكون كله عبادة

عايزن نقلل عدد ساعتنا على النت ولما ندخل على النت نخلى دايما الحاجة اللى هنعملها تكون نيتنا فيها لله بنيتك انت اللى بيها تقدر تخلى العمل صالح ويرضى ربنا فلازم باذن الله نجدد النوايا
مش هطول عليكم بس هذكركم بس بشوية حاجات
الصورة دى فيها شوية اذكار مش هتاخد منك دقيقة بس اتفرج على فضلها سيفها عندك على الكمبيوتر وكبرها وحاول تبصلها كل يوم واقراها
ومتنسوش اذكار الصباح والمساء
حاولوا فى رمضان ياجماعة بوصيكم بلاش مسلسلات بس ممكن اسمحلكم بكارتون بكار ورشيدة وانتم بتفطروا ههههههه
ونحاول ان شاء الله نجاهد نفسنا ونحفظ جوارحنا
اللسان: بلاش غيبة ونميمة ولا سب ولا لعن ولو حد شتمنا هنقول اللهم انى صائم ونزود ذكر الله والتسبيح
البصر :نغض بصرنا ولا نتتبع عورات الاخرين

السمع :حاول ان تحفظ اذنك فلا تسمع اى كلام يغضب الله واكثر من سماع القراءن والاحاديث الدينية

ان شاء الله نقرأ جزء قراءن فى اليوم وجزء فى صلاة التراويح علشان باذن الله نختمه مرتين

نحفظ كل يوم اية واحدة من سورة الفجر

سامعة حد فيكم بيبقول اشمعنى سورة الفجر هقله علشان هى عدد اياتها 29 يعنى ان شاء الله نكون خلصناها على اخر رمضان عارفة ان فى ناس كتير حافظينها بس اللى حافظها يراجعها معانا

صلاة الخمس فروض والافضل ان تكون فى جماعة لمضاعفة الاجر

النوافل لان النافلة فى رمضان تعادل فريضة

ختم الصلاة بقول اية الكرسى والحمد لله والله اكبر وسبحان الله كل منهم 33 مرة ولا اله الا الله




اذكار النوم ومحاولة الالتزام بالادعية( مثل دعاء الاستيقاظ ودعاء الخروج من المنزل ودعاء دخول الخلاء ودعاء ماقبل النوم 0000)


امر بمعروف او نهى عن منكر (لاقت صاحبك بيشتم انهيه –لاقت حد بيسمع اغانى اقله تعالى نسمع قراءن احسن –لاقت واحد نايم ومصلاش اقله تعالى نروح نصلى سوا )

الصدقة (ولا تنسى احب الاعمال الى الله ادومها وان قلت )مش مهم ان تكون الصدقة دى قليلة بس حاول تعملها دايما

(التبسم فى وجه اخيك المسلم –سامح الناس وابدا انت بمصالحة من تتخاصم معهم )

بر الوالدين(متقليش انا صايمة او انا صايم وتعبان ومش قادر اعمل حاجة وافتكروا ان هما كمان صايمين واكبر منكم وساعدوهم واستمتعوا بالثواب )

صلة رحم (وانتم رايحين عزومة خليها بنية انك رايح تصل رحمك وانت بتكلم حد خلى نية صلة الرحم دايما معاك )

لا تنسوا الدعاء عند الافطار ولا تنسونا من صالح دعائكم

اود ان اختم على حديث رسولنا الكريم

قال رسول الله صلى الله عليه وسلم (خاب وخسر خاب وخسر خاب وخسر قيل من يارسول الله قال من ادرك رمضان ولم يغفر له )

ياريت يا جماعة ندخل كل يوم نقول انا عملت كذا وقصرت فى كذا علشان نشجع بعض وليس تفاخر او رياء علشان لو واحد قصر ممكن يلاقى واحد بيشجعه من غير مايشعر نخلى دايما عندنا تنافس فى الاعمال الصالحة

ارجو انى مكنش طولت عليكم

رمضان كريم

وكل سنة وانتم كلكم طيبين

وكل اللى يدخل يحط تعليق ليا عنده فانوس :))

تحياتى

ايمى


هناك 66 تعليقًا:

عبدالهادى_سارة يقول...

السلام عليك..

اووول تعليييق (ده شرف لينا)
****
احييك يا ايمى على الموضوع الرااائع ده
مخلتيش حاجه ربنااا يبارك فيكى

واله كل حاجه قلتيها محتاجينها وعاوزينها في رمضان

السمع والبصر والكلام
قال تعالى :(ان السمع والبصر والفؤاد كل اولئك كان عنه مسؤلا)
ربنا يقوينا على طاعته

والحمدلله ان رمضان جه في وقت مش دراسه

عشان الواحد كان عامل حجة الدراسه

وانشاء الله هيكون رمضان غييير

تحياتى
وكل عام وانت الى الله اقرب

حسن حنفى يقول...

كل سنه وحضرتك طيبه

رمضان كريم

يارب نعرف نستغله صح

Cold air يقول...

السلام عليكم
رمضان كريم يا إيمي و كل سنة و أنت بألف خير و صحة
بجد روحك جميلة أوي و ربنا يجازيك خير عن البوست الرائع ده
و اللهم تقبل منا صيامنا و ركوعنا و سجودنا و قيامنا و اللهم أطعمنا حلاوة الإيمان بشهرك الكريم

رمضان كريم و معلش عالتأخير

EMMY BABY يقول...

عبد الهادى

وعليكم السلام ورحمة الله وبركاته

ده شرف ليا انا كمان

ربنا يبارك فينا كلنا يارب

وان شاء الله نفضل نعمل كل حاجة سوا ونشجع بعض

وكل سنة وانتى طيب ورمضان كريم

تحياتى

ايمى

EMMY BABY يقول...

حسن حنفى

وانت طيب

ياااااااارب ان شاء الله هنعرف نستغله بس هو محتاج ارادة وتنظيم وقت ومجاهدة نفس ليس اكثر

تحياتى

ايمى

EMMY BABY يقول...

حاااااازم

وعليكم السلام

وانت طيب يا حازم وبالف صحة وسلامة
************************
بجد روحك جميلة أوي و ربنا يجازيك خير عن البوست الرائع ده

ده بس من ذوقك كل واحد بيشوف اللى حواليه زيه

*********************
و اللهم تقبل منا صيامنا و ركوعنا و سجودنا و قيامنا و اللهم أطعمنا حلاوة الإيمان بشهرك الكريم

اللهم اميييييييييييين

***********************

وكمان ولا تاخير ولا حاجة المهم انك رجعت بالسلامة وربنا يعينك

كل سنة وانتم طيبين

فيييييييييين الفوانيس :))

تحياتى

ايمى

مسلم يقول...

والله يا ايمى مش عارف اقولك ايه
ربنا يعينا ويقوينا على طاعته
وينفعنا بكلامك ونقدر نطبقه
دمتى مبدعه
علاء

البنت الشقيه يقول...

رمضان كريم
علينا كلنا


ويارب يكون نقطه بدايه لينا كلنا

محمود حسن العدل يقول...

اللة ياايمى
ربنا يبارك فيكى بجد ويكرمك ويتقبل منا منك صيامنا .
كل سنة انتى طيبة وبالف خير
بوست هايل جميل احيكى علية الف مرة
تحياتى

موناليزا يقول...

ربنا يكرمك يارب
ويتقبل منا ومنك صالح الاعمال
كل سنة وانتى طيبة ياحبيبتى وان شاء الله نكون من الفائزين فى هذا الشهر المبارك
ملحوظة: مش فاهمة أقدر أساعد ازاى ياريت توضحيلى وانا باذن الله معاكى

صباح الصباح يقول...

ربنا يقدرنا يا ايمى خصوصا فى موضوع غض البصر لان المناظر الحرام دى بقت حوالينا فى كل مكان سواء شغل او فى الشارع او التلفزيون

بجد الحياة بقت عاملة كدة لية؟؟؟؟؟

المبرمج المحترف يقول...
أزال المؤلف هذا التعليق.
حنين.. يقول...

كل سنه وانتى طيبه يا قمررررررررررررررررررررررر
ودعواتك
اوعى تنسينى با الدعاء
وجزاكم الله خيرااااااا
على البرنامج اللى كتبتيه
كتبتى فابدعتى
أسأل الله لكم فى شهر رمضان
حسنات تتكاثر وذنوب تتناثر
وهموم تتطاير
وأن يجعل بسمتكم سعادة
وصمتكم عبادة وخاتمتكم شهادة
ورزقكم فى زيادة
وبكل زخة مطر
وبعدد من حج واعتمر
أدعو الله أن يتقبل صالح العمل

تحياتى ليكى ياقمر
دمتى سالمه مبدعه
فى انتظار المزيد
اختك حنين

EMMY BABY يقول...

مسلم


ربنا يكرمك ويقدرنا كلنا على عبادته

بس كلامى ماييجى حاجة جنب اخر بوست بتاعك

ربنا يعزك

اللهم بلغنا رمضان

تحياتى

ايمى

EMMY BABY يقول...

البنت الشقية

اللهم امين يارب فعلا نستمر لبعد رمضان

نورتى المدونة بزيارتك واتمنى متكنش اخر مرة


تحياتى

ايمى

EMMY BABY يقول...

محمودد حسن

ربنا يكرمك يارب ويجزيك خير على هذه الدعوة ولك مثلها

الف شكر لزيارتك المدونة وارجو ان المدونة تكون عجبتك

تحياتى

ايمى

EMMY BABY يقول...

موناليزا

وانتى طيبة ياحبيتى واللهم تقبل منا ومنكم ويارب يكون رمضان ده خير لينا كلنا

اما بالنسبة للملحوظة

فياريت تبعتيلى ايميلك فى رسالة لان الفكرة ممكن تكبر وتبقى جروب ولو تحبى تساعدينا باى معلومات عندك فيديوهات اى حاجة يبقى جزاكى الله خيرا

تحياتى

ايمى

EMMY BABY يقول...

صباح الصباح

والله فعلا انتم ساعات كتير بتصعبوا عليا ربنا يقدركم على البعد عن المعاصى وغض البصر

وربنا يهدينا جميعا


الحياة بقت كدة للبعد عن الدين وغياب الانفس والضمائر

تحياتى لمرورك الكريم

ايمى

EMMY BABY يقول...

عمر

احنا اتفقنا اللى هيدخل يحط تعليق هو اللى هيجيبلى فانوس مش هياخد بطل كروتة واقرا البوست للاخر ههههههههه

اما حكاية ختم القراءن لا اصدق والله فى ناس فعلا ربنا يكرمها ممكن يختموا المصحف فى يوم او يومين

يارب نبقى زيهم

وشيل موضوع الاعتزال ده من دماغك احسنلك

تحياتى

ايمى

EMMY BABY يقول...

حنيييييييييين

وانتى طيبة يا جميل

يارب دايما اشوفك بخير وبصحة وسلامة

والله على هذه الادعية الجميلة ولك بمثلها

اللهم بلغنا رمضان اجمعين

ويارب متحرمناش من زياراتك خالص

تحياتى

ايمى

هــــــــــــايدي يقول...

السلام عليكم ورحمه الله وبركاته
كل سنه وانتى طيبه
جزاك الله خير على نصيحك دى
اون شاء الله نحاول على قد مانفقدر ننفذها
سلام

EMMY BABY يقول...

هايدى

وعليكم السلام ورحمة الله وبركاته

وانتى طيبة ويارب ان شاء الله نقدر ننفذ الحاجات دى

نورتى المدونة

تحياتى

ايمى

مـجـنـووون يقول...

كل سنه وأنتي بالف خير وأن شاء الله رمضان السنه دي يكون مختلف

تقبلي مروري

نهر الحب يقول...

بارك الله فيكى
بجد بوست ايمانى جميل
تقبل الله منا ومنكم صالح الاعمال

EMMY BABY يقول...

مجنون


وانت بالف صحة وسلامة ويارب يكون رمضان مختلف لينا كلنا

تقبلنا مرورك يا مازن بدون جمارك المرور :))

تحياتى

ايمى

EMMY BABY يقول...

نهر الحب

اسعدتينى بزيارتك الكريمة


وتقبل الله منا ومنكم اللهم امين

كل سنة وانتى طيبة

تحياتى

ايمى

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

نهر الحب يقول...

شكرا على الفانوس
انا بموت فى الفوانيس المصرى كمان

EMMY BABY يقول...

نهر الحب

الله على الادعية دى قد ايه الواحد فعلا محتاجها

اللهم امييييييييييين اميييييييين

اللهم تقبل منا ومنكم

اللهم بلغنا رمضان

وارزقك التقوى والايمان

اللهم ارزقك بنعمة الصحة والعافية

اما بخصوص الفانوس فانا كمان نفسيى فى فانوس ويكون بيغنى هههههههههه
اختك التى تحبك فى الله

ايمى

الحكمة ضالة المؤمن يقول...

كل عام وانتم بخير
رمضان كريم

romansy يقول...

كل سنة وانتى طيبة
الله يبارك لك ع الاذكار الجميلة والموضوع الجميل ويارب يتقبل منا صيامنا وصلاتنا
آمين.....آمين
يارب

EMMY BABY يقول...

الحكمة ضال المؤمن

كل عام وكل الامة الاسلامية بخير

ورمضان كريم لينا كلنا

نورتنى بزيارتك

تحياتى

ايمى

EMMY BABY يقول...

رومانسى

وانت طيب وربنا ان شاء الله يارب هيتقبل مننا صالح الاعماال

اللهم بلغنا رمضان وارزقنا العمل الصالح

نورت المدونة بزيارتك

تحياتى

ايمى

romansy يقول...

اولا المدونة منورة باصحابها
وشكرا على الكلام الجميل
وزيارتك الرقيقة
اللى زى النسمة
والسنة الجاية تكونى حققتى احلامك

EMMY BABY يقول...

رومانسى

ربنا يكرمك يارب

الف شكر على الكلام الحلو

ويارب كلنا يارب نحقق احلامنا

تحياتى

ايمى

الحكمة ضالة المؤمن يقول...

ايمي نورتي المدونة عندي
واتمنى زيارتك بكل مره
واختلاف الراي لا يفسد للود قضية
ورمضان كريم

EMMY BABY يقول...

المدونة منورة باصحابها

وانا قلتلك دى مش اخر زيارة المهم حضرتك متزهقش

والحمد لله احنا مختلفناش فى الراى ولا حاجة احنا متفقين بس كل واحد وضح قصده ليس اكثر

وانا سعيدة بزيارتى لمدونتك

تحياتى

ايمى

Dr.m يقول...

السلام عليكم

كل عام وأنت بخير
جعل الله ما تكتبين في ميزان حسناتك

أعاننا الله وإياك على الطاعه
تقبلي تحياتي
سلام

عايش ولكن يقول...

ازيك يا ايمى
اخبار الصيام معاكى ايه
فين بوستك الجديد؟
على فكره دايما ردودك على المدونه الاسلاميه بتحمسنى اكتر
ربنا يكرمك

علاء

ADAM يقول...

السلام عليكم ورحمة الله وبركاته


كل سنة وأنت ِ طيبة يا إيمي

وربنا يتقبل

ويجعله شهر العتق من النار

والرحمة والغفران

وشهر التغيير للأحسن

إن شاء الله


رمضان كريم



آدم

عمرو وجيه يقول...

كل سنة و انتى طيبة يا إيمان

كيارا يقول...

تذكيرات هامه

جعله في ميزان حساناتك وجعلك من عتقاء هذا الشهر

كل سنه وانتي طيب ه :)

EMMY BABY يقول...

DR:M

وعليكم السلام ورحمة الله وبركاته

وانت بخير وبصحة وسلامة

جعله الله فى ميزان حسنات من قرأه وميزان حسنات من عمل به

نورت المدونة

وارجو انها متكنش اخر زيارة

تحياتى

ايمى

EMMY BABY يقول...

علاااااء

الحمد لله تمام وانت عامل ايه

اما حكاية الصيام فالحمد لله الروحانيات اللى فى رمضان والهدوء اللى بحسه بيخلينى فى عالم تانى فعلا بحس بفرق فى عدم وجود الشياطين هههههههه

وانت اصلا مدونتك رائعة ربنا يزيدك ايمانا وتفضل كدة متحمس للاسلام

جزاك الله خيرا

تحياتى

ايمى

EMMY BABY يقول...

ادم

وعليكم السلام ورحمة الله وبركاته

وكل سنة وانت طيب وبخير اللهم امين


ويارب فعلا يكون رمضان ده سبيل فى تغييرنا للاحسن

اللهم اميييييييييييين

نورت المدونة

تحياتى

ايمى

EMMY BABY يقول...

عمرو وجيه

وانت طيب يا عمر

وربنا يجعله رمضان كريم علينا كلنا

تحياتى

ايمى

EMMY BABY يقول...

كيااااااااارا

نورتى يا حبيبتى المدونة

وجعلنا واياكى من عتقاء الشهر اللهم اميييييين

وانتى طيبة

فين الفانوس :))

تحياتى

ايمى

باجوجو يقول...

الجدول رائع
ربنا يقويكى على تطبيقه
ويرزقك الإخلاص
ويلهمك السداد
بس أنا عايز أعرف برده اشمعنى سورة الفجر
بيتهيألى فى سور أخرى بنفس عدد الآيات
وتلاتين آية لو عايزة
لو كنتى إخترتى سورة ليها فضل مذكور فى حديث
كان هيبقى أفضل
دى وجهة نظرى أرجو مش تضايقى منها
تقبلى تحياتى

EMMY BABY يقول...

باجوجو

ربنا يكرمك

اللهم امين يارب

هو انا اخترت الفجر علشان 30 اية فلو حفظنا كل يوم اية هنخلصها لاخر الشهر وانا اخترتها علشان بحب سورة الفجر وكمثال صغير للتطبيق

لكن طبعا وجهة نظرك صح مية المية ولو حضرتك تحب اختار سورة وانا ممكن اعمل تحديث ونحفظها باذن الله كلنا

وانا بالعكس مضايقتش ولا حاجة انا بحب التفاعل جدا

ربنا يجعله فى ميزان حسناتك ان شاء الله

نورت المدونة

تحياتى

ايمى

Dr.A.S. black armor يقول...

ههههههههه السلام عليكم
انا اسف اصلكقلتى ارجوماكنش طولت
وانت ماشاء الله خلصتى الشهر كله
بجد جزاكى الله خيرا
وربنا ينفع بما كتبتى كل من يتطلع عليه
وتقبل الله منا ومنكم الطاعات وبارك لنا فى الاوقات
دمتى بخير ورمضان كريم

ليكوريكا يقول...

ربنا يكرمك يارب

ويخرجنا من رمضان كلنا مغفور لينا ومحققين كل اللي بنتمناه

انا واحد من الناس في اشد الاحتياج لرمضان وفضله

ربنا يقويني ويقويكم علي فعل الخير
ويحققلنا كل اللي بنتمناه

كل رمضان والامه الاسلاميه كلها بخير

والسنه الجايه التراويح تكون في الاقصي

قولوا يارب

ليكوريكا

محمد الدخاخنى يقول...

ذكرتينا بكل طيب جعله الله فى ميزان حسناتك..وكل عام وانت بخير والى الله اقرب وعلى طاعته ادوم

3abdallah 7osni يقول...

السلام عليكي

اول زيارة

رمضان كريم وفعلا عندك حق لازم رمضان السنة دى يكون مختلف لانه فلا الاجازة

وماشاء الله ذكرتيني بحاجات كتييير اوى ربنا يجعلها فى ميزان حسناتك

EMMY BABY يقول...

DR:A:S BLACK ARMOR

وعليكم السلام
ههههههههههههه طب والله ضحكتنى اصل انا فعلا بعد ماقريت البوست لاقته طويل اوى

نورت المدونة

وجزانا الله خيرا واياك ونفعنا واياك

وكل سنة وانت طيب ورمضان كريم

تحياتى

ايمى

EMMY BABY يقول...

ليكوريكا

يارب يارب

اللهم امين

ويارب فعلا ننول فضل رمضان ورحمته

جزاك الله خيرا على المرور

ونورت وكل سنة وانت طيب وبصحة وسلامة

تحياتى

ايمى

EMMY BABY يقول...

محمد الدخاخنى

جزانا واياك اللهم امين

وربنا يكرمك

وكل سنة وانت طيب

ونورت المدونة

تحياتى

ايمى

EMMY BABY يقول...

عبد الله حسنى

وعليكم السلام

اول زيارة ويارب متكنش اخر زيارة

ويارب فعلا رمضان ده يكون مختلف علينا كلنا

وجزاك الله خيرا

وكل سنة وانت طيب

تحياتى

ايمى

كلمة يقول...

السلام عليكم
دى اول زيارة ولونها كانت متاخرة شويه
كنتالمفروض اشوفه قبل رمضان بس حصل خير
بجد مدونتك رائعة
وسعيد بزيارتى الاولى لك وان شاء الله ما تكونش الاخيرة
ويارب يقدرنا على العمل الصالح
تقبلى تحياتى
وياريت تنورينا ولو ثوانى

عايش ولكن يقول...

كويس والله انك بتحسى ان مفيش شياطين غيرك حاسس انهم بيتنططوا حواليه ههههههههههه

EMMY BABY يقول...

كلمة

وعليكم السلام


نورت المدونة بزيارتك واتمنى برضه ان شاء الله متكنش الاخيرة

وعادى ولا متاخرة ولا حاجة ابدأ معانا من اول النهاردة وان شاء الله تقدر تعوض

كل سنة وانت طيب

تحياتى

ايمى

EMMY BABY يقول...

علاء

هههههههههههههههههههههههههههههههههههههههههههههههههههههههههههههههههه
عارف لو قريت تعليقك تانى هتفهم انا بضحك على ايه

خلتنى شيطانة من غير ماتقصد

تحياتى

ايمى

oRiGiNaL HeArT يقول...

بجد مواضيعك دايما بحس ان ليها هدف ومعنى
ربنا يبارك فيكى يارب
موضوعك دة جميل جدا
وجزاكى الله خير الجزاء على التذكرة
وربنا يتقبل منا ومنكم صالح الاعمال وربنا يعينا على انفسنا ويقوينا على الطاعة
كل سنة وانتى طيبة وبصحة وسلامة
دمتى بالف خير

EMMY BABY يقول...

اورجانيل هارت

سبحان الله فى اللحظة اللى كنتى بتحطى فيها تعليقك كنت بكتب اسمك ههههههههههههطبعا فهمتى ليه


بجد جزاكى الله خيرا على الكلام الحلو ده

وكل سن وانتى طيبة ياقمر

وحمد الله على سلامتك يارب تكونى احسن

تحياتى

ايمى

فارس القمر يقول...

بارك الله فيكى ياايمى بس بجد
رمضان السنه دى غير كل سنه فعلا جددااااااااااا
وكل سنه وانتى وكل الاصدقاء فى المدونات بخير
لكن حاجه غريبه فعلا رمضان بالنسبه لاكثر الناس كانوا شهرعادى وانا ملاحظ كدا
كنت فى القاهرة وثالث يووم رمضان ماشاء الله عركه شباب من البلكونات بزجاجات البيبسى واللى مايشترى يتفرج ولما رجعت على البيت فى البحيرة ربنا يستر على اللى سمعتوا كان يوم خميس
كانت السيوف والمطاوى كانها حرب الاستنزاف
والجمعه بعد الصلاة
كانت مجرزة
والسبت كانت حرب نيران
والاحد كان مقتل اتنين من اللى بيتاجروا فى الحشيش

فعلا الكلام دا حصل ومش مبالغ فيه او كدب

رمضان راح فين !!!!!!!

والناس جرلها ايه ...؟؟؟؟؟

EMMY BABY يقول...

فارس القمر

والله انا عارفة انك مش بتبالغ لان دى الحقيقة فعلا الناس بتتجنن فى رمضان والخناقات بتزيد وكل واحد بيبقى خلقه فى مناخيره

انا برضه من ساعات رمضان وانا شفت خناقات كدة

ربنا يهدى الجميع باذن الله

جزاك الله خيرا


ونورت المدونة فى اولى زياراتك وامتنى متكنش الاخيرة

تحياتى

ايمى

سندس وأمل يقول...

أيوى ياعم .......

إيه المواضيع الجميلة دى ولا الأسم كفايه

ناقصنا طبلة وتكمل ......

بجد والله جميلة "وكل عام وأنتى الى الله

أقرب وعلى طاعته أدوم" "سندس"