اهلا بيكم كلكم

(غلطة مطبعية ترحب بكل زوارها الاعزاء وبتمنى ليكم قضاء وقتت ممتع ومفيد فى مدونتى المتواضعة )

روعة الايمان

روعة الايمان

جوهرة الحياة هى ذكر الله

جوهرة الحياة هى ذكر الله

الأحد، 10 أغسطس 2008

بداية حلمى بدأت

امبااااااااااااارح رحت عملت اول انترفيو ليا فى شركة تسويق وتنمية بشرية
بجد هما معظم اللى فى الشركة عارفانى وكنت اتعاملت قبل كدة معاهم فى شغل
ولاقيت المانجر بتتصل بيا قالتلى انا عايزاكى فى شغل ضرورى ياريت تجيلى بكرة الشركة وحددتلى الميعاد
المهم رحت لاقتها بتقول فى ناس كتير لسة هنعمل معاهم انترفيوهات قلتلها طب انا معملتش انترفيو قالتلى اومال انا عايزاكى ليه قلتلها ااااااااااااااااه بقى وجايبنى من غير ماتقوليلى وخدتينى على خوانى وحطيتينى تحت استريس علشان تخدى من الكلام كله لا وكمان جايبالى نعناع علشان انام ومعرفش ارد عليكم هما كانوا اتنين طبعا كل الكلام ده كنت بقوله وانا بضحك هههههههههههههههه
بس هما اكدولى انهم مكنوش يقصدوا فعلا انهم ميبلغنويش وفعلا هما بيقولوا لاى حد وبيبقوا معرفينه انه هيعمل انترفيو بس الحمد لله انا مكنتش خايفة لانى مريت بالاستريس بتاع الانترفيو قبل كدة مرة فى استب وساعتها اتعلمت كتير وعرفت انى فى حاجات غلط ممكن تقلها وانت مش واخد بالك وتضيع منك اى انترفيو
وفعلا عملوا معايا الانترفيو وكانت اسئلة كالمعتادة فى اى انترفيو مع بعض الاسئلة الجديدة
طبعا اللى عرفته برضه ان نجاح اى انترفيو انك تكون على طبيعتك بدون تكلف وتصنع لان اللى قاعد قدامك مش غبى لو فكرت تكدب هيعرف
وكنت فعلا على طبيعتى جداااااااااااا والحمد لله حسيت انى وفقت بفضل ربنا سبحانه وتعالى
وطبعا زى كل انترفيو السؤال المعتاد (مش عايزة تسألينى اى سؤال ؟)
ضحكت وقلتلها اسألك سؤال عارفة انه مبينفعش يترد عليه فى الانترفيو قالتلى ايه هو
قلتلها انا اكسبت ولا لا ؟
قالتلى انتى بجد ممكن يترد عليكى فى نفس الانترفيو قالتلها ها قالتلى انا شايفاكى اكسبت جدا
والتانية قالتلى برضه انتى اكسبت
اصلا كان من ضمن الاسئلة انتى متوقعة نقبلك معانا بنسبة كام ؟
وكانت اجابتى90% ده كدة كمان تواضع ههههههههههههه انا كنت هقلها انتم ممكن ترفضونى ضحكت وقالتلى لعلمك لو كنتى قلتى اقل من 100% انا كنت زعلت

الحمد لله كان انترفيو كويس وهى كانت حد جامد جدا بجد ماشاء الله عليها
بالرغم هذا الانترفيو الا ان لسة فى انترفيو كمان هيتم مع صاحب الشركة نفسه وده بقى مش حد جامد بس ده حد واصل يعنى من خلال صوتك ممكن يحللك شخصيتك حتى لو انت مش قدامه بجد ماشاء الله عليه فربناااااااااااااااا يستر
ادعولى كتييييييييييييييير

ملحوظة
بالرغم ان فعلا ده بداية حلمى انى اوصل لمانجر اتش ار او ساليز الا انى فعلا حاسة انى لسة محتاجة كتير اوى حاسة انى ناقصنى كتير علشان اكون جديرة بالمكان ده نفسى ابقى على قدر عالى من الثقافة والتحليل ادعولى بقى ربنا يوفقنى وانى احقق احلامى

هناك 40 تعليقًا:

سفروتة يقول...

ربنا يوفقك ياااااااااااااااااااااااااااااااااااااارب

يا ايمي يا مامتي

بجد والله فرحانة عشانك جداااااااااااااااااااااااااااااا

ربنا يحققلك حلمك يارب وتبقي حد جامد كده في التنمية البشرية

........

انا عايزة من النعناع اللي معاكي ده

ههههههههههههههههههههههههههههههه

ربنا يوفقك يارب

بجد تستاهلي كل خير

:)

حنين.. يقول...

ياااااااااااااااااااااارب يوفقك يارب
يااااااااااااااارب يااااااااااارب
وما تخافيش ربنا كررررررررررريم وكبير
وهيكرممك با الشغلانه دى
وبا لله عليكى ابقى طمنينا
احلى حاجه فى الدنيا انك تحققى حلم او هدف
واجمدى كداااااااا يا قمر
ربنا معاكى
حنين

وردشان smilyrose يقول...

على فكرة يا إيمى ربنا

دايما بيساعد الإنسان بس

المهم نكون احنا قادرين على مساعدة

أنفسنا وربنا يوفقك بإذنه

وتحققى كل أحلامك يارب

وأبقى طمنينى عملتى أيه

وإن شاء الله هتكونى حاجة لا حاجات جميلة جدا

وهتكونى مميزة فى مكانك لأنك تستحقيه

وربنا يوفقنا جميعا لما يحبه ويرضاه

Smilyrose

وردشان سابقا

EMMY BABY يقول...

سفرووووووووووووووووووووتة

يابنتى ياحبيبتى

ربنا يخليكى ليا يارب

اما بخصوص النعناع فمن عونيا لالالالالالالا عونيا ايه من ايديا بس يارب ميبقاش مفعوله معاكى زى التمر وانتى ادرى بقى بالتمر

ههههههههههههههه


ربنا ميحرمنيش منك ابدا

تحياتى

مامتك ايمى

EMMY BABY يقول...

حنين والله انتى عسولة وبحسك كدة مننا وعلينا

ربنا يكرمك يارب

وان شاء الله هبقى اطمنكم

وان شاء الله تحققوا انتم كمان احلامكم

ربنا يوفقك

تحياتى

ايمى

abo salah يقول...

بعد السلام عليكم

ربنا يوفقك ان شاء الله

وان شاء الله تقبلى فى الشغل
وتتفوقى فيه وتتميزى كمان

اهم حاجة خلى ثقتك فى الله عزوجل كبيرة
وبعد كده ثقتك بنفسك

يالا شدى حيلك وربنا معاكى
وان شاء الله تحققى كل أحلامك

تحياتى

EMMY BABY يقول...

سمايلى روز

ربنا يكرمك يارب

وربنا معانا كلنا يارب

ويوفقك انتى كمان

وتحققى احلامك كلها ان شاء الله

تحياتى

ايمى

EMMY BABY يقول...

ابو صلاح

وعليكم السلام ورحمة الله وبركاته

رربنا يكرمك يارب على الكلام ده

وفعلا اهم حاجة والله اننا نتوكل على الله

ربنا يوفقك

تحياتى

ايمى

ادم المصرى يقول...

ايمى

\\


اه الحلوة والشطارة ده

بجد انتى بنوته جدعه وربنا يوفقك يا قلبى

بجد سعيدة ليكى غاليتى

oRiGiNaL HeArT يقول...

الف مبرو ك مقدما
وربنا يوفقك
وان شاء الله تحققى كل احلامك وكل اللى بتتمنيه
بجد انتى شخصية لذيذة اوى ربنا يكرمك وتقدرى توصلى لاحلامك كلها
وان شاء الله هدعيلك بظهر الغيب ولما تقبلى ابقى هاتيلى هدية بقى :p:
........
صحيح هو مجال دراستك ايه

EMMY BABY يقول...

همس الاحساس

ربنا يخليكى ليا

ويكرمك يارب

اممممممممممواة

تحياتى

ايمى

EMMY BABY يقول...

اورجانيل هارت

ياحبيبتى انتى اللى شخصية طيبة

ربنا يباركلك

اما بخصوص الهدية فمن عونيا


انا ياستى مجال دراستى طب بيطرى رايحة ان شاء الله سنة تالتة
يعنى لسة فاضلى 3 سنين على التخرج هههههههههه مواااااال

تحياتى

ايمى

Unknown يقول...

مش تقولى انك حتنزلى بوست يا بنت الحلال يعنى ينفع كدا


تنمية بشريه ومش تقوليلى
وكمان HR

ماشى ماشى تتردلك ف الافراح

هههههههههه

سلام

EMMY BABY يقول...

المبرمج المحترف

منور ياعمر

المهم بس يكون البوست عجبك

وكمان انا ببقى معتمدة ان اللى بينزل بوست جديد اسم مدونته بيطلع لفوق فى قائمة المدونات

فقلت هتشوفه يعنى

تحياتى

ايمى

كوارث يقول...

ربنا يوفقك وتحققي أحلامك !

Tamer Alhosiny يقول...

عزيزتي ايمان
ربنا يوفقك انا سعيد بتجارك ومشوارك الاي اتمني انك توصلي بيه لتحقيق احلامك
وان دي تبقي الخطوة الاولي وتكون الخطوة الجاية اقوي وبثقة اكبر واكبر
تحياتي
تامر الحسيني

EMMY BABY يقول...

كوارث

ميرسى جدا لزيارتك وميرسى للدعوةالحلوة وربنا يجزيك خير

نورت المدونة

تحياتى

ايمى

EMMY BABY يقول...

تامر ربنا يخليك ويجزيك خير

والثقة بتزيد بفضل ربنا ثم وجود اصدقاء زيكم جنبى

تحياتى

ايمى

Ahmed Atia يقول...

ربنا يوفقك ايمى بيبى وتقبلى فى المقابله وان شاء الله تزودى المجال كمان وكمان

EMMY BABY يقول...

ربنا يكرمك يا احمد

ويوفقك وتحقق احلامك انت كمان

تحياتى

ايمى

طالبه الفردوس يقول...

السلام عليكم

ما شاء الله يا ايمى

ربنا يوفقك ياااااااارب ويحققلك كل اللى تتمنيه ويقدملك الخير دايما

ومن يتوكل على الله فهو حسبه

بجد ادخلتى السرور على قلبى

كم احب ان ارى احلام الناس تتحقق وارى سعادتهم بهذا

ربنا يوفق كل مسلم

اتمنى ان تشاركينى فى حل المصيبه اللى فى مدونتى

Moustafa` يقول...

ألف ألف مبروك
حقيقى الإنترفيوز دي بتبقي حكايه
بس واضح غنك شخصيه مرحه وكونفيدنت جدا .. حلوه انا اكسبت دي
كانهم اصحابك بقه بدون رهاب اللجنه
بجد برافو وربنا يوفقك ف التانيه
انتي قدها
دي اول خطوه ف طريق الألف ميل
شكلك طموحه جدا .. بوست الخير حلو اوي
مودتي
سلام

EMMY BABY يقول...

طالبة الفردوس

والله بجد انا سعيدة باحساسك ده وقد ايه فرحت انى اشوف حد بيفرح من قلبه للى حواليه جزاكى الله كل خير

وربنا يحققلك حلمك وحلم كل مسلم اللهم امين

ايه حكاية المصيبة دى انا هدخل اشوف ولو اقدرت اساعدك مش هتردد ان شاء الله خير

تحياتى
ايمى

EMMY BABY يقول...

ساجى ربنا يكرمك

لا انا مش اوى كدة ده كله بفضل ربنا سبحانه وتعالى هو اللى بييسر

اولا انا سعيدة بمرورك لمدونتى

ثانيا ربنا يكرمك على رايك ده ده شرف ليا


تحياتى


ايمى

blue-wave يقول...

يا باشا انت تسد فى اى انترفيو
وانت برضه يهمك انترفيوهات؟؟؟؟
دانتا بتقفلها من وانت فى البيت:))
ربنا يوفقك يا ايمى كدا ونشوفك منميه قد الدنيا:))
شوفتى التعليق كام سطر؟؟
ربنا كرمه وكبر اهو:))

عمرو وجيه يقول...

ربنا معاك يا إيمى


و يوفقك



و ربنا ينول كل واحد مراده

غير معرف يقول...

قرب رمضان أغلق مدن أحقادك واطرق أبواب الرحمة والمودة فارحم القريب وود البعيد وازرع المساحات البيضاء في حناياك وتخلص من المساحات السوداء في داخلك ::: في رمضــــان ::: صافح قلبك ابتسم لذاتك صالح نفسك وأطلق أسر أحزانك وعلّم همومك الطيران بعيدا عنك وكل عام انتم جميعا بخير وإلى الله اقرب وعلى طاعته أدوم وأحرص

EMMY BABY يقول...

اهلاااا يا دوك عمرو منور

ايه ده ايه ده مش مصدقة عنيا التعليق كبر فعلا ربنا يزيد ويبارك عقبال مايبقى صفحة فلوسكاب ههههههههه

وربنا يكرمك على الكلام الحلو ده من بعض ماعندكم

بس ايه حكاية منمية قد الدنيا دى :))


ربنا يوفقك

تحياتى

ايمى

EMMY BABY يقول...

عمرو وجيه


ميرسى خالص ربنا يوفقك انت كمان ونشوفك كدة شاعر قد الدنيا

تحياتى

ايمى

EMMY BABY يقول...

فاعل خير

كل سنة وانت طيب وكلنا طيبين

وان شاء الله ربنا يهدينا وينولنا رمضان ويكون طريقنا للجنة كلنا ان شاء الله

ربنا يجزيك خير على الدعوة الحلوةدى

تحياتى

ايمى

فارس بلا جواد يقول...

السلام عليكم
سعيد بزيارتي الأولي لمدونتك
و متشكر جدا علي تعليقاتك الجميلة .. وبالنسبة لموضوع الانترفيو ربنا يوفقك وتحصلي علي فرصة العمل اللي بتتمنيها .. أنا بصراحة مش باحب اي انترفيو عشان بيفكرني بامتحان الشفوي في الكلية
ان شاء الله هيكون لينا لقاءات تانية ومش هتبقي اخر زيارة
تحياتي

EMMY BABY يقول...

فارس بلا جواد

وعليكم السلام ورحمة الله وبركاته

انا اللى اتشرفت باول زيارة ليك فى مدونتى

اما حكاية الانترفيو فهى بتختلف خالص عن امتحان الشفوى

انت فى امتحان الشفوى داخل بتسمع معلومات مذاكرها وممكن تكون نسيتها

لكن اسئلة الانترفيو فانت فيها بتتكلم عن نفسك انت اللى عمرك ماهتنساها ولا محتاج تذاكرها

وكمان دلوقتى اى شغل محتاج انترفيو

اسعدنى مرورك

تحياتى

سلام

عايش... ولكن !!!! يقول...

مدام بتحلمى ونفسك فى الشغلانه دى
وبتسعى ليها يبقى اكيد ربنا مش هيخزلك
ربنا يوفقك
تحياتى
علاء

EMMY BABY يقول...

علاء

اسعدنى مرورك الكريم

وان شاء الله ربنا يحققلنا احلامنا كلنا

نورت المدونة

تحياتى

ايمى

موناليزا يقول...

ربنا يوفقك ويحقق جميع احلامك

EMMY BABY يقول...

موناليزا

نورتى المدونة

وربنا يكرمك ونقدر نحقق حلمنا كلنا بجد

تحياتى

ايمى

عالم حبيب يقول...

ما شاء الله

فعلا أفضل شئ في اي مقابلة عمل هو ان الانسان يكون على طبيعته ويتكلم على اللي يعرف يعمله بثقة .. وانه يكون قادر انه يتعلم ويعرف اكتر

ربنا يوفقك لكل خير

تقبلي تحياتي

اخوكم : حبيب

Jobove - Reus يقول...

very good blog, congratulations
regard from Reus Catalonia Europe
thank you

EMMY BABY يقول...

حبيب نورت المدونة

وشكلك كدة جربت انترفيوهات كتير

وميرسى كدة لزيارتك دى

وربنا يوفقك وتحقق كل احلامك

تحياتى

ايمى

EMMY BABY يقول...

te la ma maria-reuse

thank you for your visiting on my blog

are you understand the topics in arabic ????????

with my best wishes

emmy